الحلقه 23
.
أستغفر الله الذى لا إله الا هو الحى القيوم وأتوب إليه
**********
سما : ياحبيبتى انتى تقولى الا انتى عايزاه فى اى وقت
سمر : تعرفى يا سما انا مبسوطه قوى كريم طلع بيحبينى وطيب
سما : ربنا يسعدك قومى بقى طلعى طقم شياكه كدا تقابليه بيه عايزكى أحلى واحده فى الدنيا فاهمه
سمر ؛ باستها فاهمه يا أحلى أخت وأحن أخت
*****
مرنا : بابا هو مروان ها يفضل زعلان منى كتير
محمد : لا ياحبيبتى انت عارفه انه مش بيزعل منك أصلا سبيه : براحته بس شويه
مرنا : حاضر
محمد : على فكره معتز جاى يتقدم بكرا ان شاء الله
مرنا : بفرحه طيب
محمد : يا سلام على الوادعه بقولك عشان هو فاتحنى فى ان يتجوز على طول ويعمل فرحه مع رجائى صاحبه
مرنا : ايه هو مستعجل قوى كدا ليه
محمد : ابدا يا ستي مروان مش ها يسيب فرصه ليكو تكونو لوحدكو ومفيش خروج هو اتفق معاه على كدا موافقه مفيش مانع انتى عارفه أخوكى لا تراجع
مرنا : طيب رأيك ايه يا بابا
محمد : دا قرارك ودى حياتك وفى كمان حاجه انتى تعرفى انه عايش مع والده صح
مرنا : ايوا
محمد : طيب ها تتجوزى مع والده انا عرضت عليه يجيب والده وتعيشو معايا هنا بس هو رفض وقالى كمان انه مش ها يقدر يسيب والده وها يعيش معاه و ان مرضه صعب شويه
مرنا : ازاى ياباب
محمد: مسمى مرض ابوه الزاهيمر ابو دم خفيف بيعمل فيهم كدا مواقف يعنى هههههههه وحكالى كام موقف وقالى عشان مش تتفاجئو فا بصراحه يا مرنا انا حبيت الولد دا جداما رامش ابوه فى دار مسنين وزهق منه لا بالعكس
مرنا : خلاص يا بابا انا موافقه ادام انت شايفه كويس
محمد : ربنا يسعدك يا حبيبتى ويفرحنى بيكى وبمروان
مرنا : ربنا يخليك لنا يا أحلى أب فى الدنيا كلها
محمد : يا بكاشه تعالى فى حضنى قلبى ها يسبنى ويروح لغيرى خلاص
***********
مروان : بيتصل على سما
مروان : ايه الا انتى باعته دا
سما : أخيرا افتكرت تكلمنى
مروان : ردى عل سؤولى هو انتى فاكره انى لو عايز أسيبك ها أستنى الرساله الهبله بتاعتك دى
سما : مخنوقه ومش قادره ترد ….
مروان : بصوته كله ردى
سما : بدء صوت عياطها يبان وشهاقتها فى المكلمه
مروان : ما تعصبنيش اكتر من كدا انا ماسك نفسى بالعافيه انتى تعملى عملتك وكمان بتخربيها
سما : كل دا عشان راقصت يا مروان دا فرح
مروان : أخرصى هو دا كان رقص فاكره نفسك ايه أنتى دا مسخره يا سما مسخره
سما : انا كنت عايزا أدايقك زى ما دايقتنى وخليت البنات كلها تبصلك …
مروان : ومبسوطه والولاد كلها بصتلك عارفه انا كنت ها أعمل جنايه لولا معتز مسكنى بالعافيه وقالى عشان خاطر أخوك لما أسمع واحد يقول عليكى صاروخ وجامده وعايز يقضى ليله معاكى الباقين كانو بيقولو ايه حاسبى على تصرافتك ……..
سما : عياطها زاد قوى وبصوت متقطع انا أسفه والله ما ها أعمل كدا تانى ……
مروان : وهو مش مبين هو اد ايه مدايق عشانها خلاص انا ها أقفل ولما أحس انى مزاجى اتحسن ها أكلمك وقفل من غير ما ترد …
سما : حاسه انها غلطت غلطه كبيره قوى مع مروان وفى حق نفسها هى مش من البنات دى والا عمرها رخصت نفسها كدا هى غلطت اه بس مش تستحق دا كله كل اصحابه حتى أختها حبايهم سامحوهم اشمعنا هو طبعه صعب قوى كدا شكلك ها تعانى يا سما
**********
ومرت الايام وتم خطبة معتز ومرنا ومروان لسا على موقفه وسما فقدت الأمل وأستسلمت للامر الواقع والبنات مع بعض عشان بيجهزو نفسهم للفرح …….
فرح… رجائى ….وأميره
ومعتز ……ومرنا
الشباب بيروحو شغلهم وياخدو أجازات قصيره ويرجعو تانى ماعدا مروان الا قرر ها ينزل على فرحهم
…….
مرنا : بتكلم مروان أنت ها تفضل كدا فرحى يوم الخميس وانت مش جمبى ….
مروان : معلش لازم حد فينا يبقى موجود انا وكريم هنا عشان رجائى ومعتز يعرفو ينزلو وياخدو أجازه شهر العسل والا انتى عايزه يرجع من تانى يوم الفرح ….
مرنا : بزعل على حال سما وحالها من عقاب مروان الا مش بيخلص….. عايزاك….. جمبنا سما محتجاك قوى سما دبلت يا مروان الضحك ما بقتش تعرف طريقها انت ليه قاسى قوى كدا الموضوع مش مستاهل…..
مروان : معلش يا مرنا لازم أقفل سلام
مروان : وهو قاعد يفكر فى كلام مرنا انا أساسا مشتاق لها قوى ومش قادر قرب منها يا مرنا اه لو تعرفى نار بعدها عنى عامل فيا ايه نفسى أخطفها وأهرب بيها بعيد بعد الا ابوها قالو ليا فلاش بااااك
***************
فى فرح مازن بعد ما سما رقصت هى والبنات مروان قرر يكلم أبوها عشان ادايق انه مش عارف ياخد موقف ومكتف فى التعامل معاها ….
مروان : ازيك يا عمى عامل ايه
عبد العزيز : الله يسلمك يا ابنى
مروان : ممكن اتكلم معاك برا بعيد عن الدوشه
عبد العزيز : ممكن طبعا تعالى
مروان : كلم والد سما وطلب يتقدم لها بعد فرح أخوه
عبد العزيز : ما تأخذنيش يابنى فى الكلام الا ها أقوله انت فى المستشفى قولتولى انها زى أختكو وانكو لا يمكن تضروها….. ابدا بعد الا اتكتب واتنشر عنها هى وأخوك الموضوع بالنسبه ليكو انتهى…… انما بالنسبه لأخويا ومراته الا شهرت ببنتى …..والصحافه….. والتلفزيون …..ما أنتاهاش يعنى يوم ما أوافق عليك يبقى بثبت ان بنتى مش كويسه …..لا وايه سابت الكبير ولفت على الصغير ….. بص انتو مش من توبنا…… ولا قداكو مش خوفا منكم لا خوفا على بنتى الا ها تعيش حاسه بالنقص….. من كل حاجه حتى لو كلمه اتقالت من غير قصد لها ها تدايقها
مروان : احنا مش وحشين قوى كدا ولا انا ها أسمح ان حد يدايقها بكلمه… دى مراتى يعنى كرامتها ها تبقى من كرامتى اما بقى موضوع مازن دا ولا يفرق معايا ولو حد فكر يقول عليها كلمه انا ها أمحيه من عل وش الدنيا …….
عبد العزيز : انت مش فارق معاك انا فارق معايا والناس فى المنطقه عندنا مش ها تسكت كفايه على كدا وكتر خيركم انتم ناس ولاد أصول وخليها أخوه انا مش عايز أكتر من كدا بعد ادنك عشان الحق اروح انا وبناتى .. .
*********
ومر الوقت سريعا
روقيه : محمد انت ها تفضل سايب مروان كدا انا قلبى بيقولى فى حاجه تانيه غير موضوع الرقص دا
محمد : انهارده أخر النهار نازل ان شاء الله عشان فرح أخته وأصحابه وها اتكلم معاه واحاول أعرف ايه الا حصل بالضبط
روقيه : اوعى تسيبه من غير ما تعرف
مرنا : ماما تعالى معايا عشان أخلص انا حاسه انى تايه
روقيه : تعالى يا حبيبتى خلاص كل حاجه بقت تمام ما تقلقيش …..
محمد : روحى معاها وشوفيها محتاجه ايه
**********
أميره : خلاص يا رجائى أكيد لو احتاجت حاجه ها اقولك أهم حاجه انت بس اتاكدا ان الامور فى الشقه تمام
رجائى : تمام يا حبيبتى مش ناقصها غير وجودك فيها
أميره : بكسوف كلها بكرا ونبقى فيها سوا
رجائى : ها تنوريها وتنورى حياتى كلها
أميره : أقفل بقى ووفر الكلام دا لبكرا انا ورايه مليون حاجه
رجائى : طيب سلام بقى
*******
كريم :ومروان نزلو عشان الفرح…
مروان : روح على الفيلا وطلع جرى يدور على مرنا ياخدها فى حضنه ويبارك لها
مروان : مرنا مرنا
مرنا : خرجت تجرى على حضنه أخص عليك كل دا غياب
مروان : مبروك يا حبيبتى
مرنا : الله يبارك فيك ووطت صوتها عقبالك انت وسما
مروان : بتهرب فين روكا
روقيه : وراه كويس انك فاكرنى مروان قرب منها وباس راسها انا أقدر أنسى قلبى بردو
روقيه : أضحك عليا بعد الغيبه الطويله دى
مروان : منا بغيب أكتر من كدا ايه الا حصل بقيت بوحشكو قوى كدا …..
مرنا : انت على طول بتوحشنا يا حبيبى
محمد : حمد الله على السلامه
مروان : الله يسلمك يا بابا عامل ايه
محمد : تمام الحمد للله ياله يا روقيه جهزى الغدا عشان مروان… ومازن …..وفاطمه… جاين
رقيه : من عنيا حاضر
محمد : تعالى يا مروان عايز اتكلم معاك ونزلو اوضة المكتب
مروان خير يا بابا
محمد : عايز أعرف مالك وما تحاولش تدارى
مروان : انا اساسا كنت ها أقولك عشان اى تصرف منى تبقى على علم بيه وقص عليه كل ما دار بينه وبين والد سما
محمد : وانت ناوى على ايهة
مروان : ها أتجوزها حتى لو غصب عنه انا فعلا مش قادر ابعد عنها حاولت ومش قادر
محمد : سيب الموضوع دا عليا وما تقلقش خير ان شاء الله اهم حاجه صلح علقتك بسما
مروان : الا تشوفه انا معاك فيه اهم حاجه سما تبقى مراتى
محمد : ان شاء الله يا حبيبى انا بحلم بيومك انت بالذات يا مروان عايز أفرح بيك
مروان : ربنا يخليك ليايا باباب
*********
يوم الفرح
وصلو العرسان على قاعه فرح أسطوري بمعنى الكلمه وتقدمو وسط حاله من الفرح وانظار الجميع المسلطه عليهم حقا انهم حوريتين بفساتين زفافهم البيضاء الرائعه الجمال والعرسان بطالتهم الرجوليه وثقاتهم بنفسهم تزيدهم وسامه وتميز
سما : واقفه فى وسط القاعه بتدور بعينها عليه مش لاقياه معقول ماجاش فرح أخته كمان وهو….. يراقبها…. من بعيد بنظرات لهفه وشوق فا حقا هى من أمتلكت قلبه وعقله كيف يتخلى عنهم ولمن لا لن اتركها ابدا فا هى بأذن الله لى …..
بعد الرقص والفرح من الجميع للعروسين وبدأت رقصه سلو بين العرسان وكل المرتبطين …….
تجمع معتز ومرنا …..لرقصتهم وعالمهم الخاص وكذلك رجائى وأميره….. واستأذن كريم وخطف حوريته هو الأخر للرقص معاها …..ومازن وفاطمه فا هم مازالو فى فترة الدلع 
وهناك من يراقب نظارتها وتمانيها بأنها تكون معهم…. مع من عشق قلبها …..ولكن هو فى نظرها تخلى عنها بدون سبب مقنع…. واذا به تخطف من جديد وبنفس الطريقه ..
سما : مروان ابعد عنى عايزا ايه منى اوعى
مروان : وحشنينى يا سما
سما : بعياط انت كداب انت أتخليت عنى
مروان ؛ عمرى وحضنها وأقترب حتى يشعر بنبضات قلبها وهى تشعر بصدقه ونبضات قلبه
سما : بعدت عنى ليه
مروان : تسمحيلى بالراقصه دى قبل ما الاغنيه ما تخلص يا أمرتى …..
سما : ببسمه وعياط فى أن واحد وكانه كان يقرأ أفكارها
أقتربت منه مره أخرى للرقص معه فا هى تحتاجه بشده هو الروح التى هاجرتها والأن رددت لها مره أخرى……
مروان : بهمس بحبك وعمرى ما أتخلى عنك سامحينى على بعدى …….
سما : مسامحك مش ها أقدر غير انى اسامحك اوعى تبعد عنى تانى لو عملتها تانى لا يمكن ها تشوفنى فى حياتك
مروان : ششش خلاص مش عايز بعد عايز قرب انا مش ها أقدر اتحمل بعد تانى….
سما : ليه عملت كدا
مروان : قص عليها كل ما حدث
سما : ليه ما قولتش ليا وانا كنت أقنعت بابا
مروان : بابكى صعب ومش ها يقتع بسهوله سيبى الموضوع دا لبابا هو ها يتصرف وخليكى معايا تعالى نهرب من هنا على ما الفرح يخلص ……
سما : ومرنا …..وأميره…..
مروان : مش محتاجنا هما مع عرسانهم وانتى خليكى مع حبيبك وها أكلم كريم افهمه يفضل براحته لحد لما نرجع مش هو الا ها يروحك انتى وسمر ولولو
سما : ايوا
مروان : تمام كدا
$$$$$$$$$$$$$$$$
بقلم : لبنى طارق
$$$$$$$$$$$$$$$$
الحلقه 24
********
مروان : خد سما ولفو كتير بالعرببه وهما بيضحكو ويهزرو مع بعض وبعدان راحو مكانهم المفضل فى شقة مروان..
مروان : حبيبى الشقه وحشه قوى من غيرك
سما : على اساس انى قاعده فيها
مروان : كفايه انك بتبقى معايا فيها حتى لو ساعتين
سما : عقبال ما نبقى فيها مع بعض على طول
مروان : يارب يا حبيبتى تعالى نعمل طبق فاكهه معتبر من الا جايبنهم معانا
سما : ياله وعملو طبق فاكه ودخلو على البلكونه يقعدو فيها
ياه وحشنى قوى المنظر من هنا
مروان : انتى الا وحشتيه ايه رأيك لما نتجوز ان شاء الله نسافر برا زى ما مازن عمل
سما : ياحبيبى المهم أكون معاك فى اى مكان
مروان : قوليلى بقى انتى ها تشتغلى والا خلاص كدا
سما : خلاص ايه انا نفسى أشتغل وأكبر فى شغلى انت عارف طبعا انا بعشق الديكور
مروان : اول حاجه ها تعمليها شقتنا
سما : كله بحسابه يا باشا
مروان : انتى كدا داخله على طمع نجربك الاول
سما : انا علامه مسجله مش محتاجه تجارب
مروان : هههههههه مسجله فين بالظبط
سما : مسجله خطر خاف يا عيد
مروان : انتى فعلا مسجله خطر بس عليا
سما : ايوا كدا أعرف انت بتكلم مين يا حضرة الظابط وإلا
مروان ؛ تمام يا فندم
سما : ياله بقى أحسن نتأخر عايزين نلحقهم قبل ما يمشو
مروان : يمشو فين يا بنتى قدامهم للفجر واحنا لسا الساعه 11
سما : فجر بجد أصلا كدا مش ها نقعد بردو لازم نسافر
مروان : كريم بلغ والدك ووافق ما تقلقيش انا عامل حسابى على كل حاجه ….
سما : طيب مرنا ها تزعل منك
مروان : هى كمان عارفه وبابا عارف أقولك المعازيم عارفين أحيب ميكروفون وانزل فى الشارع أبلغ القاهره وضواحيها انك معايا ….
سما : هههههههههههه خلاص يابنى ما تعملش فى نفسك كدا
مروان : فصلتينى يا شيخه طب تعالى بقى وقام يجرى وراها وهى بتجرى وطلعت فوق السرير ونزلت الناحيه التانيه
مروان : ها تهربى من الوحش وشالها
سما : سبنى يا مروان خلاص
مروان : أسيبك أنتى بتحلمى ونزلها وهى فى حضنه وبيقعدها على السرير ممكن أطلب منك طلب
سما : أطلب
مروان : أنام ساعه واحده وانا فى حضنك
سما : طيب مش هنا على الكنبه برا
مروان ؛ دى عدم ثقه فيا
سما : لا فيا
مروان : هههههه ماشى موافق كل واحد عارف نفسه
هى قاعده وهو فى حضنها وبأديها بتلعب فى شعره وهو باصص ليها بنظرة العاشق…… نفسى أفضل فى حضنك يا سما….. واقوم من نومى وانتى جمبى….. تعرفى كنت بحلم بيكى كتير وحاسس انك معايا وشايفنى ….
سما : بجد يا مروان كنت حاسس بيا انا كنت موجوعه قوى كنت بهرب من نفسى بالنوم عشان أشوفك انا كمان كنت مالى عليا حياتى حتى فى غيابك مش بشوف غيرك…..
مروان : بيبوس اديها ربنا يخليكى ليا وما يحرمنى منك
وغمض عنيه وهو فى حضنها وهى مبسوطه انه رجع لها تانى وبتتمنى يفضل معاها على طول….
عدت الساعه وسما بتصحى مروان …..
مروان : سبينى شويه كمان
سما : لا كفايه بقى انا قلقانه اننا مش موجدين معاهم هناك
مروان ؛ اتعدل وباسها فى خدها بطلى قلق بقى وسبينى مبسوط …..
سما : حاضر وجهزو ورجعو الفرح
**********
كريم : كل دا يا مروان دا سمر هارتنى أسئله
مروان : قولتلها ايه
كريم : قولتلها مرنا فى حاجات نسيتها فى الفيلا وخدوها هى ومروان يودوها شقة مرنا …
مروان : خبط على ضهر كريم تمام كدا تسلم وراح لسما يفهمها عشان أختها ….
محمد : عملت ايه
مروان ؛ الحمد لله يا بابا كله تمام وعرفتها با الا حصل بينى وبين ابوها
محمد ؛ طيب كويس أعمل حسابك انا كلمته وعرفته ان البنات ها تبات عندنا أعترض طبعا بس انا أصريت وقولتلو اننا ها نرحلو بكرا انا وانت.. واحنا بنوصلهم بما ان أختك ها تطلع من الفرح وها تسافر شرم ماشى …..
مروان : موافق بس ها تعمل ايه معاه
محمد : ها أطمنه يا مروان وبلاش تهور فى الكلام وها أخد روقيه الا الفرحه مش سايعها معانا عشان تلطف بردو
مروان : بفرحه ربنا يخليك ليا
محمد : ويخليك يا حبيبى
**********
فى مكان أخر
مجهول 1 ما نخلص عليه ونخلص منه بدال القرف دا
مجهول 2 أصبر لازم اوجعه واحرق قلبه والعبها معاه صح واخليه يتمنى الموت
مجهوا 1 يعنى ها تعمل ايه
مجهول 2 انا عرفت انه بيحب بت أسمها سما ومجنون بيها البت دى عجبتنى الصراحه وقررت تبقى من حريمى بس بعد ما أقطع قلبه بيها الاول ونتفرج عليه وكام نقطه سودا فى ملفه ونخلص منه بلا راجعه مش هو الوحش انا أوحش منه
مجهول 2 دماغك سم طيب ما تخلص على البت قدامه
مجهول 1 انت غبى بقولك عجبانى وعايزها من حريمى وها ابعتلو فديو وهى بتبوس ايدى بعد الا ها اعمله فيه كمان ها اوجعه بأى حاجه بيحبها وبيتمنها
مجهول 2 الا تشوفه انا معاك فيه المهم أشفى غليلى منه
***********
انتهى الفرح وغادرو العروسين القاعه
معتز ؛ وهو فى العربيه مع مرنا مبروك يا حبيبى
مرنا : بكسوف الله يبارك فيك
معتز : احنا ها نسافر بالطياره عشان نوصل بسرعه واخدك فى حضنى بقى يا جميل
مرنا ……
معتز : بطلى كسوف بقى انا بقيت جوزك وانتى مراتى وبتمنى اللحظه دى من يوم ما شفت مروان شايلك
مرنا : وحبتنى وانا كدا
معتز : انا موت فى هواكى مش حبيتك
مرنا : وانا كمان أعجبت بيك
معتز : القلوب عند بعضها يعنى
********
رجائى : مبروك يا أمرتى
أميره : الله يبارك فيك
رجائى : أستنى وشالها ودخل شقتهم الا ها تجمع بين قصة حب كلها عمق وعلاقه كلها تفاهم الى أبعد الحدود
رجائى : نزل أميره فى اوضه النوم وضمها ليه وقال لها عايز اتكلم معاكى فى حاجه وبعدين نصلى ونبتدى حياتنا من جديد انا وانتى……
أميره : بكسوف هو اول مره يقربها منه قوى كدا وياخدها فى حضنه ……..
رجائى : انا اول ما دخلت الشقه قولتك أمرتى….. عارفه ليه عشان هى دى ها تبقى حياتى معاكى….. ها أصونك الى ابعد الحدود ……وها أحبك وأحطك بين رموش عنيا….. حياتنا لازم تبقى مبنيا على التافهم….. والصدق …..مفيش علاقه يا أمرتى بتنجح وهى فيها كدب…… أبد ها تزعلى منى فى حاجه….. تعاليلى بكل الحب الا فى قلبك وعرفينى بيها ……اوعى تكشرى فى وشى ……اوعى ادخل عليكى الاقى مهمله فى نفسك عايزك على طول منوره جوا عيوانى…… خليكى متأكده ان الا ها يزعلك ها يزعلنى…… عشان انتى مش ها تبقى مراتى وبس انتى ها تبقى كل عليتى الا بحلم بيها من زمان …….مفيش كسل فى الصلاه ابدا الصلاه هى بدايه حياتنا ونهايتها……. وها أطلب من أمرتى الا بغير عليها وبحب أصونها انها تكمل دا كله
……..بالحجاب مش ها أغصبك عليه لازم تبقى مقتنعه وحابه دا من قلبك طاعه لله وأمره ليكى انما الصلاه مش ها أسامح لو تكسالتى عنها …… لانها الباب الوحيد الا لما يتفتح بينور طريقك ويشدك ويرجعك تانى لصوابك لو أخطأتى ….هو باب الوصال الا بينك وبين ربك ….
.
أميره ؛ بأبتسامه جميله وكأنها كانت بتحلم حلم جميل وكله بقى واقع بين ايديها حاضر ….
رجائى : لو فى اى حاجه عايزا تقوليها قولى انا سامعك وزى ما طلبت منك وحابب أشوف فيكى كل الا طلبته انتى كمان ليك نفس الحق ومن حقك تشوفى دا فيا ……
أميره ؛ مش عايزاك تدايق وتتنرفز عليا او تأمرنى ولازم يبقى الامر مسلم بيه ….
رجائى : غيرتى عليكى وانى ما احبش اشوفك فى وضع زى دا إلا فى بيتك او فى حضنى هو الا خليكى تشوفينى كدا وممكن تلاقينى بحكم شغلى مضغوط او عصبى حاولى ما تزوديش عصبيتى وتحتوينى زى ما ها تلاقينى كدا معاكى وأكتر اتفقنا …….
أميره اتفقنا ……
رجائى : قومى بقى نغير ونصلى يا قمر عشان انا كدا مش ها أستحمل……
أميره : قامت بسرعه من مكانها ورجائى البسمه والفرحه بينين قوى فى وشه …..
************
معتز : ومرنا وصلو الفندق وشالها ودخل الجناح
معتز : شايل عصفوره يا ناس
مرنا : بكسوف مش قوى يعنى
معتز : أحلى عصفوره كمان ونزلها ولسا بيقرب منها
مرنا : أهدى يا عم الحج
معتز : اهدى مين والناس نايمين تعالى هنا
مرنا ؛ ايه يا معتز مش ها تصلى
معتز : ها نصلى طبعا منا عايزك عشان أقلعك الفستان
مرنا: لا خليك فى بدلتك وانا فى فستانى اتصرف معاه
معتز : بدايه مش عاطفيه ما علينا ها تغيرى فين هنا والا فى الحمام
مرنا ؛ فى الحمام وانت هنا وفتحت شنطتها وطلعت أسدال الصلاه بتاعها وبجامه ودخلت غيرت هدومها وخرجت لقت معتز مستنيها ووقف صلى بيها …….
معتز : قام وبياخد مرنا فى حضنه مرنا أستنى بس ها أقلع الاسدال …..
معتز : اه ماشى أقلعيه وقلعت الاسدال ايه دا انتى لابسه بجامه
مرنا : اه مش ها ننام انا تعبانه وعايزا انام
معتز : قرب منها قوى انتى قد الكلام دا
مرنا : قده ازاى يعنى عايزا انام يا معتز ايه ماعندكش قلب
معتز : لا عندى كبد وقوانص هو انا عامل الليله دى كلها عشان تقوليلى انام يا مرنا أحب فى مين انا دلوقتى أتصل على ابويا أحب فيه ….
مرنا : بأستهبال أكيد وحشك يا عينى كلمه كلمه
معتز : تعالى بقى أقدام مش جايه بالزوق
مرنا : بخوف وبتجرى من قدامه اهدى يا شبح ما تعملش فى نفسك كدا ليجرالك حاجه الجيش والشعب عايزينك…
معتز : والله منا سايبك ها يبقى انتى واخوكى وابويا عليا
مرنا : عشان خاطرى يا معتز
معتز : مساكها ما تخفش يا حبيبى انا بهزر معاكى تعالى فى حضنى يا مرنا والله مشتاق قوى للحضن دا وحضنها قوى وهى غرقانه معاه وفى رقته الا ظهرت مره واحده ….
معتز بدء يبوس كل حته فى وشها وقرب من شافيفها وهى فى دنيا تانيه اول مره تدخل فيها وتحسها
ونسيبهم بقى عرسان 
*********
محمد : نورتونا يا بنات
سمر وسما ولولو الله يخليك يا عمو ….
روقيه : انا مبسوطه قوى انكو معانا بس زعلانا ان مرنا خلاص سبتنى ومشيت وبتعيط مروان قرب منها وحضنها هو ومحمد …..
مروان : ايه يا ست روكا مش عجبك انا والا ايه
لولو : دا أنت تعجب الباشا يا مروان
كلهم : هههههههههه
روقيه : تعالى يا شقيه وحشتينى تعالى فى حضنى
لولو : ايوا كدا احب انا العواطف الجياشه
محمد : لمضه صغيره
مروان : أحلى لمضه فى الدنيا
سما : لا كدا انا الا ها أعيط
سمر : وعلى ايه كفايه أختك والا عملاه فى البشريه
لولو : ايوا أظهرو أظهرو على حقيقتكم كدا قدام الناس العسلات الامامير دول طيب راعو شعورى
مروان : تعالى هنا انتى ملكيش غيرى
لولو : حبيبى وربنا تعالى يا وحش الوحوش
كلهم : ههههههه
محمد: والله عايز أفضل معاكو للصبح من غير نوم بس لازم ننام عشان نعرف نسافر حتى بعد الضهر
سما : هو انتو ها تسافرو معانا يا عمو
محمد: ايوا يا سما ها نسافر كلنا حتى روقيه عايزين ابوكى فى كلمه سر وبيغمز لها
لولو : راحت لمحمد بقولك ايه يا عمو
محمد : قولى يا حبيبتى وهو واخدها فى حضنه
لولو : انتى أمتى ها تقول كلمه سر لبابا عليا وبتغمز له
مروان وروقيه ومحمد أنفجرو فى الضحك
$$$$$$$$$$$$$$$$
بقلم : لبنى طارق
$$$$$$$$$$$$$
الحلقه 25
********
محمد : انتى مشكله مش شقيه بس محمد بهزار ايه رأيك فيا طيب كبير حبتين بس أنفع
لولو : تنفع ونص كمان
روقيه : لا كله الا جوزى جبيبى احنا نشوف حد على قدك
لولو : كان لازم يعنى تخلفى مرنا وتعملى أستوب مش عارفه
تجيبلى وحش صغير بدال الوحش الكبير الا ضاع منى …
كلهم انفجرو فى الضحك فعلا محدش بيتوقع هى ها تقول ايه
سما : ياله احنا مش ها نخلص من لسانك وهمو جميعا للنوم
**********
أسماعيل : والله معتز بيه يستاهل كل خير
أحمد : معتز مين يا حبيبى
أسماعيل: ابنك الا كنت فى فرحه
أحمد : ابنى الندل اتجوز من غير ما أعرف يا خساره تربينى فى هو انت قولت أسمه ايه
أسماعيل : معتز وأنت كنت فى فرحه يعنى ما تجوزش من وراك …..
أحمد : انت مين يابنى وايه الا جابك هنا
أسماعيل : انا أسماعيل لحقت تنسى
أحمد : انسى ايه هو بينى وبينك حاجه يا اسماعيل
أسماعيل : طيب تعالى فى الاوضه ها أقولك انا كل حاجه
أحمد : اوضة مين يا كلب يا واطى هو انا بتاع أوض الحقونى يا ناس ياناس الواد عايز ياخدنى فى الاوضه يالهووى……..
أسماعيل : يالهوى اهدى يا عم أحمد ابوس ايدك وربنا كنت ها أنيمك …….
أحمد : تنيمنى يا واطى لا واحكيلى حدوته وحيات أمك اطلع برا بيتى يا ولد برا ….
أسماعيل : رحمتك يارب
*******
أشرقت شمس يوم جديد على جميع ابطالنا …..
رجائى : صبحيه مباركه يا حبيبتى
أميره : وهى فى حضنه ومكسوفه الله يبارك فيك
رجائى : قومى ناخد شاور ونصلى الضهر ونفطر عشان عايزك فى كلمه سر….
أميره : هو انت ما شبعتش كلمه سر
رجائى : دا لسا فى اسرار كتير بس انتى مش واخده بالك
أميره : هههههه طيب ياله عشان انا جعانه
رجائى : أستنى هنا هو انتى ايه حكايتك
أميره : ايه فى ايه
رجائى : طول ما انتى نايمه بتفركى وهارتينى ضرب فوق الحزام وتحت الحزام
أميره : أنفجرت فى الضحك وأفتكرت سما وهى بتقولها انتى بتعملى مهرجانات وانت نايمه معلش والله هى عاده سيئه فيا
رجائى : لا حاولى تبطليها يا ماما انا عايز أخلف عيال كتير الله يسترك ……
أميره : ها احاول بس ما اوعدكش
**********
مرنا : أصحى بقى يا معتز بطل رخامه
معتز : شدها وقعها على السرير صباح الخير على أجمل عروسه
مرنا : صباح النور يا حبيبى قوم بقى واطلب الفطار انا جعانه
معتز : خلاثى على حبيبى الصغنون الجعان دا فوريره ويكون الاكل عندك يا جميل ……
مرنا : باست معتز من خده ربنا يخليك ليا ما أعرفش ان أنت حنين قوى كدا
معتز : لا كدا انا بيضحك عليا البوسه تبقى كدا …….
وقام معتز وخد شاور وصلى هو مرنا الضهر قبل ما العصر يأذن وطلب الفطار وهو مقعدها على رجله وبيأكلها زى الأطفال وهى مبسوطه ومش مصدقه نفسها
************
سما : قامت قبلهم كلهم وحضرت الفطار وروقيه ومحمد نزلو وشمو ريحة الفطار …..
محمد : يا سلام على الناس النشيطه الا قايمه قبل الكل
روقيه : تسلم ايدك يا سما الاكل شكله يفتح النفس شكلك ها تبقى حليفتى فى المطبخ وها أعلمك أكتر
مروان : من وراهم ايه دا انتو صحيتو ما لسا بدرى
سما : انت كنت فين
محمد : وهو مبتسم هو يا ستى بيصحى يعمل تمارينه الاول قبل الفطار فى الاوضه الا ورا الفيلا
سما : بتسرع اه منا عارف أصلى ما شوفتوش ولا حسيت بيه لما قمت …..
روقيه : وهى باصه لمحمد وبتغمز له شوف عارفه اهووو
محمد : ربنا بسعدهم يا ستى ويتم لهم على خير
مروان : شاف سما مكسوفه شوفتى يا ستى ها يحفلو علينا
لولو : ها تحفلو من غيرى والله ابدا
سمر : وراها نزله حطى لسانك جو بوقك شويه
محمد ياله بقى قبل الاكل ما يبرد وهمو جميعا للفطار والمغادره من الفيلا الى حيث يسكنو الفتيات
عبد العزيز : أهلا يا محمد بيه أهلا مروان باشا أهلا روقيه هانم
وكانه بيوصل لهم رساله انهم حاجه مختلفه عنهم
محمد : من غير القاب احنا اخوات سبق وقولتك ومروان زى ابنك لو معندكش مانع يا راجل يا طيب
عبد العزيز : بأحراج لا طبعا ابنى وحبيبى اتفضلو جوا ودخلت كريمه سلمت عليهم وعلى البنات الا خرجو بأمر من ابوهم …..
محمد : طبعا عارف احنا جاين ليه من غير لف ودوران
عبد العزيز : عارف وسبق بلغت مروان برأى فى الموضوع دا
محمد : بص يا عبد العزيز انا جايلك أب لسما قبل مروان هى بنتى الا مش ها أرضى ابدا أضرها بالعقل كدا يا راجل يا طيب سما لو كان فى بينها وبين مازن حاجه أخوه ها يتجوزها احنا كدا بنأكد للناس انهم ظلمو مازن وسما بتلمحياتهم السخيفه عليهم وكمان لو قولتك ان ابنى بيحب بنتك وبيتمنى قربها وهى كمان انت ليه تقف بينهم وتفرقهم عن بعض وتبقى وحش فى نظرهم طول العمر…..
عبد العزيز : انا مش عايز بنتى تتوجع عايز اشوفها مبسوطه وراسها فى السما فوق……
محمد : يعنى احنا ها نوجعها ونوطى راسها والله هى زى مرنا بنتى وبنحبها وبنخاف عليها واتاكد من كدا وبطل ظنونك الا عايش فيها لوحدك …
كريمه : احنا عارفين ومتأكدين انكو بتحبو بنتى وبتتمنو لها الخير معلش عبد العزيز ما يقصدش كلامه هو على طول خايف على البنانت وحامل همهم …..
روقيه : عارفين يا حبيبتى ومتاكدين والا ما كناش جينا بنفسنا عشان نطلبها ونصر على طلبها وبتتكلم بضحك وإلا أنت عايزنا نخطفها
عبد العزيز : ههههه لا وعلى ايه خليها من غير خطف
محمد : يبقى اتفقنا
محمد : نادى البنات بقى نقرى الفاتحه وما تكسفناش
عبد العزيز : نادى البنات يا كريمه
كريمه : بفرحه نادت على البنات وحضنت سما وباستها وبتقول لها مبروك يا حبيبتى …..
سما : بفرحه بجد ياماما بابا وافق
سمر : ولولو حضنوها وباركو لها
كريمه : ياله عشان يقرو فاتحتك يا قلبى وخرجو جميعا
وقرو الفاتحه واتفقو ان الفرح بعد 3 شهو والشبكه وكتب الكتاب بعد شهر وتعالت زغاريط كريمه الا مبسوطه ان ربنا كرم بناتها الاتنين وبتقول عقبال التالته ومروان وسما كلمو العرسان والعرايس وفرحوهم هما كمان
*********
مر الشهر على الجميع وسما لا تعرف ان يوم خطبتها هو يوم تعاستها من الجميع وظلمها البين الذى لا أحد يراه ولا يعرفه غير الله ………
كريمه : خلصتو يا بنات مروان فى الطريق جاى ياخدنا عشان أختكو تلبس هناك فى الفيلا ونطلع بيها على دار الأفتى……
لولو : ما كانت لبست هنا
كريمه : لا عشان ما تتبهدلش وتفضل حلوه لحد ما تروح القاعه عشان يلبسها الشبكه هناك ياله…..
وصل مروان وخد سما واخوتها وابوها وامها وسافرو ووصلو الفيلا……
سما : لمروان هو احنا قدمنا اد ايه
مروان : لسا بدرى يا حبيبى مش أقل من 3 ساعات براحتك
سما : هو انا ممكن اروح مشوار ضرورى مش ها اتاخر
مروان : فين وانا اوديكى
سما : بكسوف حاجه خاصه يا مروان نسيتها خالص ها أجيب بدالها واجى……
مروان : ماشى ما تتأخريش وسابها براحتها عشان ما يحرجهاش ……
بعد وقت قصير أتت مرنا وأميره ومعاهم رجائى ومعتز وكريم وبيسئلو كل الموجودين على سما ومروان قال لهم فى مشوار مش ها تتاخر ……
لولو : ايه رايك يا مرنا فى فستانى مش مزه والنبى
مرنا : مزة المزز تعالى اعملك شعرك على ما الميكب ارتست تياجى……
لولو : ياله
أميره : ناقصك حاجه يا سمر
سمر : لا ابدا انا شويه وها البس بس محتاره البس الفستان دا والا دا
أميره : الفستان الاوف وايت ها يبقى جميل قوى عليكى تعالى قسيه كدا وورينى
روقيه : هى سما اتاخرن كدا ليه
كريمه ؛ مش عارفه ما تتصل عليها يا مروان
مروان : حاضر يا طنط ها اتصل وقام يتصل على سما لقى تليفونها مقفول وفضل يتصل كتير بس برضو مقفول
محمد ….وعبد العزيز ……بقلق فى ايه يا مروان مقفول بردو
مروان : ايوا يا بابا
كريم ….. وجائى…… ومعتز….. طيب ياله ندور عليها والا يلاقها يتصل على التانى….
وغادرو المكان على أمل ان يجدوها ولكن للاسف ليس لها اى أثر لدرجه انهم سئلو فى جميع المستشفيات بالمنطقه والاقسام وكل هذا بدون فائده……
كريمه : يا حبيبتى يا بنتى راحت فين والا ايه الا حصل لها والبنات بتعيط واعصابها متوتره
روقيه : ربنا يرجعها بالسلامه
عبد العزيز : يارب انا قلبى حاسس ان فى حاجه
محمد : ان شاء الله مفيش حاجه
دخلو الشباب جميعهم ما عدا مروان وعلى وشوشهم خيبة الامل فى رجوعها …..
دخل ؛ مروان
عبدالعزيز : مفيش أخبار يا بنى عدى 4 ساعات ولا حس ولا خبر
مروان : لا لسا مفيش وقعدو على أمل اتصال يطمئنهم عليها ومروان : بشعر وكأن قلبه يحتضر ويلوم نفسه لانه تركها بمفردها
********
مجهول 1 فوقى يا حلوه فوقى
مجهول 2 هى حلوه بس دى تهبل مبروكه عليك
سما : بفزع انتو مين سبونى الله يخليكو حرام عليكو
مجهول 1 حرام هو انتى شوفتى حرام لسا ها تشوفيه لما نكسر حبيب القلب قدام عينك فين مفتاح الشقه الا بتقابليه فيها انطقى ……
سما : ليه انت عايز تعمل ايه
ها تعرفى لما تشرفى معانا هناك وحيات أمه لاندمه على الا عملو فينا دمر حياتنا وحرق قلبنا وانا ها اعيش كل يوم أحرق قلبه لحد ما أخلص عليه بأيدى
سما : بلهفه لا الله يخليك دا مروان طيب ما يستحقش كدا
مجهول 2 دا يستحق الحرق وأخرسى بقى وخد شنطتها يدور فيها على مفتاح الشقه وخدروها تانى وخدوها على شقة مروان وبيرتبو لخطتهم الرخيصه
********
مروان : قاعد على أعصابه وفجأه تليفونه رن برقم غريب
مجهول 1 عايز تعرف هى فين
مروان : انت مين وسما فين وجميعهم انتبهو له
مجهول انا قولت انورك الحلوه بتلعب بيك وبتستغلك زى الا قبلها ولو عايز تتأكد روح شقتك أتأكد بنفسك شكلها راحت عليها نومه وقفل السكه
مروان : طلع جرى وابوه وابوها واصحابه طلعو وراه
نزل من عربيته على شقته وخايف فعلا يكون كلامه صح
سما : نايمه على السرير ومقلعنها هدومها وبالملابس الداخليه بس ومغطينها بملايه بدأت تفوق والندل الا معاها واقف عند الشباك عشان اول ما مروان يدخل ينط منه زى ما أتفق معاهم ومرتبين لكل حاجه …..
مروان : دخل الشقه وسمع صوت بيقول فوقى بقى يا حبيبتى اتاخرتى على الاهبل الا مستنيكى قوى
مروان : جرى على اوضه النوم وجميعم وراه وفتح الاوضه ودا نط من الشباك ومنظر سما صدمهم كلهم ما عدا معتز…. ورجائى…… الا نزلو بسرعه يلحقو الكلب الا نط دا….
سما : والصدمه على وشها ورافعه الملايه عشان محدش يشوفها وبدئت تعيط والله مظلومه …..
محمد : أنسحب هو وكريم وهو ها يموت على ابنه تانى مره تحصل أكيد ها يجرا لأبنه حاجه
مروان : والشر طاير من عينه وشدها من على السرير ورماه فى الارض أطلعى بره
سما : والله مظلومه يا مروان أسمعنى
مروان : أسترى نفسك وغورى يا زباله وخرج وهو بيتقطع ومش شايف قدامه غير صورة شيماء ولتانى مره بيتكرر المشهد
سما : والله يا بابا مظلومه
$$/ $$$/ $// $////
تفتكرو مروان ها يعرف ان سما بريئه ؟!!!
طيب ها يكون رد فعل أبوها ايه ؟!!!!
أنتظرو الحلقه القادمه بأحداث جديده
بقلم : لبنى طارق
