الجزء الأول من قصتي ( لعنه ابنتي )
• انا فؤاد
• اتجوزت متأخر شويه بسبب الحياه الي عايشينها والظروف والسفر
• كان عندي بنتين حلوين اوووي
• امهم ماتت للأسف وهيا بتولدهم
• لانهم كانو توأم امل والاء
• تعايشت مع الموقف الي حصل
• وربيتهم بنفسي ومتجوزتش
• بس بعد 5 سنين مشاكلهم وطلباتهم كترت اووي
• وانا راجل مفهمش في حجات الأطفال دي
• اهلي طلبو مني اتجوز تاني واتجوزت بس ياريتني متجوزت
• مراتي كانت صعبه جدا مع بناتي
• ودا سبب ليهم حاله نفسيه كبيره
• وكانو البنات ديما يشكولي من تصرفات امهم الجديده
• انها كانت بتكويهم وبتضربهم على اي غلط بيعملوه
• وانها في يوم قفلت الاوضه على أمل وفضلت تضربها بالحزام وجسمها كان كله احمر زي الدم
• وكنت كل ما اقول لمراتي على الي حصل تقولي الاء كذابه انا ماعملتش حاجا في امل
• وفضلنا على الموضوع دا كتير اوووي
• وفي يوم بنتي الأولى امل فتحت الغاز على نفسها عشان تموت
• بس طفله متعرفش انها ها تدمر البيت كله
• اختها كانت هيا ومراتى برا البيت
• وانا كنت في الشغل
• هيا شغلت الغاز وفضلت جمبه
• وبعد ما انتشر الغاز في البيت كله
• ولعت نار في البيت
• والبيت اتفجر ببنتي
• انا سمعت الخبر وكنت بموت من الصدمه
• انا السبب في موت بنتي لاني اتجوزت واحده زي مراتي بتعامل بناتي بقسوه لحد ما بنتي ماتت
• انا فضلت فتره كبيره في حاله نفسيه صعبه
• طلقت مراتي بعد ما ماتت بنتي لأنها كانت السبب في إلى حصل
• بعد فتره من الحادث فضلنا في البيت زي ما هوا
• وكانت الحيطان هيا هيا
• مليانه سواد وضباب على أركان البيت
• بس لقيت بعد فتره الاء بتكلم حد وتقولو وحشتيني
مكلمتنيش ليه امبارح ومجتيش ليه
• انا زعلانه منك والي كانت بتكلمها كانت بتقول انا ها انتقم منها لأنها السبب اني اموت
• انا اترعبت من الي سمعته وقولت مين الي بتكلمها دي
وليه مش باينه خالص
• دخلت على الاء وقولتلها مين يا حبيبتي الي كنتي بتكلميها
• قالتلي دي امل كانت بتقول ها تقتل ماما بسبب انكم سبب انتحارها وانكم دخلتوها في حاله نفسيه صعبه
• قولتلها انا معرفش حاجه من الكلام دا وبعدين انا كنت خارج البيت ازاي اني ها اقتل بنتي
• قالتلي اتجوزت انسانه شريره زي ماما دي بتعذبنا وتضربنا ودا سبب ان امل ماتت وها تنتقم منها
• انا قولت دي عيله صغيره وبتقول كلام وخلاص وعديت الكلام وخلاص
• وبعد فتره بقت أفعال الاء تتغير
• شويه الاقيها قاعده على البلكونه وبتشاور لمكان ضالمه وتضحك
• وشويه الاقيها قاعده في زاويه ضالمه في البيت وبتتكلم بصوت واطي
• ومره لقيتها في الحمام بتتكلم مع حد بقولها بتتكلمي مع مين قالتلي مع امل
• انا بقيت بخاف اوووي عليها ومن الي بيحصل في البيت
• لما زهقت قولت انا لازم اجيب مراتي تاني البيت عشان على الاقل تحاول تغير تفكير الاء شويه ومش كل شويه تتصرف التصرفات دي
• جبتها البيت واول ما دخلت مراتي البيت
. الاء وقفت قصادها وقالتلها انتي غير مرحب بيكي في البيت ولو مخرجتيش ها تموتي متقطعه حتت وراسك مرميه من البلكونه وسابتنا ومشيت
• مراتي طبعا قعدت تضحك وانا كمان وعدينا الموقف
• بعد فتره بدأت أحوال البيت تتغير
• اخش الحمام الاقي الباب يتقفل وميتفتحش والنور يقطع مره وحده واسمع خطاوي رجل على الأرض حواليا
• وفي يوم دخلت الحمام النور اتقفل والمرايا بس الي كانت منوره وشوفت بنتي امل جواها ومنظرها كان مرعب اووي
• عيونها كانت سوده وفي ايدها سكينه وبصالي وبتضحك
• حاولت اخرج من الحمام معرفتش وبعد شويه اتفتح الباب وخرجت
• قولت لا في حاجا غلط انا لازم اشوف حل للموضوع دا
• فكرت كتير اوووي اني اجيب شيخ يشوف الي بيحصل دا بس قولت ها يعمل ايه ممكن يكون دجال او نصاب لا خلاص
• بس كانت الأحوال بتزيد سوء
• في يوم مراتي واقفه في المطبخ وكان في زيت على النار ومره وحده وهيا واقفه الزيت طار على وشها ووشها اتشوى من الزيت
• انا قومت مفزوع على صويت جامد اوووي
• لقيت وشها مشوي قدامي بمنظر مرعب اوووي
وفجأه ….يتابع
الجزء الثاني والاخير من قصتي ( لعنة ابنتي )
• وهيا بتقول امل الي عملت كدا امل الي عمل كدا
• اخدتها المستشفى عملنا اللزم وقولتلها نروح
• رفضت بشده وقالت امل ها تموتي لو روحت البيت انا ها ارجع لبيت ابويا
• بعد إلحاح شديد عليها وافقت ترجع البيت
• دخلنا البيت كان البيت متبهدل جدا
• الأثاث كان مقلوب والمطبخ كان كل حاجا فيه واقعه ومتبهدله
• والطاسه الي طارت على وش مراتي لقيناها على البوتجاز زي ما كانت
• ومكتوب على الحيطه بالدم ها تموتي زي ما موتيني
• دورت على الاء لقيتها قاعده في الاوضه وعماله تضحك
• سئلتها بتضحكي على ايه يا الاء
• قالتلي على مراتك عشان امل حرقت وشها
• وبتضحك اكتر
• قولتلها انتي عرفتي منين انها حرقت وشها
• قالتلي امل قالت كل حاجا بالتفصيل
• وقريب اوووي ها تموت متقطعه
• انا قولت لا خلاص انا لازم اروح اجيب شيخ
• لبست وكانت مراتي نايمه وروحت عشان اجيب شيخ
• رجعت لقيت البيت كله دم بطريقه مرعبه جدا
• كأن في شخص جاب دم كتير اوووي وفضل يمسح بيه الشقه كلها
• كان الدم على الحيطان والسقف والأرض والأثاث
• كان مغرق الدنيا
• انا طلعت جري على اوضه مراتي لقيت منظر عمري ما ها انساه
• مراتي متقطعه حتت وراسها مش موجوده
• طلعت اجري على الاء لقيتها ماسكه راسها وحذفتها من البلكونه في الشارع
• وقعدت تضحك على الي حصل
• انا قولت ايه الي حصل يا الاء ايه دا
• قالتلي امل عرفت انك رايح تجيب شيخ
• وقالت إنها لازم تقطع مراتك زي ما قتلتلها
• وقالت لازم ارمي راسها في الشارع عشان تكون عبره لأي انسانه تعذب أطفال وتديق على حياتهم وتخليهم يموتو بالبطئ
• انا كان الشيخ معايا وسمع وشاف كل حاجا
• فضل يقرأ في البيت القرآن والبيت يتبهدل اكتر
• وبعد كدا البيت خدي خالص
• لقيت الاء بتقولي انتا مشيت امل ليه يا بابا
• قولتلها قتلت امك وقطعتها حتت
• قالت مش ماما ماما ماتت لما ولدتنا دي مش امنا دي شيطانه
• قعدت تعذب فينا وتحرمنا من كل حاجا طول ما انتا مش موجود ولما بتكون موجود بتكون حلوه
• انا سكت وقولت الغلط مني انا امي وثقت فيها وجيبتها البيت
• الشيخ قرأ القرآن وعمل كل اللازم في البيت وبعد كدا مشي
• الحكومه جت واخدت اللزم والجثه وتحولت المشرحه وعرفو السبب والموضوع اتقفل وخلاص
• اخدت بنتي لبيت تاني وقولت ها اعيش حياه سعيده مع بنتي الي فاضله
• لكن لقيت ان روح امل معانا في كل حته بس المره دي مش ها تأذي حد بس ها تعيش معانا
• بس الي كانت بتشوفها وتتكلم معاها هيا الاء بس
• والموضوع اتقفل من سنين كتير ودلوقتي بنتي كبرت وأمل مبقتش تظهر وكملنا حياتنا طبيعي وخلاص
