الحلقه 15
تفاعل بقى لو الحلقه عجبتكم
**************************
معتز : قرر يروح لمروان ويعترف له انه معجب بمرنا وعايز يتقدم لها
معتز : اسماعيل يا أسماعيل
أسماعيل : الحقنى يا معتز باشا
معتز : جرى على أوضة والده ليكون جراله حاجه
معتز : بصدمه انت بتعمل ايه يا بابا
أحمد : زى ما أنت شايف برابيه قليل الادب بتاع الشوارع سايب مذاكرته والمدرسين زهقو منه
مروان : يا بابا دا مش ابنك وابنك كبر وبقى ظابط ملو هدومه
احمد : اخرس يا ولد ولمين بابا الا بتقولها دى هاااه
مروان : انا أبنك
احمد : يعنى انت الا كل شويه يجى منك شكوه وجواب رفد على البيت والله لأحبسك وأربطك جمب الجزمه التانى دا انا ها أعلمكم الأدب يا كلاب
مروان : احمم بابا قصدى أحمد بيه ابنك عندك أعمل فيه الا أنت عايزه وطلع على برا جرى
احمد : خد يا ولد لازم اربطك جمبه وأمدك على رجليك
معتز : بصوت عالى معاك ربنا يا اسماعيل وخرج وقفل الباب
*********
محمد : تسلم ايدك يا حجه فتحيه الاكل يجنن والله ما بتقصرى ابدا
فتحيه : تعيش يا أبو مازن بألف هنا
روقيه : الله يهنيكى يا فتحيه بجد تسلم ايدك بس انتو عاملين واليمه مش غدا
فتحيه : هو احنا ها يجلنا اعز منكم
مازن : أكيد فاطمه الا عامله الاكل دا كله
فتحيه : شوف الواد باعنا خلاص
مازن : انا أقدر يا طنط فتحيه دا انتى الخير والبركه انا بطمن على مستقبلى
فتحيه : أطمن يا حبيبى دى تربيتى
زينب : وانا يا ماما ناسينى خالص
فتحيه : انتى الغاليه يا زينب مرات الغالى
محمود : أخرج انا منها
فتحيه : انت اولهم يا قلب أمك
روقيه : ربنا ما يحرمك منهم
فتحيه : يارب
محمد : ندخل فى الجد بقى ايه رأيك يا عبد العزيز كتب الكتاب والفرح الخميس الا بعد ما مرنل تخلص امتحانات على طول
عبد العزيز : ايه رايك يا فاطمه يا بنتى
فاطمه : الا تشوفه يا بابا
عبد العزيز : يبقى على بركة الله
فتحيه….. وزينب…… لولولولولوى
مرنا : مبروك يا فاطمه وحضنتها وباستها مبروك يا مازن والله وها تدخلى القفص يا بيضا
مازن : عقبالك يا مرنا
مرنا : بهزار يارب
كلهم هههههههههههه
*********
مروان : اخيرا نزلتى
سما : هوانا لحقت
مروان : تعال افطرى ياله
سما : انت عملت الفطار
مروان : قولى الغدا الساعه3 بس ها نمشيها فطار خفيف كدا عشان تعرفى تتغدى
وقدت تاكل ومروان مركز معاها
سما : ها تفضل بصاصلى كدا كتير
مروان : عندك مانع مش قادر أمنع عيونى عنك
سما : بطل بقى
مروان : انتى بتتكسفى بسرعه كدا ليه
سما : انت جرئ قوى وبتحرجنى
مروان : بجد هو انا عارف اعمل حاجه ياله نصبر ونستحمل لحد ما تبقى حرم مروان محمد القاسم
سما : مغرور
مروان : بيكى انا مغرور بيكى بقولك كنت عايز أخد رأيك فى موضوع
سما : اتفضل
مروان : فى واحد صاحبى معجب بسمر أختك وعايز يتقدم لها بس عايز يعرف رأيها الاول
سما : سمر لسا فى 3 ثانوى
مروان : عارف هو ها يستناها هو عايز يبقى فى حاجه رسمى بينهم بس هى لازم تقعد معاه الاول وياستى عشان تتطمنى ها يكونو هنا وتحت عنينا
سمر : هو مين دا هى تعرفه
مروان : ايوا وانتى كمان كريم
سما : طيب انا ها اقول لها فى التليفون واعرف رايها الاول قبل ما تقعد عشان لو رفضا يبقى ملوش لازمه يقعدو مع بعض
مروان : تمام ها استنى ردك ماشى
سما : ببتسامه ماشى انا ها اقوم أغسل الاطباق دى واطلع اذاكر
مروان : بيقرب منها ما أذاكراك انا
سما : لاء
مروان : بقى كدا وتليفونه رن ايوا يا معتز ايه وصلت فين طيب ادخل انا جوا تعالى
مروان : خلصتى حطيهم فى غساله الاطباق واطلعى ياله عشان صاحبى داخل هنا
سما : حاضر
مروان : حضنها يحضر لحبيبى الخير والسعاده وهو فى حضنى
وطلعت : سما
*******
معتز : سلامات يا وحش
مروان : سلامات يا قناص عامل ايه
معتز : ها اعمل ايه يعنى ابويا ها يكتب على جنانى
مروان : والله ابوك دا راجل عسل
معتز : هو عسل وانا مفترى
مروان : هههههه شكلك على أخرك
معتز : تخيل عايز يربطنى فى رجل السرير ويمدنى على رجلى لا والا حارق دمى من امبارح جايب زوزو الحيزبونه وعايزنى اعملهم لمونتا يا مروان وقال ايه خطيبتى
مروان : هههههههههههه دا ابوك دا نكته
معتز : ماله الجيش هاااه ماله بيدونا اجازات ليه انا تعبت
من مسلسل كل يوم حلقه شكل دا انا خايف فى يوم اقوم من النوم الاقيه متجوز وعندو عيال اه يا أما اتاريكى يا حببتى ما أستحملتيش ومشيتى بدرى وقولت اخدها من قصيرها ……..
مروان : ههههههههه انت ها تندب يا واد انشف شويه
معتز : بس يا أخويا سبنى با الا انا فيه فينك يا كريم انت ها تفهمنى يا حبيبى وتهون عليا
مروان : قوم روح يامعتز
معتز : وربنا ما انا مروح مروان انت لوحدك
مروان خير بتسأل ليه
معتز : بجديه كنت عايز افاتحك فى موضوع كدا قبل ما اخدو بشكل رسمى
مروان : ادخل فى الموضوع إخلص
معتز : بصراحه يا مروان من غير لف ودوارن انا عايز ادخل البيت من بابه انا معجب بمرنا أختك لو مش عندك مانع يعنى ممكن اتقدم لها ….
مروان : بتفكير امممممم من أمتى الكلام دا
معتز : يوم ما خدناها المستشفى لسما
مروان : بس أنت يعنى ها تتجوزها وانت ما شوفتهاش غير مره
معتز : انا بقولك داخل البيت من بابه وما تتذاكاش عليا يا مروان انا مشفتهاش ولا حصل بينى وبينها كلام
مروان : على فكره انا بثق فى أختى ومتاكد ان عمرها ما تعمل حاجه من ورايا وبردو لو مش بثق فيك عمرى ما أدخلك البيت دا وانت عارف
معتز : عارف عشان كدا ما أكلمتش مع أبوك وكلمتك الاول يا صاحبى
مروان : سبنى أفكر
معتز : ها تفكر فى ايه يا مروان للدرجه دى انا مستاهلش أتقدم لاختك والا أكون ما أشرفكش
مروان : بطل هبل مش كدا خالص انت راجل يا معتز وعارف انك ها تصونها بس لازم وقت الموضوع مش قفش يعنى اهدى على نفسك
معتز : هديت يا مروان
مروان : بس لو الموضوع تم مش ها تقعد معاها غير فى وجودى
معتز : ليه ان شاء الله ها أكلها
مروان : دا شرطى لو تم
معتز ؛ ان شاء الله ها يتم ما تقاطعش
مروان : يا مسهل
معتز : عملت ايه مع سما
مروان : الحمد لله الدنيا بقت تمام
معتز : بفرحه بجد يا مروان ربنا يسعدك بيها ويسعدنى با إلا فى بالى ويبعد عننا العوازل
مروان : اتظبط
معتز : اتظابطنا ها ترد عليا اجى اتقدم رسمى امتى
مروان : معرفش
معتز : دا انت رخم بقى دا لو عندى أخت ماكنتش عزتها عليك يا راجل
مروان : هو طبق مكرونه ما تلم نفسك دى مرنا يا بنى يعنى الكل فى الكل هنا بعد ماما وبابا فاهم
معتز : فاهم يا أخويا ها تعمل عليا حما من دلوقتى
مروان : ان كان عجبك
*********
حازم : وبعدان يا بابا ها نفضل كدا مش بنسئل على سما ولا عمى
محمود : انسى سما خالص يا حازم
حازم : مش قادر يا بابا انساها
منال : لا ها تنساها خالص والا مش ها أعرفك تانى يا حازم كفايه اهانه وبهدله من تحت راس الست زفته فيها ايه زياده عن بنت خالتك
حازم : ياماما بحبها حسى بيا بقى ولو خطبتها ها اوقف اى حد عند حده
منال : والله ما يحصل طول ما انا عايشه استنى لما اموت وروح اتجوزها فاهم والا لا
حازم : انا ها اسافر ملوش لزوم القاعده هنا
منال : ايوا طالما الموضوع اتفشكل يبفى خلاص احنا ملناش لازمه عندك
محمود : كفايه يا منال انتى سنا سكاكينك على الواد كدا ليه
منال : بفوقه من الوهم هو ماشافش نفسه وهو كان ها يموت بين ادين البيه الا بيحبها وعامل بطل على حساب ابنك
وتلاقيها ماشيه معاه الحلوه الا سايبه بيتهم ومانعرفش عنها حاجه
محمود : اتقى ربنا فى كلامك
منال : انا أهو وانت أهو لو الموضوع دا ماكنش فيه إنا يا خبر انهارده بفلوس بكرا يبقى ببلاش
حازم : انا طالع برا عشان اتخنقت
**********
حازم : خرج مش عارف يعمل ايه ركب عربيته وراح على المستشفى ال كانت فيها سما وبيسئل عليها وقالولو خرجت
ادى لبتاع الأمن الا برا فلوس عشان يعرف خرجت مع مين قاله انها ركبت مع مروان بيه……. حازم سئلو على العنوان وبتاع الامن فى حد ما يعرفش فيلا محمد القاسم هى فى …….
حازم : شكرا وسابه وراح على العنوان الا خدو من الراجل
حازم : على باب الفيلا سامح عايز مين وانت مين
حازم : انا ابن عم سما وخطيبها وعايز أقابلها
سامح : أستنى سامح اتصل على الفيلا جوا وبلغ مروان ومروان : قاله دخلو
مروان : أفندم عايز ايه
حازم : عايز أقابل سما
مروان : بمناسبه ايه
حازم : ها أحط النقط على الحروف قبل ما أمشى
مروان : ما تمشى هى سما لو عايزاك كانت كلمتك
حازم : ممكن أعرف انت ايه دخلك انا وبنت عمى وخطيبتى
مروان : مش خاطيبتك وادام انت هنا فى بيتى يبقى ليا دخل
حازم : طيب لوسمحت بلغها انى عايز أشوفها
مروان : ماشى واخر مره أشوف وشك هنا
حازم : انا ما يلزمنيش اجى هنا انا مجبر مش أكتر ياريتها فى مكان تانى
مروان : سابه وهو بيغلى وطلع قال لسما وهى صممت تتنزل رغم ان مروان رافض بس ما حبش يضعط عليها وعايز يشوف رد فعلها تجاه حازم
سما : نزلت لحازم فى الجنينه وسلمت عليه وقعدو
حازم : ممكن أعرف انتى بتعملى ايه هنا يا سما
سما : قصت عليه كل ما حدث بالمشفى فا هى تعتبره أخ لها ليس أكثر من ذلك
حازم : طيب انا مش مرتاح لقعدتك هنا
سما : اطمن يا حازم هما هنا كأنهم عيلتى والله
حازم : وانا يا سما فين من دا كله
سما : انت ها تفضل أخويا وصديقى الا مش ها استغنى عنه
حازم : أخوكى يا سما دا انا نازل اخطبك تقوليلى أخوكى
سما : انا أسفه يا حازم والله انا مش بحس باكتر من الأخوه بينا أعتبرنى أختك ودور على الا تحبك وانت تحبها بجد
حازم : دا أخر كلام عندك
سما : ايوا وما تزعلش منى
حازم : مش زعلان بعد اذنك بقى عشام اسافر ومشى وقلبه مكسور مرتين انه فعلا لقاها بس فى فيلا القاسم والمره التانيه انها رفضته نهائى من حياتها كا حبيب او زوج طيب ادينى فرصه يمكن تحبينى ولكن لا تأتى الرياح بما تشتهى السفن خرج وقرر المغادره من البلد بأكملها
***********
رجائى : ازيك يا طنط هبه عامله ايه وعمو مجدى عامل ايه
هبه : الحمد لله يا رجائى محدش بقى بيشوفك ليه
رجائى : انتى عارفه الشغل يا أما مع الشله يعنى ما بروحش بعيد
كريم : يعنى انا الا بتشوفنى طيب أسألى على ابنك
هبه : ما أنت معايا أهو والا تكون شبح أبنى نايم أكل شارب معانا فى البيت
رجائى : ما تتنيل وتسكت انت جاى فى اى حاجه
كريم ؛ بس يابنى أنت ما تعرفش حاجه الناس دى بتعاملنى كأنى جاى من كوكب زوحل ومش أبنهم انا كائن فضائى فى البيت والله لأوريكو ياهبه انت ومجدى
**********
بقلم : لبنى طارق
&&&&&&&&&&&
الحلقه 16
******
هبه: طيب بص يا فضائى عندك الاكل فى المطبخ قوم حط لنفسك وما أسمعش صوتك لمدة أسبوع فاهم
كريم : ليه ها تحبسينى يا هبه والله دا ظلم
رجائى : ههههههههه انت عامل مشاكل فى كل حته كدا
كريم : أستنى يا عم ….. الحجه ما صدقت هبه يا هبه انتى حبيبتى ما تعمليش معايا كدا انا ابنك بردو
هبه : ما كنت كائن فضائى من شويه
كريم : بهزر يا هبه ايه ما بتهزريش مانتى هارينى انتى وجوزك
هبه : أسمها جوزك
كريم : خلاص مجدى حطيلى ناكل انا ورجائى وبيضى وشى يا أحلى هبه فى الدنيا وبسها وخد رجائى ودخل اوضته
*********
مروان : اطلعى فوق وانا شويه وجاى أتكلم معاكى
سما : حاضر
مروان : حبيبى المطيع
سما : بكسوف أنت ما بتصدق يا مروان
مروان : أطلعى أطلعى انتى أخرك تبيعى فجل على الشارع مش تحبى وتتحبى
سما ؛ فجل انا أسيبك واطلع أحسن
مروان : دخل لمعتز جوا معلش اتاخرت عليك تشرب ايه
معتز : اشرب قول أكل ايه
مروان : بس كدا ماما عامله حوواشى ها أحطلك اتنين فى الفرن يسخنو عشان مش هأكل دلوقتى انا
معتز : طيب ما تنساش التحابيش
مروان : طيب تعالى ونحبش مع بعض جوا بقى فى المطبخ
ودخلو المطلخ ومروان طلع الحوواشى من التلاجه واالطحينه والسلطه وحطهم على سفرة المطبخ ودخل الحوواشى الفرن
معتز : هو مفيش حد هنا
مروان : لا
معتز : يعنى أنت وسما لوحدكو
مروان : مش لوحدنا قوى يعنى ما أنت قاعدلى زى العمل الرضى اهووو
معتز : انا بتكلم بجد
مروان : يا سيدى بابا راح يحدد فرح مازن وخد العائله الكريمه معاه بس جاين انهارده يعنى دماغك ما تروحش لبعيد
معتز : ولا بعيد ولا قريب هات يابنى الأكل هات مش ها تبقى انت وأحمد عليا
مروان : اتفضل
معتز : احنا ها نرجع الشغل أمتى
مروان : هانت يا أخويا ما تستعجلش فات 17 يوم من الاجازه
معتز : بغمزه خلاص القلب دق بقى والاجازه بقت مهمه
مروان : أهو قرررك الا جايبنى ورا
********
سما : ايه يا أميره اتاخرتى كدا ليه
أميره : معلش يا سما مش ها أقدر أجى انهارده ممكن بكرا ان شاء االه
سما : فى حاجه يا أميره
أميره : لا ابدا بنت خالتى جايه تقعد معايا بس المهم بتعملو ايه فى المحاضرات
سما : كله تمام ما تقلقيش مرنا مظبطا كل حاجه
أميره : ماشى يا سما ها أقفل انا بقى لا إله الا الله
سما : محمد رسول الله
************
مازن : ايه فاطمه ساعه تاخير
فاطمه : معلش والله غظب عنى
مازن : مبروك يا فطومتى
فاطمه : الله يبارك فيك يامزاميزو
مازن : ضحك بصوته كله دا أنتى مصممه
فاطمه ؛ اه مصممه
مازن : طيب فتحتى هديتك
فاطمه : جميل قوى يا مازن أحلى من الا كنت عامله بكتير
مازن : انا عندى فاطمه واحده بس لازم تبقى أحلى عروسه
مرنا : مانا مش ها أقعد لوحدى انا راشقه معاكو هو انتو ما بتغيروش أم الشجره دى ليه
فاطمه : شجرة حبنا
مازن : ومرنا وجعا قلبنا
فاطمه : ومرنا هههههههه
مرنا : لا حلوه
مازن : انتى حد مسلطك عليا عزول الهى يارب يوعدك بعزول انتى كمان يا مرنا يطلع عينك
مرنا : لا ما أسمحلكش كله الا العوازل انت كدا بتجرح مشاعرى
فاطمه : مرنا تبقى عزول زى ما هى عايزا
مرنا : حبيبتى يا فطومه
مازن : طيب أشبعى بيها ياختى ولسا ها يقوم
مرنا : والله ما أنت قايم انا أصلا ها أركب الحمار الا هناك دا واتفسح فى العزبه…..
مازن وفاطمه هههههههه
مازن : روحى يا بت وحلى عنى بقى
مرنا أحممم ياااه نسيت حاجه فى البيت والله كان نفسى أقعد معاكو شويه بس انتو شايفين الحمار واقف و بيعد
**********
مروان : اتاخرت عليكى
سما : ابدا أهو ذاكرت شويه وخلصت حاجات مهمه
مروان : طيب تمام
سما : فى ايه بقى وعايز ايه
مروان : تعالى بس نقعد على الكنبه بدال مانتى عماليلى السرير مكتبه كدا
سما : ههههههه أصل لما بذاكر لازم أقعد على السرير وافرد الورق كله والكتب قدامى
مروان : ماشى يا ستى وخدها وقعد عل الكنبه وحط ايده على كتفها وضمها ليه كنت عايز اتكلم معاكى بخصوص حازم
سما : قبل ما تكمل انا خلاص قفلت الموضوع خالص وعشان تبقى عارف هو بالنسبه ليا مجرد أخ وصديق عزيز عليا هو كويس جدا والله يا مروان وعمرى ما شفت منه غير كل خير
مروان : يعنى أعتبر الموضوع منتهى
سما : حركت راسها بمعنى ايوا
مروان : ضمها لحضنه قوووى ما جوعتيش
سما : لا
مروان : ايه رايك نخرج شويه
سما : انا حاسه انى تعبانه قوى ومش ها أقدر أخرج
مروان ؛ بخضه عليها مالك يا سما حاسه بأيه
سما : راسى تقيله قوى ومصدعه جامد
مروان : تعالى نروح المستشفى نطمن
سما : لا شويه وها أبقى كويسه ان شاء الله ها أخد العلاج وها ابقى زى الفل
مروان : بس انتى دافيه أهو
سما : الدكتور قالى دا طبيعى لحد ما اتحسن خالص
مروان : ضاممها قوى الف سلامه يا قلبى
سما : بأبتسامه الله يسلمك
*********
حسام : كدا تام قوى يبقى يورينى محمد وابنه الا عاملين فيها بيفهمو قال دا انا مفيش زيى أهو الواحد يقب على وش الدنيا بقى
مؤمن : حسام بيه خلصت الملفات عشان أخدها
حسام : لا مش ها تاخدها انا ها اديها لمحمد بيه بنفسى روح انتى شوف شغلك
مؤمن : بس محمد بيه قالى ها أستلمها منك
مؤمن : قولتلك خلاص انا ها اتصرف
*********
رقيه : ايه رأيك يا فتحيه تنزلو الاسبوع الجاى عندنا عشان مازن مصمم يقعد فى الشقه بتاعته فا ننزل انا وانتى وفاطمه ومازن كام معرض نجيب منهم اللازم كله ونتفق مع مهندس ديكور يعمل لهم الشقه
مرنا : ما انا وسما موجودين والا بتستقلى بينا يا روكا
فتحيه : طب والله فكره
روقيه : انتى ناسيه أمتحاناتك ودى أخر سنه وعايزا تقدير
مرنا : دا أكيد ها أجيب امتياز زى كل سنه ما تقلقيش عليا
فتحيه : ان شاء الله يا حببتى ونفرح بيكى على طول
مرنا : ليه كدا يا طنط فتحيه مش أخد هدنه الاول
روقيه : تاخدى هدنه هو انتى طالعه من الحرب
مرنا : أكتر يا روكا والنبى عايزا اتمتع بشبابى يا ناس
فتحيه : هههههههههه ربنا يمتعك وانتى مع عريسك
مرنا : دانتو مصممين بقى بس لو عريس مززز زى مروانى ماعنديش مانع
فتحيه : هو مازن وحش دا قمر
روقيه : لا دى بتاعت مروان مهوسه بيه
فتحيه : ربنا ما يحرمهم كلهم من بعض
روقيه : يارب
**********
مروان : سما سما انتى مش ها تنزلى نتغدى انا جعان
سما : نازله أهوووو
مروان : بتعملى ايه دا كله
سما : بتعب ولا حاجه ياله عشان انا جعانه فى أكل والا أعمل
مروان : ماما عملت لنا حاجه كدا على السريع قبل ما تمشى عملت لنا حوواشى
سما : مامتك دى ست سكره
مروان : منا عارف ياله بقى
سما : حطت الاطباق والسلطه والطحينه وطلعت الحوواشى من الفرن وقعدت قصاد مروان
مروان : انتى تعبانه يا سما
سما : لا ابدا انا كويسه
مروان : يا بنتى لو فى حاجه نروح للدكتور
سما : لا مفيش سبنى أكل بقى
مروان : براحتك كلى بعد الاكل ها نطلع ناكل أيس كريم زى ما بنعمل انا لولو
سما : انت حكايتك ايه أنت ولولو
مروان : لولو دى حبيبتى
سما : يا راجل حب مره واحده
مروان : عندك شك
سما : لا طبعا هو انت حد يشك فيك بردو
مروان : ايوا كدا اتعدلى
سما : بجد عايز اعرف
مروان : من ساعة ما رحت أنا وكريم نجبها هى وسمر من البيت وبدئت الصحوبيه بينا وخصوصا لما كانت فى الفيلا هنا
سما هما كانو هنا
مروان : ايوا وكانت كل يوم تنزلى فى الجنينه من ورا وانا بلعب رياضه على الاجهزه وتلعب معايا روك يشوفها يطير وراها وهى تاخد الجنينه كلها جرى لحد الفيلا جوا وانا أجرى وراها وورا روك وهو ولا هو هنا مصمم انه يمسكها مش عارف ليه
سما : ههههههههههه بجد أشمعنا هى الكلب بيجرى وراها كدا وتنزل تلعب رياضه معاك هى قدك اختى مجنونه الصراحه بس مش قوى كدا
مروان : لا دى مصممه قعدو أسبوع وكل يوم تنزل وكل ما روك يشوفها يطير وراها لحد ما حبسته عشان خاطرها مش تسكت أبدا تروح تقعد تغيظ فيه من الشباك بتاع الباب الا فى الاوضه الا هو فيها
سما : هههههه بجد كان نفسى أحضر المواقف دى لولو جباره ولو حطت حد فى دماغها حتى لو كلب بتدمره يا يحبها
مروان : زى أختها
سما : أنا لا يمكن
مروان : انتى دا انتى عملتى الا مفيش بنت قدرت تعمله معايا من زمان
سما : طيب وانت بقى ايه حكايتك والا مش ها ينفع تقولى
مروان : انا لازم اقولك عشان انتى ها تشاركينى حياتى كلها
سما : كلى اذان صاغيه
مروان : الكلام ممكن يزعلك بس اوعدينى انك تتفهمى الموضوع وتعرفى انه كان ماضى
سما : طيب أسمع الاول
مروان : انا كنت متجوز
سما : بصدمه وكأن أحلامها انهارت ايه
مروان : قولتلك
سما : بس مرنا ما لمحتش ليا حتى انك كنت متجوز
مروان : عشان هما عارفين اد ايه الموضوع دا بيدايقنى وكان سبب انى قاعدت فى شغلى سنه كامله من غير اجازات عشان ما شوفش حد لولا ضغطهم عليا ما كنتش ها أنزل
سما : الموضوع كبير قوى كدا
مروان : الموضوع يا ستى وقص عليها كل العلاقه لحد ما بابا وافق تياجى تقعد معانا هنا وفعلا أعلنت جوازى منها وبدأت ماما ومرنا بحكم انهم قاعدين معاها يشوفو عليها تصرفات غريبه وكانت بتعمل مشاكل معاهم كتير جدا لدرجة انى شكيت عشان هما مش مرحبين بيها إن هما الا بيعملو معاها المشاكل لحد ما معتز صاحبى شافها راكبه العربيه مع واحد وهو عارف ان هى ملهاش حد غير عم واحد الا مرببها وطبعا عارفين ولاده لان صحابى كانو على علم بكل حاجه فا هو متاكد انه مش حد من عيلتها فا كلمنى قالى وفضل وراهم وانا حصلتهم لحد ما طلعو فى عماره سوا ومعتز سأل البواب فا قالو انها بتياجى هنا كتير روحت لقيت معتز مستنينى وطلعنا سوا ومعتز أستنى على السلم ضربت الجرس والبقف الا كان معاها قالع هدومه وبيفتحلى بالبنطلون اتاكدت ساعتها انها مش تماما معتز شاف المنظر لحقنى ودخل معايا كانت لسا هى زى ما طلعت طبعا قمنا بالواجب معاهم وطلقتها الا مانعنى ان أقتلهم هو وجود معتز الا كان بيحاول يسيطر عليا وفضلنا نقرر فيهم لحد ما سلمتهم بنفسى ولبستهم قضيه معتبره وعشان اتاكد انى مش اب للفى بطنها عملت DNA وفعلا طلع مش ابنى ومن ساعتها محدش بيحاول يفتح معايا الموضوع لان بيفكرونى اد ايه انا كنت مغفل وما سمعتش حتى لاصحابى وانى ما حصلتش اى واحد عادى الا قصتى دى بتتعاد مع ناس كتير منهم
سما : الحمد لله ان ربنا نجاك منها
مروان : الحمد لله انتى بقى ايه رأيك قبل ما تحسى انك بتتدبسى فى واحد كان متجوز وصدقينى مش هافرض نفسى عليكى برغم انى فعلا مش ها اقدر أعيش من غيرك بس دا حقك ومنتظر ردها
###########
بقلم لبنى طارق
$$$$$$$$$$$
تفتكرو رد فعل سما ها يكون ايه ؟ وها تتقبل الموضوع ببساطه والا خلاص كدا ؟؟؟؟
.
