#السادس_عشر
.-خلصتوا
-اه يا حبيبى حاسب بقه ههههههه
-شدها ليه انا ادفع عمرى كله عشان ابقى معاكى قالها بهيام
-معاذ الله احنا وسط الناس
-ماشى يا روح كلها ايام وبص لاسلام الحساب كام
-فستان العروسه ب٨٠٠٠٠ج
-اى دا غالى اوى قالتها روح بصدمه
-لا مش غالى ولا حاجه وبعدين الغالى يرخصلك يا حبيبتى
-حبيبى وحضنته
-فستان مدام روما ب٣٠٠٠ والبدله ١٠٠٠
-فستان مدام ليلى
-لا انا هحاسب على حاجه ليلى وبعدين انت لسه هتعمل فستان شبه لروح الصغننه ولااى
-لا انا هحاسب على كله وبعدين ليلى اختى زى روما ولااى يا ليلى
-تحدثت بعرفان والله انا مش عارفه اقلكوا اى انتو فعلا زى اهلى
-تمام خدحساب الكل من الكريدت وكمان حساب فستان روح الصغيرة بالمرة
-تمام والف مبروك قالها اسلام
-بقلك يا حبيبى انهاردة الصبح سمعت انهم فتحوا القاعات تحدثت بها روح بخبث
-عارف وحجزت
-اتكلمت بفرحه يالهوووووى مهو انا مش بحبك من قليل ورمت نفسها جوة حضنه
-ما تلمى نفسك يا بت وبعدين انا هغير ها كل شويه ترمى نفسك فحضنه ابعدى كدا
-نعم يختى تغيرى اى بت لمى نفسك ومسكت فى معاذ
-روما بتشدها من حضنه وهو بيضحك
-معاذ سكتها بقه قالتها روما بزعل مصطنع
-تعالى ياروما واخدها فى حضنه هى كمان ارتاحتوا كدا طب يلا عشان نروح بقه الوقت أخر
-———————&
-لا بقه يا زياد انت مش طبيعى ممكن افهم فى اى
-اى يعنى ماسك تلفونك
-اى هو اللى ماسك تليفونى انت هتستعبط انت بتمسك فونى اكتر ما بمسكه واول ما تشوفنى تتوتر وتسيبه انا حالا عايزة افهم فى اى
-مفيش حاجه وبعدين فى اى لما امسك فونك يعنى انتى مخبيه حاجه قالها بتوتر
-اصابتها صدمه من حديثه مخبيه حاجه انت اتجننت ! انت فعلا اتجننت زياد انت متخيل تفكيرى موصلنى لأى لو سمحت اتكلم من لما عرفت انى حامل وانت متغير قلى ان تفكيرى غلط دموعها نزلت
-مفيش حاجه واى اللى يخليكى بعنى تقولى كدا واشمعنا يعنى حسيتى بكدا من ساعه الحمل كان يتحدث بتوتر دون النظر لها
-وكأنه ضغط على الزناد لتطيح بكل شئ ارضا بدأت تصرخ وتنتفض الما ليوضح ان شكها صحيحا انت بتشك فيا مش كدا انطق اتكلم يا زياد اتكلم انت بتشك فيا قوووووول
-رنيم اهدى وبطلى جنان يريد تهدئه الوضع
-جنان انت شفت جنان انا بقول لنفسى مستحيل يشك فيا انا لى اى اللى بدر منى بخليك تشك فيا اتكلم متجننيش انت بجد بتشك فيا ارجوك قولى احساسى غلط راحت عندة ومسكت قميصه ودموعها بتنزل احساسى غلط مش كدا لما بتمسك تلفونى مش عشان بتشك فيا مش كدا لما تلاقينى بكلم اى حد بتكون غيران مش شك مش كدا ارجوك اتكلم
-اتكلم بهدوء ليطيح عشقها له ارضا رنيم انتى حامل مني ولا
-كانت الصدمه حليفه قلبها قبل وجهها لتكسرة بداخل فيظهر اثارة على وجهها ازاى يعنى وكملت بصراخ انت مش جوزى يعنى اى منى يا زياد
-اتكلم بصراخ يعنى انا مبخلفش قالها بغضب على حجم جرحه من الداخل على حد ظنه
-وكأن تلك البراكين الخامدة انفجرت بداخلها لتنهى روحها وتفجر قلبها الى شتات
-يعنى اى مبتخلفش
-مسك دراعها وضغط عليه يعنى انا عامل تحليل قبل الجواز وعرفت انى مبخلفش يا رنيم
-ظلت تلك الدموع تنزل منها كانها شلال من الالم يطيح بقلبها ليعصف بعلاقه ابتدت ولكن لم يكتب لها التكمله
-مبتخلفش وانا حامل يعنى انت شاكك فيا ومشكتش ان التحليل يكون غلط ههههههه انت ازاى لا بجد ازاى بتشك فيا انا يا زياد انا ماشى يا زياد تمام تمام مش ابنك فعلا
لم تتدرى ماذا تقول سوا انها انسحبت بهدوء لتلملم شتات نفسها
-الو ايوة يا روح تعاليلى حالا
-—————————–
-عدى ةقت وروح اخدت رنيم
-خلاص يا ماما سبيها ترتاح وبكرة نتكلم
-ماشى يا رنيم بس عشان خاطرى بطلى عياط عشان انا كمان مش هسكت قالتها وفاء بدموع
-خلاص يا ماما اهو انا سكت بس عايزة انام تعبانه
-حاصر يا حبيبتى نامى وانا هفضل جنبك هنا
-ايوة يا مامى خليكى جنبى متسبنيش
-مش هسيبك يا روحى
-روح خرجت ورنت على معاذ ايوة يا معاذ
-معاذ كان نايم وصحى مخضوض اى يا حبيبتى فى حاجه ولااى
-معلش يا حبيبى صحيتك هو زياد كلمك او انت شفته
-لا لى فى حاجه
-معرفش بعد ما سبتك بساعه رنيم رنت عليا وقالتلى تعالى ولقتها لمه هدومها وبتعيط ومش عايزة تتكلم
-اى فالوقت دة طب اقفلى انا هشوفه وارد عليكى
-تمام
-معاذ قفل ورن على زياد كتير مردش عليه وعرف روح ان هو مردش
-………….
-تانى يوم رنيم حكت ليهم كل اللى حصل
-فالشركه زياد كان قاعد فالمكتب وفجأه الباب اتفتح جامد وكانه اعصار
-روح قالها بصدمه
-روح وهى مش شايفه قدامها وصوتها عالى جدا سمع الموظفين كلهم انت اتجننت يا زياد انتى ازاى تتهم اختى اتهام زى دة
-روح اهدى بس احنا فالشركه
-اهدى اهدى اى انت عارف لولاها قسما بالله ادفنك مكانك يا زياد
-يا روح اسمعينى بس
كان الصراخ سمع كل اللى فالشركه ومعاذ عرف راح مكتب زياد بسرعه
-اتكلم بغضب روح انتى اتجننتى قالها معاذ حينما سمع صراخها
-انا انا اللى اتجننت ولا صاحبك اللى اتجنن
-روح وطى صوتك وانتى بتتكلمى الموظفين كلهم واقفين وسامعين كل حاجه اهدى وراح قفل الباب فى اى بقه
-كاد لزياد ان يتحدث هو ولم يكنل ليحاول تفادى ما القته روح عليه
-روح اتعصبت ومسكت الفازة وزفتها فالارض جنبه هو اى ها قله قله ان مراتك حامل وشاكك ان الطفل مش ابنك وراحت مسكته من قميصه
-معاذ بعدها عنه بالعافيه روح اخرجى برة
-لا مش هخرج يا معاذ عايزة اسمع هيقول اى
-يبقى تقعدى ساكته ومسمعش صوتك سااااااامعه
-اتخضت من صوته وهزت راسها وقعدت تسمعه
-انا متلخبط يا روح وبص على معاذ يا معاذ انا عملت تحليل كنت حابب اطمن ان معنديش مشاكل فالخلفه وكدا وعملت التحليل بس انشغلت فالفرح وكدا وبعد الفرح باسبوع جتلى رساله من المعمل ان النتيجه ظهرت من زمان وروحت واخدتها وكان التحليل انى مبخلفش وكنت هقول لرنيم كان يتحدث بتوتر وخوف وخجل
-روح بدأت تصرخ فيه انت اتجننت يعنى اى
-نعاذ كان استنفذ صبرة مسكها من دراعها وخرج بيها ووداها مكتبه ورماها جوة المكتب وقفل الباب ورجع لزياد
-واى حصل
-بس لقيت رنيم بتقول انها حامل كنت هتجنن معرفش بقيت افتش فموبايلها واتصنت عليها معرفش يا معاذ كل حاجه كانت غصب عنى
-شكيت فى مراتك يا زياد قالها بصدمه
-زياد اتكلم بالم غصب عنى يا معاذ غصب عنى
-تمام غلطك لا يغتفر بس انا واثق فى رنيم وواثق فى تربيتها عشان كدا اسف مش هساعدك لان انا هاخد موقف ضدك شوف انت هتصلح امورك ازاى
-خالد دخل عليهم فى اى
-اسأله انا هشوف المجنونه التانيه
-فى اى يا زياد الكل بيقول كنت بتتخانق انت وروح
-…………….
-معاذ راح عند روح واول ما فتح الباب لسه هتتخانق فيه شدها وخرج وكانت هتقع منه والكل واقف يتفرج عليهم اخدها فى جنينه جنب الشركه
-معاذ اوعى ايدى انت اتجننت
-معاذ بغضب الدنيا فيه رماها عالقعدة اللى موجودة فالجنينه انا ولا انتى اللى اتجننت انت ازاى تعملى كدا يعنى اى تتدخلى لواحد المكتب وتهجمى عليه لا وكمان عايزة تضربيه وتكسرى المكتب مين اللى اتجنن
-انت سمعته يعنى اى يشك فى اختى
– وبعدين دة ميدكيش الحق فاللى عملتيه
-اه وحضرتك زعلان على صاحبك
-لا زعلان ان الهانم اللى كانت بتشرشح فالشركه تبقى مراتى يعنى انا جوزها وهى معملتش اعتبار ليا وقللت زوق مع موظف فالشركه بسبب مشاكل شخصيه خلت الكل سمع المشكله وهتخلى سيرة اختها وجوزها على كل لسان فالشركه
-هو
-هو اى هو اى ها هو انتى الغضب عمى بصيرتك ونسيتى انك فى مكان شغل وبعدين انتى هجمتى من غير ما تسمعى السبب اللى خلاه يتصرف كدا
-يعنى انت مصدق ان اختى
-انا مقلتش انى مصدق متخلطيش الامور فى بعض الكلام يبقى بتفاهم مش بغباء
-لانها مش اختك
- لا رنيم زى مهى اختك اختى وزياد كمان اخويا وهو غلط ايا يكون مكنش لازم يشك فى مراته بس الكلام يبقى بهدوء الثقه مهمه بس هو برضوا عندة لبس يعنى فى ايدة تحليل بيقول ان هو مبيخلفش ومراته قدامه بتقوله انها حامل
-يصدق مراته قالتها بسرعه
-ودة اللى قلتهوله مكنش ينفع هجومك عليه يا روح الامور كانت تتاخد بالعقل مش بالهمجيه ولا بالصراخ دلوقتى لولا ان انا دخلت كان الموظفين سمعوا سبب المشكله وتخيلى بقه
-معاك حق بس انا كنت موجوعه يا معاذ دموعها بدأت تنزل اختى مقهورة وبتبكى
-معاذ اخدها فى حضنه معلش ان شاء الله كل حاجه هتتصلح فونه رن وكانت وفاء
-ايوة يا مرات عمى
-البت المجنونه دى عندك
-هههههه ايوة معايا اهى
-اوعى تكون عملت حاجه
-اتنهد عملت كل خير قالها بسخريه
-يبقى عملت مصيبه
-يادوب لحقت زياد من ايديها بالعافيه
-رنيم شدت التليفون من امها عملتله اى يا معاذ
-متخفيش يا رنيم معملتش ليه حاجه وبص على روح شايفه اختك خايفه على جوزها
-اديهالى البت دى
-ههههههه اهدى يا روح ايوة يا رنيم
-انا مرات عمك يا معاذ بص يا معاذ انا هعتبرك ابنى وانا مش هعرف جدها اى حاجه وعايزاك انت تتصرف فالموضوع دة
-متخفيش يا مرات عمى رنيم اختى من غير كلام وانا هربيه متقلقيش قفل. السكه
-معاذ اوعى تشك فيا يا معاذ
-عمرى ما اشك فيكى يا روح تحدث بها ولم يعلم ان شكه سيعصف بها ارضا لترحل بعيدا بفتاه لم تخلق بعد
جتله رساله تذكير ان فى مكان هيشوفوا للفرح
-فى اى
-دى رساله تذكير
-تذكير اى
-كنت هروح اشوف فيلا هنعمل فيها الفرح
-بجد انت لما مقلتليش قلت يبقى مش هنعمل
-وانا اقدر ازعلك دا انا نفسى اعملك فرح العالم كله يتحكى بيه تعالى نشوفه بقه
-يلا
وهذا عقل الانثى تريد فرحه بسيطه تنسبها ما بها من حزن ووجع
-. ………………..
-مر كام يوم والكل جهز كل حاجه فالفيلا روح مع الميك اب ارتيست هى وروما وليلى ورنيم
-لا مش عاجبنى يا روما مش حلو
-يا بنتى دا انتى قمر
-لا بصى خليه بنيهات
-رنيم :صح روح هيليق عليها البنى اكتر
-يبقى بنى بقه
-انا مش شايفه ان البنى هيليق اى رأيك يا ليلى شاركينا
-ها بتقولوا اى
-مالك يا لولو سرحانه لى
-مفيش يا روح انا خارجه شوى وهرجع
-هتخرجى لى ما احنا سوا اهو
-لا معلش يا روما هتمشى بروح شوى وارجع
-روما كلميهم شوفى الفستان اخر لى
-حاضر
-……………
-ليلى خرجت وقعدت برة هى وروح الصغيرة
-اى دا بتعملى اى برة وسايباهم لى
-استاذ معاذ مفيش كنت مخنوقه وخرجت اشم هوا
-اه امال وليد فين مشفتوش يعنى
-اتكلمت بسخريه وليد انا اصلا مبقتش اشوفه
-ازاى دة
-اتكلمت والدموع فى عنيها هو قرر يعمل قناه عاليوتيوب وبينا مشاكل بسببها هو مش عاجبه حاله بس انا عاجبنى ومبطلبش فوق طاقته عشان يفكر كدا
-عادى خليه يعمل اللى يريحه فيها اى
-فيها ان هو مصمم ندخل فيها معاه انا وروح بيقول ان اللى عاملين قنوات بعيلاتهم بيجيبوا مشاهدات وبيجيبوا فلوس بس انا مبحبش كدا انا كنت بتريق على اللى بيعملوا كدا وبقول دا ازاى راضى لمراته كدا وهى ازاى توافق اقوم انا اعمل زيهم هو بقه مصمم وعالطول بيتخانق فيا ومعيشنى فى كابوس بسبب كدا
-بس اى اللى قلب حاله يعنى اكيد فى ضغوطات عليه
-لا هو عايز يبقى معاه فلوس
-انا مش عارف اقولك اى طب بصى اى رايك تبقى سكرتيرتى ومرتبك يزيد يمكن يغض نظر عن الموضوع ولو عايز يجى يشتغل عندى معنديش مشكله
-ياريت يرضى للاسف هو ساب الشغل وحط همه كله فالقناه وازاى يجيب مشاهدات انا معنديش مشكله يعمل اللى يريحه بس يسبنى فحالى انا تعبت من الخناقات كل يوم ومبقتش قادرة استحمل وصلت لمرحله خلاص
-اى اللى بتقوليه دة انتى بتحبيه قالها باستغراب
-الانسان هو اللى بيزرع الحب جوة الشخص وبايده يقلعه من جدورة
-اتكلمى معاه مرة واتنين وتلاته متيأسيش وهدديه بالبعد وشوفى رايه
-هشوف معلش شغلت بالك فى يوم زى دة
-لا متقوليش كدا انتى زى روما
-شكرا
تلفونه رن وهو معاها
-عملت اى
-كل حاجه تمام
-ظبطت كل حاجه
-ايوة يا افندم
-والتذاكر
-جهزت على طيارة الصبح ان شاء الله
-تمام شكرا
-اى دا انتو هتسافرو
-اه عملتها مفجأه لروح هنسافر نقضى اسبوع كدا
-يا بخت روح بيك
-سابها ومشى ومنتبهش على كلامها
-…………
-الوقت عدى والكل جهز
-روح الفوتوجرافر برة وبيستعجلك عشان السيشن وكمان خالد رن وبيستعجلنا
-انا جاهزة اهو يلا ننزل
-تمام انا هكلم الفوتوجرافر عشان الفرست لوك
-روح بتفتح الباب لقت مامتها قدامها اللى انبهرت بجمالها
-اى يا ماما اوعى تعيطى هعيط وابوظ كل حاجه
-لااااا والنبى يا ماما بنتك مرمطنا عشان الميك اب انا مش هسمح ان حاجه تبوظه
-مش بايدى يا رنيم انتى جميله اوى يا روح
-طب اى رايك فالفستان وبتلف بيه
-تحفه يا روح طول عمرك زوقك عالى
-ميرسى يا مامى
-نزلوا فساحه خاصه بالتصوير وهى وقفت وروما بتظبط الفستان وبتفرشه
-عندمعاذ
-مبحبش شغل المراهقين دة يا خالد
-معلش يا معاذ كله بيعمل كدا دلوقت امسك
-ودا اى كمان
- دا بوكيه الورد
-خالد
-انا مالى انا اختك نبهت عليا انا مليش دعوة وانت مراتك مجنونه ممكن تلغى الفرح لو مكنش معاك
-عند روح
-يلا يا شباب العريس هيدخل دلوقت شغلوا الاغانى
شغلوا اغنيه انت فرحه اخرها طرحه
وروح عاطيه ضهرها لمعاذ اللى قلبه بينبض بشدة راح ووقف قدامها وهى مخبيه وشها بايديها مسك ايديها وشدها ليه وبيبص حب واعجاب وانبهار من جمالها
-متخبيش الجمال دة عنى تانى وشدها ليه وحضنها جامد وهى حضناه وعيونها مدمعه
-الكل حواليهم بيزغرطوا
-بعدها عن حضنه وبيبوس ايديها
-مش مصدقه يا معاذ بتهوى بايديها عشان دموعها متنزلش
-ميل على ودنها بعشقك يا روح بعشقك
-ظلت تلك النظرات بينهم ترسل عشق للجميع لتبث فى قلوب البعض الغيرة لتشن رياح الغدر من الاصدقاء
-بعد ما اخدوا الصور دخلوا ساحه الحفله وروح طلبت من روما تفك ديل الفستان عشان تتحرك باريحيه
-اشتغلت اغنيه خماقى وبدؤا يرقصوا عليها
-فات … قرب عليا وخد تلت اربع حاجات
خد قلبي مني خد عقلي بالساعات
وانا مافتكرتش في كده مهما كان
دي حكاية تتعمل مسلسلات
احساس كده قالوا بيعمل معجزات
خلاني اجمع واسمع معلومات
ده قمر يجنن وعاملي قالبان
وده اللي من زمان نفسي ابقی جنبو
واللي اكيد مجنون عشان نفسي ابقی جنبه
واللي راضي راضي اموت كمان بس ابقی جنبو
يعني اديله عمري طيب من باب الاحتياط
وده اللي من زمان نفسي ابقی جنبو
واللي اكيد مجنون عشان نفسي ابقی جنبه
واللي راضي راضي اموت كمان بس ابقی جنبو
ماتقولوله خدها من قاصرها من سكات (من سكات)
مين … يعمل كده الا ناس قليلين
كأنه جنبي وحبيبي من سنين
وده مش طبيعي ده سحر ولا ايه
وانا كنت عادي لسه من يومين
مابقتش بحلم وخلاص مابقاش خيال
حبيته طبعا ومش محتاجة لسؤال
وأن انا اسيبه مافيش فيها احتمال
مهو ده اللي من زمان نفسي ابقی جنبو
واللي اكيد مجنون عشان نفسي ابقی جنبه
واللي راضي راضي اموت كمان بس ابقی جنبو
يعني اديله عمري طيب من باب الاحتياط
وده اللي من زمان نفسي ابقی جنبو
فأخر الاغنيه لفها وشدها ورفاعها فردت ايديها الاتنين وبقى يلف بيها ونزلها
عند رنيم قاعدة على ترابيزة جدها زياد راح لعندها
-مساء الخير
-مساء النور يا ابنى قالها الجد
-عامله اى يا رنيم
-رنيم من غير نا تبص عليه بخير
-اقعد يا زياد جنب مرتك تلاقيها وخشتك
-جدا يا جدتى والله البيت وحش من غيرها
-يبقى تروح معاك يا ابنى
-اى اللى بتقوله دة يا جدى اتوترت وكملت قصدى انا لسه تعبانه
-زياد اخدها فرصه ان يرجعها خلاص انا هجيب واحدة تشوف طلبات البيت وانتى ترتاحى
-اهو الراجل عداه العيب يا رنيم عيب يا بنتى تسيبى بيتك كدة وجوزك
-يا نينا هو
-مفيش هو ولا هى كفايه دلع وروحى مع جوزك الواحدة ترتاح ببيتها
-رنيم بصت لامها بس امها شاورتلها انها متتكلمش
-حاضر يا جدى
-عندروح معاذ بيغنى مع الاغنيه اللى شغاله وماسك ايديها وبيرقص معاها
-”دا انا لو اجبلك الدنبا على كفى ولا يكفى غرامى وشوقى وحنينى بحبك اه بحبك .
-ابقى حب فى بيتك يا سيدى تعالى يا حبيبه جدك
-جدوووووو
-حضنته وشغلواواغنيه بنتى وحبيبتى
-روح دموعها بدأت تنزل
-لا اوعى تعيطى بقه متخلنيش اقلهم يوقفوها انا اللى طلبت يشغلوها
-خلاص مش هعيط وسندت راسها على صدر جدها
-جوزك بيحبك يا روح خليكى زى ضى عينى هتاخدى عيونه اوعى تتخلى عن حققك فى جوزك مهما حصل واوعى تتهاونى فى كرامتك خلى راسك دايما مرفوع اوعى عينك تنكسر فى يوم واعرفى يوم ما تعصف بيكى الايام اعرفى ان صدرى مفتوحلك قبل بابى اهد الدنيا لاجل عيونك يا روح
-بحبك اوى يا جدو بموت فيك
-وانا يا بنت الغالى اغلى عليا من روحى
عند روما
روما كانت واقفه جنب ليلى
-روح دايما محظوظه
-روما استغربت من كلامها محظوظه ازاى
-يعنى حياتها كانت مرفهه دايما وحتى يوم ما حبيت حبت واحد يبيع الدنيا عشانها
-اه لانها تستاهل تتحب بجد انسانه جميله وانا مبسوطه انها بقت مرات اخويا
-بس هتاخد اخوكى منك
-ازاى مش فاهمه قالتها باستغراب
-يعنى هتبقى ليها الاولويه اكتر منك
-عادى مهى مراته
-روح قاعدة بترقص مع معاذ وبتغنى وبتلف والفرحه مش سايعاها
-مامت روح راحت تسلم على راضيه
-ايه اللى بتعمله بتك دة كانها ماصدقت
-مبسوطه خليها تنبسط ياحاجه كانت تلك كلمات وفاء
-بس عيب الناس اى هتقول علينا
- محدش هيقول حاجه يا حاجه وبعدين الفرح خلاص اه بيخلص عن اذنك
-عيب يا امى اللى قولتيه دة
-بس انتى انا مطيقهاش
-لى يا امى ما انتى كنتى مبسوطه
-عمرى ما اتبسط انا عملت كدا عشان هو كان مركبنى الذنب للى صار بس لاهيهدالى بال ولا هرتاح غير لما يبعدو
-حرام عليكى سبيهم يعيشوا حياتهم
-حرمت عليكى عيشتك انتى ملكيش دخل مش بكفاياكى وافقتى تتجوزى ابن ضرتى
معاذ شاور لعز
-اى يا عريس عايز حاجه
-اه يا عز خلص الفرح بقه
-تمام اجهز انت وروح وانا هنهى الفرح
-الكل بدأ يروح يبارك لمعاذ وروح
-خلى بالك منها يا معاذ
-فى عيونى يا مرات عمى
-وانتى ابقى اتهدى شوى وعصبيتك دى تنسيهاخالص سامعه يا روح متخديش كل حاجه بزعل وصوتك ميعلاش على جوزك ابدا يا روح
-حاضر يا ماما
-حاضر بتنفيذ يا روح متخدنيش على قد عقلى
-والله بجد يا ماما حاضر
-طب يا روح متخفيش ولو حسيتى نفسك مش جاهزة
قاطعتها روح -متخفيش يا ماما انا تمام وهبقى تمام وبصت على معاذ
-طيب يا حبيبتى هتوحشينى
-لاااا متعيطيش والنبى انا اصلا على هفوة واخرب الدنيا
-رنيم اتكلمت : بس يا ماما بلاش نكد بقه
-حاضر هسكت اهو خلاص
-الكل بدأ يروح
-احم انا هروح مع مامى
-رنيم احنا اتفاقنا هترجعى
-اتكلمت بغيظ مكتوم: والله حضرتك انا متكلمتش ولا اتفقت انا اتحطيت تحت الامر الواقع وثانيا مامى هتكون وحدها فهقعد معاه يومين وهرجع
-تمام يا رنيم اللى يريحك عن اذنك قالها بزعل
-……………………
