رواية( شمس وسط الظلام) البارت(43)و(44) بقلم :- أسماء أبوشادي
___________________________
مهاب بغضب / ايه اللي انتي عملاه ده حاطه ميكب وروج والفستان كمان ديق
شمس ترغرقت عينيها بالدموع / أنا والله مش حاطة ميكب ولا روج دا هو كحل وملمع شفايف بس و رودي وجميلة و داليا هما اللي اصروا عليا اعمل كدة والفستان والله العظيم ما اخدت باللي إنه ديق خالص
مهاب بعد أن رأي الدموع المحبوسة بعيونها حاول يهدي نفسه شوية / طب وأنتي بتسمعي كلامهم ليه وقبل ما تخرجي بالفستان مشوفيهوش على نفسك ليه عشان تعرفي هو ديق ولا واسع
شمس بصوت مخنوق / أنا شوفته كذا مرة ماحستش إنه ديق خالص والله بالعكس واسع على الاخر أهوه
مهاب بصوت عالي بعض الشيء/ يعني انا بكذب يعني. قولتلك ديق يبقى ديق وماينفعش تلبسيه أدام ناس غريبة
شمس بخفوت / خلاص انا همشي عشان ماحدش يشوفني بالفستان ده وأنت تضايق
مهاب مسك ايديها قبل ما تمشي من قصاده / خودي هنا أنتي رايحة فين أنا اذنتلك تمشي
شمس بصوت مخنوق / طيب حضرتك عايزني اعمل ايه دلوقتي
مهاب بجدية / احنا هندخل الحفلة وهتفضلي طول الحفلة جنبي. ايدك لو سابت إيدي يا شمس هزعلك
( رجعوا سوا للحفلة وسط الناس ومهاب ماسك ايد شمس بتملك وكأنه يخبر العالم بهذه الطريقة ان هذه الفتاة ملكاً لي غير مسموح لكم ان تنظروا اليها حتى مجرد النظر
أثناء سيرهم بوسط الحفلة تقابلوا. بي نور وسما.
سما حضنت شمس بشوق كبير / اخص عليكي يا شوسي كل الفترة دي ماتسأليش عني ولا حتى بالتليفون نسيتيني خلاص
شمس بأبتسامة / والله العظيم كان غصب عني لكن انا عمري ما انساكي ابدا
سما بزعل طفولي / اه علشان كدة حتى تليفونك لما كنت بتصل بيكي الاقيه مقفول.
شمس بأبتسامة/ أنا اسفة حقك عليا. أنا والله تليفوني كان مقفول فترة كبيرة. بصي بعدين هبقى احكيلك كل حاجة
سما بأبتسامة/ كل حاجة كل حاجة ؟؟
شمس بنفس الأسلوب / كل حاجة كل حاجة
نور بمرح / ايه يا بشمهندسة سما اعوفتي عنها ولا لسه
سما بأصطناع الجدية / لو سمحت ما تتريقش عليا صبحتي وكنت قلقانة عليها
نور بضحك / صبحتك ولا صبحيتك
سما خبطته في كتفه بحرج من الكلمة
نور بأصطناع الألم / اه ااااه يا مفترية شايف يا صاحبي الافترا بتاع مراتي بتضربني أدام الناس اهوه خليك شاهد عشان لما اتهور و
سما تقاطعه بحزم مصطنع / تتهور و ايه. يا استاذ نور عز
نور بأبتسامة / واعمل حاجات كتير يا مدام استاذ نور عز
مهاب بأبتسامة / ربنا يسعدكوا انتوا الاتنين دايما.
( كم تمنى مهاب في هذه اللحظة ان تكون علاقته بشمس كعلاقة صديقه بزوجته
لا يعلم ما الذي شافوه هؤلاء الزوجين حتى يصبحوا بتلك الحالة )
وهما واقفين مع بعض تفاجأوا بفتاة أقل ما يقال عنها أنها من الكاسيات العاريات اقتربت منهم
حضنت مهاب وقبلته من جانبي وجهه بترحاب شديد / ازيك يا مهاب عامل ايه
مهاب بفتور / تمام ازيك رولا
رولا بغنج ( يعني دلع مايص وسهوكة / فاين بيبي ( ثم نظرت لنور بدون ان تمد ايديها ) ازيك يا نور
نور بتقزز/ كويس
رولا / ازيك يا ياااااا
سما / بشمهندسة نور عز يا ياااااا حولة
( شمس اتضايقت جدا من الطريقة اللي رولا سلمت بيها على مهاب وأول ما سما قالت حولة هي ضحكت بصوت مسموع عشان تغيظ رولا )
شمس / ههههههههههههه ههههههههههههه
رولا بحنق بصت لشمس ولاحظت ان مهاب ماسك ايديها / مهاب مش تعرفني
مهاب بكبرياء / لا طبعا. اعرفك يا رولا. مدام مهاب العدلي
رولا مدت ايديها عشان تسلم على شمس / هاي أنا رولا صاحبة مهاب من ايام الجامعة
مهاب مد ايده هو سلم عليها بدل شمس / مراتي ما بتسلمش على أي حد رولا
رولا بأستغراب / واات بس انا مش راجل لو هي محجبة ومش بتسلم على رجالة
مهاب بجدية / هي مش بس مابتسلمش على رجالة رولا. دي مرات مهاب العدلي يعني مش اي حد يلمس ايديها
رولا بحرج وضيق / سوري ما كنتش أعرف عن اذنكم
برغم ان شمس اتضايقت من طريقتها مع مهاب إلا أنها صعبت عليها وبعد ما مشيت رولا. / ليه احرجتها بالشكل دا يا مهاب فيها ايه لما تسلم عليا
مهاب بجدية / نعم أنتي عايزاني اسيب واحدة زي دي تسلم عليكي أنتي مرات مهاب العدلي عارفة يعني ايه
شمس بضيق / اه عارفة يعني ايه.بس ماهي سلمت عليك وحضنتك وباستك وأنت ماعترضتش اشمعنا لما جت تسلم عليا انا ولا هي الايه معكوسة عندك
مهاب بأقتضاب / اه الايه معكوسة ولما أنا أقول على حاجة ماتعترضيش
شمس بضيق وحزن / حاضر
عن اذنكم أنا رايحة ال W.c.
مهاب ماسابش ايديها وبصلها بضيق وسما لاحظت الموقف
سما / طيب انا كمان جاية معاكي يا شمس يلا ( ومسكت ايديها التانية فمهاب ساب ايديها )
بعد ما سما وشمس مشيوا
نور بجدية / ايه يا مهاب اللي انت عملته دا
مهاب بضيق / عملت ايه انت كنت عايزني اسمح لواحدة مومس و***** زي دي تسلم على مراتي
نور / أنا ماكنتش عايزك تسمحلها انها تسلم عليك أنت أصلا. ولو كنت صديتها من الأول ماكنتش وقفت واتكلمت معانا من الاول. أنت شايف علشان انا حاطت حدود بيني وبينها ما بتتجرأش أبدا إنها حتى تمد ايديها وتسلم عليا. إنما حضرتك مراتك واقفة جنبك وسيبتها تعمل كدة عادي وكمان حرجت مراتك ادامنا
مهاب بأستغراب / حرجت مراتي في ايه.
نور / المفروض تقولها انتي غالية أو جوهرة وماينفعش اي حد يسلم عليكي. مش تقول أنتي مرات مهاب العدلي. وتلغي شخصيتها خالص وتكلمها بالأسلوب دا ادامنا
@@@@@@@@
في الحمام
شمس كانت أدام المراية بتمسح دموعها قبل ماتنزل وتظهر على وشها
سما / بتعيطي ليه يا عبيطة أنتي
شمس بأبتسامة كاذبة/ لا أنا مابعيطش دا بس الكحل مضايق عنيا عشان مش متعودة عليه
سما / والله هتعمليهم عليا انا يا شوسي. بقى موقف زي دا يخليكي تعيطي.
شمس / يعني انتي ماشوفتيش هو كلمني أزاي ويقول مرات مهاب العدلي ولغاني أنا خالص حتى مقالش اسمي
سما بأبتسامة / يا حبيبتي ماهو قال اسمك. أنتي اسمك مدام مهاب العدلي.
عارفة يعني ايه جوزك يقول كدة معناها انه بيثق فيكي عايزك تشيلي اسمه
أنتي الوحيدة اللي اختارك من كل بنات الدنيا عشان تكوني زوجته
شمس بضيق / انا حاسة انه كان مرتبط بالبت دي قبل كدة عشان كدة كان عايز يغيظها بيا
سما / كان مرتبط بمين يا هبلة أنتي. مهاب عمره ما ارتبط. ( ثم أكملت بغيظ ) هو اي نعم كان بتاع ستات قبل مايتجوزك وكل ماكنت اشوفه أنا ونور في حفلة أو إي مكان نلاقي معاه واحدة شكل.
شمس بغضب / نععععععععم
سما بأبتسامة مرتبكة / انا شكلى هديت النفوس اوى من غير ما اقصد.
يا حبيبتي الكلام دا من زمان والله. وبعدين انتي مش شايفة نفسك دا انتي قمر. خليتيه مايقدرش يبص لغيرك ابدا
شمس بحزن / ياريته يبص ويبعد عني
سما بأستغراب / ايه اللي انتي لتقوليه دا. أنتي عايزة جوزك يبص لغيرك ويبعد عنك انتي مش بتحبيه زي مابيحبك
شمس بأبتسامة مكسورة / ما انتي عارفة اني بموت فيه مش بس بحبه وعشان بحبه بتمنى يبعد عني
سما / شمس أنا مش عارفة ايه اللي يخليكي تقولي كدة لكن تاكدي انك لو بتحبيه مستحيل تبعدي عنه. عمر البعد ماكان حل لأي مشاكل بين اتنين
شمس / إلا مشكلتي أنا ملهاش حل غير البعد
( اثناء حديثهم دخلت فتاة الى الحمام )
سما مسكت ايد شمس م/ طب بقولك ايه تعالي نكمل كلامنا برة
@@@@@@@@@@@@@@@@
نور / ياااه يا مهاب كل دا حصل وأنت مافكرتش تعرفني اي حاجة
مهاب بتنهيدة / اعرفك ايه. أقولك انا اضطريت اقتل ابني قبل ماعينه تشوف النور ولا اقولك انى كنت ممكن اخسر حب حياتي في اي لحظة وأنها كانت بتتالم وتتوجع وأنا مش حاسس بيها. ولا اقولك انها من وقتها وهي عند اهلها ورافضة ترجع تعيش معايا وعايزاني أطلقها
نور بصدمة / ايه هى وصلت للطلاق طب ليه. هي مش عارفة انك خليتها تعمل العملية عشانها. ليه ماحولتش توضحلها وتفهمها انك خايف عليها
مهاب / هي مش عايزة تطلق عشان البيبي. هي عايزاني ابعد عنها لأنها فقدت الثقة في الحياة والدنيا كلها.
غصب عنها اللي هي شافته في حياتها مش قليل برضوه أنا بتعذب لما اشوفها كدة
علطول حزينة وفرحتها مكسورة ولما بقرب منها وأحس بوجعها بتوجع معاها. ولما لقيتها مصممة اني ابعد عنها بعدت عشان ما اتعبهاش اكتر
نور / غلطان يا مهاب. عمر البعد ماهيريحها بالعكس دا هيوجعها اكتر هي عايزاك تبعد عشان ماتزعلش عشانها فكر بالها انها لما تطلب منك تبعد عنها انت هترتاح
مهاب / انا عمري ما ارتاح وأنا بعيد عنها. من يوم ما سابت البيت أنا ماشوفتش راحة
نور بأبتسامة/ يبقى قرب وخليك قوي ادامها اوعى تظهرلها وجعك أو آلمك عشان ماتطلبش منك تبعد عنها تاني
مهاب بأبتسامة / أن شاء الله وهي مهما تطلب مني ابعد عمري ماهبعد عنها. هما صحيح اتأخروا كدة ليه. أنا هروح اشوفهم
@@@@@@@@@@@@@@@
سما / قوليلي إيه بقى المشكلة اللي مش هتتحل غير بالبعد
شمس / يااااه دي حكاية طويلة أوي. كل اللي اقدر اقولهولك أني بعشق مهاب بحبه بجنون ومقدرش اشوفه بيتألم. أنا خلاص مابقتش قادرة اداري الوجع اللي جوايا ومش هقدر اشوفه هو كمان بيتألم عشاني. أنا بطلب من ربنا انه يرحمني من كل اللي انا فيه ويبعد عن حبيبي كل وجع وألم ويسعده ويفرحه تعرفي ان اول ما بشوفه ببقى نفسي اجري عليه واترمي في حضنه واقوله ماتسبنيش أبدا لكن غصب عني
سما / مهاب بيحبك بجد ومش هيسمح بأي حاجة تبعدك عنه وهيساعدك في اللي انتي بتقولي عليه دا
شمس / وانا مش عايزاه جنبي. هبعده عني هخليه ينساني عشان لما اموت مايتألمش أبدا
رودي جاية من بعيد / الله الله بقى انا قالبة عليكي المكان كله وحضرتك واقفة هنا
شمس / تعالي يا رودي انا كنت في الحمام مع سما
رودي بأبتسامة / سما ازيك سوري ماشوفتكيش والله. عاملة ايه ماشوفنكيش بقالنا كتير
سما / غصب عني والله بنتي مجنناني وكمان شغلي.
رودي بأبتسامة / ربنا يقويكي. طب يلا تعالوا بقى عشان دا شوية كدة وهيكتبوا الكتاب
شمس / طب يلا عشان داليا ماتزعلش أن احنا مش واقفين جنبها
( مهاب كان واقف قريب من سما وشمس وسمع كل الكلام اللي هما قالوه. وعرف اد ايه شمس بتحبه وبتعشقه وأن هي بتبعد عنه عشانه هو )
كتبوا الكتاب داليا الأول هي وعمر ومازن اللي اصر على كدة
مهاب كان هو وكيل داليا لانها هي اللي طلبت كدة
وبعدها كتبوا كتاب مازن وجميلة. وبيهنوا بعض ويباركوا. سمعوا صوت على الاستيدج. بيغني
صوت هز حيطان القاعة
صوت قوي مليان صدق وطاقة وعشق
كان هذا الصوت صوت مهاب وهو بيغني اغنية ( بتحدي العالم. :- لصابر الرباعي )
مهاب قرب من شمس ومسك ايديها وراح قايل بأعلى صوت
بتحدى العالم كله وأنا ويااااااك. وبقووووول للدنيا بحالها ان انا بهوااااااااك وأن انت حبيبي وقلبي و روحي معااااااك
شمس عيونها دمعت وفرحت جدا.
مهاب بيغنيلها أدام الناس والدنيا كلها. وبيقولها أنا بتحدي العالم عشانك اي فرحة وأي ضحكة وأي حبيب هذا.
شمس بأبتسامة ودموع / بتحدى العالم كله وأنا ويااااااك وبقول للدنيا بحالها ان انا بهوااااااااك وأن أنت حبيبي وقلبي و روحي معااااااااك قربني ليك سيبني أعيش احساااااااس هواااااك
( كملوا الأغنية مع بعض والصحافة بتصور والناس كلها متفاجأين بقى دا مهاب العدلي الجبروت اللي مابيرحمش اي حد بيغني ويبتسم ويحضن واحدة أدام الناس ويمسكها من ايديها ويبوس رأسها كمان.
لا دا مش مهاب العدلي دا شبيه له )
سرحان بيبص في عيونها اللي بتسحره. وهي كام بتبص في عنيه اللي مليانة حب وعشق ناسيين ان حواليهم ناس والعيون كلها عليهم اللي بيحسدهم واللي فرحان عشانهم واللي مستغرب واللي مش مصدق
خلصوا الأغنية وهو شايلها ورافعها عن الأرض طبع بوسة طوووووويلة على جبينها وهي ماسكة في رقبته بأيديها الاتنين.
لما صوت الموسيقى انخفض فاقوا على صوت التصفيق والصفافير من كل اللي حواليهم
شمس سابت رقبت مهاب وهو نزلها في الأرض ومسك ايديها ونزلوا من علي الاستيدج بس برضوه الناس لسه بتبص عليهم
مازن بمرح / اوبا يا بوس إيه اللي حصل دا يخربيت كدة
داليا / أنا محتاجة حد يلطشني بالألم عشان اصدق اللي شوفته بعينيا وسمعته بوداني.
مازن / من عنيا تعالي يا حبيبتي وانا ارزعك ألمين تلاتة
عمر مسك داليا وشدها له / تضرب مين يا ظريف ليه شايفها متجوزة صاحبتها
رودي بضحك / طب وبتجيب سيرتي ليه دلوقتي أنا مالي
أحمد بمرح / تستاهلي عشان قولتلك نكتب كتابنا معاهم مارضيتيش شوفتي كل الحبايب اتنين اتنين وأنا يا عيني عليا ببص على ايدي الاتنين لا دبلة شمال ولا دبلة يمين
سما ونور قربوا عليهم وهما بيضحكوا
سما / ايه دا ايه اللي حصل دا. حد شاف اللي انا شوفته ولا انا كان بيتهيألي
داليا / الحمد لله مش انا لوحدي اللي بقول كدة
شمس بكثوف / بس بقى الله انتوا عيال رخمة
سما / نهار احوس هو انا من ضمن الرخمين اللي بتقولي عليهم. ( بصت لمهاب ) انت عملت ايه للبت.
مهاب بأبتسامة/ أنا ماعملتش حاجة بس لسه هعمل. أن شاء الله ( وغمز لشمس )
شمس خبطته في كتفه / بس بقى
رودي بتقلد شمس / بس بقى
يالهوي يا مستهوي
داليا / يا خرابي يا عرابي
عمر وأحمد / مين دول
جميلة / مطهر ديتول
مازن بمرح / احييييه دول خلوا مراتي اتجنت زيهم لا ابعدوا الله يكرمكوا. مش هبقى أنا وهي مجانين. خلونا نجيب عيال عاقلة شبه امهم
( الحفلة خلصت في جو من المرح. وكل واحد خرج يسهر مع حبيبته على طريقته هو
وشمس ركبت مع مهاب العربية. وهو اللي بيسوق العربية )
شمس بأبتسامة / مهاب احنا رايحين فين
مهاب بأبتسامة / على بيتنا يا حبيبة مهاب
شمس ظهر على ملامحها الضيق والحزن
مهاب / مالك يا شمس زعلتي ليه
شمس بخفوت / أنا مش عايزة ارجع القصر معاك
مهاب وقف العربية فجأة في وسط الطريق
مهاب بغضب / ليه يا شمس
لسه مصرة على اللي في دماغك أنتي ليه مش عايزة تفهمي اني مش هبعد عنك لو مهما عملتي
شمس / مهاب ارجوك اهدا واسمعني للآخر
مهاب بتنهيدة / اتفضلي يا شمس اتكلمي انا سامعك
شمس بأبتسامة وسط دموعها / انا هرجع معاك البيت. بس مش دلوقتي
مهاب بهدوء / اومال أمتى
شمس بأبتسامة ودموعها نزلت / بعد ما اعمل العملية هنتجوز
مهاب بأستغراب / شمس انتي مراتي. نتجوز أزاي. اتكلمي من غير الغاز
شمس / يعني انت تعتبر نفسك حاليا خطيبي لحد ما اعمل العملية وأخف وبعدها نبدأ حياتنا من أول وجديد وننسى كل اللي فات
مهاب / طيب ماترجعي معايا دلوقتي وننسى برضوه كل اللي فات
شمس مسكت ايده بحنية/ حبيبي. تعرف انا نفسي في ايه. نفسي افقد الزاكرة. ( مهاب بصلها بأستغراب. بس هي كملت )
أيوة. نفسي اصحى الصبح الاقي نفسي نسيت كل لحظة عيشتها في حياتي قبلك. نفسي اقدر انسى زي كل الناس. مش عايزة افتكر أي حاجة. ( اتنهدت بحرارة وحزن ) بس طلاما مش هقدر اعمل كدة. يبقى أنا هبدأ حياتي من جديد. بعد العملية اللي هعملها. إذا عيشت ان شاء الله و ما مو
مهاب قاطعها بلهفة / ماتكمليش. أنتي هتعيشي وهتفضلي معايا بقيت عمرك وأنا هعوضك عن كل حاجة شوفتيها في حياتك وهنبدأ حياتنا من الأول زي ما انتي عايزة
شمس بأبتسامة وفرحة / ربنا مايحرمني منك أبدا. أنت اللي رجعتلي الأمل في الدنيا دي تاني. بس انا برضوه مش عندي امل فيها. أنا عندي امل في ربنا وبس انه هيعوضني أنا وأنت عن اللي شوفناه في حياتنا
( مهاب حضنها جامد بشوق وحب وعشق وتأكيد لكلامها )
مهاب وصل شمس لبيت عمها
@@@@@@@@@@@@@@@@@
عمر و داليا
في مكان رومانسي. مافيهوش حد غيرهم
عمر حضنها / بقيتي مراتي يا اميرتي أنا اسعد انسان في الدنيا
داليا بفرحة / أنا مش مصدقة نفسي. يعني خلاص انت بقيت جوزي يعني أنا بقيت زوجة الدكتور عمر
عمر شالها لف بيها مرتين ونزلها / ايوة. أنتي مراتي. يا احلي حاجة في حياتي
داليا عينها دمعت / كنت فاكرة ان اليوم دا عمره ما هييجي. ( بت نكدية وربنا جاية تعيطي النهاردة )
عمر مسح دموعها وباس عنيها / مش عايز اشوف دموعك دي تاني ابدا وزى ما انا كنت بالنسبة ليكي حلم أنتي كنتي بالنسبة ليا أهم شيء في حياتي وكنتيجة هدف كمان
داليا بأبتسامة / بجد يا عمر يعني انت بتحبني اد مابحبك
( لم يجد عمر رد مناسب على هذا السؤال. سوى ان يطبق عاي شفتاها بشفتيه ويتوها في دنيا العشق )
@@@@@@@@@@@@@@@@@
جميلة ومازن
في مكان رومانسي برضوه
مازن / ااااااااه وأخيرا خلصت السنة البيضة دي. وبقيتي مراتي. بقيتي مراتي ابت. عارفة يعني ايه مراتي
جميلة اتكثفت وبصت في الارض و وشها بقى احمر زي لون الطماطم
مازن رفع وشها باأيديه/ لا بصيلي هنا. لازم اعرفك يعني ايه بقيتي مراتي
يعني ممنوع تخرجي من غير أذني. ما تنميش قبل ما أنا ارجع من برة. تقعدي جنبي على السفرة
قبل ما تشتري أي لبس اشوفه انا الأول. واتحكم فيكي براحتي وأنا اللي اقول اخرجي وادخلي واطلعي وانزلي
جميلة بحنق / حيلك حيلك. ليه حد قالك ان أنت متجوز جارية ولا ايه. لا فوأ لنفسك يا بابا. مافيش الكلام دا
مازن بأبتسامة فهو قد كسر حاجز الخجل / أيوة فعلا مافيش الكلام دا اومال في ايه بقى
جميلة / في أن زي ما انت ليك رأي انا كمان ليا رأيي. صحيح مش هعمل حاجة من غير اذنك لكن برضوه انا مش هعمل حاجة اما مش عايزاها ولا هسمحلك تحتقرني بقى ونعيش دور التحكمات ده يا سي مازن
مازن حضنها وقربها له بزراعه بسرعة وقوة مما جعل جميلة تشهق من المفاجأة / يا ايه قوليها تاني
جميلة بخجل و توتر / مازن سيبني ما ينفعش كدة على فكرة
مازن بأبتسامة / انتي بقيتي مراتي على فكرتين
جميلة بأبتسامة خجولة / يا مازن سيبني بقى لاحد يشوفنا. يبقى شكلنا وحش
مازن وهو يضمها اكتر /اولا مافيش حد في المكان غيرنا. ثانيا ولو حد موجود مايقدرش يبص حتى ولا يرفع عينه علينا وثالثا ودا الاهم اللي يشوف يشوف انتي مراتي وماحدش له عندنا حاجة
( انا رايي يعني كفاية كدة على السناجل ونسيب بقى الأخ مازن وجميلة مع بعض )
________________________________
تاني يوم الصبح الساعة 6
تليفون شمس بيرن وردت من غير ماتبص على الرقم اللي بيتصل
شمس بنعاس / الووووووو
مهاب برومانسيه / احلى الوو في الدنيا دي ولا ايه
شمس بصت في التليفون شافت الاسم ورجعت ردت عليه / مهاب.
مهاب / عيون مهاب و روح مهاب
شمس بأبتسامة رجعت نامت على السرير تاني وهي بتتكلم / ايه اللي مصحيك دلوقتي
مهاب / مش وقت اسأله دلوقتي اومي يلا البسي وجهزي نفسك عشان هنخرج النهاردة نقضي اليوم سوا
شمس قامت بسرعة من على السرير / أنت بتكلم جد
مهاب / يلا بسرعة انا ادامي 15 دقيقة واكون عندك
شمس بأبتسامة/ خمس دقايق واكون جاهزة اصلا
بعد ربع ساعة. مهاب اتصل بشمس وهي خرجت وركبت جنبه في العربية وربطت الحزام
شمس بفرحة / هنروح فين بقى
مهاب بأبتسامة / خليها مفاجأة
بعد شوية.كانوا وصلوا المطار ونزلوا. وشمس مستغربة جدا وركبوا طيارة خاصة
شمس بتوتر / هو احنا رايحين فين
مهاب / ايه يا حبيبتي متوترة كدة ليه
شمس / أصل أول مرة اركب طيارة وصراحة خايفة وهموت من الخوف
مهاب قربها منه / اوعي تخافي وأنا معاكي أبدا.
بعد وقت. وصلوا شرم الشيخ ونزلوا من الطيارة. وطبعا لما نزلوا شمس عرفت أنهم في شرم. وانبسطت جدا لأن دي اول مرة تروح فيها شرم
خرجوا من المطار كان في عربية مستنياهم. بالسواق
ركبوا ومشيوا. وصلوا لفيلا على البحر.بشاطئ خاص ونزلوا من العربية
شمس بأبتسامة / الله المنظر دا جميل اوي والمكان كله يهوس ويسحر
مهاب ضمها / انتي اللي تهوسي وتسحري يا شمسي
شمس بكثوف / أنا بحبك اوي يا روح شمسك
ذهبت إلى أول الشاطئ ) الماية شكلها جميل اوى وصافيه
مهاب بأبتسامة / تحبي ننزل دلو في ولا نفطر الأول
شمس / ننزل فين. اوعى تقول انك عايزني انزل البحر
مهاب / ايوة طبعا اومال احنا جايين ليه
شمس بتوتر / مهاب أنا عمري في حياتي ما نزلت البحر. صحيح روحت مع اهلي كتير لما كانوا بيروحوا اسكندرية أو العين السخنة لكن كنت بقعد اتفرج على البحر عمري ما اتجرأت انزل الماية أبدا
مهاب شالها على كتفه / هتنزلي معايا. وقولتلك ماتخافيش أبدا طول ما انا جنبك.
مهاب نزل بيها الماية من غير مايغيروا هدومهم ونزلها من على كتفه وهي بقت متشعلقة في رقبته وخايفة وهو بيضحك على خوفها اللي شبه الاطفال
شمس بخوف / مهاب كفاية كدة. احنا دخلنا جوه اوي. كدة هنغرق. أرجوك يا مهاب انا مرعوبة
مهاب ضمها بأيديه الاتنين / خايفة وأنتي بين ايديا يا شمسي
شمس / غصب عني انا قولتلك عمري ما قدرت انزل المائة خالص لأني بخاف منها
مهاب / ماتخافيش من أي حاجة طول ما انتي معايا مفهوم.
( مهاب بيحاول ينزلها عشان تقف على الارض لانه مادخلش بيها جوة اوي لكن هي ماسكة في رقبته ومش عايزة تسيبه )
________________________”
رواية ( شمس وسط الظلام ) البارت(44). بقلم :-أسماء أبوشادي
__________________________________
مهاب بأبتسامة/ يا حبيبتي هتموتيني فكي ايديكي شوية
شمس بخوف / طول ما احنا في الماية مش هسيبك طلعني من هنا وانا اسيبك خالص
مهاب / اه يا مصلحنجية طيب حتى اكدبي عليا وقوليلي انك مبسوطة انك متشعلقة في رقبتي كدة عشان انا وحشتك
شمس / طلعني وأنا اكدب عليك واقولك وحشتني واقولك كل اللي انت عايزه كمان
مهاب برفع حاجب / لا والله. يعني انا ماوحشتكيش بجد
( مهاب نزل بجسمه وبيها في قلب الماية شوية حتى وصلت المياه الي رقبتها )
شمس برعب / عاااااااا. موهااااااااب عااااااااا
مهاب وقف تاني / بصي احنا مادخلناش جوه اوى يعنى انتي تقدري توقفي بسهولة. اقفي على رجلك عشان انا عايز اغطس شوية
ولا تحبي انزلك معايا تحت المايه
شمس بخوف / لاااا أنا أحب تطلعني من هنا وابقى اغطس براحتك. حرام عليك هموت
مهاب بصدق / اوعي تقولي الكلمة دي تاني ابدا. أنتي مستحيل يجرالك حاجة وأنا موجود ابدا
شمس بأبتسامة / ربنا مايحرمني منك أبدا. أنت أغلى إنسان عندي في الدنيا
تعرف انا حتى لو هموت مش فارق معايا اي حاجة في الدنيا أنت ربنا عوضني بيك عن كل اللي شوفته في حياتي.وكل اللي بتمناه اني لو هموت. اموت وأنا بين ايديك
مهاب بعصبية / شمس وبعدين قولتلك ماتقوليش الكلمة دي أبدا وماتتكلميش في الموضوع دا نهائي
شمس ترغرقت عنيها بالدموع / حتى لو ما اتكلمناش فيه دا حقيقة و واقع لازم نتقبله
ثم اكملت برجاء :- أنا مش عايزة اموت وأنا في العملية يا مهاب مش عايزة اموت وأنا لوحدي بعيدة عنك أنا والله مش خايفة من العملية ولا الموت.أنا بس عايزة اموت في حضنك
مهاب ضمها جاااامد وبقوة حتى اعتصر ضلوعها بين زراعيه / بس. اسكتي خااالص أنتي هتعملي العملية وهتنجح وهتبقي كويسة وهننسى كل اللي فات ومش هخليكي تبكي أو تخافي مرة تانية أبدا وهنعيش حياتنا كلها فرح وضحك من غير اي وجع
شمس بخوف ودموع / مهاب أنا ماليش غيرك في الدنيا أنا مش بظهر ادام اللي حواليا خوفي عشان ماحسش بالشفقة عليا وعشان ما اكسرش فرحتهم بضحك معاهم وافرح وياهم
بس انا خايفة أوي أنا مرعوبة متسبنيش الله يخليك أنا من غيرك هموت أنا عارفة انك بتتوجع لما بتشوفني كدة بس غصب عني انا عمري في حياتي ما كنت باخد حقنة حتى ودلوقتي اعمل عملية وفي القلب
( مهاب كان حضنها وبيسمعها مافكرش يقاطعها أبدا عايزها تقول كل اللي في قلبها كلامها بيوجعه أوي نفسه يمحي كل الحزن والخوف اللي جواها لكن دا كله بأيد ربنا )
مهاب وهو يربت على ظهرها / هتعمليها وهتبقي كويسة. لأنك قوية وأنا هفضل جنبك مافيش اى شئ في الكون هيقدر يبعدني عنك. حتى لو انتي طلبتي مني عمري ما اسيبك ابدا
ثم اكمل بمرح كي لا تلاحظ دموعه التي سقطت علي رقبتها وامتزجت بمياه البحر
أنتي ابت هنضيع اليوم كله كدة ولا ايه أنا عارف انك بتعملي كل ده عشان ما اسبكيش في المايه. يلا ابت عشان أعلمك العوم
شمس مسحت دموعها / مش انت بتعرف تعوم
مهاب / ايوة بعرف وبعدين بقى
شمس بأبتسامة / خلاص يبقى مش لازم أنا كمان اعرف. لأني أصلا مش هنزل اي مايه أو بحر من غيرك وهفضل علطول متشعلقة في رقبتك كدة. عجبك يا حبيبي ولا لاء
مهاب شال ايديه من حواليها وسابها ماسكة في رقبته وعام بيها في المايه
مهاب وهو بيعوم / عاجبني يا روح حبيبك
( طلعوا من المايه و شمس انغاظت من مهاب لأنه نزلها المايه بهدومها لكن هو قالها انه جايبلها لبس من بتاعها معاه دخلوا الفيلا وكان الفطار جاهز على السفرة.)
شمس بأستغراب / إيه دا مين اللي عمل الأكل ده
مهاب بأبتسامة/ اكيد الطباخ طبعا
شمس / هو في طباخ في الفيلا هنا أنا بحسبها فاضية
مهاب / ماهي فعلا كانت فاضية بس انا بلغت الحرس اننا هنيجي النهاردة وطلبت منهم يجيبوا الطباخ وفي خدامة تانية لو تحبي تطلبي حاجة منها. لانها هي الوحيدة اللي مسموحلها تشوفك
شمس / مش فاهمه هي الوحيدة أزاي يعني
مهاب / يعني الطباخ مش هيخرج من المطبخ والحرس عند بوابة الفيلا من جهة الطريق.
والخدامة بس هي اللي سمحتلها تكون قريبة مننا. عشان لو انتي احتاجتي حاجة
شمس / وليه دا كله يعني
مهاب بأبتسامة/ علشان نبقى براحتنا. وبعدين انتي مش شايفة اللبس لازق في جسمك ازاي بعد ماطلعنا من البحر
شمس بغمزة / يا عيني على الغيور
مهاب برومانسية / غيور وعاشق كمان
( فطروا مع بعض. وانبسطوا جدا وبعدين نزلوا البحر تاني ومهاب علمها ازاي تعوم وشمس بدأ خوفها من البحر يتلاشى وبقت تجري وتلعب ومهاب يجري وراها وكان مبسوط جدا انه قدر يخليها تتجاهل موضوع العملية شوية. وقرر أنه طول الخمس أيام اللي باقيين مع ميعاد العملية. مش هيخليها تفكر فيها أبدا
قعدوا على الشاطئ شوية. يرتاحوا من اللعب والجري. لأن مهاب لاحظ أن شمس تعبت ودا ظهر على وشها بوضوح
مهاب قاعد وفارد رجليه. وشمس نايمة على الرمل وحاطة راسها على رجليه
شمس سرحت شوية وغمضت عنيها وشوية. وراحت قايمة وقعدت كويس / صحيح يا مهاب انا كنت عايزة اسألك في حاجة كدة بس ماجتش مناسبة
مهاب بأبتسامة / اتفضلي يا ستي اسألي كل الأسئلة اللي عندك
شمس / إيه اللي خلاك تظن ان أنا ومارو. مرتبطين وكنا هنتجوز لو ماكنش مات
مهاب بغيظ / يعني انتي مااختارتيش غير السؤال دا وتسأليهولي دلوقتي. دا انتي فصيلة
شمس بأصطناع الزعل / أنا فصيلة. كتر خيرك. خلاص مش عايزة اعرف حاجة
مهاب بأبتسامة / خلاص هقولك بس بلاش بوز البطة ده.
أنا اول لحظة شوفتك فيها خطفتي قلبي وعقلي
حبيتك بدون ما اعرف عنك أي حاجة وبقيت اروح الجامعة مخصوص عشان اشوفك حتى لو من بعيد
وبعدها جت الاجازة وفضلت اسبوعين من غير ما اشوفك كنت هتجنن. هموت ومعرفش عنك اي حاجة ومافكرتش حتى اني اعرف أنا كل اللي كان في بالي لما كنت بشوفك هو اني امتع عنيا بلوقياكي فقط.
وبعدها داليا استأذنت مني تخرج عشان هتقابل صحابها مشيت وراها واتمنيت تكون هتقابلك أنتي. وفعلا شوفتك وبعد ما خرجتوا مشيت وراكي
شمس بأبتسامة/ ايوة لما وقفتني وسلمت عليا على اول شارعنا
مهاب بأبتسامة / كنت مبسوط جدا. ولما لمست ايدك كان نفسي احضنك زي ما حضنت ايديكي ولا لما عرفت اسمك بجد كنت هموت. شمس وانتي بالنسبالي شمسي
( ثم اكمل بحزن )
بعدها قررت اعرف عنك كل حاجة عشان ارتبط بيكي بس للأسف المعلومات اللي جاتلي انك بتحبي ابن عمك ومستنين تخلصي دراستك عشان تتجوزوا.
أنا ماصدقتش. أو ماكنتش عايز اصدق ان البنت الوحيدة اللي قلبي دقلها وحبها من أول نظرة وأخد غيري ساكن في قلبها.
لحد ما شوفتك بعنيا معاه على كورنيش النيل يوم العيد مبسوطة وماسكة بلالين وهو ماسك ايديها.
يومها الدنيا اسودت في وشي كرهت كل حاجة كان نفسي عمري ينتهي في اليوم دا
شمس بلهفة / بعد الشر عنك
بس انت ليه مثلا ماحولتش تكلمني او تسألني
مهاب / هكلمك اقولك ايه وأسألك أزاي وبأي صفة.
أنتي عارفة على اد ما كنت حزين في اليوم دا إلا أن الفرحة اللي في عنيكي يومها خلتني ادعيلك أن ربنا يوفقكوا ويسعدك
( ثم اكمل بشر )
بس تاني يوم لما كنتي مع داليا و رودي وحصلت معاكوا المشكلة. ورحتوا القصر وهو جالك هناك وعيطتي وهو كان بيهديكي وقعدتي جنبه. كان نفسي أقتله أو اقتلكوا انتوا الاتنين سوا وارتاح من النار اللي في قلبي
شمس بمرح / نهارك اخبر كنت عايز تموتنا. وكل دا ليه ما انت كمان كنت بتهدي داليا وخايف عليها
مهاب / داليا دي اختي وكنت بتعامل معاها علي انها اختي الوحيدة إنما هو نظراته ليكي ومعاملته اللي ظاهر فيها حبه ليكي. كانت بتقتلني. واللي بيقتلني اكتر ان هو بيعمل كدة ادامي وأنا ماليش حق امنعه
شمس بأستغراب / وليه ماشوفتش أن نظراته دي كانت خوف اخ على اخته آب علي بنته. صديق على صديقته
مهاب بأبتسامة/ معرفش انا بقى الكلام دا كله. أنا فسرت الادامي بطريقتي وبغيرتي عليكي ومافكرتش غير ان نظراته ولهفته اللي طاهرة للكل دي غير انها حب وعشق
شمس رفعت وشها للسما / ربنا يرحمك يا مارو ويدخل جنته يارب ويجزيك عنده. على كل اللي انت عملته معايا. ( بصت لمهاب )
تعرف أن ربنا عوضني بيه عن حنان امي وابويه وكل اللي انا محتجاله. ماكنش بيستحمل اي حد يتكلم معايا عمره ما زعلني أو سمح لحد يزعلني. وأنا عمري ماخوفت منه او خبيت عنه حاجة
حتى يوم ماحسيت أن قلبي دق ليك. هو الوحيد اللي حس بيا ولما حكيتله هو اللي قالي ان دا حب
كان بيفهمني من نظرة عيني بس و
مهاب بتحذير / شمس. أنا بغير عليكي من ابوكي اللي جابك الدنيا نفسه ومش معنى أن ابن عمك مات اني برضوه مش هغير عليكي منه
شمس بأبتسامة / الله يرحمه كان هيبقى مبسوط لما يعرف أن ربنا رزقني باللي يحبني ويخاف عليا ويغير عليا كمان
دي كانت امنية حياته كان دايما يرفض اي عريس يتقدملي ويقولي أنا هسلمك بأيدي لعريسك اللي يستاهلك
مهاب بأبتسامة / الله يرحمه تعرفي ان انا حبيت مروان دا مع اني معرفهوش. بس حبيته من كلامك عنه. ومن يوم جنازته لما شوفت الناس كلها زعلانة عشانه. لدرجة ان في رجالة كمان كانت بتعيط على فراقه
( قضوا يوم جميل جدا كان من اجمل ايام حياتهم لكن للاسف الاوقات الحلوة بتخلص بسرعة رجعوا على القاهرة الساعة 10 بالليل ومهاب وصل شمس لبيت عمها ومشي. وهي بمجرد ما دخلت نامت علطول من التعب ومن السفر. نامت وهي اسعد انسانة في الدنيا
@@@@@@@@@@@@@@@@
تاني يوم شمس اتصلت بمهاب أول ماصحيت. عشان تصبح عليه وتعرفه إنها صحيت. زي ماهو طلب منها
كان في الوقت دا مهاب رايح الشركة وسألها هي هتعمل ايه النهاردة قالتله ولا حاجة. داليا و رودي وجميلة. هييجوا يقعدوا معاها طول النهار قفلوا مع بعض وهما مبسوطين جدا
وقضت شمس اليوم مع صحابها و طلبت من رحمة اختها تقعد معاهم كمان. وفضلوا يهيصوا ويضحكوا ويهزروا وشغلوا اغاني شعبية ورقصوا عليها
وطبعا شمس ماشركتهمش الرقص لأنها عارفة نتيجة الرقص دا سرعة نبضات القلب و وجع كبير. ففضلت إنها تشجعهم وبس
بالليل مهاب اتصل بشمس وطلب منها تجهز نفسها علشان هيخرجوا يتعشوا برة
شمس جهزت نفسها ولبست فستان بسيط جدا من اللون البنفسجي باكمام وطويل وطرحة نفس اللون مشجرة
مهاب اخدها. وراحوا المطعم اللي احتفلوا فيه بعيد ميلادها وكان فاضي برضوه زي المرة اللي فاتت وغنوا مع بعض الأغاني اللي بيحبوها وشمس غنت لمهاب اغنية ( عاشقة وغلبانة لصباح ). وغنيتها بأسلوب جننت بيه مهاب ومعرفش يغني معاها الأغنية دي لانه مش حافظها وتقريبا مش فاكر انه سمعها قبل كدة وهو غنالها اغاني كتير لعمرو دياب ومحمد فؤاد كمان.
و السهرة كانت طويلة 6 ساعات تقريبا من الساعة 6 المغرب للساعة 12 بالليل
مهاب وصل شمس لبيت عمها. وكانت مرات عمها مستنياها ماعرفتش تنام قبل ماهي تيجي ولما لقيتها مبسوطة كانت بتدعيلها كتير ان ربنا يسعدها. ويشفيها
@@@@@@@@@@@@@@@@@
تاني يوم.شمس اتصلت على مهاب بدري كان هو لسه في البيت هينزل يفطر عشان يمشي علي الشركة.
شمس فاجأته بأنها اتصلت بالسواق جابها على القصر عشان تفطر معاه هو والعيلة مهاب انبسط جدا وفطروا وهي قعدت جنبه زي ماكنت بتقعد قبل كدة.
وبعد الفطار.مهاب كان في غرفة المكتب بياخد أوراق مهمة محتاجها
الباب خبط طق طق طق. مهاب سمح بالدخول
شمس بتوتر / مهاب هو أنا ممكن اطلب منك طلب
مهاب / حبيبتي أنتي تأمري أمر مش تطلبي وأنا أقولك أمرك مطاع يا شمسي
شمس بأبتسامة / ربنا مايحرمني منك يا عيون شمسك. انا عايزاك تاخدني معاك الشركة
مهاب بأستغراب / وهتيجي معايا الشركة تعملي ايه
شمس بأبتسامة مرح / هتفرج عليك وانت بتشتغل واشوف الشركة والموظفين وكدة يعني
مهاب بأبتسامة / يا حبيبتي إيه رأيك ماروحش الشركة وأقعد تتفرجي عليا هنا احسن
شمس بزعل / لاء ماليش دعوة انا عايزاك تروح وتاخدني معاك
مهاب بهدوء/ يا بنتي ما ينفعش أنا وعدتك قبل كدة اني هخليكي تشتغلي معايا في الشركة لكن بعد ماتخلصي دراستك.
شمس بتمثيل الغرور / يا بابا الكلام ده لسه باقي عليه سنة. وبعدين انا اكبر شركة في العالم كله تتمناني أنا الاولى كل سنة عاب اكبر جامعة في مصر غير الابحاث اللي عملتها. واللغات اللي اعرفها. وأنا قوتلك أنا لسه هفكر إذا كنت هقبل اشتغل معاك ولا لاء
مهاب بذهول / لا والله
شمس بكبرياء / اه والله انت ماتعرفش أنا مين. أنا الاستاذة شمس حرم مهاب العدلي يا بابا
مهاب بأبتسامة فرحة / طيب عشان الجملة دي أنا هاخدك معايا الشركة يا أستاذة شمس يا حرم مهاب العدلي
شمس بمرح / مهاب باشا لو سمحت
مهاب قام من مكتبه وقربلها بسرعة / لا الكلام دا محتاج يخلص ببوسة
( قبل ماشمس ترد كان مهاب أطبق على شفتيها والتهمهما في قبلة عميقة دامت لدقائق )
مهاب بصوت رجولي ملئ بالرغبة / انا بقول يلا نمشي بدل ما اغير رأيي ونطلع على اوضتنا ونكمل كلامنا
شمس بكثوف / احم احم يلا
( ركبت شمس مع مهاب العربية. والسواق طلع بيهم على الشركة وسط استغراب الحرس كلهم إنه واخد مراته معاه الشركة وكمان مبتسم وهو بيكلمهم على غير عادته
وصلوا الشركة ونزلوا.مهاب ماسك ايد شمس وماشي وكل اللي يقابله يقف ويحييه كأنه شاف رئيس الدولة ويبصوا على البنت اللي معاه وفي منهم عرفوها لأنهم شافوا صورهم مع بعض في المجلة. ( لما كانوا في كتب الكتاب )
ركبوا الأسانسير وطلعوا. شمس مبسوطة جدا وحاسة بالفخر. بجوزها اللي الكل بيحترمه وبهيبته الكبيرة وصلوا للدور اللي فيه مكتب مهاب. وشمس بتبص حواليها عشان تشوف الموظفين اللي حواليها لحد ما وصلوا عند السكرتيرة اللي اتنفضت عشان تستقبل مهاب بس هو دخل وشمس في ايده متجاهل كل اللي حواليه والرهبة اللي تسبب فيها للموظفين
دخلوا المكتب وقعدوا على صوفاية موجودة في أحد أركان المكتب. شمس مبهورة بالمكتب وبشكله الرائع وفخامته
شمس بأنبهار / وااااااااو مكتبك جامد اخر حاجة فيخم فيخم يعني
مهاب بأبتسامة / اتخرجي أنتي بس وأنا اجهزلك مكتب أحسن منه
شمس بمرح / اعتبر دا إغراء عشان اقبل اشتغل عندك بعد التخرج
مهاب / ما اسمهاش اشتغل عندك. اسمها اشتغل معاك في شركتنا.
شمس بأبتسامة/ ما اقصدش على فكرة و ولا تزعل دا اغراء عشان اشتغل معاك في شركتكوا
مهاب / بت هو انتي جاية تعصبيني. اسمها شركتنا مش شركتكوا. وبعدين لسه وقت الإغراء ماجاش لما ييجي وقتها. أنا هعرف أزاي اغريكي
شمس / تصدق أنت والله قليل الادب
مهاب / ههههههههههههه أنا عملتلك إيه بقى عشان تشتميني. ما انا في حالي اهوه وجاي اشتغل. وأنتي اللي جاية معايا تتغرغري بيا
شمس بشهقة / اناااااااااا
مهاب بمرح / اومال أنا
( مهاب بيلف ورا المكتب وشمس ماسكة قطعة ديكور من على مكتبة عايزة تحدفه فيها وبتجري ورا )
مهاب بضحكة / يا شمس اعقلي احنا في الشركة يا مجنونة
شمس بغيظ / خلاص اقف اعضك وبعد كدة اعقل
مهاب / تعضيني ليه أنتي جعانة ولا ايه
شمس بغيظ / يا مهاب اقف بقى هتشلني عاااا
( مهاب قرب منها بسرعة بلهفة إيه يا حبيبتي مالك )
شمس مسكت ايده وراحت عضاها جامد
مهاب / اااااااه ااااه يا عضاضة. أنتي مابتكليش لحمة ولا ايه.
شمس سابته وبتضحك وبتلف حوالين المكتب / أحسن عشان تغيظني بعد كدة
مهاب بغيظ / طب والله ما أنا سايبك
( قطع مرحهم هذا طرقات خفيفة على باب المكتب عدل مهاب من هندامه واجلس شمس على الكرسي المخصص له على المكتب. وسمح السكرتيرة بالدخول )
دخلت السكرتيرة. واستغربت حينما وجدت شمس تجلس بمكان مهاب ولكنها. ركزت في شغلها ولم تبالي
قدمت السكرتيرة بعض الاوراق لمهاب واخبرته ببعض المعلومات التي تخص العمل ثم استأذنت من مهاب بكل احترام وأدب وخرجت لكي تعود لعملها.
( بعد خروج السكرتيرة )
شمس بأستغراب / غريبة السكرتيرة مابصتلكش بصات كدة ولا كدة. وما اتدلعتش عليك ولا غارت مني
مهاب بعدم فهم / نعم. أنتي بتقولي ايه
شمس / اصل في كل الروايات لما البطل بيحب بنت عادية. و تيجي تروح معاه الشركة. تقوم تيجي السكرتيرة وتتغاظ من البنت دي وتفضل تتدلع على البطل بقى وتتغرر بيه أدام البنت العادية عشان تغيظها
( يخربيت الروايات اللي هتلحس عقولنا دي )
مهاب / لا والله. يعني انتي بقى جاية معايا علشان كده
اطمني مافيش واحدة تقدر تفكر بس مجرد تفكير انها تضايقك. وأنا مستحيل ابص لواحدة غيرك. يا شمسي
يعني انتي مش لازم تيجي معايا علشان تشوفي بنفسك
شمس بأبتسامة/ لا طبعا يا حبيبي انا جاية معاك علشان حابه اشوفك وانت بتشتغل في الشركة وأفضل معاك طول اليوم لانك بتوحشني
مهاب / أنتي جاية تقوليلي الكلام دا هنا ودلوقتي.
بقولك ايه يلا نروح نرتاح في البيت شوية علشان انا تعبت من الشغل
شمس / مهاب بس بقى ويلا ركز في شغلك وخليني اساعدك
( ظل مهاب يشتغل وشمس تساعده وهو يعرفها طبيعة العمل ولغى كل المقابلات التي كانت متحددة من وقت سابق. لتواجد شمس معه بالمكتب
انتهوا من العمل وخرجوا معا لكي يتغدوا في مطعم وقرر مهاب ان يقضي مع شمس باقي اليوم في التنزه ولا يعود للشركة مرة اخرى.
مهاب قرر انه يروح هو وشمس يشتريلها فستان عشان تحضر بيه خطوبة اختها وابن عمها بكرة.
شمس اعترضت وأخبرته أنها قد اشترت من قبل مع البنات ولكنه لم يقبل رفضها ولم يدع لها الفرصة لتتمسك برأيها بحيث ذهب بها إلى أكبر مكان لبيع ارق الفساتين
مهاب اختارلها فستان افويت شمس قالتله إنها مابتحبش تلبس اللون دا لكنه اصر عليها لأن اللون دا عجبه جدا
وبالفعل الفستان كان روعة حيث انه كان بأكمام وعليه فصوص من الفضى تلمع وبه حزام من أسفل الصدر يزينه نفس الفصوص. وينزل باتساع كبير جدا وله حجاب من نفس لون الفستان افويت
وقاموا بشراء جزمة بكعب عالي لونها فضي في غاية الروعة.
________________________________
اليوم هو يوم خطوبة محمد و رحمة.
الخطوبة كانت في الشارع حيث سماعات Dj الكبيرة والكثيرة والكراسي الموضوعة والكوشة المزينة
فقد ساعد اصحاب مروان. محمد في تجهيز ليلة جميلة وكأنها الفرح.
أتى محمد برحمة من الكوافير الذي كان في نفس المنطقة. كانت رحمة في غاية الجمال. صحيح انها لا تشبه شمس إلا انها أيضا لها جمالها الخاص
بدأت الأغاني الشعبية ترج حيطان بيوت المنطقة من شدتها.
أتى مهاب وبصحبته مازن وداليا. وعمر اللي رفض ان داليا تروح هناك من غيره. وأتت أيضا رودي بصحبة احمد
كانوا الرجال يجلسون بجانب والنساء بجانب اخر. والكل يرقص ويتسابقون في الرقص. كانت داليا وشمس و رودي وجميلة. يشاهدون فقط. بسعادة كبيرة وضحك ايضا على حركات الشباب الغريبة الذين يدعون انها رقص
بدأ قلب شمس ينبض بشدة نتيجة لصوت الموسيقى الصاخبة التي تصدر من تلك السماعات الضخمة
حاولت شمس ان تتجاهل وجعها ولكن كان الوجع لا يحتمل فقلبها يهتز مع اهتزاز خبطات الدرامز والطبول بجانب الديجي فقد كان الاحتفال مبالغ فيه كثيرا. ولكن كانوا اصحاب مارو من فعلوا ذلك حتى لا يحزن محمد بعدم وجود اخاه معه. وحاولوا ان يشعروه بوجودهم معه في هذا اليوم
رأت شمس تلك السيدة العجوز ضعيفة النظر. التي تسكن بجاور ورشة مروان.
تأتي بصحبة إحدى النساء من جيران الورشة ايضا
استأذنت شمس من صحابها وذهبت سريعا الى تلك السيدة العجوز
انحنت شمس إلى يد تلك السيدة وقبلتها / ازيك يا أمي
الست اتعرفت على شمس من صوتها / ازيك انتي يا قلب مروان
شمس بأبتسامة/ انا الحمد لله بخير انتي عاملة ايه وازي صحتك
الست / الحمد لله يا حبيبتي نعمة من الله
( شمس ساعدت الست انها تقعد علي أحد الكراسي. وبجوارها جارتها التي ساعدتها لكي تأتي )
استأذنت شمس لكي تأتي بشئ لتلك العجوزة لكي تشربه هي وجارتها
فهم كانوا يجلسون بعيد عن دوشة الأغاني والرقص
عادت شمس سريعا وقد أحضرت اثنان من الكنز للسيدتان
اقتربت منهم وكانت أمام السيدة العجوزة وخلف جارتها. واستمعت لكلام المرأة العجوزة
الست بتنهيدة حارة / حاسة من صوت شمس إنها حزينة وتعبانة
الجارة / ايوة فعلا يا خالة أصلها هنا بقالها اكتر من شهرين وبيقولوا في مشاكل بينها وبين جوزها. وكانت جاية تعبانة اوي يا حبة عيني
الست / اااااااه لو كان مروان عايش كان زمانها اسعد مخلوقة في الدنيا. كان منى عينه انه يشوف ضحكتها وبس كان هيكون ونعمة الزوج ليها
الجارة / يا خالة دول كانوا بيتعاملوا زي الاخوات.
الست / لااا يا بنتي مروان كان بيعشق شمس كان بيحبها اكتر من نفسه. لكن نقول ايه دا نصيب وقدر
الجارة / طيب اذا كان بيحبها مخطبهاش ليه ولا اتجوزها قبل ما ربنا يفتكره
الست / كان مستكترها على نفسه من كتر عشقه ليها عمره مافكر فيها انها تكون له
( شمس واقفة متصنمة ومتحجرة في مكانها من الكلام اللي بتسمعه. هي اصلا مش مصدقاه لكن مجرد ما سمعته اتصدمت )
الجارة بأستغراب / في واحد يحب واحدة يا خالة يقوم مايتجوزهاش. دا ايه الحب ده
الست / هو دا الحب يا بنتي. اللي يحب واحدة يتمنالها الأفضل والاحسن. وهو يا نضري كان مستكترها عليه. كان كل همه في الحياة هي. مستقبلها علامها وحياتها وفرحتها.
( ثم أكملت بحزن )
عيني عليه يا ولدي لما كان يتقدملها عريس كانت النار تكوي قلبه. وكان ييجي يبكي في حضني زي العيل الصغير وقلبه يتوجع على حبه ليها
شمس قربت منهم بذهول من الكلام اللي بتسمعه / بس بس انتي بتقولي ايه
اللي بتقوليه دا غلط.
شهقت الست وجارتها أيضا فهم لم يتوقعوا أن هناك احد يسطيع سماع كلامهم بسبب صوت الأغاني الصاخب
الست بتوتر/ شمس. أنتي. ا ا
شمس اقتربت منها وجثت على ركبتيها امامها / الكلام اللي انتي بتقوليه دا مش حقيقي صح
الست / لا يا بنتي حقيقي. مروان كان بيحبك حب مش موجود في الدنيا. عشقك يا شمس من وانتي لسه مولودة وعشقه ليكي كان واضح في عنيه بس انتي اللي كنتي عامية عنه
شمس / الكلام دا مش حقيقي. أنتي إيش عرفك أنتي بالكلام دا.
الست / مروان. هو اللي كان بيحكيلي عمره ما قال لحد على حُبه ليكي لكن انا عرفت لوحدي وحسيت من كلامه عليكي. ولما سألته واصريت عليه ماقدرش ينكر ( اتنهدت بأسف ) يا ما نصحته يقولك علي اللي في قلبه. لكن كان يقولي انها تستاهل واحد أحسن مني وان هو مش نصيبك ولا يليق بيكي. كان بيتألم ويتعذب. حتى في اخر ايامه يا شمس. جالي بيبكي ويقولي أن قلبك دق كان مبسوط عشانك لكنه كان خايف عليكي. كان كله همه انتي كان بيدعيلك ويطلب مني ادعيلك
تعرفي أنا لما عرفت ان محمد هيخطب أختك. اتخيلت ان هو اللي مكان أخوه وأنتي مكان اختك
( الست بتتكلم وهي بسبب ضعف نظرها الذي يشبه العما لا ترى حالة شمس ابدا )
شمس قامت من ادام الست وسابتها ومشيت دخلت في وسط الزحمة كلام الست بيتردد في دماغها
وفجأة بقى كلام مهاب كمان لما قالها انه شاف في عيون مروان حب وعشق.
وفجأة قفزت وميض لحظات لها مع مارو. من ايام الصغر. بل كل ايام العمر. نظراته لما يشوف حد بيبوصلها. تعصبه لما يعرف ان حد عاكسها. عدم رحمته لأي حد يفكر يزعلها حتى لو كان ابوه أو أبوها هي نفسه.
استعادت كل مواقفهم كأنها فلاش باك في دماغها وبترجع تعيشها تاني وتدقق ?
