الجزء الأول من قصتي الجديده ( النداهه )
• لما اتعدي حدوده اخدته النداهه لحد المكان الملعون ومات فيه
• انا طارق الفيومي ودي قصتي مع النداهه
• كنت في مصر في كليتي وكان معروف ان الفلاحين أماكنهم جميله ومليانه ترع وأراضي وحجات كتير حلوه
• بس كنت عارف من زمان اووي من جدي الله يرحمه
• ان كان في نداهه عند الترعه الكبيره بتاعت البلد
• كان معروف انها بتنده الناس بأسمائهم بصوت حلو
• وبعد كدا لما بييجي عندها بتاخده في الترعه تمص دمه وترميه على البر
• وسمعت عن حالات كتير اوووي ماتت غرقانه وماتت بطرق غريبه مكنش حد يعرف سببها ايه غير أن النداهه هيا الي سحبته
• وفي يوم خلصت الكليه وقولت ارجع البلد واشوف اهلي قبل ما اخش الجيش
• وفضلت قاعد فتره كبيره عرفت الاخبار كلها عن الأشباح والنداهه وانها بتقتل الناس
• وكنت ديما بروح الترعه الكبيره الي عندنا عشان اشوف هيا حقيقه ولا كذب
• بس مكنتش مصدق كلامهم كله ولا اي حكايه حكوها
• غير لما حصلت معايا وشوفتها بعيوني
• لما كان جدي بيحكي لنا عليها كان بيقول ان النداهه لما بتنده لحد باسمه لو بص ليها بتخده لحد الترعه الكبيره وتموته هناك
• ولو مبصش عليها ولا التفت ليها بتسيبه وتمشي
• وانها بتخاف من الحمار والنار جدا جدا
• وممكن لو فضلت فتره كبيره في المكان الي فيه النار او الحمار تموت
• وانك عشان تعرف تبعد عنها وانها تسيبك لازم ترمي ملح على المكان الي هيا خطت فيه او لو حاسس انها قربت عليك
• انا سمعت كلامه وافتكرت ساعت ما قالوا النداهه والأفعال بتاعتها والناس الي ماتت على ايديها
• وبدأت اخد حظري منها عشان مبقاش في عداد الموتى زيهم
• في يوم لقيت صاحبي الي من القاهره بيرن عليا
• فتحت عليه ازيك يا خالد اخبارك ايه يا صاحبي
• قالي والله تمام بس زهقت من قعده القاهره والروتين اليومي وصراحه عاوز اغير جو عندك
• قولتله يا سلام من عيوني تنور يا صاحبي تعالي الفيوم واحنا نعمل معاك احلا واجب
• قالي تمام بكره ان شاء الله ها اكون عندك الصبح
• قولتله خلاص مستنيك وفضلت مستني انه ييجي
• لقيته كلمني وقالي انه في الفيوم وعاوزني اجي أخذه
• روحت له بالموتوسيكل واخدته معايا ووريته البلد واحنا رايحين البيت
• دخل على البيت امي شافته وسلم عليها وقولتله ارتاح شويه يكونو جهزو الفطار نفطر وبعد كدا افرجك على البلد
• وارتاح ولما خلصو الفطار عرفته وفطرنا واخدنا بعضينا ونزلنا نتمشى في الأرض وافرجو على البلد
• واحنا بنلف قعدنا شويه قصاد الترعه الكبيره
• فا قولتله عارف المكان دا مقتول فيه عدد كبير اوووي
• والترعه دي يعتبر بركه دم بطريقه مرعبه وغامضه
• لقيته انتبه لكلامي اووي وقالي ازاي يا صاحبي احكي
• قولتله كان زمان في جنيه اسمها النداهه دي كانت لما تحب تموت حد كانت تناديه باسمه بصوت حلو
• ولو هوا التفت ليها بتسحبه لحد الترعه دي وتغرقه فيها لحد ما يموت
• قالي وهيا بيبقى شكلها عامل ازاي
• قولتله والله يا صاحبي انا مشوفتهاش عشان اقدر اوصفها
• بس جدي وصفهالي قبل كدا ووصفلي شكلها
• قالي هيا طويله وعريضه وعلى دماغها دي نار ورجليها رجلين معيز
• ولما بتنادي على حد عشان تصطاده بتتحول لبنت جميله جدا وصوتها حلو جدا عشان تسحبه ليها
• في يوم يا خالد حصل مع واحد موقف مع الجنيه دي
• كان في فرح جمب الترعه في المكان الي بعد ارضنا
• هوا كان رايح الفرح وكان بيعدي من جمب الترعه
• لقى واحده جميله جدا جدا واقفه عند طرف الترعه وجمبها زير مايه
• قالتله بصوت حلو ممكن ترفع عليا الزير دا عشان مش قادره
• قالها تمام ولسا بيرفع فا هيا قربت شويه على الترعه وعماله تسحبه في الكلام وتجره للترعه
• فا واقفه رجليها بانت بيبص على رجليها لقاها رجلين معيز
• رمى الزير وفضل يجري بعيد عنها ناحيه الفرح
• وقبل ما يوصل للناس اخد طوبه كبيره في ضهره كسرتله ضهره واغمي عليه في ساعتها بس كان وصل للناس
• بعد ما فاق من الي حصله حكى للناس كل الي حصل معاه وانه شافها قصاده وشاف رجليها
• والناس في الوقت دا صدقته بس برضو كانت مش مصدقه حوار الجنيه والنداهه والحجات دي
• لحد ما حصل الي حصل والناس بقت تموت واحد ورا التاني ومبقوش عرفين الجنيه دي بتطلع فين وامتى
يتابع …
الجزء الثاني والاخير من قصتي الجديده ( النداهه )
• وبقت من ساعتها لعنه على البلد ومش عارفين نهايتها
• قالي الكلام مشوق اووي ونفسي اروح اشوفها او حتي اسمع صوتها
• قولتله اوعي تعمل كدا ممكن يحصلك حاجا يا صاحبي وانا معرفش هيا ممكن تعملك ايه
• يالا عشان الوقت اتأخر نروح نتغدا ونقعد شويه في البيت وبليل نقعد برا شويه
• قالي تمام
. واخدته وروحنا البيت وانا خايف يمشي الكلام الي في دماغه لانه عنيد
• اتغدينا وهوا طلب ينام سيبته وروحت مشوار وبليل رجعت
• لقيته قاعد برا البيت ومستنيني
• قعدت معاه شويه وبعد كدا قالي عاوز اروح عند الترعه تاني
• قولتله لا يا صاحبي بليل مش ها ينفع نهائي لأنها بتطلع في الوقت دا ومينفعش نكون موجودين
• قالي ماشي
. انا سيبته ودخلت اغير هدومي طلعت ملقتهوش
• فضلت ادور عليه وانادي عليه مكنش ليه اي أثر
• انا خوفت جدا عليه وطلعت اجري على الترعه الكبيره
• وانا قولت اكيد راح هناك ومسمعش كلامي
• انا كنت قربت من الترعه لقيته واقف مع حد
• انا مش شايف مين الانسان الي معاه دا
• ندهت عليه من بعيد مسمعنيش
• ولقيت الإنسان إلى واقف معاه بيسحبو ناحيه الترعه
• طلعت جري وقعدت انادي عليه لقيت الإنسان دا لف وشه عليا
• ببص فيه اتصدمت من المنظر الي شوفته
• كانت الجنيه النداهه الي كانوا بيقولو عليها
• هيا بشكلها المرعب وبمنظرها المخيف
• ولقيتها وشها بقى اسود وهيا كانت بيضه اول ما بصت
• وبعد كدا لقيتها اختفت
• ولقيت خالد وقع واغمي عليه
• شيلته ووديته على البيت وفضلت افوق فيه
• لحد ما لقيته فاق وصحصح قولتله في ايه ايه الي حصل
• ومين الي كنت واقف معاها دي يا خالد
• قالي انا كنت رايح الترعه الكبيره عشان اقعد قدامها شويه
• لقيت بنت بتنادي عليا بصوت حلو اوووي
• الصوت سحرني ونسيت كل الكلام الي انتا قولته
• وكانت بتناديني وهيا ورا ضهري انا لفيت وشوفتها
• بنت جميله جدا وواقفه بتبصلي وبتقولي ممكن تساعدني أملي مايه من الترعه
• قولتلها اكيد طبعا واخدت منها الي كان معاها عشان أملي ليها المايه
• بس انا حسيت ان جسمها سخن اووي وبصيت على ايديها لقيت الضوافر بتاعتها كبيره اوووي وشكلها يخوف
• فا قولتلها مش ها اعرف امليلك المايه امليها لوحدك وانا ها امشي
• قالتلي طب امسكهالي لحد ما أملي وتعالي معايا
• وبعد كدا محستش بحاجا غير وانا مسلم ليها خالص وماشي
• وبعد كدا محستش بحاجا تاني غير انك بتفوقني
• ايه الي حصل يا طارق انا مش فاهم حاجه ولا عارف الي حصل سببه ايه
• قولتله الي كانت معاك دي النداهه وندهت عليك وسحرتلك عقلك وكانت ها تاخدك الترعه وها تموتك
• والحمدلله اني لحقتك بسرعه قبل ما كانت نزلت بيك الترعه ومكنتش ها تبان غير لما تبقى ميت
• قالي ازاي دا كلو حصل
. قولتله انتا مشوفتش شكلها
• انا شوفتها زي ما جدي وصفها بالظبط ويمكن ابشع كمان
• شكلها كان مرعب اوي اول ما قربت عليها سمعت صوتي اختفت
• قولتلك متروحش هناك بس انتا مسمعتش كلامي
• بس الحمدلله انها جت لحد كدا ومحصلش اي حاجا تاني
• وسيبته يرتاح ومشيت من الاوضه
• لقيت امي واقفه برا وقالتلي يا طارق خد صاحبك رجعو بلده
• خاف على صحبك يا ابني ممكن يحصلو حاجا
• وممكن يموت في اي لحظه من النداهه
• وممكن تكون حطاه في دماغها ودي تبقى مصيبه
• مش ها تسيبه غير لما تموته
• قولتلها متخفيش انا ها اكون معاه على طول
• مش ها اخليها تأذيه لأنها بتخاف من العدد لكن الواحد بتقرب عليه وتقتلو
• وسيبتها وروحت اوضتي وفضلت افكر في النداهه واني شوفتها قصاد عيني
• ونمت وصحيت الصبح فطرنا انا وهوا وبعد كدا اتمشينا شويه
• وبعد كدا قعدنا مع ناس في ارض وفضلنا نتكلم
• فا في واحد من الي كنا قعدين معاه اخد باله من كلامنا واني اتكلمت عن النداهه
• قالي خلي بالك لو حطيتك في دماغها ها توصلك بأي طريقه
• وها تموت غرقان برضو بطريقه بشعه
• انا قولتله هيا قتلت كام واحد في البلد
• قالي 140 راجل من البلد والبلد الي جمبنا
• فا خلو بالكم ومحدش يقرب ناحيه الترعه الكبيره بعد الساعه 7
• وفضلنا قاعدين شويه وبعد كدا روحنا البيت نتغدى ونرجع تاني
• واحنا راجعين نتمشى في الأرض كانت الساعه داخله على 6 لقيته بيقولي شايف البنت الجميله الي في آخر الأرض دي
• فا انا بصيت قولتله مفيش حاجه يا ابني
• قالي يا عم قصادك وبتشاور عليا كمان يالا نروح عندها
• قولتله تشاور ايه ونروح فين دي اخر الأرض الترعه انتا مسمعتش الراجل قال ايه
• وبعدين ايه الي ها يوقفها هنا يا خالد اكيد انتا بتتخيل
• قالي والله يا ابني واقفه وبتشاور ليا عشان اروحلها
• لو انتا يا عم خايف تروح انا ها اروح لها اشوفها عاوزه ايه
• قولتله بص يا صاحبي مفيش حركه من المكان دا ويالا عشان نرجع
• قالي لا انا ها اروح عندها اشوفها عاوزه ليه والي يحصل يحصل
• مسكته وشديت معاه وفضلت وراه لحد ما رجعنا البيت بالعافيه
• وقولتله انتا لازم تمشي بكره ومش ها ينفع تقعد في المكان دا تاني
• لقيته اتعصب واضايق اووي وقالي مش ها اتحرك من هنا وها اتجوز البنت الي شوفتها في آخر الأرض بتاعتكم
• قولتله لا انتا شكلك جرا لعقلك حاجا
• مكنش في بنات دي ممكن تكون جن وانتا مش حاسس بحاجا وسحرتلك بشكلها
• قالي لا دي بنت حقيقيه واكيد بيتها جمب الأرض
• وكانت محتاجه مساعده وانتا ضيعتها مني
• قولتله يا صاحبي اهدا بس طب بكره ها نروح الأرض الصبح ونشوف بيتها ولو عجبتك نخطبهالك
• قالي تمام وبعد كدا سكت وقالي طيب انا جعان هات اكل هنا في الهوا ناكل وبعد كدا ننام
• قولتله طيب ها اخش اجيب الاكل وانتا متتحركش من هنا ومتعملش زي امبارح وتسبيني وتمشي وأفضل ادور عليك
• قالي ماشي مش ها اتحرك من مكاني بس يالا بسرعه
• انا دخلت اجيب الاكل وقولت لامي تجهزه ومكملتش خمس دقايق طلعت لقيته مش موجود
• اختفى من المكان نهائيا دخلت لأمي وقولتلها قالتلي الحق صاحبك يا طارق ها يموت
• اخدت الملح وامي جابت الكشاف وطلعنا جري على الترعه الكبيره
• لقيته واقف على طرف الترعه ومعاه واحده وشكلها النداهه
• فضلنا نجري وننادي عليه وهوا مسمعش وبعد كدا غطس في الترعه هوا وهيا
• ومبنش تاني فضلت ارش ملح وغطست ادور عليه بس ملقتش ليه اي أثر
• امي نادت على شباب البلد يدورو معايا في الترعه عليه
• وفضلنا ندور عليه في الترعه كلها ومكنش ليه اي أثر
• بعد فتره بحث لقيناه في آخر الترعه وجسمه مرفوع عن المايه
• طلعنا كلنا جري عليه لقيناه ميت ورقبته عليها آثار خنق شديده وأيده مفتوحه وبتنزل دم
• طلعته انا والناس واتصلنا بالاسعاف
. ووثلت واخدتنا للمستشفى وللأسف كان مات
• مكنتش عارف اعمل ايه صاحبي الي جاي يقعد معايا يومين اجازه يموت فيهم
• اتصلت على أهله وعرفتهم وانا كنت بتقطع من صوتهم لما عرفوا الخبر
• اهل صاحبي وصلو عندي واخذوه ودفنوه وصلينا عليه ورجعت وانا قلبي مكسور على صاحبي
• بعد يوم من الحادث دا روحت للمجلس وطلبت ردم الترعه للأبد
• وبعد محاولات وشكاوي اتردمت نهائيا
• ولحد النهارده مسمعناش عن حد مات في ترعه او حصل ليه اي حاجا غامضه
• ودي كانت قصتي مع النداهه وموت صديقي
تمت
