مقبرة السفن؟!
بمجرد ما تقرا الكلمة دي هيجي ف ذهنك مثلث برمودا وهتفتكر القصص والحكايات الغريبة اللي انتشر حولين المكان , من الحكايات دي ان مثلث برمودا مفيش سفينة بتعدي من عليه والا الدوامة القوية تسحبها لقاع مثلث برمودا بلا رجعة ! …
مش كده وبس , ف حكايات تانية بتقول ان مثلث برمودا ده مكان عرش ابليس , وغيرها من الحكايات والاساطير اللي كلنا عرفنها !…
طب سيبك من مثلث برمودا وتعالى اما اقولك
عمرك سمعت عن مثلث ابو النحاس اللي غرق فيه اكتر من 7 سفن ؟!
على بعد 35 كيلو متر , وتحديدا غرب جزيرة شدوان , اللي مواجهة لمدينة الغردقة , تقع منطقة ” شعاب ابو النحاس , المنطقة دي واخده شكل مثلث زيها زي برمودا بالظبط , المنطقة هادية جدا ومنعدمة الدوامات المائية…
بتميز المنطقة دي بالشعب المرجانية , لكنها قاتلة جدا ! يعني اي سفينه تعدي من المنطقة , الشعب المرجانية تتشابك ع السفينة , وبعدها تسحبها لقاع البحر ! اذرع الشعاب المرجانية محدش بيقدر يشوفها بالعين المجردة , بالرغم انها بتتواجد في ممرات السفن نفسها!..
محدش قدر يحدد كام سفينة غرقت بمثلث ابو النحاس , لكن البعض بيجزم ان ف حوالي 7 سفن ضخمة غرقة بالمنطقة دي ! …
ترتيب السفن اللي غرقت بمثلث ابو النحاس هما كالتالي:
سفينة ” اس اس كارناتيك ” ودي غرقت سنة 1896 م
سفينة ” كيمون ام ” واللي غرقت سنة 1978 م
سفينة ” اولدن ” ودي غرقت سنة 1987 م
سفينة ” تشريسكولا كيه” وغرقت سنة 1981 م
واخر سفينة ” غيانيس دي ” غرقت سنة 1983 م…
بالرغم من السفن اللي غرقت دي ان المنطقة مش مخيفة خالص , بالعكس هي بتجذب عدد كبير من محبي رياضة الغوص والاستكشافات حول العالم.. وكتير من السياح حول العالم بيجو للمنطقة دي عشان يستمتعوا بالمناظر الجميلة تحت قاع البحر , ويشوفوا السفن ع الطبيعة ويتجولو فيها !…
ايه سبب تسميت المنطقة ب ” مثلث ابو النحاس ” ف غواصين بيقولو ان المنطقة نحس على اي حد يمر عليها بالسفينة , وعشان كده سموها ب مثلث ابو النحاس , وف كمان كلام بيتقال ان سبب تسميتها بالاسم ده , ان كان ف سفينة محملة بالنحاس , مرت من المنطقة , فغرقت هناك , وعشان كده اتسمت بمثلث ابو النحاس ….
تعالو بقى اما اقولكم حكاية كل سفينة غرقت بمثلث ابو النحاس ؟!
اول سفينة معانا هي سفينة ” اس اس كارناتيك ” السفينة دي هي اقدم ضحايا مثلث ابو النحاس , وهي عبارة عن سفينة بخارية كانت محملة بالركاب والبضائع , وبسبب خطا ملاحي اضطربت السفينة واختل توازنها , بالرغم من اضراب السفينة واختلال توازنها , رفض القبطان اي مساعدة الا بعد يوم واحد من بوادر الغرق , وبعد غرق 31 من الركاب وطاقم السفينة , طلب
القبطان النجدة !…
السفينة انقسمت نصين وانزلقت ما بين الشعاب المرجانية, و مع البضائع اللي كانت تحملها في سنة 1869 , وكانت محملة بزجاج الصودا والذهب … وبعد اسبوع من غرق السفينة بدات عملية الانقاذ بمساعدة غواصين محترفين , وقاموا باستعادة الذهب الموجود على السفينة , وبعدها قاموا بترك السفينة معبئة بزجاجات الصودا الفارغة …
وبعد قرن من تواجد السفينة في البحر , تغطت السفينة بالكامل بالشعاب المرجانية الملونة , وده خلى السفينة تظهر بمنظر ساحر وضوء مميز غامض جعلها واحدة من اكثر المناطق المضيئة والملونة في المنطقة كلها …
بعد ما انبهرنا بمنظر سفينة ” كارناتيك ” ومنظر الضوء الملون , هننبهر اكتر بمنظر سفينة ” كريسولاكي ” السفينة دي يونانية كانت محملة بشحنة البلاط والحجارة في سنة 1978, قبل ان تصدم بشعاب ابو النحاس اللي ادى بغرقها في الحال , الغواصين بيدعوا ان اسماء الزينة بينجذبوا الى سفينة كريسولا تحديدا, وده بيخلي منظرها جميل جدا !…
الغريب في السفينة دي اننا نقدر نشوف كل تفاصيلها من غرف ومخازن وحتى شحنة البلاط المحملة عليها!..
في نفس السنة اللي غرقت فيها سفينة ” كريسولاكي ” استعدت سفينة ” كيمون ام ” المحملة بالسيراميك للخروج من تركيا بقيادة القبطان ” خوان كفاليري ” وهي في طريقها للهند ومرورها بالتحديد بقناة السويس قرر القبطان ” كفاليري ” انه ياخد قسطا من الراحة..
بعد ما قرر القبطان انه ياخد راحه , سلم القيادة لاحد افراد طاقم السفينة , وبعد عدة ساعات اصطدمت كيمون اثناء سيرها بسرعة بالشعاب ابو النحاس , وحصل فيها خلل غير قابل للاصلاح , هنا بدا طاقم السفينة يرسل اشارات استغاثة حتى استجابت احد السفن العابرة ونقلت طاقم كيمون للسويس …
ولحسن الحظ ان السفينة فضلت عالقة في الشعاب المرجانية عدة ايام واستطاع طاقم السفينة انه ينقذ جزء كبير من الحمولة قبل ان تزداد الرياح والتيارات المائية وتؤدي الى سقوطها واستقرارها في قاع ابو النحاس!…
سفينة كيمون أم سفينة مرعبة جدا ؟ وده لان سطح السفينة تم تدميرة بالكامل واصبح كومة من الحطام , يعني انت اثناء الغوص بداخلها هتلاقي فتحات توصلك الى غرفة المحركات المليئة بالانابيب والصمامات اللي هتشعرك بالكابة والاختناق!…
من الافضل انك تخرج منها لانك مش هتلاقي اي شيء جميل بها!…
بعد ما تخرج من سفينة كيمون أم … هتقابل سفينة ” غيانيس دي ” اليونانية , وكمان هتقابل ف السكة سفينة ” أولدن الامانية لانهم جنب بعض , السفنتين دولبيتقاسموا ضحايا نفس المصير ف غرقهم بمثلث ابو النحاس , لانهم مروا بيتشاركوا بنفس احداث غرقهم …
هتلاقي بداخلهم الحياة البحرية المليئة بالضوء والشعاب المرجانية الملونة واسماك الزينة اللي بتخلي منظرهم جميل جدا ..
محمد مهني
