رواية صدفه خطفت قلبي الحلقه 13 و الاخيره
عمرو بحزن: نهله حقك عليا انا عارف اني غلطت ف حقك كتير بس ارجوكي سامحيني انا مستعد اعمل اى حاجه بس تسامحيني انا غلطان واستاهل اى حاجه بس متبعديش عني انا بحبك والله العظيم بحبك من زمان اوى ارجوكي ارجوكي سامحيني
نهله: انا اسفه ياعمرو انا مش مقدر اكمل معاك عشان انت هتفضل كده يعني لو دي مشكله وهتخلص كنت هقول ماشي و هساعدك كمان تخلص منها بس ياعمرو ده للاسف طبع وانت مش بتثق ف حد خالص ولا حتي اهلك احنا لو اتجوزنا هيكون ف مشاكل كتير بينا عمرو انا مش عاوزه اكرهك حقيقي انا لو وافقت اني اكمل معاك وحصل حاجه تانيه انا هبدأ اكرهك مش ف ايدي بس انا ع الاقل الانسان اللي معايا يكون بيثق فيا انا مش بطلب منك حاجه صعبه مش بطلب فلوس او شركة او عربيه او حاجه غاليه لا انا بطلب ثقه انا اديتك فرصه تانيه ع انك تكون اتغيرت وعرفت غلطتك ف الاول بس لا ده محصلش انا اسفه ياعمرو انا مش هقدر بجد
عمرو بحزن: انا اسف ليكي بجد كل حاجه حصلت منى اتمنى تسامحيني ف يوم بعد اذنك ومشى
زياد: انا مش عارف اقولك اى
نهله: متقولش حاجه هو ممكن يتغير بس لما يكون عايز بس انا مش هقدر حقيقي ارجع تاني
زياد: انا فاهم ومقدر ده وعارف انك حاولتي عشانه وشكرا جدا
نهله: مفيش شكرا انت زاي اخويا الكبير وانا بحترمك جدا
زياد: وده شرف ليا بعد اذنك انا همشي
نهله: اتفضل
والناس كلها مشيت مفيش غير عز و رحمه ونهله
رحمه: نهله انتى متاكده انك هتكون كويسه كده
نهله: اه حتا لو لسه بحبه بس ده الاحسن بدل ما الحب يتحول لكره
عز: معاكى حق ياحبيبتي وانا بدعمك ع اى قرار
نهله بابتسامه: انا متأكده من كده
رحمه: طب انا همشي عشان الوقت اتاخر
نهله: ماشي مع السلامه
رحمه: سلام
ومشيت
عز: دلوقتي هتعملي اى
نهله: مش عارفه محتاجه افكر مع نفسي كويس
عز: ماشي اطلعي استريحي دلوقتي
نهله: حاضر
تانى يوم كارما قبلت عز
عز: صباح الخير
كارما: صباح النور
عز: عرفت انك عايزني
كارما: اه كنت عاوزه اقولك اني هسافر اخر الاسبوع
عز: ليه
كارما: هرجع تاني هفضل هنا ليه
عز: مش كنتي هتفضلي مع عمرو هو مش خطيبك
كارما: عز انا وعمرو سبنا بعض من بدرى انا كنت عاوزه انسي حبيبي القديم وهو كمان بس مكنتش هعرف اكمل عشان كده سبنا بعض
عز: بجد
كارما: اكيد عشان كده لازم امشي انا كنت قعده عشان الشغل معاك بس دلوقتي الشغل هيخلص كمان يومين انا هفضل عشان اى
عز: يعني ده اخر كلام هتمشي
كارما: لازم امشي
عز: تمام
وراجع بليل البيت كانت نهله قعده
نهله: مالك ياعز
عز بحزن: كارما هتسافر
نهله: وفيها اى
عز: مش عايز تسافر وتمشي
نهله: انت حبيتها
عز: غصب عني مش عارف حصل امتي او ازاي بس اللي أعرفه دلوقتي انى مش هقدر ابعد عنها
نهله: خلاص متزعلش نفسك انا هقولك تعمل اى
عز بلهفه: بجد يعنى مش هتمشي
نهله: اه مش هتمشي
عز: طب طب انا هعمل اى قوليلي بسرعه
نهله بضحك: يخربيتك شكلك واقع اوى
عز: فعلا وقعت قولولي بقا
نهله: حاضر بص ياسيدي انت هتعمل ……………… بس وهي هتفضل معاك
عز حضنها: انتى احسن اخت ف الدنيا
نهله بحب: وانت كمان احسن اخ ف العالم
عز: بس انتي مش زعلانه
نهله: هزعل ليه
عز: احم عشان هي كانت خطيبت عمرو وكمان انى حبتها و
نهله: بس ياض هو انا ازعل لما تحب تعرف انت لو حبيت عدوتي هحبها عشانك وبعدين انا مفيش بيني وبينها حاجه عشان ازعل منها او اكرها هي ملهاش دعوه العيب منوا مش منها
عز: الله عليك ياجامد يخربيت العقل اللي فيكي
نهله بغرور: عارفه عارفه 
عز ضربها ع راسها: بس ياماما انتى صدقتي
نهله بغيظ: تعرف انك واطي امشي ياض من هنا
عز: همشي ياختي هو انا همشى من الجنة انا هطلع انام باي باي ياروحي
وطلع
نهله بضحك: والله مجنون بس اخيرا هفرح بيك ياحبيبي ربنا يكملك على خير يارب
“طبعا عايزين تعرفوا عمرو فين هقولكم بطلوا فضول شويه 
“
“عند عمرو ف الاوضه بتاعته دخلت ولدته
ولدت عمرو: هتفضل كده كتير
عمرو بحزن: اعمل اى ياامي هي راحت منى و زياد اكيد زعلان منى دلوقتي
ولدت عمرو: مفيهاش حاجه ياعمرو انت لسه العمر قدامك و هتحب تانى وتتجوز بس متعملش نفس الغلطه و زياد اخوك و هيسامحك اكيد قوم انت بس بلاش حياتك توقف هنا
عمرو: يعني زياد ممكن يسامحني
طبعا اسامحك هو انا ليا غيرك
وطبعا ده زياد ودخل
عمرو: انا اسف ياخويا حقك عليا اوعدك اني هتغير
زياد: ياض انت ابني قبل اخويا والحياة مش هتوقف لازم نكمل بس اهم حاجه نتعلم من الغلط مش يتكرر تاني فاهم
عمرو: حاضر اوعدك اني هتعلم صح المره دي
زياد: وانا واثق فيك ياعمرو
ولدت عمرو: ربنا يخليكم لبعض ويسعدكم ويوفقكم في حياتكم يارب ياحبايبي
زياد: ويخليكي لينا ياست الكل
عمرو: امين هو احنا لينا غيرك ياقمر
“وكده موضوع عمرو خالص
احب اقول حاجه لازم تتعلم الثقه عشان هي اهم حاجه مش ف الحب بس لا كمان بين الاهل و الصحاب و ف الشغل لازم يكون ف ثقه بين النااس عشان تعرف تعيش وتكون مبسوط ف حياتك
عشان لو مفيش ثقه بينا صحابك مش هيكون عندك صحاب خالص
ولو مش موجوده بين اهلك هتخسر اهلك بردو وهتكون لوحدك
لو مش موجوده ف شغلك هتفضل تشك ف كل النااس ومش هتنجح
ولو مش موجوده ف الحب اكيد الطرف التاني هيسيبك عشان اهم حاجه الثقه
لازم النااس تتعود تثق ف بعض اه احنا ف زمان وحش ومحدش مضمون بس ع الاقل بلاش تخسر النااس اللي بتحبك عشان مفيش ثقه
نكمل بق”
بعد اسبوع يوم سافر كارما كانت ف المطار
كارما: يعنى خلاص مش عايز تشوفني ياعز بقالي اسبوع بحاول اوصلك بس مش عارفه يعني اول لما عرفت اني همشي ومردتش حتا تقولي افضلي وانا اللي حبيتك وكنت فاكره انك كمان بتحبني بس
وهي خلاص كانت ماشيه بس فجأة المكان كلو بق ظلمه وظهر نور ف مكان بس بعيد وكان النور بيتحرك عندها
كارما بصدمه: عز انت انت بتعمل اى هنا
عز بحب: تتجوزيني
كارما: اى
عز: تتجوزيني انا بحبك ومش هقدر اعيش من غيرك تقبلي تكملي حياتك معايا
كارما بحب: اقبل
وجريت حضنت عز
وكل المطار بيتفرج عليهم ف منها اللي مبسوط عشانهم و ف منها اللي بيحقد عليهم وف اللي مش فارق معاه
بعد شهر كان يوم فرح عز وكارما
كارما: ها شكلى حلو
نهله: زاي القمر ياروحي
كارما: بجد
نهله: فعلا يخربيت حلوتك يابت
كارما: حبيبتي مرسي
نهله: يلا بقا عشان عز هيدخل يضربني
كارما: حاضر بس عاوزه اسألك سؤال
نهله: قولي ياحبيبتي
كارما: انتى لسه بتحبني عمرو
نهله: اكدب عليكي لو قولت لا
كارما: طب ما تديه فرصه تانيه
نهله: للاسف مينفعش مش هعرف أرجع تانى خلي ليى مكان ف قلبي كويس بدل ما يكون وحش كده احسن ليا وليه وبعدين هو راجع يشتغل ويعيش حياته وانا كمان عاوزه اعيش حياتي
كارما: متاكده
نهله بابتسامه: اكيد يلا عشان الفرح
كارما: حاضر
وخرجت نهله ودخل عز
عز بحب: هو القمر ده كلو معايا انا و ملكى انا مش مصدق
كارما بحب: لا صدق انا خلاص معاك لحد اخر يوم فى عمرى
عز: انا بحبك اوى
كارما: وانا كمان بحبك
ونزلوا الفرح وعمرو كمان جى الفرح و زياد وحبيبه ومعاها ابنهم الصغير
نهله: اهلا بيكم اتفضلو
حبيبه: انتى نهله
نهله: اه وانتي حبيبه صح
حبيبه: اه زياد حكالي عنك بس انتي طلعتي اجمل من الكلام
نهله: مرسي ده من ذوقك
وبعد شويه واقف عمرو جنب نهله
عمرو: شكلك حلو ع فكر
نهله بابتسامه: مرسي وانت كمان شكلك حلو
عمرو: انا اسف اني غلطت ف حقك قبل كده
نهله: الفات كان ماضي احنا ف الحاضر لازم نعيش حياتنا
عمرو: فعلا شكرا ليك انتي خليتني افوق لي حياتي
نهله: شكرا ع اى احنا صحاب صح
عمرو: صحاب بس
نهله: مينفعش نكمل غير صحاب
عمرو بابتسامه: تمام وانا موافق نكون صحاب هو انا اطول
نهله: شوفت بقا
عمرو: وانتي هتعملي اى ف حياتك
نهله: انا هسافر بكره
عمرو: تسافري ليه
نهله: عندي شغل هناك عاوزه اعيش ف مكان معرفش حد فيه ولا حد يعرفني ابدا من جديد
عمرو: اتمنى ربنا يوفقك وخدي بالك من نفسك
نهله: حاضر
والفرح خلص ونهله رجعت البيت وعز وكارما ف الفندق
تاني يوم ف المطار كان موجود عز وكارما و عمرو و زياد و حبيبه مع نهله عشان هتسافر
زياد: خدي بالك من نفسك
نهله: حاضر وشكرا جدا ليك انت هتفضل اخويا الكبير طول العمر
زياد: وده يشرفني اكيد
نهله: خدي بالك منوا بقا ومن القمر الصغير ده
حبيبه: حاضر وانتي خدي بالك من نفسك
نهله: حاضر
عز: مع اني مش عايز تسافري وتكوني لوحدك بس ده هيريحك
نهله: ياحبيبي انت اى وقت هتكون عايزني هرجع ليك ع طول وانت هتيجي تشوفني بردو صح
عز: اكيد طبعا
نهله: خدي بالك منوا يا كارما
كارما: ده ف عيني خدي بالك من نفسك انتي
نهله: حاضر
وراحت عند عمرو
نهله: مش عايز تقول حاجه
عمرو: عايزك كويسه انتي انسانه كويسه وتستاهلي كل خير
نهله: وانت كمان ياعمرو كويس مش وحش
عمرو: خدي بالك من نفسك وانا هتصل اطمن عليكي ع طول
نهله: حاضر وانت عايش حياتك و هتحب تانى اكيد
عمرو: دي حاجه ف ايد ربنا محدش يعرف نصيبه فين
نهله: فعلا اشوف وشك بخير
عمرو: وانتي كمان
ومشيت نهله ركبت الطياره
وهي قعده كانت بتكتب
اوعى تيجي ع كرامتك عشان حد الحب حلو جدا كمان بس و الثقه موجوده اجمل بكتير الحياة مش بتوقف ع حد خالص يعني لو حد هيموت او يسيبك انت مش هتموت بعده لا الحياة هتمشي عادي الكون مش هيتغير عشان حد اتعود توقع وتقوم وتكمل عشان تعرف تعيش حياتك صح الحياة بتتعش مره واحده بس مفيش وقت اننا نزعل ونفكر ف اللي فاتت لا نكمل ونعيش حياتنا “
تمت بحمدالله
رواية صدفه خطفت قلبي الحلقه 13 و الاخيره
عاوزه اقولكم الفكره اللي كانت ف دماغي
بالنسبه لي عمرو ف ده موجود منوا كتير
بس نهله مش كتير اغلب البنات والستات بتكمل ف العلاقه اللي مش موجوده فيها الثقه ساعات عشان بيكون الحب وساعات عشان المجتمع وخصوصا الست اللي متجوزه ممكن تكمل ف علاقه مفيش فيها ثقه او حب بس بتكمل عشان المجتمع وعشان الاطفال بس ده غلط جدا كمان ليه تظلمي نفسك عشان المجتمع طب لما تتعبي المجتمع هينفعك او لما نفسيتك تكون مدمره او وحشه المجتمع هينفعك اكيد لأ متكمليش ف العلاقه اللي مفيهاش ثقه مفيهاش حب مفيهاش احترام مفيهاش اهتمام مفيهاش موده متكمليش عشان المجتمع خالص طظ ف المجتمع اهم حاجه نفسك انتي اللي هتعرفي تخلي نفسك مبسوطه
والكلام ده لى الشباب بردو متكملش ف العلاقه اللي مفيهاش حب او اللي تحس انك لوحدك فيها واللي معاك مش بتقدر حاجه او اللي انانيه او اللي بتفكر ف المنظر متكملش
زاي ما ف رجاله وحشين ف بنات وحشين بردو محدش كامل بس ف ناس بتكون كويسه بجد
بجد هتوحشوني و هيوحشني كلامكم الحلو
#ʂԋαԋԃ
رواية صدفه خطفت قلبي الحلقه 13 و الاخيره
