عدى وقت كبير وكارما ما رجعتش البيت .. واهلها قالبين الدنيا عليها مفيش لا حس ولا خبر
سميره بوجع : بنتى يا سعيد راحت فين .. كان لازم تبعتها ما اخوها اهووو .. ودموعها مش عايزا تقف
سعيد بنفس الوجع والقلق : ماهى كل مره هى الا بتروح تحطلى الفلوس فى البنك .. الارض اتشقت وبلعتها .. ياترى انتى فين ياحبيبتى وتليفونه رن سعيد بالهفه ايوا يا ابنى قالولك ايه
رامى : ما راحتش البنك وقالب عليها الدنيا ماحدش شافها
سعيد : قام .. انت فين دلوقتى
رامى : انا عند ال…
سعيد : انا جايلك
سميره بعياط : خدنى معاك ادور عليها .. يارب استرها يارب
سعيد : اقعدى ياسميره ها تروحى فين .. انا مش ها ادخل البيت الا وبنتى فى حضنى .. ونزل
************
كارما وعمر لقو نفسهم فى جزيره معزوله ومفيش اى وسيله يرجعو بيها لبيوتهم .. وبيت خيالى او شبه الخيال ..
كارما بجنون : انا فين .. ابوك ناوى على ايه مش كفايه الا عملتوه
عمر : اهدى يا كارما انا مابقتش فاهم فى ايه والا انا مين .. مفيش فايده للإنتى بتعمليه دا
كارما : يعنى ايه ها تسيبنى كدا .. ها نفضل هنا …واهلى انطق وبتضربه على صدره ورطتنى معاك طلعنى منها
عمر : اعمل ايه اكتر من الا عملته انا نفسى مش عارف اتصرف مع الراجل دا هربت منه فى كل مكان وجابنى بردو
كارما بعياط : ياريتنى ما شوفتك ولا عرفتك . انت بتعرف تعوم ؟
عمر : ايوا بس انا مش محترف . يعنى لو بتفكرى انى اقدر اعوم المسافه دى كلها تبقى غلطانه وكمان لا معانا فلوس ولا اى حاجه ولا عارفين احنا فين اساسا ماهو انتى لو بتهدى كنا عرفنا هو واخدنا ومودينا فين انما اظاهر المخدر عنده كتير وبيوجب معانا
كارما بتوسل : اعمل حاجه كفايه انه جوزنى ليك غصب .. زمان اهلى ها يموتو عليا وحطت ايدها على راسها اه اكيد انا بحلم .. لا دا كابوس
عمر : لو عندك حل غير العوم دا قولى .. مفيش حل غير اننا ننتظر
كارما : قعدت بإهمال على الكنبه .. وبتفكر ها تعمل ايه حتى هى مش محترفه او بتعوم بالعافيه سد خانه مش اكتر .. وتفكيرها سرح للحصل قبل ما تيجى الجزيره فلاش بااااك
*********
كلهم وصلو على قصر كبير مليان حراسه وخدم فى كل مكان .. وكانت فاقت كارما وعمر وقاعدين منتظرين الراجل دا ها يعمل ايه معاهم او بيفكر فى ايه
ادم : محى هات مأذون
عمر بأستفهام لمين
ادم : ها تتجوز انت وهى وبعد 9 شهور عايز ابنك حفيدى اشيله على ايدى
كارما بإنهيار وعياط : انت مجنون .. مجنون
عمر : بدء يتمالك نفسه ويتكلم بهدوء .. حتى لو اتجوزتها وخلفت مش ها يبقى حفيدك لانى مش ابنك ولا على اسمك
ادم : ابنى .. وشهادة ميلادك موجوده والكل عارف انك ابنى
عمر : بأمارة ايه وازاى قولى على اثبات واحد
ادم : جاب البوم صور له هو وأم عمر ورماه على رجل عمر .. شوف امك لما كنا مع بعض
عمر فتح الالبوم بحذر وخوف من مجهول هو مش عارفه … ولو هو ابنه ليه امه حتى ماجابتش سيرته فضل يقلب ويقلب .. دى مش امى
ادم : لا هى دى امك الحقيقيه .. اقلب للاخر ها تلاقى فى بنت جمبها فى صوره وشيلاك ودى بقى الا انت فاهم انها امك
عمر : جاب الصوره .. واتفاجئ فعلا بأمه الا جمب الست الا ادم بيقول انها امه .. عادى ممكن تكونو كنتو تعرفوها مش اكتر
ادم : امك الحقيقيه هى الا انت شوفتها معايا فى الصور.. اما الست دى مش اكتر من خدامه عندنا . خطفتك وانت لسا ابن اسبوع واحد .. حرقت قلب امك وقلبى .. سنين قالب الدنيا عليها هى والكلب جوزها .. لحد ما كريمه امك ومراتى ماتت من حصرتها عليك واول ما وصلت لهم ولمكانك كانو ماتو ربنا رحمهم من الا ها اعمله فيهم
عمر بهستريه : كدب .. كدب .. امى وابويا احسن ناس فى الدنيا وكانو بيحبونى بجنون ومش مخليين نفسى فى حاجه
ادم : ويمكن دا يغفر لهم الا هما عملوه معايا ومع كريمه . بكرا ها اعمل التحليل D.N.A واثبت ليك مش ليا عشان انا متاكد وها اخليهم ياخدو عينه منك دلوقتى
عمر : خلاص نأجل كل حاجه بعد ما نعمل التحليل .. ولو عايزنى اتجوزها اتقدم لها زيها زى اى بنت الا بتعمله دا عيب وها تهد حياتها
ادم : مفيش تأجيل ساعه واحده مش عايز تتجوز دى ها اجوزك غيرها وحالا .. بس عشان تبقى عارف هى مش ها تطلع من هنا ولا يمكن حد يعرف انك عشت بعيد عنى طول السنين دى كتير عايزين كل الا انت شايفه دا وبيشاور على القصر وها يشككو فيك وفى وجودك الناس عارفه انك موجود ومسافر برا
كارما : والله ما ها افتح بوقى سبنى اروح لأهلى
ادم : لو مش مرات ابنى .. اعتبرى نفسك ميته .. مسجونه مدى الحياه
عمر : بخوف عليها من المجنون الا قدامه لا خلاص ها اتجوزها
كارما : انتو كلكو مجانين .. موتنى لايمكن ها اعمل الا انت بتقوله
عمر : اوعدك انى ها احلها بس اهدى .. وجه المأذون وتمم اجراءات الزواج واول ما عرفو ان فى طياره خاصه ها تنقلهم لمكان مجهول .. كارما فقدت عقلها وبدئت تجرى يمين وشمال لحد مالقت نفسها على الجزيره دى .. وفى البيت دا . وشنط ليهم مليانه هدوم وكل الا ممكن يحتاجوه .. من اكل وشرب وخلافه ..
بااااااك
*******
كارما : خلاص مش قادره افكر .. انا عايزا انام
عمر : اطلعى فوق نامى واقفلى على نفسك
كارما : بتبصله بعيون تايهه .. دا الا ها يحصل وقبل ما تطلع عمر طلع الشنط فوق دخلت وراه وهو خرج وقفلت على نفسها الباب .. نامت على السرير وحاسه ان ريقها ناشف زى الحجر . بتبص جمبها لقت تلاجه صغيره جدا بتاعت العصير والميه .. راحت فتحتها لقت جواها عصير وفاكهه خدت ازازة عصير فتحتها وبتشرب منها …
عمر : تعب من كتر التفكير ريح جسمه على الكنبه وها يتجنن يعمل ايه مع البنت الا دخلت فى موضوع كبير ها يدمر حياتها .. وفجأه اتعدل وبيبص على الا نازله من فوق بقميص نوم خليع جدا ..
كارما : نازله وبتنط على السلم وبتغنى بصوت عالى ايغما مالادوووس .. حاسب على رجلى اوعى تدوس .. وبتضحك جاااامد .. وبتشاور لعمر .. بسس … بسبس ..
عمر : بيشاور على نفسه .. انا وبيبص جمبه يمين وشمال
كارما : ههههههههه هو فى غيرك ياعمورى وراحت وبدون مقدمات قعدت على رجله
عمر : تنح ومش قادر يتكلم .. وبيحاول يمسك نفسه ووشه بيعرق
كارما : بتمشى ايديها على وشه .. انت حلو كدا ليه
عمر : ضحك الله يخليكى
كارما : بتسند على راسه .. وكمان ضحكتك حلوه
عمر : بيبلع ريقه .. انتى مالك كدا يخربيتك ها تضيعينا .. عملتى ايه ونزلتى
كارما : عملت كدا .. وقايمه وبتلف جااامد وبتضحك .. عمر قام ومسكها من دراعها
عمر : كارما اهدى . واطلعى غيرى المسخره دى
كارما : بتقرب عليه ولفت ايدها حوالين راقبته .. بحبك انت كمان بتحبنى
عمر : بيشيل ايديها وهو خلاص مش قادر يتمالك نفسه .. كارما فوقى انتى خدتى ايه والا عملتى ايه ابعدى
كارما : بدلع زى الاطفال .. لا مش ها ابعد انت وحش وبتركبه الهوا .. وبعلو صوتها اثبت وبتضحك جااامد
عمر : بيهرب من قدامها .. وهى بتجرى وراه
كارما : بترقص وتغنى .. عمووور .. عمووور . عمور حياتى عمور عمووور عمور ..
عمر : مش قادر يمسك نفسه من الضحك عليها وعلى الجنان الا هى بقت فيه .. قرب عليها .. وقال لها معلش سمحينى بقى …كدا ها اضيع وادها براسه وفقدت وعيها .. شالها بين ايديه . وطلع على فوق لقى كل الهدوم الا فى الشنطه مرميه على الارض ..طلع بجامه . ولبسها لها ونيمها مكانها ولم كل حاجه فى الشنطه تانى مكانها ونزل … دخل الحمام خد شاور وبيحاول يهدى نفسه .. لبس شورت وطلع على برا قعد قدام البحر .. وبيفتكر منظر كارما بالقميص وقربها منه مش قادر يمحى الصوره من قدام عينه وابتسامه عريضه على وشه .. قام وطلع لها قعد جمبها على السرير وبيمشى ايده على وشها وقرب على خدودها باسها .. اتعدل وخد نفس وقام بسرعه حاسس انه ها يفقد عقله لو فضل قدامها كدا .. رمى نفسه على الكنبه ولف وشه لضهر الكنبه وغمض عيونه .. ونام …. شقشق صباح جديد .. وعمر قام من مكانه بيتمطع وبيطقطق ضهره .. وبص حواليه وافتكر كل الا حصل
عمر : يعنى مش حلم .. مش سامع صوت كارما طلع على فوق يشوفها .. بيخبط مفيش رد دخل مفيش حد .. نزل وبيدور عليها .. طلع برا لقائها قاعده قدام البحر وسرحانه قعد جمبها بهدوء .. وبهمس كارما .. كارما
كارما : وجهت نظرها لعمر .. انت هنا من أمتى
عمر : ابتسم .. انا بقالى سنه جمبك وانتى ولا انتى هنا
كارما : اصلى حاسه ان دماغى تقيله وكمان مش عارفه ايه الا فى راسى دا
عمر : عيونه لمعت .. وابتسم لما افتكر امبارح وهو بيديها براسه .. بيشاور بصباعه عليها . دى علامة الصلاه
كارما : بتعجب انت مبتسم كدا ليه
عمر : بيضحك جااامد وضرب ايده على رجله .. لا ابدا اصلى افتكرت حاجه كدا
كارما : لا دا انت افتكرت حاجه زغزغت .. وكمان هو فى علامة صلاه بتطلع لست
عمر : احمدى ربنا انها واحده بس .. اصل انتى دماغك ناشفه قوى وكان ممكن يبقو اتنين
كارما : انت ها تتكلم بالالغاز كتير
عمر : بهزر معاكى بلاش . تلاقيكى اتخبطى فى حاجه وانتى نايمه .. هو انتى كلتى او شربتى حاجه امبارح
كارما : شربت عصير من التلاجه الا فوق
عمر : بيهز راسه … اه .. طيب مش ها ناكل . انا جعان
كارما : انت ليك نفس تاكل
عمر : جدا انا ميت من الجوع .. بصى بقى عشان الا انتى ها تعمليه ملوش اى فايده .. احنا مجبورين نعيش حياتنا على الاقل لحد ما الراجل دا يفرج عننا
كارما : ياترى ماما وبابا ورامى حالتهم ايه دلوقت
عمر : ربنا معاهم .. وبيمسك ايدها يقومها وهى شدت ايدها .. وقامت لوحدها .. وقفت هى وعمر جهزت الفطار وبتاكل بسرحان
عمر : هااااى وبيشاور بايده قدام عنيها وصلتى لحد فين
كارما : قلقانه على اهلى ولما يعرفو انى اتجوزت هايعملو ايه
عمر : مد ايده بجراءه مسك ايدها .. ماتخافيش ياكارما ان شاء الله كل حاجه ها تتحل
كارما : ابتسمت وسحبت ايدها براحه .. هو انت بتشتغل ايه والا بتعمل ايه فى حياتك
عمر : انا ياستى مدرب كوره .. والحمد لله امورى تمام ومستقره لحد ما الراجل دا عرف طريقى وانا بهرب من مكان لمكان
كارما : طيب لو طلع ابوك
عمر : مش عارف الصراحه .. تخيلى كدا ان حياتك كلها فى لحظه او لمح البصر كدبه .. وبيشاور على نفسه وطول الوقت بتقول من انا
كارما : ابتسمت .. من انت
عمر : بمكر .. انا انسان وبيضحك وبين ايديكى ايه رايك
كارما بخجل : انت خطفتنى انت وابوك الا مش ابوك او ابوك
عمر : هههههه دا اختار مما بين القوسين ابوك الا مش ابوك او ابوك .. الاجابه … بطيخ وعامل ايده على هيئه تليفون وكانه بيتصور سيلفى
كارما : ابوك خطف شنطتى وفيها 50 الف جنيه يعنى طلع حرامى كمان اوعو تكونو عاملين الفلم دا كله عشان تسرقو الفلوس
عمر : بيضحك اكتر .. وبصوت مقطع وبيخبط على ايده .. انتى بتفصلينى .. دول بالنسبه له 50 قرش دا المكان دا لوحده بملاين … هو قاصد ياخد كل حاجه عشان مانعرفش نتصرف وقام خليكى هنا خامسه وطلع جاب العصير الا فى اوضة النوم وبيفضيه فى الحمام ونزل القزايز تحت وبيرميهم فى الباسكت
كارما بتشهق : كل دا شربته
عمر : انا لو شربتهم ها اعمل كارثه ..
كارما بأستفهام : امال هما راحو فين
عمر : ههههههه شربتهم
كارما : بعصبيه انت غريب قوووى .. انا كانى نازله فيك زغزغه كل كلمه تضحك
عمر : ما انتى الا غريبه وبتسألى اسئله محرجه
كارما تنحت : انا وبصاله وساكته .. وبعدين اتكلمت هو انا لبست البجامه دى امتى انا كنت نايمه بهدومى
عمر : بيكركع .. مش بيضحك المره دى . انتى فظيعه مش بقولك بتسألى اسئله محرجه .. ومشى من قدامها قبل ما يعكها
*****************
رامى : بابا فى واحد حاطت كاميرات على بيته واول ما شاف كارما فى الشارع كلمنى لانه بيقول حصلت حاجه غريبه
سعيد بقلق : طيب ياله بسرعه يارب اقدر اوصل لها ويكون فى حاجه تفيدنا .. وراحو للراجل . واتصدمو من الا شافوه
رامى : مش دا الشاب الا ساكن جديد فى الشقه بتاعت عم ابراهيم
سعيد بتأكيد : ايوا هووو .. طيب مين الا خطفوهم دول … وهو وبنتى بيجرو ليه مع بعض
رامى : بابا ركز هى كانت ماشيه عادى وبعدين الواد دا شدها جوا البيت
سعيد : بتوهان انا مش فاهم حاجه .. بنتى جرالها ايه ومين دول .. انا مش ها اسكت لو جرالها حاجه اتحرك يابنى نسأل ابراهيم الواد دا بيشتغل فين والا نوصل لحد من اهله .. وفضلو يسئلو لحد ماراحو النادى الا شغال فيه عمر وبيكلمو مدير النادى
المدير : انتو تانى ناس تسئل عنه هو عمل ايه
رامى : ممكن عنوان اهله فى امانه لازم نسلمها له او لاهله واحنا مش لاقينه
المدير : انا معنديش غير الرقم والعنوان دا بتاع الناس الا سألت عليه وقالو انه اهله ..اتفضلو واداهم الرقم ودا العنوان . وفعلا خدو الرقم والعنوان .. وبعد وقت وصلو العنوان الا فى الورقه
سعيد : معقول يابنى دا بيت اهله امال عايش ليه عندنا وعندهم قصر
رامى : مش عارف يابابا .. المهم كارما .. وكلمو الحرس الا بلغو ادم بوجودهم برا .. وامرهم يدخلووو
بقلم : لبنى طارق
