أسد : إيه اللي جابك إطلعي برا ..
مروة : إيه أنا موحشتكش ولابقيت بتحب البنت دي أنا اشتقتلك وجيت علشان أشوفك ..
منة : بنتي حبيبتي وحشتيني ..
حميد بعصبية : أنا قلتلك مترجعيش هنا ثانية ..
مروة : بابا إنت معايا ولا معاه أنا بنتك ودا بيتي ..
حميد : بعد عملتك الوسخه اللي عملتيها إنتي مابقيتيش بنتي ولا أنا أبوكي ..
منة : كلنا بنغلط ومروة عرفت غلطها وندمت ورجعت علشان تصلح غلطها وعايزانا نقف جنبها ..
حميد : غلطها مابيتصلحش ابدا ..
مروة : أسد إنت وحشتيني خلينا ننسى الماضي ونبدأ مع بعض من جديد ..
أسد : ماكنش ليا ماضي معاكي ولا هيكون ..
بص لميرا ومسك ايدها باسها
أسد : أنا معايا حبيبتي ونصي الثاني مستحيل أبص لاشكالك روحي للزباله اللي غلطتي معاه ..
مروة : سامحني يا أسد أنا غلطت بس ندمت والله أنا بحبك ..
قربت منه علشان تمسك ايده لكن ميرا كانت أسرع منها مسكت ايدها بقوة
مروة : سيبي إيدي بتوجعني يامتوحشه ..
ميرا : وحش لما يلهفك إبعدي إيدك عن جوزي ولا هكسرهالك ..
مروة : أسد إسمعني بس مرة واحده أنا بحبك ورجعت علشانك ..
بصتلها ميرا بغضب حارق ونار الغيره قادة في قلبها
زين : هههههه الله يرحمك كنتي طيبه ..
ليلى : في إيه يازين بتضحك ليه ..
زين بهمس : أنا شايف إن ميرا هتضربها ..
ميرا بغيظ : سمعيني كدا إنتي قلتي إيه يامروة قلتي إنك لسه بتحبيه وإنك راجعه علشانه ..
مروة : أيوه ومستعده أعمل أي حاجة علشانه ..
ميرا بصتلها مسكتها من شعرها بقوة ونزلت بيها عند رجليها
ميرا : كنتي بتقولي إيه يا زفته اتكلمي ..
مروة بألم : إبعدوا عني المتوحشه دي ياماما ..
ميرا مسكت شعرها بقوه وخلتها تبصلها
بصي ياروح أمك عينيك اللي فرحانه بيهم دول لو بصوا لأسد أنا هشيلهم من مكانهم وإسمه لو جه على لسانك هقطعهولك ..
زقتها بقوة لحد ما وقعت عند رجلين منة
ميرا : خذي بنتك من قدامي قبل ما اقتلها وفهميها تبعد عن طريقي لأنها هتشوف أيام سودا معايا ..
منة اخذت مروة من غير ماتنطق بكلمه واحده حميد خرج لبره وهو متعصب من أفعال بنته
زين : ههههه مسيطره ياميرو مرمطتي البت ..
ليلى : تستاهل بنت مش متربيه ..
ميرا بغيرة : أسد يلا قدامي ومن النهاردة ممنوع تقعد قدامها أو تتكلم معاها رجلي على رجلك في أي مكان تروحله ..
زين : هههه استقبل القوانين الجديده ..
زقت ميرا الكرسي لأوضتهم
أسد : ميرا مالك شايفك مش على بعضك ..
ميرا بغضب وصوت عالي : هكون على بعضي إزاي ومراتك الأولانيه رجعت وبكل بجاحه بتقول إنها بتحبك وإنك وحشتها ..
أسد : ميرا ماتعليش صوتك أنا بحبك إنتي حتى لو رجعت هي بالنسبالي مابقاش ليها وجود ..
ميرا : لكن أنا مش مرتاحه لرجوعها ..
أسد : مش هتقدر تعمل حاجة أنا جنبك ومستحيل اسمح إنها تعملك حاجة ..
ميرا : أنا مش خايفه منها أنا خايفه عليك إنت دي شكلها عقربه هي وأمها وهتفضل طول الوقت تلف حواليك عايزه ترجعك ليها ..
أسد : هههه بتغيري عليا ياقلبي ..
ميرا : أنا مش بغير وبس أنا مهووسه بيك مريضه بيك ولو حد حاول يقرب منك أنا هحرق الأخضر واليابس ..
أسد : ههه حبيبتي الغيوره تعالي ياقلبي أنا قلبي مش شايف غيرك ..
قربت منه وقعدت على رجله وطبعت بوسه على خده
ميرا : أسد أنا بحبك وممكن اقتلها لو حاولت تقرب منك مفهوم ..
أسد : هههه إيه إنتي بتبوسي إبن أختك ..
ميرا بإحراج : إنت قليل الأدب يلا روح شوفلك حاجة تعملها ..
أسد بخبث : خلي بالك ممكن أروح عند مروة
قبل مايكمل كلامه ميرا قربت منه و باسته و دفنت وشها في صدره
أسد : هههههه أنا لازم اشكر مروة ..
ميرا رفعت رأسها من صدره كان وشها أحمر من الإحراج
ميرا : مروة مين إنت شكلك عايزني اقتلها وأدخل السجن ..
أسد : بعد الشر عليكي يا قلبي
وضمها لحضنه
***********************************************
غزال نزلت من العربية بحذر طلعت المسدس بتاعها من ورى ظهرها
الراجل : ياهانم ممكن يكون كمين ادخلي جوا العربيه إحنا هنشوف مين ..
غزال : انا مش بخاف من حد خليني أشوف مين دول ..
فتح باب العربية ونزل منها وهو بيبصلها بإبتسامة
غزال : إيه اللي عملتوا دا يامالك إزاي تقطع طريقي ..
مالك : أنا قلتلك ياتيجي معايا أو هاخذك بالقوة ..
غزال : بص يامالك بلاش تلعب معايا اللعب مع الناس الكبيرة هتخسرك كتير ..
مالك : أنا بلعب مع حبيبتي وماعنديش مشكله إني أخسر ..
غزال : مالك أمشي دلوقتي أنا رايحه عند اللواء لأن مهمتي خلصت ..
مالك : هروح معاكي وأول ماتخلصي كلامك مع اللواء هتيجي معايا على البيت ..
غزال : مالك أنا هاجي معاك بس مش علشان أبقى أنا جايه علشان أخذ أختي ..
مالك : هتأخذي أختك تروحوا فين إنتي نسيتي إنها هي وزين فرحهم قريب ..
غزال : أنا أجرت شقة وهعيش فيه أنا وأختي ..
مالك : أختك مش هتروح لمكان لأن فرحها قريب وفرحنا كمان هيكون معاهم ..
غزال : مالك أمشي دلوقتي ولما أخلص شغلي مع اللواء هبقى اجي لعندك و نتكلم بالموضوع ..
مالك : ماشي أوعي تروحي لأي مكان لأني هوصلك مهما حصل ..
غزال : تمام هاجي ..
********************************************
بالليل في قصر أسد كان الكل قاعد مع بعض ميرا مش طايقه مروة
مالك : أسد أنا عايز أتكلم معاكم في موضوع مهم ..
أسد : اتكلم يامالك إحنا عيله ..
مالك : أنا عايز اتجوز وإنت عارف إن ماليش غيركم عايزك تطلب لي إيدها ..
أسد : ألف مبروك ياصاحبي ..
زين : ألف مبروك ياوحش وأخيراً هتدخل القفص مين دي اللي وقعتك هههه ..
مالك : غزال أخت ليلى أنا بحبها من زمان ..
أسد : البنت دي باين إنها قوية وفي نفس الوقت طيبه تستاهل كل خير ..
ميرا بغضب : طيبه وقويه نسيت إنها حلوه واي كمان يا أستاذ ..
أسد : ياقلبي دي هتبقى مرات أخويا ما فيش أجمل منك إنتي ..
زين : ههههه مسيطره يا ميرو
وهما بيتكلموا دخلت غزال ألقت التحية على الجميع وحضنت أختها
ليلى : وحشتيني أوي ياقلبي ..
غزال : وإنتي كمان وحشتيني ياقلب أختك ..
غزال : عاملة إيه ياميرا ..
ميرا : بخير الحمدلله ياحبيبتي أنا بشكرك أنا لسه عايشه بفضلك من بعد ربنا ..
أسد : غزال إنتي بقيتي واحده مننا ومن النهاردة البيت دا بيتك وإحنا أهلك ..
غزال : دا شرف كبير ليا إني يكون عندي عيلة جميله زيكم ..
أسد : غزال إنتي اختي ومالك أخويا وهو عايز يتجوزك وإحنا حابين نعرف رأيك ..
غزال : بص يا أسد بيه لازم أفكر الأول دا جواز مش لعب عيال لازم أفكر كويس ..
أسد : فكري على مهلك لكن هتبقي هنا معانا ..
غزال : لا ياأسد بيه انا لازم أروح مش هقدر أبقى هنا ..
أسد : غزال إحنا قلنا إنك أختنا يعني مافيش نقاش ميرا جهزوا أوضة لغزال ..
زين : ليلى اهتمي بأختك البيت بيتكم ..
أسد : يلا ياشباب عندنا شغل وعمي لوحده ..
زين زق كرسي أسد وخرجوا راحوا على مكتب أسد
مروة : ياماما مش شايفه بيتنا بقى ملجأ كل بنات الشارع اتجمعوا فيه ..
ميرا : بنات شوارع اممم بس مش بنات زباله واضح إن العلقه وحشتك ..
مروة : مامي إيه الكلام دا أنا مش فاهمه إزاي مستحملين البنات دول ..
منة : مروة إطلعي على أوضتك يلا ..
ميرا : إطلعي لأوضتك ياقلب ماما ومتنسيش تشربي الحليب ونامي واتغطي كويس ..
ليلى وغزال : هههههه
مروة بصت لميرا بغضب ورفعت ايدها علشان تضربها قلم ميرا كانت أسرع منها مسكت ايدها لوتها ورى ظهرها
ميرا : بقيتي بتغلطي معايا كتير يابت لما أقول كلمه مش بحب أكررها مرة تانيه إمشي من هنا ..
مروة : أنا هندمك ياشرشوحه وهتترجيني علشان أرحمك ..
ميرا : هههههه إطلعي نامي يمكن مش نايمه كويس ودا مأثر على دماغك ..
مروة اتحركت بغضب وميرا داست برجلها على طرف فستانها وقعت مروة على الأرض على وشها
ليلى : هههههه كفايه عليها كدا ياميرو ..
غزال : الأشكال دي تستاهل ياليلى خليها تربيها شوية لأن الظاهر أمها ماعندهاش وقت ..
مروة طلعت وهي متعصبه وبتتوعد لميرا
***********************************************
بعد مرور أسبوع أسد اتحسنت حالته بقى قادر يوقف على رجليه مالك وغزال عملوا الخطوبة و اتفقوا إنهم هيعملوا فرحهم مع زين وليلى
مروة كانت بتتوعد لميرا لأنها طول الأسبوع وهي ممرمطاها
في نص الليل ميرا صحيت من النوم كانت حاسه بالعطش
أسد : رايحه فين ياحبيبتي ..
ميرا : نازله أجيب ميه وراجعه بسرعه ..
أسد : تمام ياحبيبتي ..
نزلت ميرا دخلت المطبخ فتحت الثلاجه طلعت إزازة الميه جت تلف علشان تخرج من المطبخ في حد مسكها من ذراعها
ميرا بخوف : إنت مين عايز مني إيه ..
….. : أنا أجلك ياميرا طلع سكين من ورى ظهره طعنها بقوة وقعت على الأرض سايحها في دم٠ها
ميرا بصوت متقطع : ا س د
وغمضت عينيها
