البارت الثاني..
دخلت داليدا علي ابيها.. حبيبي ازيك برضه واقف تشتغل.. يا بابا حرام عليك انت تعبان.
ليهتف محمود والدها.. يا بنتي يعني اقعد اتشل الحركه بركه.
لتهتف… اه الحركه بركه وتتعب بعدها. اقعد يا قلبي واللي هتعوزه هعملهولك.
ليقول.. يعني بتدرسي وتشتغلي وعايزه امور المزرعه تمشي كتير عليكي..
لتضحك.. انت محسسني انها مزرعه من بتوع نجيب سويرس اشحال ان ما كان كام فدان عمي..
ليقطب.. بس يا بت.. دا ارضنا بتجيب احلي موالح في الناحيه.
لتبتسم وتحتضنه… عارفه يا قلبي ربنا يخليك كده وتجيب هقوم بقه اركب واروح شغلي.
ليهتف انا نفسي اعرف بتمرمطي روحك ليه يا بنتي كفايه جامعتك. 
سبحان الله وبحمده
لتقول… لا عشان اخرج متميزه عارفه عن اصحابي. انا بحب مهنتي يا بابا وناويه ابقي حاجه كبيره فيها.. لتقبله ليدعو اليها وتتركه وترحل..
في احد الاماكن الماجنه يجلس شخص والشر ينتفض منه.. ليقول صديقه.. ايه يا مديح هتفضل اكده تاكل في حالك ومستخبي كيف النسوان.
ليصرخ مديح.. اجفل خاشمك يا محروج.. مديح عزام ما بيهموش حد.
ليضحك صديقه. يا واد ان ما كتش جايبك من المصرف برضك هتجول اكده.
لينتفض مديح.. والله ما هعديهاله ابن ضرغام الهواري والله لاحرج جلبه وجلب عيلته عليه.
ليبهت صديقه..بتجول ايه يا محروج انت دا ايهم اللي يجرب منيه يدوسه. اعجل اكده ما عايزينش رط ماسخ دول هواريه مالناش نجف جصادهم.
ليهتف مديح بغل.. لاه هجف واجف واجف واخد حجي منيه تالت ومتلت.. انا هجيب جلبه تحت يدي وادعكه.
ليهتف صديقه.. ماتعجل يا زفت انت ابوك لو دري ما هيسكتش انت خابر ابوك بيعملهم الف حساب عشان شغله ما هواش سليم وانت خابر فبيجفل علي سكتهم ويبعد عشان لو وجفوله هيخربو عيله عزام عن اولها وهيدخلونا اللمان اعجل اكده.
ليصرخ مديح.. الله في سماه ما هسكتله لو كان روحي هتطلع َابوي مالوش صالح اني اللي هغفلجها علي وش امه واجهر عيلته عليه اني رميتي في المصرف فيها روحه اني اللي جرالي له تمن وتمن واعر جوي.. يبقي يغيتوه من تحت يدي.. وخلاص عرفت وخططت لكل حاجه..
ليهتف صديقه.. اباه يا حزني ناوي علي ايه يا محروج.. دا ايهم ضرغام لو وعيلك هيجتلك ويرميك لابوك ولا حد ينطج.. ايهم ضرغام ماحدش بيجفله واصل انت خابر وواعي..ايهم كيف الاسد نهشته روح بتطلع وجبر بيلم ماحدش يجدر علي ايهم دا الكل بيترعب منيه.. دا كابوس ووحش هواره اوعي لحالك ياخوي الله يرضي عنيك.
ليهب مديح.. اوعي انت لحالك ان كان هو اسد اني حنش لدعتي والجبر. وبكره هتعرف مديح هيعمل ايه.. مديح هيمحي اسم ايهم ضرغام من هواره مديح هيخلي هواره تبكي دم علي كبيرهم ووحشهم اللي بيفتخروا بيه.. مديح هيعرف ايهم هو مين وساعتها ما هيكونش فيه الا مديح وايهم هيغور في داهيه بكره تعرف وتشوف واللي مايشتري يتفرج وجلس منتفخا وافكاره تعصف به وقد خطط لشئ شيطاني سيغير مجري الاحداث كلها..
وقفت فاتن في الصباح تنتظر ادهم ان يستيقظ وهيا تاكل نفسها.. وما ان استيقظ حتي صرعته واقتربت منه وصرخت.. بقي لامَم العيله وموقفلي اخوك يجهرني جدامهم..
ليجلس متاففا لا يتكلم لتصرخ انت مابتنطجش ليه.
ليهب ويصرخ بها.. انت ايه ماعندكيش دم مابتحسيش حد يهجم علي حد إكده يصحيه دا ايه الهم ده عالصبح انت ازاي إكده.
لتضع يدها في وسطها.. مالي يا سي ادهم.. جمال وحسب ونسب.. هواريه ماليش زي..
ليصرخ بها.. بس ماعندكيش احساس ماتعرفيش يعني ايه ست وراجل ماتعرفيش تفرحي جوزك دا حاجه تجرف.
لتصرخ… افرحك وانت عايز تتجوز عليا انت بتاعي عايز تتجوز.
ليقترب منها ويمسك يدها بقوه.. لا صوتك يعلي هطين عيشتك مش معني اني بسيبك تتكلمي تعلي صوتك وتتفرعني احفظي ادبك وشوفي مين جوزك.. انا بجول مرتي تتحدت وتتكلم براحتها وما اجهرهاش كيف الرجاله اهنه عشان تجدري وتحسي اني بعليكي وما بجهركيش انما انت ماعندكيش احساس طايحه.. عيشه هم في هم مافيش يوم عدل.
لتصرخ.. جول بقه انك شايفلك شوفه. بت تحب فيها مانت نحنوح وعايز تسحسح..(بومه.. حدايه بروحين 
)
لينظر اليها ليقول مغيظا اياها..
الله في سماه لو لجيتها لاخدها واجعد احب فيها لحد ما يطلع روحي دا يوم المني ياختي لما الاجي اللي تدخل جلبي وتعيشني صوح.. وساعه ما الاجيها لو مين ما هسيبهاش مش خايف لا منك ولا من عيلتك ولا من هواره كلياتها.. ادهم لما يحب صوح هياخد حبيبه من عين الطخين..
لتصرخ.. انت بتجهرني عشان ما بخلفش وتجول اكده. (لا عشان عقربه بسالنين
)
لينظر اليها.. لاه ولا عمري فكرت اكده.. غلبت اراضيكي واحايلك واخليكي حنينه وتطلعيلي حب وحنيه وانت طايحه َمتكبره ليه يا بت الناس فاتن مالها ماتلينش لجوزها وتحب فيه عاد متكبره علي ايه..خلف ايه وزفت ايه.. دانت لو مهنياني الله في سماه ما هبص لصنف ست وانا من اساسه ماببصش وراضي وعايز مرتي بس مرتي طايحه وشارده كل اللي همها حالها وصورتها َجدام اهلها وانها ما حدش يوحش صورتها وماتجولش كلمه زينه ولا حنينه ليه يا بت الناس معيشاني في هم.. بس اجول ايه اني السبب اني اللي اول ما دخلتي عملتك ست وباخد رايك وشايلك فوج راسي انا اللي عملتلك جيمه وفاكر اني بعلي في مره صوح اتاريكي افتكرتي اني ضعيف وطايحه وركبتي ودلدلتي.. بس بجولهالك اهه.. يوم ما احب اتجوز هعملها ولا هيهمنيش واصل توافجي ماتوافجيش تجعدي تهمليني ما هيهمنيش واصل.. خلاص عليا هم اكده.. وبعدي عن طريجي بقه عشان ما اغفلجهاش عليكي وامرر عيشتك ليدفعها ويذهب ليبدا يومه التي سودته في اوله..
دخلت فريده علي امها وقالت.. اماي مش هتودي وكل لايهم(لايهم برضه.. يا بت 
) ..
لتنظر امها بخبث.. اه يا بتي نادي جملات تودي الوكل..
لتندفع فريده بالله عليكي يامه انا زهجانه وعايزه اخرج اروح واياها وافجي الله يرضي عنيكي..
لتبتسم امها وتقول طب يا بتي اعملي بزياده عشان فايز معاه.
لتندفع وتقول.. عارفه وعامله حسابه انا اجدر ما اعملش(مثلا 
) .. لتتلبك جصدي يعني خابره انه معاه طب اروح احضر الحاجه عاد لتذهب
وتنظر مليحه.. والله يا بتي فايز زين بس هنعملوها كيف دي انت هواريه هندوكي ليه كيف دا مني عيني ياخدك دا متل ولدي بس ابوكي صعب وواعر ما هيرضاش دا روح ايهم وولدي التاني. نص ايهم اتنين في واحد بس واحد طايح والتاني حنين ربنا يجعله من نصيبك يا بتي..
لتنتهي فريده وتذهب لتجد فايز يقف بعيدا لتسال عن ايهم لتجده ليس موجود لتسعد بشده لتذهب الي فايز وتهتف بحنان.. كيفك يا ود عمي..
ميفو ميفو
لينظر الي الاسفل ويهتف كيفك يا بت عمي.
لتقول بخير طول مانت بخير..
ليرفع نظره ليرجف قلبها فهو نادرا ما ينظر اليها ليقول..بخير يا فريده بخير يا بت الغالين.
لتبتسم لتجده ينظر بعيدا لتندفع وتقول.. هو اني مزعلاك في حاجه.
ليقطب جبينه… ليه بتجولي اكده.
لتقول.. اصلك دايما بتبص بعيد بحس اني بضايجك لو اكده جول.
ليبتسم وينظر اليها بحب فهو بداخله مشاعر لها ولكنه يكتمها ليقول.. لاه واصل دانت الشوفه في وشك بالدنيا بس الاصول يا بت الناس.
لتبتسم وتهتف بلهفه.. بالله صوح الشوفه في وشي بالدنيا.. لتقترب وتقول بخجل.. وانت كمان والله الشوفه في وشك بالدنيا.
ليرجف قلبه فلم يعد يحتمل صدها اكتر من ذلك لينظر اليها نظره اودع فيها كل مشاعره لتتعلق عيناهما ليقول.. احلي دنيا والله يا بت عمي.
لتحس بالخجل وان قلبها سيتوقف لترتبك ولا تعلم ماذا تقول ولكنه اخيرا تكلم فتمنت ان تقف هكذا عمرها معه.. لتمد يدها وتقول.. ده شويه جراميش عملتها مخصوص ولفيتها في منديلي. المنديل ده غالي عليا جوي خده عالله الجراميش تعجبك..
ليهتف.. والله من غير ماتجولي عجباني جوي .. لتبتسم له بخجل واعطتهم له وانصرفت مسرعه وهيا تتشح بالاحمرار من جراء ما فعلت فهيا تخجل ولكنها تريد ان تجعله يحس بها ليمسك المنديل ويخرج منه الاكل ويضعه جانبا ويضع المنديل علي انفه يشمه ليغمض عينيه ثم يضعه علي قلبه.. كيف بس يا بت الناس كيف.. بعيد جوي والله بعيد. جلبي هيوجف من جمالك ونظراتك بس ما جادرش اجرب.. العيبه هتطولني والعرف هيمنعني.. يا رب حلها من عندك..ميفو السلطان
عند دنيا وداليدا.. نجد ان والدهم قد اصابه الوهن فجاه لتقترب داليدا.. اسمع يا بابا احنا هنجيب حد يشتغلنا في المزرعه وانا هشرف عليه انت ماعتش قادر.
ليهتف محمود.. يابنتي بقه انا بفرح بقعدتي عايزه تشليني واقعد في البيت يا بنتي هموت كده.
لتهتف… طب اعمل ايه ما انت بتتعب وغلبت اقلك اجيب حتي مساعد يعرف في الزرع انما اقول ايه.. استغفروااااا
ليهتف.. طب يا بنتي سيبيني هحاول اريح نفسي شويه كده لو ما قدرتش هقلك..
لتهتف.. طب يا قلبي.. اه بقلك عايزه اعمل نور حوالين المزرعه بدل ما هيا ضلمه كده دا لو اتقتل قتيل فيها ما هيبان
ليقول.. ماشي حبيبتي استني بس شويه الم فلوس المحصول وهنورها كلها..
لتقترب َمنه وتقبله.. ماشي يا قلبي انا نازله شغلي عايز حاجه..
ليقول… اعوزك سالمه..
لتذهب الي اختها.. انت يا نحنوحه خلصتي مشروعك.
لتهتف دنيا خلصته يا قلب اختك ولسه بس حاجات بسيطه اختك شاطره ماتخافيش..
لتهتف داليدا … اه شاطره ولاسعه.. مستنيه الفارس اللي مانعرفلوش طريق.
لتهتف دنيا… تاني مفيش فايده مش مصدقه انه موجود ومستنيني.. يا بنتي اختك رسامه ذو حس مرهف.. عارفه انا راسمه لينا مكان وحاطه نفسي فيه وواقفه مستنياه.. يا لهوي عاليوم ده.
لتهتف داليدا .. ربنا يشفيكي يا بت انت خلاص وربنا مراحل متطوره من الجنون.
لتاخذها دنيا… طب تعالي متعي عينك لتزيح الستار عن لوحه جميله لتبهت داليدا من منظرها.. كان منظر رائع زرع وخضره علي مرمي البصر ونيل وصخور وطيور بيضاء تطير في الافق ومراكب باشرعه بيضاء ودنيا تقف تنظر امامها وبجانبها هاله رجوليه كغمام وخيال من النور وهيا حالمه في الصوره لتهتف داليدا .. ايه ده يخرب عقلك دانا قلبي وجعني.
لتهتف دنيا.. دا حبيبي اللي مستنياه وهديله قلبي وحشني قوي.
لتقترب داليدا وتتلمس الصوره.. ايه يا دودو ده دا قلبي وقف من منظرها ايه المكان ده دا مش موجود هنا اصلا.. انت جايباه منين انا عمري ماشفت جمال كده والصوره تخطف القلب..
لتتهتف دنيا مش بقلك خطف قلبي ومستنياه يجي.. بس يجي وانا اهريه حب وسحسحه دانا عايشه جوه و الله.
لتتنهد داليدا وتنظر للصوره.. المكان ده لو الواحد عاش فيه ينجن والله ايه ده.. لتتنهد.. اقول ايه يلا بس كفايه نحنحه ياختي اما اقوم اروح شغلي..
لتهتف دنيا.. عملتي ايه مع عماد مش تفكري يا بنتي عماد كويس.
لتهتف داليدا .. عماد كويس بس مغرور وفاكر نفسه اعلي مني عشان غني وال ايه انا ما هصدق واوافق انا مش كده يا دنيا انا عايزه راجل حنين ومحترم متواضع يحترمني ويعرف اني مراته وحبيبته مش تحصيل حاصل.. يلا مالناش نصيب انا همشي بقه اتاخرت.. لتتركها.
وتسرح دنيا في اللوحه هتيجي امتي بقه وحشتني.. اللي جوايا ده هديه لمين طيب.. لتسرح في الصوره متمنيه ان تعثر علي فتي احلامها..
كان ادهم يجلس بالقرب من النيل يضع يده علي قلبه.. اني تعبت اروح فين اطفش سواد الصبح وجهر بالليل تعبت عايز شويه حنيه بطلب كتير يا رب.. بت تعشجني و َاعشجها يا رب هون فاتن هتخلص عليه ليذهب ويجلس مع امه لتدخل عليه فاتن.. ايه سايبني طول النهار وطفشان من خلجتي بعض اياك.
لينظر لامه.. حوشيها بجه عشان والله هخفلجها اني جبت اخري منيها.
لتهتف مليحه.. فيه ايه يا بتي ماهو جاعد اهه.
لتهتف.. فيه يا مرت عمي انه عايز يتجوز علي فاتن.. فاتن اللي ماحدش يطولها.
ليهب هو… طب اكتمي بجه الا انا خلاص والله هلزجك في الحيط .
لتنظر اليه بغضب… ليه عشان بخاف عليك وانك بتاعي ماحد ياخدك مني.
ليهتف بغضب.. حد جالك اني جزمه والا فستان من بتوعك.. ايه المرار ده.. هو ده كل اللي حارجك ماحدش ياخد حاجه بتاعتك.
لتهتف بغرور.. انت عايز تفضحني وصورتي جدام الناس تبجي عفشه ويجولو فاتن جوزها هملها اني ماتهملش بجولك َمش هسكت.
ليقوم ويقترب منها ويمسكها… طب اوعي لحالك بجه عشان اني لو طلت ابعد عنك بالمشوار عبعد.. وفاتن ماتتهملش ليه بت بارم ديله كت ماسكه عليا ذله تكلميني اكده.. الله في سماه لو فكرت ادخل مره اهنه لادخلها وتنفلجي بس هيا النفس ما ريداش. بس لو يوم وعيت لبت حنينه هرشج فيها َاخدها واحطها جوا عيوني لو روحها طلعت والا حد يوعالها..بس تاجي هموت واشوف اليوم ده.. اني تعبت مرار ورميت طوبتك ودفعها ورحل مقهورا علي حاله.
في مكان اخري نري ذلك الماجن مديح.. الذي يقف مع احد الرجال.. بصو بقه هو انا جايبكو من برات الناحيه وعطيكو فلوس كتير عشان ماحدش يوعالكم.. المحروج هيسافر ماشي تستنو اما يجرب من الاسكندريه اوعو تجربو منه اهنيه ناحيه البلد يبعد اد ما يبعد احسن عشان نجطع خبره.. هتطلعو عليه تخلصو عليه هو ورجالته ماشي وتاخدوه بعيد عن العربيه تلجحوه ميت في اي ناحيه انا هاجي معاكو بعد ما تمسكوه اخد حجي منيه وانتو تسخمطوه في اي موطرح اياك تلجحوه جنب العربيه عشان ما حدش يوعاله وتاخدو العربيه والرجاله تبعدو بالمشوار ترموها في اي موطرح والا تبيعوها تتجطع العربيه ماعايزلهاش اثر هو هيروح ومعاه نفرين دايما ماخابرش هيزود والا ايه هنجطرو لحد ما نخلص عليه ماشي ليستجيب الرجال ويبداو في عزم الهمه للتخلص من ايهم ليتغير حال ايهم من حال الي حال اخر..
عند داليدا في العمل.. دخل عليها زميلها عماد كان طبيب شاب وسيم وبه بعض الغرور ليقترب ايه يا داليدا مش هتفكري تاني.. انا سيبت الدنيا وعايزك انت.
لتتنهد.. يا عماد احنا مختلفين ماهننفعش مع بعض..
ليهتف ليه يعني انت اللي مصعباها انت صعبه اوي ما تخليكي سهله يا داليدا انا عايزك وبلف َوراكي ودي في حد ذاتها مش هينه.
لتتنهد وتهتف بضيق.. وانا مش عايزاك تلف ورايا يا عماد.. يا عماد انت متحكم وانا شخصيتي ماتنفعش معاك صدقني هنقضيها صراع والبيت اللي بيه راسين بيناطحو بعض مبيسلكش.. انت مش فهمني يا عماد.
ليهتف بحنق انت اللي عنيده ودماغك ناشفه.
لتهتف.. عنيده عشان عايزاك تاخد رايي وتحترمني اذا كنت انت في الشغل مابتاخدش رايي ولا كاني موجوده.
ليهتف… عشان انا اكبر وافهم اكتر.
لتقول… مش مبرر علي فكره ممكن تناقشني وعادي تعملي حتي قيمه َتمشي رايك بس تحطني في الصوره انما خبط لازق كده مش انا يا عماد.
ليهتف.. انت عايزه بقي واحد شرابه خرج.
لتهتف.. انا عايزه راجل يعرف يعني ايه ست وراجل. مش تحكم ولا تجبر يعرف اني ليا قيمه وبفهم زيه يقدرني ويراعيني مش سي السيد وانا امشي وراه منكسره.. انا كل اللي عايزاه واحد يحبني لنفسي َلشخصيتي واه انا شخصيتي قويه بس مش معناه اني عايزه واحد شرابه خرج.. لا دانا عايزاه شخصيته اقوي مني الف مره له هيبه كده بس في نفس الوقت هيبته دي اخد منها قوتي واعلي معاه وبيه وانا واثقه اني هلاقيه يا عماد كل فوله ولها كيالها عن اذنك.
استغفروااااا
استعد ايهم للسفر لتدخل عليه مليحه وتهتف.. خلصت يا َولدي.
ليهتف… علي وشك يا امي هانت.
لتهتف.. طب يا ولدي.. ايه جولك بعد ماتعاود نطلب زينه.
ليتافف تاني يام ايهم تاني.. انت مابتزهجيش.
لتهتف.. يابني البنته زينه وطيبه ومنكسره ناخدها.
ليهتف.. يعني هتروح في انهي داهيه ما اما يجيلي مزاجي هاخدها اهدي ياماي.
لتهتف.. البت بيجيلها عرسان ماتعجل بجه والا انت حاطط عينك علي حد جول.
ليهتف.. ولا حاطط ولا متهبب ولا رايد من اساسه.
لتهتف.. طب تاخد بنت عمك بكري بت زينه وجمر ومهندسه اد الدنيا.
ليهتف.. مين جميله.. يا مري دي دكر.
لتهتف مليحه.. اتجي الله دا جمر بدر منور.
ليهتف.. اما اسكتي الله يرضي عنك اخرتها جميله.. دا راجل متنكر دانا اتجوزها من اهنه وننطح بعض من اهنه.. جفلي علي الهم ده ال جميله ال.
لتهتف بس يا ولدي…
ليقاطعها خلاص عاد خلجي ضاج بالله عليكي بطلي.
لتتركه من غلبها ويستدير ولبس لبس مختلف.. بنطلون وقميص ولم يلبس الجلباب.. فهو ليس دائما يلبس الجلباب الا في العمل فقط اما في جلساته فيلبس هكذا حتي في البيت مع عائلته.. فكان في الجلباب يظهر عليه الهيبه وفي القميص والبنطال يظهر شديد الوساَمه وهذا ما جعل اخيه يحذو حذوه فادهم وايهم شديدي الوسامه ذو شخصيات رجوليه فذه يلبسون من ارقي الاماكن واعلي الماركات فادهم درس تجاره اداره الاعمال في القاهره.. وايهم درس الزراعه ثم عاد ودرس تجاره الاعمال كاخيه ايضا في القاهره فهو شخص فذ لا يريد ان تفوته فائته في مجال شغله.. لنجده ينتهي من ملبسه ويجهز اشياؤه ليذهب. ليجد فايز ينتظره ليدخل ويهتف البلوتين اللي جولتلهم يستنوني راحو فين.
ليهتف فايز بيضبطو العربيه مالك اكده شايط.
ليهتف ايهم.. امي لازم تعكرلي دمي مابترتاحش الا وشيفاني والع.
ليضحك فايز.. اكيد مو ضوع الجواز.
ليهتف.. دا مرار. لاه والجديد بتجولي اتجوز جميله بت بكري..
ليهتف فايز.. جميله المهندسه.. دا بت جمر انت تطول يا حزين.
لينظر اليه فايز.. يعني اجوم افطسك دلوك.. اني ايهم ضرغام يتجوز جميله دي دكر.
ليهتف فايز.. وربنا انت ضلالي دا بت عالفرازه البلد بتلف عليها.
ليهتف ايهم بغضب.. لف عليك حنش.. ماتتلم هيا البت دي تنفعلي دا بت دكر وطايحه تجولش مفيش زيها خد الهندسه. لاه والمرار َرفضت واد عمك محمود عشان زعجلها مره جدام الخلج ال ايه ما هيعملهاش جيمه.. دانا اتجوزها من اهنه واجتلها علي اخر الاسبوع ..
ليهتف فايز.. عارف يا ايهم لو جلبك دج.. اهي الدكر دي هتتمنالها الرضا وتبوس َوتسبسب.
ليخبطه ايهم.. هو مين يا محروج اللي يتمني الرضي.. اني ايهم.. طب اكتم بجه.. داني ايهم يا طور اللي البنته بتلف حواليه يتمنو ابصلهم. واحب واسخمط. الحب ضعف ومرمطه يابن عمي. المره تركبك وتدلدل.. انما الراجل مرته تبجي تحت طوعه تجول حاضر اني اللي اجول واني اللي اجرر وهيا تجول امين وتكتم ولو حبها يبجي رجبته جت تحت يدها. وفيه بجه العويله زي مرت ادهم تركب وتطيح.. اسكت اسكت.. ال احب ال انا اروح لابوي اسلم عليه بلا حديتك الماسخ ده .
ذهب ايهم الي ابيه يقبل يديه ويودعه ويبدا في الارتحال الي الاسكندريه. ليبدا ارتحال من نوع اخر بعيد عن اهله ليقابل مصيره الذي هو مقدر له.
توقعاتكوميفو السلطان
رواية قطرات من الحب الفصل 30 و الاخير
