رواية زين و القمر الفصل الرابع

السلام عليكم
نروح لمكان تاني اول مره نروحه
رمزي :اي يا عم عاش من شافك
عمر (صديق رمزي الصدوق):اسكت يا رمزي وسيبني في حالي
رمزي :في أي يا ابني
عمر :والدتي تعبانه ولازم تروح القاهره
رمزي :محتاج فلوس أو حاجه
عمر :لا مش محتاج حاجه مستوره والحمد لله بس محتاجك جمبي يا صاحبي
رمزي : يا اخي وقعت قلبي بسيطه نحول احنا الاتنين هندسه القاهره
عمر :ربنا مايحرمنيش منك يا زوز
رمزي بمرح حتي يخفف علي صديقه :ايوا بقا هنشوف صنف جديد وبنات بقا الله مش زي اللي هنا دول شبه جعفر

عمر : هههههههههه يا اخي انا في ايه ولا ايه بس هنحول بسرعه ازاي
رمزي :ما تقلقش ليا طرقي يا عم
عمر :مهو انا مش بخاف غير من طرقك دي فاكر اخر مره اخدت بونيه في عيني فضلت وارمه شهر روح يا اخي ربنا يسامحك
رمزي : ما خلاص بقا
ونسيبهم بقا شويه
»»»»»»»»»»»»»»»»»»»»»»»»»
مالك :ياه وحشتني المجنونه دي
قلبه :انت حبتها
عقله:لا أحب ايه دي طفله وبعدين دي لسه بدري
قلبه:الحب مش بالسن
عقله :دا مجرد اعجاب بس مش اكتتتتتتتتتتتتر
مالك:خلاص انا هروح اشوفها
بس بصفتي ايه ربنا يسهل ونزل إلي الأسفل للطعام
علي طاوله الطعام: بابا
عز :ايوه يا مالك هو ينفع اروح القاهره
رمزي دا الظاهر حماتي بتحبني
رمزي :الله دا المحشي اللي بحبه تسلم ايدك يا ست الكل بابا كنت عايزك في موضوع
عز: في اي هو كله عايزني انهارده ولا ايه
رمزي:يا حاج استني بس كنت عايز اقولك اني والده عمر تعبانه وعايز احول جامعه القاهره علشان اكون جنبه
عز :كلكو كدا هتبقو في القاهره وهتسبوني لوحدي
رمزي:لوحدك ليه ما حبيبه القلب معاك اهي وهترتاح مني
رقيه :ولد عيب كدا
عز :هو من ناحيه هرتاح منك فاهرتاح كتير بس اعمل ايه في قلبي مش هقدر اقعد وانتو بعيد عني
خلاص هخلي حد يمسك الفرع هنا والشركه ونقعد كلنا في القاهره
مالك :الله عليك ايوه كدا
رمزي:يسلم فمك يا حاج
عز :رقيه انتي متاكده أن الواد دا ابنك
رقيه :امال جايباه من الشارع طبعا ابني
عز :انا بقول برده مستحيل تكون ابني انت جاي من الشارع
رمزي:اه الحفله عليا طب سلام بقا اجهز ورقي
عز :ماشي هنروح بكره
رمزي : اشطااااااااا
مالك :خلاص يا رمزي انا هاجي معاك اخلصلك ورقك
رمزي :في حاجه هتحصل النهارده مالك باشا بجلاله قدره بيتكلم لا وهيجي معايا
مالك :بعرض مساعدتي مش عايز
رمزي :لا خلاص دا العميد هيبصلك بس ويقبلنا علي طول طب سلاموز بقا اروح اقول للواد عمر
الجميع: سلام
مالك لنفسه: كده احلوت هروح اوصل الواد رمزي واكيد هشوفها هي نفس القسم ديكور ربنا يسهل

»»»»»»»»»»»»»»»»»»
قمر : ماما النهارده اول يوم شغل ليا ادعيلي بقا
فاطمه:ربنا يوفقك يا حبيبتي
قمر : امال فين ابو حميد
فاطمه: راح شغله يا حبيبتي
قمر:شغل ايه انتي مش شايفه تعبان اتثبت بس في الوظيفه دي واخليه يقعد
فاطمه :اه والله بيتعب جامد ربنا يسهل
قمر :طب سلام بقا عشان الحق اروح الشغل
فاطمه :سلام وخلي بالك من نفسك
»»»»»»»»»»»»»»»»»
ذهبت قمر الي عملها وهي تتطلع حولها بانبهار شديد من هذا المبني اسيكون عملها هنا لتذهب الي عامله الاستقبال
قمر :السلام عليكم انا هنا لوظيفة المصممين ممكن تقوليلي اروح فين
العامله: تمام وعليكم السلام
حضرتك هتروحي الدور الخامس وهناك هتسألي على مكتب المديره
قمر بابتسامه:تمام شكرا وتوجهت قمر للدور الخامس ولاكن علي السلم لأنها لديها فوبيا من الأماكن المغلقه فهي تخاف منها وبشده
وعندما وصلت قابلت ملاك في طريقها
قمر :صباح الخير
ملاك :صباح النور انسه قمر صح
قمر :صح
ملاك بجديه:تمام في اجتماع بعد خمس دقائق روحي قاعه الاجتماعات اخر الطرقه
قمر :تمام شكرا

وبدأ الاجتماع

ملاك:حضراتكو عارفين أن شركه الحديدي من الشركات العالميه ودا شرف لاي حد انو يشتغل هنا علشان كدا لازم تبقو مصدر ثقة واي غلطه ممكن تقضي علي مستقبلكو المهني
اولا كد احنا عندنا حفله عيد ميلاد ملكه الاردن ودا اختبار للمبتدئين وهيشارك فيه بعض الخبراء طبعا
قسم الديكور هيبقا عليكو تصميم قاعه الحفله وتنظيم برامج للحفل معاكو يومين تصمموا الديكور احسن تصميم هو اللي هيتنفذ تمام
الجميع : تمام
ملاك:تقدرو تتفضلو ابداو يلا عايزه همه ونشاط
بعدما خرج قسم الديكور
ملاك :اما انتو بقا قسم التصميم فمطلوب من كل واحده علي الأقل تصميمين واحد للملكه وواحد للاميره واحسن تصميم برده هو اللي هيتفذ وهتبقا المصممه الرئيسيه تقدرو تتفضلو
»»»»»»»»»»»»»»»»»

دخلت قمر المكتب هي واثنين من زميلاتها
قمر :ما تعرفناش انا قمر
وانا صبا
وانا دره
اهلا قمر :الله اسمائكو جميله اوي
صبا ودره :تسلمي لفت انتباههم زميله تجلس علي مكتبها
دره :الله مش نتعرف
سالي ببرود:اهلا انتو مين
دره ببرود أشد:الموظفين الجداد وقاعدين معاكي
سالي بلا مبالاه :اه اهلا انا سالي
دره : وانا دره ودي صبا ودي قمر
قمر بوسوسه :يخربيتك شكلها مش طايقانا اسكتي
دره بوسوسه هي الأخري :ما انا عرفه
قمر :احم يلا كل واحد علي شغله يلا
وذهب الجميع الي عمله يفكر في القادم وهل سيكون هو الفائز ام لا

»»»»»»»»»»»»»»»»»
صباح يوم جديد
بسرعه شويه يا عم عايز الحق محاضره
(آل ايه الواد مجتهد كنت تيجي تشوفنا واحنا بنزوغ)
مالك :نفسي افهم متسربع علي ايه ما انا سايق بسرعه اهو ولا هو جر شكل
عز :خلاص يا مالك وصلنا الفيلا الاول وبعدين روح معاه
رقيه :انا تعبت يا مالك هو لسه كتير
مالك :لا نص ساعه بس
يلا يابني بقا
مالك بغيظ :سواق حضرتك انا حل عن دماغي يا رمزي بدل ما احلف ما اجي معاك
رمزي :وعلي ايه سكت اهو ووضع يده علي فمه وسكت
علي الجانب الآخر
علا :انا زهقت
شمس :مين سمعك يا مسعود
علا بصراخ: شمس لو قولتي كدا تاني والنعمه ما هسيبك
شمس: خلاص خلاص ها بصي كدا يا علا شايفه
علا:لا
شمس: غبيه بصي كدا مش دي رحمه
علا :اه فعلا
شمس:كل يوم مع واحد جديد واحنا قاعدين بنقشر بصل تبعتشي واحد ابدا يا بااي عليها
علا:والمصيبه أن كل واحد احلي من اللي قبله يله ربنا يسهلها
شمس :عقبالي كدا يا رب اما اتجوز واحد عسول وحليوه كدا عقبااااالي
(البت هتجوز علي نفسها حد يلحقها بعريس)
انا هقوم اشوف حاجه ناكلها بدل القاعده دي
علا:هو انتي ما عندكشي سيره غير الاكل يخربيتك ياشيخة
شمس :بقولك اي انا واقعه من طولي ما اكلتوش حاجه من الصبح
علا بضحكه:ما اكلتيش دا انتي اكلتي اكل يكفي الصومال امال ساندويتشات الكبده والسجق والبيبسي وساندويتشات الحاجه ام قمر والشيبسيات راحو فين ؟؟؟؟
شمس :قري يا اختي قري كل اعوذ برب الفلق ما هي عينك دي اللي جايباني ورا على طول
علا:انا مش بقر انا بحسد بس بتاكلي ضعفي عشر مرات ومش بيبان عليكي ولو اكلت ساندويتش واحد ببقا زي الكرومبه
شمس:وانا مالي 
(فهماني انتي طبعا يا اسراء صح )

شمس :سيبيني بقا اروح اجيب حاجه قبل المحاضره التانيه ما تبدأ
علا :روحي يا اختي ما دا اللي انتي فالحه فيه! فالحه فيه ايه؟دا انتي الأولي كل سنه
شمس :وبتخمس في وشها كل اعوذ برب الفلق
علا: امشي يا بت روحي يلا
وذهبت شمس وتركت علا بمفردها

علي الجانب الآخر كان مالك اوصل والديه الي الفيلا وذهب مع مالك الي الجامعه وانهي الإجراءات
مالك تعالي نقعد شويه
رمزي:لا يا عم اقعد براحتك انا رايح اشوف الواد عمر
مالك :ماشي روح شوفه وانا هستناكو في الكافيتريا
رمزي : اشطااا
توجه مالك للكافيتريا ويشاء القدر أن يصتدموا ببعضهم للمره الثالثه
شمس :ايه دا مستر مالك لا اكيد بيتهيالي شكل كلامي عن البت رحمه عملي تهيأآت
أما اروح اشوف البت علا
مالك:شمس
شمس لنفسها :لا بقا دي مش تهيأت شكل قري علي رحمه جاب نتيجه
شمس :اقرصني كدا علشان اصدق
مالك :يا مجنونه ما انا قدامك اهو
شمس :والله انت لو قاصد مش هتتخبط فيا كل شويه كدا جاي هنا ليه عايز تفهمني انك رجعت طالب تاني مثلا
مالك :اهدي كد شويه انا مش قاصد اني اشوفك ولا حاجه( يا ابن الكدابه دا انت خليت العيله تنقل من بورسعيد القاهره علشان تشوفها وفي الاخر بتنكر)
انا كنت جاي اخلص أوراق رمزي اخويا هنا علشان غيرنا اقامتنا هنا وكنت جاي اشرب حاجه وهمشي
شمس :اه اسفه جدا لحضرتك
مالك: لا عادي ولا يهمك انتي بتعملي ايه
شمس :قاعده مع علا بنستني المحاضره الجايه
مالك :طيب هتمشي معاكي شويه علي ما الاقي رمزي
شمس :تمام اتفضل

نروح لعلا اللي كانت بتكلم مامتها في الفون
علا:ايوه يا ماما لسه قدامي محاضره
الام :هتتاخري
علا: لا ان شاء الله
قدامي اربع ساعات كده علي الساعه خمسه هكون موجوده
طب سلام
ورجعت لمكانها ال كانت قاعده فيه
علا :حضرتك احنا قاعدين هنا دا مكانا
الشخص:نعم اللي هو ازاي المكان كان فاضي

علا :طب والكتب وحاجتنا اللي هنا دي عموما انا كنت بعمل مكالمه
الشخص :مفيش مكان فاضي ومش هقوم من هنا
علا:ازاي يعني قوم من هنا ياض
الشخص :ياض اي دا مش قايم ها اعتذري الاول
علا :اعتذر دا علي جثتي شخص لزج ولسه علا هتصرخ وتلم عليه الكليه جت شمس ومالك
شمس :اي في أي ياعلا
علا : بني ادم متتطفل جاي يقعد مكانا وبيقول مش قايم اتصرفي علشان ما اخشش فيه السجن
مالك بدهشة:رمزي بتعمل ايه هنا
رمزي:وانت تعرفهم
مالك :رد عليا
رمزي : جيت لقيت مكان فاضي ما تقعديش
شمس :لحظه واحده انت رمزي اخو مستر مالك
رمزي : ايوه انتي تعرفي مالك منين
علابتهكم:اصل كنا بتلعب معاه انت علي ياااض هنكون نعرفه منين كان عندنا اسبوع تدريب في الشركه في بورسعيد
مالك:رمزي اعتذر
رمزي لسه هيعترض بص لمالك اللي بصله بنظره معناها اتجرا وقول لا فخاف رمزي من اخوه
جابها بطريقه لبقه
رمزي:انا فعلا هعتذر بس مش علشانك لا علشان انا فعلا غلط اسف يا انسه علا
علا :خلاص ولا يهمك
رمزي :في سنه كام
علا :احنا في ربعه هندسه ديكور
رمزي :علي كدا احنا زمايل
علا :مس فاهمه
رمزي :انا كمان رابعه هندسه ديكور كدا احنا زمايل وياريت نبقا أصحاب
علا :تمام
وقعد علا ومالك وشمس يتكلمو وبعد كدا كل واحد راح علي محاضرته وخلصو

********************
بعد مرور يومين في شركه الحداد للديكور
جاء موعد تسليم التصاميم في الشركه
صبا :دره وقمر يله نروح نسلم التصاميم
دره :يله
قمر :انا خايفه اوي
دره :لا اجمدي كده انتي عملتي اللي عليكي
قمر :ربنا يستر
وذهبوا لتسليم التصاميم
ملاك :تمام كدا اتفضلو وهنعلن عن الفائز في نهايه اليوم
ليخرج الجميع وتتجه مالك ناحيه أخاها زين لتأخذ رائيه في التصاميم
صبا:انا خايفه أوووووووي يا بنات
قمر :انا مرعوبه انا طول عمري الأولي باخد كل حاجه تحدي ولازم ابقا الأولي لو ما اخدتش التصميم ثقتي بنفسي هتتهز ربنا يستر
دره :ما تسكتي منك ليها بقا الواحد قاعد علي أعصابه
عند ملاك وزين
ملاك :زين اتفضل كده شوف معايا التصاميم دي
زين :ما تشوفي يا ملاك انا بثق في رايك
ملاك:لا يازين التصاميم دي ال علي أساسها هنختار مصممه فستان الملكه
زين :تمام هاتي يا ستي وامري لله
وأخذ زين وملاك يرون التصاميم
زين :خلاص مفيش حد نافع نشوف اي حد خبير بقا وخلاص انا زهقت بقالنا اكتر من ساعتين
وبعدين دول لسه مبتداين
ملاك :خلصنا اهو يا زين مفيش غير واحد يله بقا
زين :خلاص شوفيه انتي
ملاك :طيب وفتحت اخر تصميم سرعان ما شهقت
زين :اي في أي
ملاك :بص
زين :هيكون في أي يعني زي اللي قبلهم
ملاك:لا بص كده دي جايبه ٨ تصاميم وكل واحد احلي من اللي قبله الباقيين دول جايبين تصميمين بالعافيه
زين :هاتي اشوف كدا
ملاك :اتفضل.
زين : وسرعان ما انبهر زين بالتصاميم اي دا مين اللي عمل دول ولاكن لفت انتباهه توقيع ولاكن ما استطاع أن يميزه من التوقيع هو حرف Q

يا تري مين هي اللي بحرف Q وهل قمر هتفوز بالمسابقه

صفحتنا علي فيس بوك

تحميل تطبيق لافلي Lovely

رواية عشرون رساله قبل الوقوع في الخطيئه الفصل 30