قصة كهف السحاريين
انا اسمي خير الدين،عندي 20 سنة، طالب بكلية التجارة، من محبي السفريات والمغامرات، هلاقي منكم اللي بيقول ان اسمي غريب شوية لكني بحبه، بس المشكلة اسمي عملي شوية مشاكل اخرها قصتي، يمكن قصتي لو حصلت لحد وجه حكهالي كنت هقوله انه يا مجنون يا كان بيحلم بس الحلم ده طول معاه، انا شوفت شئ لا يوصف الا انه معجزة زي افلام ديزني والافنچرز، يمكن كان ناقص اشوف هاري بوتر بذات نفسه، محدش صدقني ويمكن محدش هيصدقني، حاولت اثبت كتير بس معرفتش، لكن اللي اقدر اقولُ ان كل ده حصل معايه في كهف من احدي كهوف مصر المحروسة ، الموضوع بدأ بمكالمة من صاحبي يوسف…
-الو يا خير عامل ايه يا حبيبي، عارف انك زعلان بقالك فترة وانا ميرضنيش زعلك، فمحضرلك مفاجئة رايقة يا رايق.
-صباح الخير الاول، وايه هي المفاجئة دي، الواحد فعلًا مش طايق نفسه وعايز سفرية صراحة.
-وانا مش جايبلك اي سفرية، ايه رأيك لو نروح سيوة كام يوم، وتقعدلك في كهف الملح شوية.
-ايه ده ؟؟ مش معقوله يوسف بذات نفسه عايز يروح سيوة، يا جدع ده انا بقالي سنين بقولك نروح هناك وانت ولا علي بالك، مفيش في دماغك غير الساحل والسخنة، لكن تروح سيوة دي جديدة.
-يا جدع يعني انا غلطان اني عايز افك عنك، طب خلاص هلغي حجز الشالية هناك ونطلع السخنة يومين.
-لا لا لا لا خلاص انا اسف انت بتقفش كده ليه ياعم، هنتحرك امتي قولي.
-ودي بردو تفوتني، حضر شنطتك وهعدي عليك الفجر نتحرك، ومش بس كده لا، الشلة كلها جاية معانا.
– وانت جي تقولي علي سفرية ليلة السفرية بس ماشي ياعم هحضرها، بس تعرف لو طلع مقلب هزعلك.
-عيب بقا لحسان احلف لمهروح، حضر انت بس شنطتك، ونام ساعتين كده عشان تبقا مفوق معايه في الطريق مش عايزك نايم طول الطريق زي كل سفرية..
-طب ماشي يا عم سلام انت دلوقتي..
-سلام.
قصة كهف السحاريين
قفلت معاه ماغي بتودي وتجيب
) اجيب ايه، طب اخد معايه ايه اصلا، طب هو اصلا ايه اللي المفروض اخده)
وطبعا انتهي النقاش اللي دار بيني وبين نفسي اني خدت كل لبسي اللي في الدولاب، مليتلي بتاع شنطتين سفر كده معايه، متعرفوش انتو انا كان نفسي اروح سيوة من امتي، بقالي سنين بتمني اروح هناك في هدوء الليل اكتبلي كام بيت شعر، اصل نسيت اقولكُ اني شاعر علي قدي كده بقول تخاطيف شعر.
المهم نمتلي ساعتين في السريع وانا نايم حسيت بشعور غريب، حسيت زي كهربا زيادة في جسمي، وحلمت بمكان بس مش قادر احدد اي هو ، ناس لابسة لبس غريب، مش قادر اميز ايه دول وبيعملو ايه، وايه اللي بيخليني احلم بيهم اصلا، قطع الحلم ده رنة موبايلي الشهيرة لفيلم عادل امام عريس لجهة امنية، فتحت الموبايل…
-الو يا
زفت، ايه مش لسة بدري وقعدت تقولي نام ومش نام.
لقيت صوت لبنت بتتكلم وكان باين عليها الاحراج….
قصة كهف السحاريين
-انا انا اسفة بجد يا خير، ماكنتش اقصد بجد، انا بس كنت بقولك مستنيا اشوفك بكره.
مسكت الموبايل ببص مين بيتصل لقيتها سارة، نسيت اقولكو ان سارة دي حب حياتي الوحيد، لكني مش قادر اقولها، رغم السنين اللي مقضينها مع بعض، حبي ليها من الطفولة بيزيد مش بيقل، قطع حبل تفكيري ده هي وبتقولي..
-خير، انت هنا.
-اه اه هنا طبعًا، انا اسف جدًا بجد ماكنتش اعرف انه انتي، افتكرته يوسف، بس طبعًا طبعًا هاجي بكرة، امال ايه يعني مانا جي.
-انت كويس طيب ولا فيك حاجه.
-انا ههه، لالالا انا زي الفل، اشوفك بكره بقا سلام.
-ماشي، سلام.
قصة كهف السحاريين
يخربيت غبائي، دايمًا كده ببوظ الدنيا، دي اتصلت بيا وانا زي الجلنف مشوفتش اغبي منك يا خير بجد، يارب بس متقفش عليا بكره بعد سخافتي دي، بعدها موبايلي رن وكان يوسف..
-الو يا زفت، عايز ايه انت كمان.
-انا غلطان اني بصحيك عشان تجهز نفسك.
-اجهز نفسي ايه الساعة لسه مجتش 4 حتي.
-هههه، اربعة ايه يا صاحبي الساعة خمسة اصلا، قوم يا برنس الناس كلها جاهزة ونازلين..
-خمسة ايه انا متأكد ان الساعة كانت حوالي 2، انا لسه قافل مع سارة، من مفيش…
-اه ماهي قالتلي، وانجز انت بتحلم ولا ايه يابني عايزين نتحرك بقولك.
-ماشي سلام.
قفلت معاه ودماغي مش مستوعبة اللي بيحصل، انا متأكد ان الساعة كانت حوالي 2، مفضلتش افكر في الموضوع كتير عشان متأخرش، وقولت اما اقوم اخد دش في السخان وانزل، خدت دش وظبطت شنطتي يوسف اداني رنه نزلتله، اول حاجه عيني جت عليها سارة، لكنها ماكنتش موجودة في العربية..
-ايه يابني فين..
قصة كهف السحاريين
ملحقتش اكمل الجملة الا ورد عليا وقالي…
-سارة راكبه مع راندا وعاطف، يالا احنا بس عشان نعدي علي شريف وهما هيسبقونا علي هناك..
-طب ومجبتهاش معانا ليه..
-وهي بردو هتيجي بعد الخرا اللي عملته الصبح، اركب ياعم خلينا نوصل…
عدينا علي شريف واتحركنا، اول حاجه عاملها شريف كالعادة لما بيدخل العربية بيطلب اغنية لمحمد منير..
-اقفل يابني الزفت ده وشغلنا اغنية يونس عشان بحبها…
سيبتهم يتخانقو علي الاغاني وانا كالعادة نمت، وحلمت بحلم غريب جدًا لنفس المدينة، لكن المرادي كان في ملامح بنت شكلها جميلة جدًا، ولابسة لبس غريب ولكنه زي لبس الملوك، لقيتها بتكلمني وبتقولي
– تعالي يا خير، انا مستنياك …
قصة كهف السحاريين
-انتي مين وعايزه مني ايه، ومستنياني فين؟؟
-هتفهم كل حاجه اما توصل يا خير، اهم حاجه البس المكتوب والمعلن واللي هتلاقية…
-لبس معلن ايه ومكتوب ايه اللي بتقولي علية ده…
فجأة لقيت حد داخل عليها وكانت في مكان زي زنزانة مقفولة، واول ما الناس دول دخلو عليها قالتلي..
-طب سلام انت دلوقتي يا خير، انا مستنياك.
فجأة صحيت من النوم علي صوت محمد منير وهو بيقول…
(عودك في مشيتة عامله منحيات)
بقولكوا ايه انا حلمت حلم غريب اوي لبنت كده بتطلب مني زي مساعدة، لقيت يوسف السخيف بيقول..
-وانت مشاء االه البنات حواليك كتير عشان يطلبو منك المساعدة..
-انا غلطان اني بكلم شخص مهزق زيك اصلا، سوق وانت ساكت..
-اسوق ايه يابني، احنا وصلنا اصلا وقاعدين مستنين البية عاطف اللي بيسوق علي مهلة ده، شريف رد عليه قالة..
-ما حقة ياعم مش معاه سارة وراندا، ما لازم يعني..
-بس بقا لحسان في حد ممكن يزعل من الكلام ده..
اتدخلت في الموضوع وقولتله…
قصة كهف السحاريين
-قصدك ايه بالكلام ده يا يوسف..
-مقصديش ياعم واديهم وصلوا اهو…. اهلا اهلا بالبهوات، وانت يا بية ايه كل التأخير ده، احنا متحركين بعديكو ووصلنا قبليكو بساعة…
– الكوتش فرقع مش ذنبي، وانا طلعت من الطريق التاني عشان اسرع فمشوفتكمش..
-طب يالا ياسيدي، كل واحد يخش الشالية بتاعة، عاطف هيقعد مع شريف وانا مع خير، وراندا مع سارة، يالا…
طلعنا وريحنا شوية، وبعدها بساعتين نزلنا نلف في المكان روحنا عين كيلوباترا اللي كانت في غاية الجمال، وبعدها روحنا البحيرات المالحة، وكنا تعبنا صراحة والليل كان قرب يليل وكان في حاجه زي حفلة بليل فقولنا نطلع نريح شوية، طلعنا وكنت بكلم يوسف لقيته بيقولي انها حفلة تنكرية، قولتلة..
ايه!! حفلة تنكرية ايه انت مقولتليش الكلام ده، وبعدين حفلة تنكرية ايه في سيوة انت كمان..
-ياعم معرفش الراجل صاحب الشاليهات هو اللي قالي، البس اي حاجه، انا شوفتلك بدلة شكلها غريبة كده البسها..
-بدلة ايه دي..
قصة كهف السحاريين
– اهي ياعم متعلقة، وانا لبست البدلة بتاعت كابتن اميريكا الحمدلله كنت جايبها معايه..
سابني ونزل وانا قولت اما اخش اشوف بدلة ايه دي، بعد كده لقيت فعلا بدلة متعلقة في الدولاب عاملة زي بدل السحرا عاملة زي روب طويل مرسوم عليه عصاية، وجواه بنطلون اسود وقميص اسود، والروب ذات نفسه اسود، معرفش ايه ده ومين جايبها بس بعد.كده افتكرت الحلم اللي حلمتة، وافتكر البنت اللي ظهرتلي دي، بصراحة انا قررت البس البدلة الغريبة دي منها اني معيش حاجه البسها للحفلة، ومنها اني اعرف ايه السر ورا اللي بيحصلي ده، لبست البدلة ونزلت الحفلة، وماكنش في ولا حفلة تنكرية ولا يحزنون، قفشت يوسف وقولتلة..
-فين يابني الحفلة التنكرية دي، انت بتغفلني…
-والله يابني ماعرف، انا مدير الشاليهات ولا صاحبها ده هو اللي قالي..
لقيت سارة اتكلمت..
قصة كهف السحاريين
-مدير ايه ده احنا سألنا علي الراجل وكل الناس بتقول مفيش حد بالموصفات دي شغال هنا حتي، مقلب سخيف اوي علي فكره.
صراحة انا ماكنتش اعتقد ان يوسف ممكن يعمل المقلب الاهبل والمكشوف ده بذات بعد الحلم اللي حلمتة، ماكنش قدامي غير اتوه الموضوع واقولهم..
-خلاص يا جماعة اللي حصل حصل مالو لبسنا يعني، وبصراحة انا عجبني اللي انا لابسة ، احنا اللي بنقدم الاختلاف مش حد اللي بيقدمهلنا..
لقيت شريف ضحك وقال…
-لا بس حلو لبس هاري بوتر اللي انت لابسة ده ياض يا خير..
لقيت سارة اتدخلت وقالت..
-لا لذيذ اوي عجبني احسن من التنكر اللي اتنكرتة اخر مره ده، فعلا لذيذ عجبني اللبس ده..
في اللحظة دي حسيت ان قلبي بيدخ نعناع وقلوب، لدرجة اني نسيت ارد عليها وركزت في انه عجبها اللبس، لكن دي تفوت يوسف ازاي كان لازم يتدخل..
-طب يالا يا حنين نشوف هنعمل ايه..
قصة كهف السحاريين
انتهزت الفرصة واتمشيت انا وسارة علي الرملة شوية وقررت اني اصارحها بمشاعري، وفعلا كنا واقفين بنتكلم ولسه هقولها اني بحبها، لكن رنت موبايلها قطعت كلامنا وبعدت شوية تكلم والدها في الموبايل، وانا لاحظت ان في حاجه بتتحرك بعيد زي نجمة او ضوء، الفضول خلاني اروح اشوف اي ده، كنت كل ماتحرك هي تتحرك نفس المسافة اللي بتحركها، جريت زي الاهبل عشان اشوف ايه اللي هيحصل لكني لقيت النجمة دي جريت نفس سرعتي اكن في حاجز بيني وبينها مقدرش اتجاوزة، ففضلت امشي لغاية ما لقيت نفسي في كهف، فضلت اقول لنفسي…
(ايه ده بقا؟؟؟.. انا متأكد ان مفيش كهوف في سيوة غير كهف الملح، امال ده جه منين)
بس الفضول خدني وقولت اما اشوفة يمكن ابقا اكتشفت كهف جديد…
فمشيت ورا الضوء الغريب ده لغاية ما لقيته اختفي، اتمشيت شوية لقيت حيطة سد، قولت لنفسي..
(ايه الكهف الغريب ده!!.. ده يدوبك خطوتين)
كده الجزء الاول خلص بس المفاجئات لسه هتبدي،
قصة كهف السحاريين
الجزء التاني…
(ايه الكهف الغريب ده!!.. ده يدوبك خطوتين)
مش عارف ايه اللي حصل ، لكني فجأة هوا شديد زقني لقيتني عديت الحيطة الصخرية دي، واتزحلقت في حفرة فضلت حوالي 3 دقايق بتزحلق، لغاية ما وصلت للنهاية ولقيت الضوء ده ضرب في السقف عمل زي اضائة عالية جدًا وشوفت قدامي شئ مستحيل ان حد يتخيلة!!!
شوفت قدامي مدينة كاملة تحت الارض لناس شبيهه للبشر ولابسين نفس اللبس اللي انا لابسة بظبط، روب اسود والبتاعة اللي شبة القميص دي سودة وبنطلون اسود…
فجأة لقيت حاجه شدتني من الروب اللي انا لابسة ..
-بس بس.
بصيت جنبي لقيت واحد من الكائنات دول بيقولي…
-خير صح.
-اه خير انت مين.
-كنت مستنيك بقالي كتير..
-مستنيني انا؟!
-انت مش الملكة روز ظهرتلك؟؟
– مين روز دي..
-تعالي وراية..
-اجي وراك فين يا عم انت مجنون ولا ايه…
-يعني ايه مجنون؟؟
-ااااه احنا هنستهبل..
قصة كهف السحاريين
-بقولك ايه انا مش فاهم منك حاجه، تعالي وراية بس، واتعامل طبيعي متحسسش حد انك غريب من هنا، عشان حرس الشرير ميخدوش بالهم…
-شرير مين ده ياعم
-بقولك ايه تعالي ورايه، انا مش فاهم منك حاجه..
مشيت وراه وانا مش فاهم ايه اللي بيحصل، وكان الحرس عمالين يبصولي بشكل مخيف، فجأة لقيت الولد الغريب اللي شوفتة ده قالي..
-اجري
-ايه!!
-بقولك اجري..
بدون سابق انذار الحرس كلهم جريو ناحيتي، وانا مسميتش وجريت ورا الولد ده ، لغاية ما وصلنا لمنعطف من المدينة دي والولد اختفي ، ببص حواليا عشان اوفة راح فين لغاية ما لاقيتة شدني جوه بيت، وقفت ظبط هدومي وقولتله…
-هو انا بعمل هنا ايه، والناس دي بتجري وراية ليه اصلا!!
-اولا دول مش ناس والكلام الغريب اللي بتقولو ده، دول حرس الشرير اللي حابس الملكة في مكان محدش يعرفة غيرك، ومحدش هيقدر ينقذها غيرك…
-مكان ايه وينقذ مين!!!!… انا معرفش مين الملكة دي اصلا، ومين الشرير ده… هو انا فين.
-الارض دي اسمها ارض السحار، كل اللي فيها بيقومو بأعمال السحر…
-زي هاري بوتر يعني؟؟
ملتفتش لكلامي وكمل….
قصة كهف السحاريين
-الروب اللي احنا لابسينة ده يعتبر زي درع، زي اللي انت لابسة بظبط، وببنقدر نحرك الحاجات من مكانها، وده اللي بيعملة كل الناس هنا، لكن في البعض ومنهم الشرير والملكة يقدرو يطلعو طاقة من الروب بتاعهم يقدرو يهزمو بيها اي حد…
-ايوه يعني انا اعمل ايه..
-انت هتنقذ الملكة من الشرير….
-اااااه.. يعني الشرير حجز الملكة عشان هو يحكم..
-مش بظبط كده.. الشرير حجز الملكة لانها بتقول ان في كائنات عايشة فوقينا غيرنا، وانها عايزه تطلعلهم عشان يعملو علاقات وديه، والشرير خاف لتعمل كده فعلا، فادعي ان الملكة فقدت عقلها اتجننت يعني، ومتستغربش اني اعرف معني اتجننت انا بس كنت عايزك تيجي وراية، المهم يعني الشرير حاجز الملكة في مكان كده بيضعف طاقتها لغاية ماتفقد قدرتها وهبتها نهائيًا للتحكم في الاحلام، لكنها طلعتلي في احد احلامي وقالتلي انك انت الامل الوحيد، وانك فيك قوة مش موجودة عند اي حد يا خير…
-قوة ايه اللي بتقول عليها، انا مش فاهم حاجه..
-القوة اللي عندك دي اقوي هبة عرفها الاسطورة، وانها بتقدر تجمع مابين التحكم في الاحلام، وقوة الضباب والمخاوف اللي هي قوة الشرير….
-اه وانا المفروض اعمل ايه بعد ده كله..
-انت الامل الوحيد في انك تنقذ الملكة..
-ده اللي هو ازاي، انا اصلا مش فاهم اللي بتقولو…
-يعني مش هتساعدني؟؟
-مش بظبط، انا ممكن اساعدك بس تطلعني من هنا…
-اتفقنا، وهتفهم كل حاجه لما ننزل لرجل البر..
-رجل بر كمان، اللهم قوي ايمانكم، انتو نازلين من الجنة ولا ايه.
-يعني ايه جنة؟؟
-ايه هتسهبلني تاني؟؟
-لا يعني ايه جنة بجد؟
-اللي هي عملها الله..
قصة كهف السحاريين
-مين الله؟؟
-الله ده اللي خلقك…
-انا اتخلقت عن طريق بطن امي، وعمليه الولادة، بمساعدة نهر البر اللي احنا رايحينه..
-ههه، نهر البر!
-ايوه ده الماء الطاهر اللي احنا عايشين عليه، دي مياهة مقدسة..
-اه لا ده انتو رايحة منكو خالص، انا لولا انك هتطلعني من هنا كنت سيبتك ومشيت اصلا بالكلام المجنون اللي بتقولُ ده…
-انتو يا بشر اكتر ناس متمردين، مش عارف الملكة ليه كانت عايزة تعرف شعبنا عليكو..
-بتقول حاجه؟؟
-لا لا مفيش.
-بس الا انت بتكلم عربي ازاي؟؟
-عربي؟؟.. انا مش بتكلم عربي..
-امال انت بتكلم ايه،هههه.
-بتكلم لغة السحر عادي…
-طب وانت فاهمني ازاي..
-عشان انت بردو بتكلم لغة السحر..
-اه لا ده انت مجنون فعلا, ودينا يابني لرجل البر والتقوي بتاعك ده..
-طب خد البس روب الاختفاء ده ومتعملش اي صوت عشان ميتبطلش مفعولُ…
بعدها اتحركنا عشان نروح لمنتصف المدينة مكان بئر البر ده، لكني لاحظت علي وجوة كل اللي في المدينة البرود، والسكون التام..
قصة كهف السحاريين
-هما مالهم مدروخين كده ليه؟
-اصل الشرير منومهم مغناطيسيا لغاية مايتم ابطال سحر الملكة..
الحقيقة استغربت جدًا من الشرير ده، وفي نفس الوقت تعاطفت معاه، لخوفة منا كبشر لحسان نأذيهم، بس نأذيهم ايه ده عنده قوي سحرية يعني هيبقلشونا، الحقيقة دماغي ماجبتش اي نتايج، بس كل اللي كنت بفكر في هو اني ارجع الارض تاني، اوي بمعني اصح فوق الارض، قطع حبل تفكيري الولد اللي كان معايه ده اللي حتي معرفش اسمه ايه لسه، وهو بيقولي..
-وصلنا
لقيت نفسي قدام مبني كبير جدًا غاية في الجمال مرسوم عليه رسومات مائية كتير… اول مادخلت المبني شوفت جمال يزيد عن الجمال جمال، تحفة فنية قدامي، بحيرة ماية ناصعة البياض، لا انا مش بهزر، هي ماية بيضة زي الحليب، وريحة ياسمين فايحة من المكان، قطع كل ده راجل عجوز ولكنه قوي البنيان بس صوتة كان مبين انه راجل مسن قرب مني وفضل يشمشم فيا وقال…
-ريحة البشر دي غريبة جدًا.
-ريحة ايه ياعم انا مستحمي قبل ماجيلكو هنا والله، دي ريحة اللبس اللي انتو اديتهولي.
ضحك ضحكة زي بتاعة بابا نويل كده وبيقولي..
-بقا انت بقا خير اللي هتنقذ الملكة واللي معاك اقوي سحر في تاريخ كهف السحارين..
-ياعم انا اصلا مبعرفش اعمل سحر بالكوتشينة، تقولي اقوي سحر في كهف البوبايين، وايه موضوع لغة السحر دي وهو انت عارف تكلمني ازاي اصلا وانا فاهمك وانت فاهمني…
-وده اللي يثبت انك معاك اقوي سحر، لانك فاهمني وانا بتكلم بلغة السحر..
-اه فهمتك… انت هتهزر ياعم لغة سحر ايه بقا اللي تقصدها؟؟؟
-مش وقتة دلوقتي…
بعدها جاب حاجه زي كوباية معمولة من الخشب، وملاها من البحيرة وادهاني وقالي..
-ماء البر ده هو اللي مخلي السحر مستمر في المدينة هنا، والشرير مانع الملكة منه، ولو هي مشربتش منه قبل بالساعة 12 بليل سحرها هيتوقف..
-ايوه وانا المطلوب مني ايه؟؟
-انك تنقذ الملكة لانك الوحيد اللي تقدر تحدد مكانها.
-ايوه وانا هحدد مكانها ازاي، انا اصلا معرفش ايه قوة السحر دي، ولا مين الملكة دي اصلا، انا مشوفتهاش غير مره في حلم.
سابني ومشي حاولت انطق اقول اي حاجه…
-سسسس، استني.
بعدها جاب كوابية خشب تاني ملاها من المايه دي، وجاب حاجه زي ورق بردي قديم جدا وملفوف في عيدان خشبية باين عليها اثر الزمن، ومع فتحه للورقة دي شاور علي شخص مرسوم في الورقة وقالي…
-انت ده.
قبل ماقول اي حاجة خليني اشرحلكو كان مرسوم ايه، كان مرسوم واحده واقف بضهرة لابس نفس الروب اللي هما لابسينه ولي ايد لونها ابيض وايد تانيه لونها اسود، ومطلع من الايدين حاجه زي طاقة.. اول ماشوفت الكلام ده ضحكت بسخرية وقولتلة…
-انت بتخطرف ولا ايه، انا مين ده…
-الاسطورة بتقول ان في واحد من البشر هيجي ويبقا معاه قوي الضباب وقوي النور، قوي النور دي اقوي من قوي الملكة ذات نفسها، وقوي الضباب هي قوي الموت اللي تقدر بيها تفسد حياة اي حد، خد اشرب الماية دي، ونام جنب البحيرة وانت هتفهم كل حاجه..
قصة كهف السحاريين
بصراحة كنت خايف جدًا اشرب البتاع الغريب ده، لكن الفضول كان هيقتلني ، وكان نفسي افهم ايه ده وبيعمل ايه اصلا، فقررت اني اشرب وفعلا شربته وقعدت جنب البحيرة وروحت في النوم…. حسيت بطاقة رهيبة في جسمي، صراع بين النور والظلام لكن بدون فائز، احساس بالخوف مع احساس بالفرح، احساس بالحياة مع احساس بالموت، شئ مش هقدر اوصفهولكو غير انه غريب جدًا وجميل في نفس الوقت، انفجار بيحصل جواية، قطع كل ده صورة الملكة قدامي في زنزناة بمكان غريب مش قادر اميزة لانه ضخم في متاهة غريبة تحت الارض…. بعدها فوقت من الحلم ده، وقولتله…
-انا شوفت الملكة.
ملقتش حد رد عليا وكان في هدوء غريب في المكان فبصيت حواليا لقيت رجل البر والولد اللي كنت معاه لاقيتهم متجمدين مشلولين الحركة من الحرس بتوع الملك ،قولت للحرس..
-انتو فاهمين الموضوع غلط، انا ماليش دعوة بالكلام ده هما اللي قالولي اني عندي قوة ومش قوة، لكن طلع كله كلام علي الفاضي اصلا، بعدها رجل البر لقيته قالي..
-اهرب ياخير، الروب هيوصلك وهيفهمك تعمل ايه، اؤمن انت بس بنفسك وهتقدر تستخدم قوتك وتوصل للمتاهة.
بعدها الحرس مسكوة وفضلو يعملو عليه زي تعاويذ، وكان عمال يتشنج في الارض وبيبصلي ونظراته كلها امل.. بعدها غمضت عيني زي ما بيحصل في الافلام، وحسيت بطاقة غريبة في جسمي كأني هنفجر وفي لحظات كنت في مكان تاني تماما هادي جدًا ببص قدامي لقيت 3 طرق…
تفتكروا خير هيعمل ايه، وهيخش اني طريق،
قصة كهف السحاريين
كهف السحاريين
الجزء الثالث
٣
بعدها لقيت الروب ييشدني ناحية الممر اللي علي اليمين، قولت لنفسي..
(شكلي كده هضطر اكملها مشي علي رجلي، اما نشوف نهاية الموضوع ده ايه)
مشيت علي رجلي لاكتر من نص ساعة، وماكنتش لاقي اي حاجه، لدرجة اني مليت من المشي وحسيت اني في الطريق الغلط، اصل ازاي يبقو حابسين ملكة، ومفيش اي تأمين بالطريقة دي، لكن اللحظات الحلوه مبتكملش لقيت حاجه لزجة نقطت عليا، ببص فوقي لقيت عنكبوت اكبر من بيتنا واقف فوقي اكنه بيقولي..
-مساء الخيييير.
طبعًا عرفتو ايه اللي اناعملتو في اللحظة دي، جريت، اصل الجري في المواقف دي نص الجدعنة، انا اصلا بخاف من العناكب الصغيرة، ما بالك بقا بواحد قد بيتنا… فضلت اجري وكان في عشيرة عناكب بيجرو وراية، استخبيت في مخبأ صخري لغاية مامشيو وكملت طريقي لغاية ما وصلت لمكان مش هقدر اوصفة غير انه ضخم، مكان في كمية زنازن كتيرة….
-وبعدين في الليلة السودة دي، طب هلاقي الملكة في انهي زنزناة دلوقتي، لكني استسلمت وقررت اني هدور، فضلت الف اكتر من نص ساعة لغاية ماتعبت وقعدت علي صخرة اخد نفسي، وكنت هموت واشرب بوء ماية، لغاية ما لاحظت في الزنزانة اللي في وشي واحده مرميه علي الارض وشبه مغمي عليها، قولت لنفسي..
(اكيد دي الملكة وطاقتها قربت تخلص زي ماقالي رجل البر)
مقدرتش استني استريح وقومت وصلت للزنزانة الموضوع خد مني حوالي خمس دقايق، ومع لحظة وصولي لقيت صوت حد ناعم جدًا بيقولي..
-انت وصلت ياخير.
-اه وصلت يا سمو الملكة روز.
-كنت مستنياك
-طب احنا لازم نتحرك دلوقتي سموك، قبل ما اي حد يجي لانهم عارفين اني هاجي هنا.
-معاك ماء البر؟
-انا اسف جدًا نسيت ادي لسموك..
اديتهولها ووشها اتحول 180 درجة من وش دبلان لونة ازرق ضعيف، لي شخصية تانية تمامًا تفوق الجمال جمال، استغليت الوقت في اني كسرت القفل، واول ما كسرتة قولتلها
-يالا سموك لازم نمشي، لان اعتقد السحر مش بيشتغل هنا.
-اه مش بيشتغل، ابي هو اللي صمم المكان ده ومنع وجود السحر في عشان المخلوقات اللي بنسجنها هنا متستخدمش سحرها..
-طب احنا لازم نتحرك.
لكن الحلو مش بيكمل ابدًا حرس الملك كانو وصلو ومعاهم رجل البر والولد، الملكة اول ماشافتهم اتصدمت وقالت..
-الشرير!!
-مين الشرير؟
– اللي في النص ده.
-اللي في النص مين ده قد اخويا الصغير، ده شكله كيوت..
-ده اخويا الصغير.
فضلت اضحك…
-اسف، بس الموضوع مضحك انتو خايفين من ده ههههه.
بعدها لقيت رجل البر بيبصلي وبيغمزلي اللي هو امشي ، لكن بردو الحلو مبيكملش، الشرير خد باله من وجودي، او بمعني اصح كان يعرف بوجودي اصلا…
-كنت مستنيك يا خير بقالي كتير، اتأخرت ليه.
قولت بصوت واطي..
-هو انتو كلكو مستنيني كده ليه، هو انا اترتبت علي الجمهورية وانا مش عارف، امال مني الشاذلي مكلمتنيش في لقاء ليه.
-بتقول حاجه يا خير؟
-لا استأذنك بس همشي واخد الملكة معايه، اصل في مشوار.
-اه اتفضلو.. ايه!!!.. يا حرس امسكوهم.
في لحظة كنا خارج حجرة الزنازين دي بنجري والحرس ورانا بيجرو..
-هنعمل ايه دلوقتي سموك، دول كتير اوي..
-احنا لازم نخرج من هنا في اسرع وقت عشان السحر.. تعالي من هنا انا اعرف طريق سري كان عاملة ابويا ميعرفوش حد غيره وغيري.
بعدها استخبينا ورا صخره لغاية ما الحرس مشيو، بعدها دخلنا طريق سري مقدرش اقول عليه غير انه مقزز جدًا ومليان شبكة عنكبوت، لغاية ما في لحظة عنكبوت ظهر قدامنا….
-ايه ده!!!.. انتي متقولتيش انه في عناكب!!!.. دول كانو هيكلوني…
-اهدي بس ده بوبي..
بعدها العنكبوت ده نطق..
-اهلا سموك، حاولت انقذك كتير، لكن العناكب كانت مراقبة المكان كويس، ولما خير وصل حاولت انقذه بقدر المستطاع عشان يوصلك.
-عملت اللي عليك يا بوبي، انا واثقة من ده.
بعدها قطعت حوارهم الجميل ده..
-هو في عنكبوت بيتكلم!!. ده من امتي ده..
الملكة ضحكت…
-احنا مش في قري البشر، احنا في كهف السحارين.
-اه هي تفرق فعلا، طب يالا عشان ميتعملش معانا الغلط من الشرير المضحك ده..
بعدها مشينا لغاية ما وصلنا اخر الممر، وهقولها تاني الحلو مبيكملش، حراس الشرير والشرير ذات نفسه كانو مستنينا اول الممر ورابطين الولد ورجل البر، بصيت للملكة..
-هو ده اللي مفيش حد يعرف الممر غيرك.
قطع كلامي الشرير، اللي خلوني اشرحلكو شكله هو قصير القامة، قوي البنيان شوية، ملامحة صغيرة، لابس لبس ملكي وروب عليه الماس واحجار كريمة.
-مفاجئة مش كده.
بصتلة بقرف..
-مفاجئة نيلة… قول انت عايز منا ايه.
-روحك
-روحي!!!… كان علي عيني.
-مش هخلي حد علي وجة الكرة الارضية النچسة اللي انتو عايشين عليها دي يبقا اقوي مني.
في لحظة الشرير كان قدامي واول مالمسني حسيت اني في متاهة ضبابية، مكان مرعب مش حاسس في غير بالخوف، مخاوفي بتطاردني، كنت شايف قدامي سارة وهي شكلها مسخ ومتوحشة، وكان في عناكب، كنت بهرب من خوفي، لكن المتاهة ماكنتش بتنتهي، وسامع صوت ضحكات الشرير من بعيد، والخوف بيتزايد من جواية، كنت حاسس ان المتاهة دي جواية انا، حاولت اخرج.منها لكني مش قادر، في لحظة كان الشرير قدامي بصورة ضباببية، حاولت امسكة لكني مش قادر، كان عمال يضحك ضحكات شريرة مستفزة مش قادر اسمعها، وطاقتي كان بتستنفذ…
-ارجوك سيبني.
-مش هتقدر تخرج من هنا يا خير، هتفضل محبوس وسط مخاوفك للابد.
فضلت اصرخ واجري زي المجنون في كل حته..
-سيبنااااااي، سيبنااااااي.
في صوت قطع كل ده كان صوت الملكة بيقول..
-اؤمن بنفسك يا خير، متسيبلهوش نفسك وافكارك، اؤمن بنفسك.
ماكنتش بفكر في حاجه بالوقت ده غير سارة، وان الوقت مفاتش لمصارحتي بحبي ليها، وكنت حاسس بطاقة مليئة بالحب والخوف والامل جواية، لقيت صوت جواية بيقولي..
-انت خير.
في لحظات كان الضباب ده كله اختفي، وكل حاجه رجعت لطبيعتها وبان علي وش الشرير الخوف الشديد…
-ايه ده انت طلعت ازاي!!؟
استغليت الفرصة ومسكتة من راسة، وحسيت بطاقة كييرة طالعة مني وايدي اسودت، حبسته في مخاوفة اللي كانت عبارة غن ظلم الاب لي، وحبه لبنته اكتر، لكنه كان مستسلم تمامًا للي بيحصلة، الملكة طلبت من الحرس يقبضو عليه ودخلوه السجن.
شردت في التفكير، يعني كده كل حاجه خلصت، يعني هرجع تاني لاصحابي واهلي، تجربة غريبة متتصدقش، في كائنات تانية عايشة معانا علي نفس الكوكب منعرفش مين دول ولا جاييين منين…قطع تفكيرس ده الملكة.
-انا متشكرة اوي يا خير علي كل اللي عملتو لشعب السحارين، انا مش عارفه اشكرك ازاي.
-اشمعني انا؟
-يعني ايه اشمعني انت؟!
-اشمعني انا اللي اخترتيني دونا عن البشر كلهم.
-عشان انت طيب يا خير، ومش انا اللي اخترتك، بحيرة البر هي اللي اخترتك، قلبك هو اللي نصفك انك تشيل المسئولية دي وطلعت قدها.
-هشوفكوا تاني؟
-اكيد هنتقابل كتير، واكيد دي مش اخر مره، لكن انت لازم ترجع دلوقتي لاصحابك.
بعدها عملولي حفلة واسعة جدًا بعد مافكو التنويم المغنطيسي اللي علي الشعب، عمري ماحسيت بالفخر بحاجه في حياتي قد ماحسيت بالفخر في اللحظة دي، بعدها جه الولد اللي معرفش اسمه لغاية دلوقتي..
-انت اسمك ايه..
-رعد
-رعد!.. طب انت تعرف ايه هو الرعد.
-الملكة قالتلي ان الرعد ده بيبقا بعد البرق، وانه صوته مرعب جدًا.
-هو انت مالكش اهل.
-لا ماتو كلهم، والملكة هي اللي خدتني وعيشتني معاها، واتعلمت منها خدع سحرية كتير.
-هتوحشني يا رعد.
-وانت اكتر ياخير، متفتكرش اني هسيبك لا، انا هاجي ازورك كتير وانت بردو متنساش تزورني ها.
-حاضر يا سيدي.
بعدها الملكة جت…
-جاهز يا خير.
-جاهز لايه.؟
-الوقت جه عشان تمشي.
كنت حزين جدّا في اللحظة دي ..
-جاهز سموك.
-غمض عينك وركز كويس علي المكان اللي كنت في، واه نسيت اقولك احنا موجودين في اي حته واي مكان احنا هنا يا خير
بعدها شاورت علي قلبي وقالتلي.
– سلام.
غمضت عيني وحسيت بنفس الطاقة المهولة دي وكهربا خفيفة في جسمي، لغاية ما لقيت نفسي علي حاجه ناعمة جدًا، لما فتحت عيني لقيت نفسي نايم علي الرملة جنب الشالية بتاعي… لقيت سارة بتجري عليا من بعيد وبتحاول تقومني، وانا كنت مدروخ مش شايف قدامي حتي ولقيتها بتقولي بعصبية..
-انت اختفيت فين؟؟؟.. انا بقالي نص ساعة بدور عليك، انت فجأة واحده اختفيت زي الشبح..
-نص ساعة!!
قولت لنفسي..
)نص ساعة ايه، ده انا جوه بقالي حوالي عشر ساعات واكتر)
اول ما سارة لمستني حصل ماس كهربي بنا، سارة بصتلي وقالتلي..
-ايه ده.
مردتش عليها وسبتها ومشيت وروحت المكان بتاع الكهف وسارة كانت ماشية وراية وعماله تقولي..
-مالك يا خير، انت اتجننت ولا ايه!!
فضلت اجري زي المجنون لغاية ما وصلت للمكان لكن ملقتش الكهف ولا اي حاجه، المكان كان عبارة عن سراب، لكن لقيت شموع في المكان علي شكل قلب، فسارة وقفت بصتلي وقالتلي..
-انت كنت مختفي بتحضرلي ده!!
-انا!!
فضلت اتهته في الكلام لكن سارة قطعتني وقالتلي…
-انت ازاي كده بجد!!
-انا!!!. انا معملت…
ملحقتش اكمل الجملة الا ولقيت الملكة ظهرت قدامي وهي بتقولي..
-متضيعش فرصتك، دي هديتي ليك، انا عارفه انك بتحبها وهي كمان علي فكره، اشوفك قريب ياخير..
سارة قربت مني وكانت لسه هتنطق لكن قطعتها وقلتلها..
-دي حاجه صغيره مني ليكي، كان نفسي اقولك من زمان انيييي… اني بحبك يا سارة.
-وانا كمان يا خير، بحبك من واحنا في ثانوي بس انت كنت غريب وماكنتش بتصارحني..
قطع اللحظة الرومانسية دي اللي كنت مستنيها من سنين صوت ناس كتير وهي بتسقف، وناس كتير كانت عمالة تصور، فقولت لسارة.
-الله يخربيتك فضحتينا باللبس اللي احنا لابسينه ده، يالا نلم الدور ونقول انها مسرحية …
بعدها التفت للناس دي وحاولت الم الدور وقولتلهم..
-طب شكرا يا شباب المهم يكون المشهد يبقا عجبكم، تعبناكم معانا شكرًا..
الناس مشيو معادا الشلة، شريف الروش ضحك وقالي..
-بس الا فين الروب بتاع هاري بوتر ياض يا خير.
-ايه ده الروب!!!!.. راح فين الروب.
ضحكت وغيرت الموضوع وقولتلة…
-مش احسن من لبس مايكل چاكسون اللي انت لابسة.
يوسف بلهجة سخيفة قال
-والخطوبة امتي انشاء الله..
سارة وشها احمر، فنطقت وقولتله..
-ملكش دعوة يا سخيف.
ضحك وقالي.
-ياعم انا بطمن علي اخواتي بس عشان نبارك..
رجعنا الشاليهات وكانت احسن سفرية قضيتها في حياتي بذات في وجود سارة في حياتي بالشكل ده، كان دايما رعد بشوفة في حتت كتير وبيبتسملي، لغاية ما رجعنا من السفرية دي سالمين الحمدلله، لكن الموضوع منتهاش لحد اللحظة دي لا، بعد بشهر حلمت بحلم غريب، حلمت بالشرير وهو مبتسملي وبيقولي..
-هشوفك قريب يا خير…………
وبكده انتهت قصتنا عن كهف السحاريين
اندرو_شريف
كهف_السحاريين
