هاي انا يوسف و انا من ضمن مجموعه مستكشفين وديما بنحب نروح نكتشف اماكن غامضه او محجوره او حتى كمان بتبقى الناس قايله عنها كلام رعب وغريب وبنروح ونكشف الحقيقه هل هي كده فعلا ولا لأ وفي مره حصلت حاجات كنت ممكن اموت بسببها ولاكن عرفت اهرب وانا النهارده هحكي القصه بتعتي….
_____________________
انا وبقيت المجموعه كنا سمعنه عن كهف تحت الارض موجود في الصحره و الناس كانت بتتكلم عليه كتير وبيقولو نظريات كتيره اوي عنه زي انه مسكن للجن وناس بتقول انها لعنه وناس بتقول انهم لما بيخيمو في الصحره بيسمعو من الكهف اصوات غريبه وقررت انا والمجموعه اننا نكتشف الكهف ده وفعلا خطننا واتفقنا على المعاد ووصلنا للكهف وبدأنا ندخل براحه بس اول ما بدأنا ندخل سمعت فجأه صوت واطي بيقول ( مرحبا بكم في الجحيم)
انا خفت شويه وسألت المجموعه لو حد قال كده وردو كلهم عليا وقالو لا انا اتوترت شويه بس قولت ممكن يكون مجرد تهيؤات!!
وبدانا ندخل اكتر وملقناش حاجه بس فجأه طلع ثعبان كبرى وعض واحد من المجموعه وفي حد مننا قتل التعبان ده لاكن للأسف الشخص اللي اتعض مات وخرجنا ودفناه ورجعنا للكهف تاني بس كان فيه احجار عماله تكسسر وتنزل على الارض بعدين وقف ب.. بعدين شوفنا فجأه ظل اسود جري بسرعه بس احنا حولنا نتجهله وكملنا مشي لاكن فجأه مخرج الكهف اتقفل!!
واحنا كلنا اتوترنا وخفنا جدا علشان مش هنعرف نخرج تاني واتأكدنا ان “نهيتنا هتكون الموت”
__________
لاكن حولنا نكمل مشي يمكن نلاقي مخرج تاني ولاكن فيه واحد تاني من المجموعه بدأ يحس ان فيه هوا سخنن اووي متجه نحيته وسالنا اذا كان حاسين زيو لاكن احنا قولنالو اننا محسناش بحاجه بس هو مهتمش وفجأه بدا يقولنا انه حاسس انه متكتف من فوق وو.. وحاسس انه دايخ شويه وقعد علشان يستريح وبعدين قام وكملنا مشي لاكن فجأه سمعنا صوت ضخم اوي ومرعب وبصينه لقينه الشخص ده دماغو لافه ناحيه ضهرو وبيصرخ بصوت عالي وفجأه لف وشو لينا وعنيه كانت بيضه بلكامل وكان بينزل منها دم وبقه كان مشقوق من شده الصراخ وحركات جسمه غريبه و. و.. احنا اتأكدنا ان احدا الاجن تلبسه وبيتحكم فيه و. وفجأه….. لقناه بيجري نحيتنا وكان عايز يهجم علينا وحولنا نوقفه وكمان حولنا نطلع منه الجن لاكن اتهيج اكتر ومعرفناش نسيطر عليه واطرينا نموته وفعلا موتناه وبعدين بدأنا نكمل مشي و فجأه شوفنا شخص واقف بعيد عننا و.. و طويل اوي وملامحه مش بينه وكان بيبصلنا بصه مرعبه جدا ولما جينا نقرب منه اختفى تماماً ومكنش ليه اثر واحنا خلاص كنا صدقنا ان فعلا ان الكهف مسكن للجن والكيانات الغير مرأيه….
_________________
+
وكملنا مشي ووقفنا نستريح شويه بس فجأه واحنا قاعدين لقينه شخص فينا اكن حاجه غير مرئيه لفت راسو جامد عند ضهره ومات…
بعدين قولنا نكمل مشي ونشوف مخرج لاكن كنا كلنا بنسمع اصوات غريبه جدا زي اكنها بتقول
( لن تفلتو ابدا.. لن تفلتو ابدا)
واحنا كنا متأكدين اننا هنموت واحد ورا التاني
وفي واحد بدا يدوخ من كتر الهلاوس والحجات اللي بتحصلو وشربناه ميه وقعد يستريح شويه بعدين قومنا علشان نكمل بس لقينا الشخص ده وقع فجأه بس لقينا رقبوتو مفتوحه يعني ( الجن ذبحو)
احنا اترعبنا جدا وجرينه بس الغريبه واحنا بنجري اكن في ناس تانيه بتجري معانا وسمعين اصوات رجلين وجري كتير اكتر من عددنا ولما وقفنا فجأه الصوت اختفى ولما جينا نمشي الصوت اتكرر بردو بس مهتمناش ليه لاكن انا بدات احس بانفاس سخنه محوطاني من كل حته بس قولت مش مهم وكملنا ووقفنا وفجأه لقينا حد منا ( اختفى..)
احنا مكناش مستوعبين ابدا اللي بيحصل بس حولنا ندور عليه كتير اوي لحد ملقنا اخيرا بس لقناه…
( جثه هامده متقطعه اجزاء)
وكانت كل حته فيها بقع دم وكان مكتوب تلاصم غريبه جدا على الحيطه ومحدش عرف يقرائها بس فجأه لقينا كتاب كان محطوط على الارض جمب جثه الميت كان اسمه غريب شويه اسمه
” سوف نملك العالم ” وكان في تعاويز وتلاصم وحجات ليها علاقه با ( الماسونيه) وعبده الشيطان و انهم عايزين يسيطرو على العالم وكان في حجات لاستحضار ملوك عالم الجن السوفلي وحجات ليها علاقه بسحر اسود اللي هو اخطر نوع سحر في العالم واحنا اتوترنا شويه وسبناه مكانو بس الغريبه انه فجأه طلع منه دخان بسيط ومكناش فاهمين ده حصل ازاي لاكن……ريحه الدخان كانت بشعه جدا وكنا بدانا نتخنق شويه من الريحه وكان لازم نتحرك بسرعه وبدانا نجري شويه بعدين لقينا متاهه صغيره ومكناش عرفين نمشي ازاي ومشينا كلنا مع بعض في المتاهه وقعدنا نلف كتير لحد ما اخيرا طلعنا منها وكان لسه في مشي تاني وبدأنا نمشي براحه بس لقينه نار مشتعله في ركن في الكهف والنار. دي كانت قويه جداً وكان ممكن نتحرق لاكن جرينا بسرعه بس واحنا بنجري سمعنا صوت ضخم اوي ومرعب بيقول
( انتم من اتيتم اللي هنا وسوف تدفعون الثمن) واحنا اترعبنا جدا وفجأه واحنا بنجري واحد فينا اتخبطت راسو في صخره كبيره اوي وحاده جدا وراسو اتفتحت بس هو كان لسه عايش بس فجأه وشفنا لقينا اتسحب لفوق من رقبتو و اتشنق بحاجه مخفيه يعني الجن شنقو واحنا كنا مارعبوين اوي مفيش مره حصل معانا كدخ وبدأنا بسرعه نهرب وكان فاضل من عددنا انا و واحد بس وكنا بنجري بسرعه وفجأه لقينه اخيرا مخرج صغير جدا واحنا بنجري علشان نخرج لقيت صاحبي فجأه في في ضل شفاف سحب صاحبي من رجله جامد و… وانا مكنش بايدي اعمل حاجه حولت اشدو من ايدو بس من كتر الشد من النحيتين صاحبي اتقسم لنصفين والدنيا اتغرقت دم وانا جريت وبدات احاول اخرج لاكني.. ب.. بدات اتشد من رجلي جامد انا كمان و… وحولت اقاوم وعرفت اخرج اخيرا وطلعت بره بس بعد مخرجت سمعت صوت ضخم اوي ومرعب بيقول
( لقد فلت مننا هذه المره لاكن لن نتتركك)
وانا اترعبت جدا وبدات اجري بسرعه على العربيه وعرفت اخرج من المكان ورجعت بيتي لاكنهم فعلا مسبونيش في حالي ابدا …..رجعت البيت ومكنش فيه حاجه حصلت لمده يوم لاكن اليوم التاني لما جيت انام حسيت بانفاس سخنه حوليه بس حولت اتجأهل الموضوع وبدات اروح في النوم لاكن حلمت حلم مرعب جدا حلمت اني في نفس الكهف وكان فيه نار حوليا وانا كنت خايف لاكن شوفتت جن على هيئه بشري وكان مرعب جداً وكان رفيع وطويل وعنده شعر طويل اوي وسود وعينه بيضه بلكامل وكان بينزل منها دموع ماده سوده وكان وشو كلو عروق زرقه وجسمو ابيض وباهت وكان شكله عامل زي الموات و مرعب جدا وكان متجه نيحتي وبيدأ يقرب اكتر واكتر لحد ما بقى وشي في وشه وبدا يمسكني من رقبتي جامد ومكنتش قادر اتنفس وحاسس ان صباعه بيخترق رقبتي وكان في نزيف حاد لان مكنش عنده صوابع عاديه لا.. لا كان عنده حوافر حااده جدا عامله زي السكاكين وحاسس اني بموت من الوجع من النزيف والام بعدين شوفت حد تاني كان بيجري عليا بسرعه وكان ماسك في ايدو فاس كبير وحاد جدا بس قبل ما اموت صحيت قبل ما الشخص اللي في الحلم يقتلني وصحيت مكنتش قادر اخد نفسي وحسيت بسائل بينزل من رقبتي و قولت ممكن عرق ورحت اشوف في المرايا ب… بس مكنش عرق او ميه لا ده كان “دم”
____________
+
انا اترعب جدا وبعد ما غسلت رقبتي لقيت اثر خدوش كتتير اوي في رقبتي وانا بس كنت في حيره مين اللي عمل كده فيا مكنتش مستوعب حاجه وحولت اكمل نوم ولاكن وانا قاعد على السرير وبستعد لنوم سمعت صوت انين صغير اوى بس حولت اتجاهل ده ومفكرش فيه علشان اعرف انام وفعلا كنت بدات اروح في النوم لاكن فجأه سمعت امي بتنديلي بصوت عالي اوي فا صحيت من النوم ورديت عليها بس هيا سكتت روحت اشوفها لقتها نايمه طب كده مين اللي نده عليا انا كان مخي معلق ومش عارف اعمل ايه وحولت اعدي الموضوع واتجهلو زي اي حاجه تانيه لاكن بدات افكر هل فعلا الحجات اللي بتحصلي دلوقتي دي بسبب الكهف ولا حاجه تانيه………كنت متردد جدا ومكنتش فاهم حاجه حولت انام وفعلا نمت من غير ما احلم تاني وصحيت وكملت يومي عادي لاكن كنت بلاحظ حاجات كنت سعات بروح مشوار وانا حاطط حاجه في حته معينه ارجع القيها في مكان تاني وكنت بسأل اهلي لو كانو حركوها لاكن كلهم انكرو انهم حركو الحجات دي بس قولت ممكن اخويا الصغير كان بيهزر معايا وخلاص ولما جه وقت النوم شوفت بابا كان بيمشي ماشيه غريبه وكان ساكت ووقف عند الباب وقولتله ايه ده انت لسه صاحي بس مردش وبعد كده هو دخل يكمل نوم وانا نمت وتاني يوم سألت بابا هو ليه مردش عليا امبارح لما صحي من النوم بليل بس الاجابه اللي رعبتني هي انه قال انه مقمش بليل اصلا من السرير… و.. وانا مكنتش مستوعب وقولتله متأكد يا بابا واكدلي انه مقمش بليل انا خوفت جدا وابويه سأل انا بسأل ليه بس قولتله ولا حاجه عادي ودخلت اوضي وفتحت الكمبيوتر بتاعي علشان صاحبي قالي في اخبار جديده وانا بحب اشوف اي اخبار جديده ورحت اسوف طلعت الاخبار دي ان الشرطه لقت جثث لناس جمب الكهف ولما بس دخلو شويه لقو كمان جثه فقرره انهم يدخلو لحد جوه علشان ينقذه مايمكن إنقاذه بس لما دخلو جوه خالص ( مطلعوش بعد كده) ومكنش ليهم اثر ورجال الشرطه اللي بره خافو جدا عليهم وقلقو ودخلو هما كمان بس للاسف هما كمان مطلعوش منه اكنه بيستهدف البشر ويخلص عليهم بدات اشوف معلومات اكتر عن الكهف وعرفت ان كان في ناس من الماسونيه وعبده الشيطان ودجالين كانو بيعملو تعاويز وكانو بيستحضرو الجن وبيعملو سحر اسود في المكان ده وكانو سعات بيقدمو قرابين كمان فيه ولاكن الناس دي مصرفتش الجن اللي استدعوهم فا فضلو ساكنين الكهف ده لاكن لو هتسأل عن الناس دي فهما كل واحد فيهم مات بطريقه غامضه ومرعبه جدا ولحد يومنا ده مش عارفين الطرق دي….
انا اتجمد في مكاني لما سمعت الحاجات دي وحمد ربنا اني هربت لاكن الغريب ان….وانا قاعد بتفرج سمعت صوت في وداني بيقول ( لقد علمت با معلومات الكافيه ولقد أته الدور عليك انت نحن لن نتكركك) انا قولت ممكن اكون بتخيل مش اكتر لاني خايف وهديت نفسي وقفلت الكمبيوتر وروحت انام شويه لاكن حلمت حلم مرعب جدا حلمت اني بردو في الكهف والجمله اللي سمعهتا قبل ما انام كانت بتتكرر في ودني وانا كنت تعبت اوي في الحلم و كنت بدات اهلوس من كتر اللي ييحصل لاكن شوفت قدامي ملك الموت ايوه (عزرئيل) وكنت خايف لا… لا مش عايز اموت دلوقتي. ااء.. انا لسه صغير بس فجأه شوفته اختفى وجه قدامي شخص شبه الدجالين وكان راسم على جبهتو نجمه سداسيه وكان عامل وشوم مخيفه جدا وباين جدا انه دجال وكمان من عبده الشيطان وفجأه لقيته بيطلع سيف حاد وطويل وكان عايز يموتني فجأه بدا يهجم عليا والسيف بتاعو اخترق بس طبقه او حاجه بس خارجيه بسيطه من بطني وحسيت اني اتوجعت اوي وحسيت اني اتوحعت في الخقيقه مش حلم بس… وفجأه بدات براحه اصحى من النوم لاكن.. حاسس نفسي مخنوق متكتف مش عارف اتكلم او اتحرك عندي شلل كامل وعده حبه صغيرين عقبال متحررت منه اخيرا وهنا اتأكد انه (الجاثوم) لانه جالي قبل كده بس المرعب مش هنا المرعب اني ببص في المرايا لقيت التيشرت بتاعي فيه دم من ناحيه البطن وقلعت التيشرت ولقيت نفس الجرح اللي كان في الحلم اتحقق في الحقيقه وبردو اي حلم بيحصل فيه اذى ليا بيتتحقق في الحقيقه ممكن المره الجايه اموت…. ولازم الحق نفسي وفعلا روحت لشيخ بسرعه وحكتله كل حاجه ودلني على اللي اعمله في البيت وعملته والحاجات اختفت الحمد لله لاكن للأسف لحد يومنا ده ملقوش جثه حد من صحابي والناس التانيه.
تمت
