” زواج لم يكن في الحسبان ” الجزء الثاني عشر
أحيانا يكون الصمت راحة، ولكنه يمزقنا من الداخل ، بعض الأمور تكون أجمل لو كانت مجهولة،أريدك أن تشعر بحبي لك تشعر بنبضات قلبي التي تنبض لأجلك.
رغد وهي تغلق النوت الخاص بها بعد أن فرغت ما بداخلها قالت : هتعملي ايه يا رغد هتبدئي منين وازاي ؟
يونس من خلفها : تعملي ايه في ايه ؟
رغد بخضة : أنت هنا من أمتي ؟
يونس : من آخر جملة هتبدئي منين وازاي ؟ ناوية على ايه ؟ انا ممكن أساعدك
رغد بجمود : لا شكراً
يونس : لسة زعلانه مني عشان …. وسكت
فهمت رغد قصدة قالت : لا عادي ده شئ متوقع طبيعي يا يونس أن اسمها دائما يبقى على لسانك
يونس : صاحبتك اللي جت النهاردة دي تعرفيها من أمتي ؟
رغد: ليه ؟
يونس: عادي بسأل لو مش حابة تتكلمي براحتك
رغد: لا عادي صاحبتي من كذا سنة وكانت جارتي بس هي عزلت من جمبنا حاليا عايشة في إسكندرية
يونس : بصراحة كدة البنت دي مش عجباني نظراتها مكنتش مريحة
رغد : قصدك ايه ؟
يونس : مش عارف ، عموما دي مجرد وجهه نظر بس نصيحتي ليكي خلي بالك منها متديهاش ثقتك كاملة مفيش حد مضمون الايام دي يا رغد اعتبريها نصيحة
رغد بضيق وعدم اهتمام بكلامه : شكرا على النصيحة يا يونس ، اعتقد مش هتعرف صاحبتي اكتر مني بس نصيحتك مقبولة.
ف الإسكندرية
آسر بغضب : أنتي اتجننتي لا طبعا مش هسمح لك تعملي كدة يا مي شيلي رغد من دماغك هي متستاهلش منك كدة حرام عليكي كفاية اللي حصلها سيبيها في حالها
مي بغيظ : يا حنين خايف عليها ، دي حاجة عادية مش هتفرق معاها أصلاً
آسر : لو عملتي اللي في دماغك أنا اللي هوقف في وشك ، ومش هسمح لك تأذيها حتي لو اضطريت أقابلها وأقولها حقيقتك انا حقيقي ندمان وضميري بيوجع على اللي عملناه فيها ومسك يدها وقال : أنتي لازم تتعالجي يا مي من عقدتك دي
مي وهي تسحب يدها بعنف قالت : أنا مش مجنونة عشان أتعالج ، أنا كويسة
آسر : لا مش كويسة يا مي تصرفاتك مش تصرف واحدة طبيعية ومين قالك إن العلاج النفسي يكون لشخص المجنون مش شرط على فكرة
مي بغضب : مش هروح عند دكاترة عشان انا معنديش حاجة أنا كويسة جدا وعارفة بعمل ايه
آسر : يبقي تشيلي من دماغك رغد ووقفي الجنان اللي انتي عايزة تعمليه لاني مش هسمح المرة دي أن خطتك تنجح
مي بعند : أنا خططت ، وهنفذ بعد يومين
آسروهو يمسكها من كتفيها ويهزها قال : مع مين انطقي ، وامتي؟
مي وهي تبعد يدة قالت : مش هقولك ، يلا باااي
وتركته ورحلت هاربة من أمامه
آسر بتوتر : أنا لازم أتصرف .أنقذ رغد ، وأشوف حل مي لازم تتعالج
تاني يوم
آسر وهو داخل العيادة النفسية يقطع شرودة فتاة تقول : اتفضل يا أستاذ آسر دورك
فينهض آسر ويدخل الغرفة
الطبيبة : أهلا بحضرتك أنا الدكتورة حبيبة الدالي أخصائية نفسية ايه مشكلتك ؟
آسر : الحمدلله انا معنديش مشكلة ، بس عندي خطيبتي هي اللي عندها مشكلة ” وحكى لها قصة مي”
حبيبة بعد أن استمعت لحديثه : مشكلة خطيبتك عبارة عن انفعالات نفسية اتخزنت في عقلها الباطن وللاسف أسرتها هي اللي زرعت في عقلها كدة هو اللي وصل لها في الحالة دي أسرتها دمروا ثقتها في نفسها لدرجة عقلها صورلها انها اقل من كل الاشخاص اللي تعرفهم هو دة اللي وصلها للي هي فيه بسبب تعرضها للضغوط والمقارنة وللأسف المرحلة اللي هي فيها خطيرة علي نفسها والأشخاص اللي حواليها وخصوصا اكتر شخص متعرض للخطر لردود أفعالها الشخص الرئيسي اللي دايما أهلها ديما يقارنوها بيها دة اكتر شخص يبقي الهدف عليه اكتر وتبقى عايزة تأذيها بأي طريقة بس بطريقة غير مباشرة
عقدة خطيبتك أسمها عقدة قابيل
آسر بتعجب : عقدة قابيل ؟! مش فاهم ؟ ممكن توضيح اكتر
حبيبة : عقدة قابيل دي تنافس عدائي بين طرفين في نفس المجال زي موهبة ، دراسة ، مرحلة حياتية اي حاجة مشتركة الطرف المعقد بيسعي أنه يدمر الطرف الآخر اي حاجة بعملها بحيث الطرف التاني يفشل وتتشوة صورتة ويحاول يأذية بأي طريقة تتصورها ويكون الطرف المعقد هو الافضل والاحسن ، خطيبتك لازم تتعالج لان العقدة دي خطيرة عليها جسدي ومعنوي دي لو متعالجتش ممكن توصل انها تقتل نفسها أو أي شخص هي شيفاة احسن منها دوافعها النفسية زي فقدان الرضا النفسي أو التحقير الذاتي يخليها تعمل كدة واكتر كمان حاول تجبها العيادة بأسرع وقت ولو معرفتش اديني العنوان وانااروح لها بنفسي .
آسر بصوت مهزوز : قتل وتذكر حديثها معه
فلاش بااااك#
مي وهي تضغط على يد آسر وتقول : أنا ممكن أقتلك وأقتل نفسي وراك لو فكرت تتخلى عني عارف ليه عشان انت الشخص الوحيد اللي شايفني أحسن حد في الدنيا واني الوحيدة والمفضلة عندك لو فكرت مجرد تفكير تشوف بنت غيري هموتها وأعمل فيها أي حاجة عقلك لا يمكن يتخيلها فاهمني يا آسر وأنت هتكون السبب
بااااك #
يقطع تفكيرة حبيبة وهي تقول : هتجبها أمتي؟ ولا هروح لها
آسر : لالا أنا هحاول أجبهالك ، شكرا يا دكتورة
في غرفة يونس يجلس على فراشة ويمسك صورة مريم ويقول : أنا تعبت يا مريم من الوضع دة مش عارف اعيش من بعدك الحياة بقت مالهاش لازمة مش عارف أعمل ايه ؟ وأخذ يتحدث مع صورتها حتي أخذة النوم
يجد يونس نفسة في مكان مجهول لا يوجد به أحد ولا يعلم أي مخرج منه يونس : انا فين ؟ جيت هنا إزاي ؟ ولكنه يصمت عندما يسمع صوت بكاء فأتجة ناحية الصوت وجد فتاة تجلس تضم يدها وقدميها وتضع رأسها بين قدميها
يونس بخوف : أنتي مين ؟
الفتاه كما هي لا تتحرك وماذالت تبكي فاقترب يونس منها ووضع يدة على كتفيها فرفعت رأسها فرجع يونس للوراء بصدمة وقال أنتي ؟
انقطع حلمه عندما وقع من على السرير فتح عيونه وجد نفسة على الأرض وهو محتضن صورة زوجتة
يونس وهو يمسح عرق جبيبنة ويستعيذ من الشيطان قال : لالالاااااااا .
تتوقعوا يونس شاف مين ؟
ف الخارج
يدق هاتف رغد باسم مي فردت رغد قالت : مي أذيك
مي : الحمدلله يا حبيبتي بقولك ايه
رغد : قولي خير
مي : هو جوزك بينزل الشغل امتي ؟ ويرجع امتي ؟
رغد باستغراب : ليه ؟ هو في حاجة
مي : عادي بصراحة بفكر لم اجي عندك يبقي مش موجود عشان ناخد راحتنا وكدة عايزة اجي وهو مش موجود
رغد ببراءة : بيخرج من الساعة 8الصبح يرجع 3العصر واحيانا بعد 3العصر لانه ممكن يخرج من الشغل يعدي يزور باباه
مي : طيب يا حبيبتي كويس عموما اليوم اللي هنزل فيه القاهرة هجيلك ف الوقت دة
رغد : تمام يا مي تنوري في أي وقت هستناكي
مي : اتفقنا يلا باي
رغد : بااااي
بعد أن أغلقت مي الخط ابتسمت وقالت : استعدي يا رغد لمفاجأة بكرة هتعجبك أوي ونفس الوقت هتريحك خالص .
_ أمل أحمد
