رواية حب حياتي الحلقه 16
محمود ركب العربيه ومشى وكانت الدنيا ضلمه خالص وفجأة بنت طلعت قدامه وخبطها
محمود بصدمه: يانهار اسود طلعت امتي دي 
ونزل يشوفها بس مش بتقوم وراسها فيها دم
محمود: هو يوم اسود اعمل اى دلوقتى انا اخدها المستشفى احسن وشلها وراح المستشفى
محمود: دكتور بسرعه
دكتور: حاضر هدخل أشوفها ودخل
بعد ساعه ونص الدكتور خرج
محمود: خير يادكتور
الدكتور: هى شويه وهتقوم وتكون كويسه بس انا شاكك ف حاجه بس لما تقوم هعرف
محمود: اى هى يادكتور
الدكتور: مش هقدر اقولك غير لما أتأكد عشان ممكن يطلع مش صح بعد اذنك
محمود: يارب طلعت منين دلوقتي دي مش معاها حاجه حتا اتصل ع اهلها انا هكلم معتز هو اللي هيساعدنى اكيد بيتصل بس معتز مش بيرد بيتصل تانى
معتز بنوم: اى يازفت مش عارف انام منك.
محمود: ونبي قوم وتعال بسرعه
معتز : ف اى وانت فين اصلا
محمود: انا ف المستشفى
معتز: اى مستشفى ليه انت كويس
محمود: انا كويس بس خبط بنت بالعربيه وانا مش عارف اعمل اى وهي مش معاها اى حاجه أعرفها بيها هى مين او اهلها تعال بسرعه
معتز: هجيلك وهيكون لينا حساب مع بعض كويس لما نرجع
محمود: تعال بس وبعدين نتكلم
معتز: طب اقفل انا هجيلك
وقفل معاه ومعتز راح المستشفى
معتز: ها عرفت حاجه
محمود: لا لسه نايمه جوه
معتز: هتفوق امتي
محمود: الدكتور قال شويه وهتفوق
معتز: تمام هي مش معاها حاجه خالص
محمود: لا بس تقريبا كانت بتجري من حاجه عشان الشارع كان ضلمه و فاضي خالص
معتز: لما نشوف المصيبه دي كمان بس والله العظيم يامحمود ما هتروح الاماكن الزباله دي تانى
محمود: ماشي ماشي مش هروح
معتز: لما نشوف
الممرضه: حضرتك المريضه فاقت جوه
محمود: تمام روحي انتي
معتز: يلا ندخل نشوف المصيبه دي
محمود: يلا
ودخلوا
البنت: انتوا مين
معتز: اهدي كده انتي اللي مين او اسمك اى
البنت: انا اسمي لين
محمود بصوت واطي خالص: يخربيت جمال امك قمر واسمك جميل كمان لا لا انا مش قدر ع كده
معتز: اسكت يخربيتك هتسمعك
محمود: ما هى اللى حلوه
معتز: اخرس بقولك
لين: هو ف حاجه
معتز: لا مفيش حاجه معاكي رقم حد من اهلك
لين بحزن: لا اهلي ماتوا مفيش غير عمى بس ارجوك اوع تكلمه
محمود بشك: ليه يعني
لين بحزن: عشان هو عايز يجوزني واحد اكبر من بابا الله يرحمه وكمان هيخد الشقه بتاعت اهلى 
محمود بعصبيه: مش هيقدر يعمل حاجه انتي ف امان
لين: شكرا لى حضرتك بس حضرتك مين
محمود: انا اسمى محمود و ده معتز ابن خالتى و صاحب اكبر شركة معمار ف مصر
لين: اه اتشرف بمعرفتكم
معتز: الشرف لينا احنا والله احنا مش عارفين نقولك اى ع اللي حصل
لين: مفيش حاجه دي حاجه ربنا كتبها مش هنقدر نتحكم فيها
معتز: ونعمه بالله طب انتي هتروحي فين دلوقتي
لين بحزن: مش عارفه انا هربت انهارده عشان كان عاوز يكتب الكتاب بكره انا خايفه يعرف انا فين
معتز: ممكن تيجي تقعدي ف الفيلا لحد لما اجبلك حقك من عمك ده
لين: لا طبعا مش هينفع
معتز: متخافيش انتي هتقعدي مع اختي و اخت محمود معاكي واحنا طول اليوم ف الشركه وكمان فرحى الاسبوع الجاي ياريت تفضلي معاهم تساعديهم عشان مفيش حد معاهم
لين: خلاص مفيش مشكله بس انت هتعمل اى مع عمي يعني
محمود: متخافيش منوا خالص مستحيل يفكر بس يعملك حاجه واحنا هنرجع حقك و البيت بتاع اهلك اكيد
لين بابتسامة: شكرا ليكم بجد شكرا مش عارفه اقولكم اى والله
محمود بصوت واطي: يخربيت ضحكتك دي كان لازم تضحكي
معتز: يابني اخرس بقا
محمود: حاضر حاضر قولها متضحكش تاني بس
معتز: حاضر اسكت وأعطيك
لين: انا عاوزه اقوم بس مش عارفه ممكن تسال الدكتور بعد اذنك
معتز: حاضر ثواني
وخرج
محمود خايف يكون اللي ف بالو صح: متخافيش اكيد مفيش حاجه
لين ببعض الخوف: ها اه يارب
دخل معتز و الدكتور
لين: حضرتك انا مش عارفه اقوم خالص ممكن اعرف ليه
الدكتور: احنا هنعمل تحاليل وهنعرف كل حاجه دلوقتي
معتز: طب يلا يادكتور بسرعه
الدكتور خد العينه وخرج
محمود: ان شاءلله خير
لين: انا مش معترضه ع حكمت ربنا خالص اكيد خير
معتز: ان شاءلله
بعد ساعتين الدكتور دخل تانى
معتز: خير يادكتور مالها
الدكتور: الصراحه الحادثه اثرت ع العمود الفقري عشان كده جلها شلل بس ممكن تعملي عمليه وبعدين علاج طبيعي
لين بحزن: الحمدلله ع كل شى اكيد ده خير ليا بس العمليه دي بكام يعني يادكتور
الدكتور: اغلب العمليات اللي زاي دي احسن انها تتعمل بره مصر وكمان فلوسها كتير
لين بحزن انها مش هتعرف: خلاص الحمدلله بردو مش لازم عمليه
محمود: اى ده انتي هتعملي العمليه مفيش كلام خلاص
لين: شكرا انا مش محتاجه شفقه من حضرتك
محمود: مش شفقه والله العظيم انا عايز اساعدك بجد انا السبب ف اللي حصل
معتز: فعلا احنا مش بنقول كده شفقه وخلاص وبعدين انتي زاي اختي من انهارده وهتسمعى الكلام مفهوم
لين: مفهوم طب انا عاوزه امشي انا مش بحب المستشفيات خالص
معتز: تمام انا هخلص الوراق بتاع الخرج وهاجي ع طول
لين: تمام شكرا
معتز: قولتلك انتي زاي اختي خلاص مفيش شكرا
لين ابتسامت
محمود: متزعلش انتي هترجعي زاي الاول
لين: ان شاءلله
( نوصف لين بقا هي عندها 22 سنه وعينها رمادى وشعرها اسود طويل بس هي محجبه وجسمها حلو مش رفيعه او تخينه جسمها مظبوط فعلا نكمل بقا البت محترمه عيب 
)
)معتز خلص الوراق وكل حاجه وخرجوا من المستشفى و راحو الفيلا
لين دخلت الفيلا كانت جميله جدا
معتز: تعالي اعرفك عليهم
كانت قمر و رودينا و عمار قعدين
معتز: قمر تعالي
قمر: مين القمر دي
معتز: دي لين
رودينا بغيره: اه مين يعني
محمود: حكلهم كل حاجه
رودينا: اه معلش مكنتش اعرف نورتي ياحبيبتي
لين: بنورك
قمر: انتي اسمك اى بقا
لين: اسمى لين
قمر: حتا اسمك قمر
محمود بصوت واطي لى قمر: انا قولت كده بردو
قمر: شكلك وقعت خلاص
محمود: مين انا لا لا مش ممكن خالص
قمر: هنشوف بعدين 
عمار: أهلا بيكي
لين بتبص اتصدمت …….
…….نتبع
رواية حب حياتي الحلقه 16
