رواية جنة صقر الحلقه 22
دعاء: انا السكرتيرة بتاعته يعني انا اللي اقولك ادخلي او لاء
جنة: مالك ي دعاء هو انا زعلتلك في حاجة عشان تقولي كدا
دعاء: لا بس أهم حاجة عند صقر النظام صح ي صقر
جنة بصدمه: صقر؟؟
وكادت أن تتحدث ولكن قطعها صقر وقال لها اطلعي برا
جنة بذهول: انا ي صقر
دعاء: متقفيش كدا كتير
صقر: خلاااااااص قولت اطلعي برا ي جنة
جنة بغضب: تمام ومسكت الباب في اديها ورزعته بغضب
صقر: أول وأخر مرة تعامليها كدا
دعاء وهي بتقرب عليه : أنت زعلت
صقر بيحاول يظهر أنه مايل ليها : خلاص ولا يهمك
دعاء بضحكة عالية : انا بردوا مقدرش علي زعلك
صقر : طب يلا روحي علي مكتبك
دعاء: حاضر سلام
في مكتب جنة كانت بتعيط بسبب معامله دعاء ليها من غير سبب بس هي عارفه انها تبع مراد ومفكرة صقر ميعرفش فعشان كدا بطلتنا هتااااخد معامله صقر ودعاء بالمثل وهنشوف دا من الأحداث
بس قررت أنها متسبش فرصة لدعاء تنتصر عليها وخصوصا إن مكانها كبير في الشركة خلال وقت قصير
روان : مالك ي جنة
جنة : عوزاكي ……….
روان : بس صقر لو عرف هيقتلنا
جنة : علي ضمنتي متقلقيش
روان: طيب صقر طيب متزعليش منه
جنة : متقلقيش يلا حاولي تبدأي في الموضوع
روان : طيب في أقرب وقت مناسب
جنة ومراد في طريقهم للبيت
صقر : اللي حصل النهاردة كااان
جنة بقطع حديثه: ميهمنيش
صقر بذهول من ردها : بس
جنة بزعيق: انت وهي
متهمنيش أظن كلامي واضح ومش عاوزة كلام كفاية تعب الشغل وتعبك مع دعاء
صقر بغضب: مااشي انا مش هبرر موقفي
جنة : قولت بلاش صداع بقي
صقر مسك دراعها : شوفي كلامك
جنة : مهي وصلت لأن واحدة تقولي استأذني وانت تقولي برا وتمسك دراعي
صقر: هي مجرد سكرتيرة
جنة عشان تزهقه: قولتك ميهمنيش حتي لو بقت مراتك
وعم الصمت صاحب المكان
وصلوا للبيت وحكت كل ما حدث جنة لوفاء
وفاء: ملكيش حق كنتي جبتيها من شعرها وفضلتي معاه
جنة : انا زعلت أوي لما صقر قال اطلعي برا …بس حاسة إن صقر مايل ليها
وفاء: وهتسيبي جوزك كدا هتخليه بعد ما اتصلح حاله يرجع ١٠٠ خطوة ورا تاني
جنة: انا حاسة كل لما أخلص من موضوع يطلع غيره
وفاء بحده: انت لازم تتصرفي لو فعلا خايفه عليه ومتنسيش وعدك ليا
جنة : حاضر تصبحي علي خير
صعدت لفوق
صقر: في بكرة مؤتمر مهم عاوز
جنة بمقاطعه كلامه: عاوز حاجة تبلغ سكرتيرتك دعاء
صقر بغضب: كفاية بقي ي جنة
جنة بغضب اكتر: مفيش كفاية انت عمرك ما هتفوق لنفسك
صقر وهو عارف ان دعاء هتحاول توقع بينهم وعارف إنه معاملته مع جنة غلط بس هو مجبور علي أمره
وذهب كل منهم لينام
في الجانب الاخر
روان : إزيك ي دعاء
دعاء باستغراب: أي ي روان
روان : عاوزة حاجة وياريت تساعديني فيها
دعاء: قولي
روان بخبث: عاوزة أغرق صقر في البحر
دعاء وهي بتحاول تفهم أكتر: تقصدي اي
روان بخبث أكتر : هدفعلك ٢ مليون جنيه مقابل إنك تخسري صقر كل الصفقات الجاية بما إنك السكرتيرة الخاصة بيه
دعاء وهي فرحانه إن حد هيساعدها في تخليص مهمتها: طيب بس صقر باشا ممكن يشك فينا
روان : والله انتي وشطارتك بقي وكله بحسابه ثم أغلقت الهاتف واتصلت بجنة لتخبرها بما حدث
جنة : ألو ي روان
روان : اللي قولتليلي عليه حصل وطلعت عاوزة توقع صقر ي جنة زي ما انتي كنتي عارفه
جنة : طيب كويس منا هنا وجاي خالي بالك منها وتعرفيني كل جديد ومعلش لو حصل حاجة او موقف وإنجبرت علي معاملتك وحش
روان: انا هعمل كل حاجة عشان صقر باشا عمره مقصر معايا في حاجة بالعكس كان بيدعمني دايما خاصة بالفلوس وكمان انتي عشان زوجه صالحة وتخافي علي زوجك وكمان انا بحبك ي مجنونه وضحكت
جنة ؛ وانا أكتر ي روان بس ربنا يسترها بقي يلا سلام
صقر : بتكلمي مين
جنة بتوتر : مفيش
صقر: كنتي بتكلمي مين
جنة بجمود : أنا حرة وسع كدا وذهبت لتنام
صقر في نفسه : من حقك لو حد غيرك مكنش استحمل كدا ولا هنا ولا دعاء بس ليه مستحمله دا كله ممكن تكون بدأت تحبك ؟؟ لاء دا عمرها ماقلتها وأخذ يفكر كثيرا
جنة أيضا في نفسها : انا عارفه انك بدأتي تحبني انت معبرتش بكدا بس بحس بيك وانا عمري ما إحساسي خاني عشان كدا لازم أكون أنا اللي جمبك مش دعاء ….وكمان دعاء قربها منك يمصيبة ياريت تعرف دا ي صقر
وذهبوا إلي نومهم في ثبات عميق
في الصباح
جنة : انا هنزل الكليه النهاردة وهرجع علي الشغل الضهر
صقر : طيب هاجي اوصلك
جنة : تمام
ونزلوا يفطروا وذهبوا لكليه جنة
بمجرد نزولها
محمود : جنة اخبارك اي
جنة : الحمد الله اخبارك اي أنت
صقر : جنة مين دا
جنة وهي تنظر لمحمود :دا صديق ليا
صقر: ادخلي ومتقفيش مع حد
جنة : يلا ي محمود ندخل
كانت بتشوف غيره صقر عليها
الغيره تدل علي العشق ي سادة
صقر اتعصب منها وكان مستحلف ليها وطلع علي الشركة
في الشركة
روان : عملتي حاجة
دعاء: لاء لسه
روان : طيب انجزي وبسرعه
دعاء مكنتش عرفت مراد علي كلام روان لإنها جبت تاخد ٢ مليون ليها وبس
وصل صقر للشركة وكان متعصب بسبب جنة
دعاء: اهلا ي صقر.
صقر بغضب: صقر باشا فاااهمه وغوري برا ابعتي يوسف
دعاء بخوف من منظره: حاضر
وجاء يوسف الي مكتبه
صقر: عاوزة اقولك علي دعاء
يوسف باستغراب : مالها
صقر حكي له ما سمعه وماذا يحدث بشأن دعاء ومراد
يوسف بعصبيه: هو أحنا مش هنلخص
صقر: اللي مضايقني في الموضوع كله جنة
يوسف: مالها هي قصرت في الشغل ؟
صقر: بالعكس لاء
بس دايما بحطم مشاعرها
بس المرة دي حاسس إن ورا سكوتها حاجة
يوسف: جنة زوجه صالحة ليك بلاش تخسرها بسبب الناس اللي حواليك
صقر بتنهيدة : ادعيلي
يوسف: بدعيلك دايما قوم ارتاح شوية بس انت
صقر : طيب
*** صقر مشتري بيت جمب الشركة عشان ساعات كانت بيسهر هناك زمان عشان كدا عرض يوسف عليه يقوم يرتاح
وبالفعل قام صقر ليخرج من الشركة ويتجه الي منزله القريب ليأخذ قسط من الراحة
خلصت جنة جامعتها
وذهبت للشركة
جنة بجمود : فين صقر
دعاء : معرفش
جنة بصوت عالي : فين صقر ي دعاء
يوسف من الخلف….راح يرتاح شويه
جنة ودعاء في صوت واحد : فين
يوسف : يوسف ليه بيت جمب الشركة هنا ملكه
جنة بعدم انتباه : تمام وذهبت لمكتبها للعمل
لكن تلك الحرباء ابتسمت بخبث
يا تري هتعمل اي؟؟
بقلمي مروة موسي
انتهي اليوم وذهبت جنة للبيت ولم تذهب مع صقر لانه مازال في البيت بجانب الشركة
بقلمي مروة موسي
وفاء: اهلا ي حبيبتي
جنة بابتسامه: اهلا ي ماما
وفاء: فين صقر
جنة : هو مشتري بيت جمب الشركة كان يوسف بيقول انه هيرتاح هنا
وفجأة دخل صقر الي البيت وألقي السلام وصعد لفوق
وفاء: ايوا انا عارفه بخصوص البيت دا ….بس عاوزة اقولك إن بعد بكرة في مناسبة ………
يتبع
رواية جنة صقر الحلقه 22
رواية جنة صقر الحلقه 22
Marwa mosa 
