الحلقة 20
مر شهرين ع طلاق ريم ورجعت لسكوتها ومتكلمتش مع اى حد ف اى حاجه وامير عرفها ان لوهان اموره استقرت وشغله رجع يتظبط برغم ندمها ع ال عملته وانها صممت ع الطلاق لكن حست انها اخدت القرار الصح علشان لوهان ميتأذاش وكان امير ومامتها بياكدولها ع قرارها انه صح فى وسط حيره عاصم ال مش فاهم حاجه ورامى ال مش عارف يعمل حاجه غير انه يكون جنبها وميسبهاش وكان دايما معاها . فى اخر شهر من شهور العده ال3 . فى يوم رامى سمع حنان وامير بيتكلموا مع بعض ف الجنينه :
حنان: ريم الدنيا مخبطه معاها اوى واحده ف عمرها عدت ال 30 معاها اطفال ومستقره زى باقى البنات
امير: المهم انها بخير
حنان: انت بتحب ريم يا امير
امير: وهو دا محتاجه سؤال بحبها جدااا
حنان: طيب ايه هتسيبها كده لوحدها ..عاوزين حل تخرج من جو العزله دى ..غاده بتقول ان ريم رافضه اى علاج وقررت تفضل كده وهى بتعزك اتكلم معاها وفاتحها تانى ف ارتبطكم انا هطمن وهى معاك ..
امير: انا بفكر ف كده بس مستنى شهور العده تعدى علشان يبقى مفيش امل لوهان يرجعها
حنان: معتقدش هيرجع ….
رامى استغربت من اتفقهم وكلامهم وتحديد الفتره ومن غير ماريم تعرف .. طلع ع اوضه ريم شافها لوضع القديم قاعده حاطه سماعات mp3 ف ودانها وسرحانه ..قرب منها رامى وباسها من خدها ..ريم: رامى
شالت ريم السماعات ..رامى: تعالى ننزل نتمشى ياروما
ريم: لا مش قادره بجد
رامى: بليز .. تعالى نتمشى ونرجع ع طول مش هنبعد
ريم بعد زن رامى ومحبتش تزعله نزلت تتمشى هى وهو ورجعوا البيت وطلعوا ع اوضتها قعدوا ..رامى مش عارف يفتح كلام ازاى
رامى: ريم
ريم: ايوه
رامى: هو مامى متكلمتش معاكى ف حاجه
ريم: حاجه ايه
رامى: اصل انا سمعتها بتتكلم مع امير وانك انتى وهو هتتجوزوا بعد شهر بعد متهيالى قالوا كلمه .اه العده باين علشان كده مش هترجعى للوهان تانى …
ريم بملامح زعل: لوهان .. لا متاخدش ع كلامهم مامى بتتكلم كتير بس انا ليا كلام مع امير ..هو هنا صح
رامى: لا انهارده كان مسافر تلاقى خلاص وصل ايطاليا جاى كمان اسبوع
ريم: انا هتكلم معاه
رامى: انا كنت هتدخل واتكلم بس مردتش قلت اقولك انتى
ريم: متقولش لحد انك سمعت حاجه وانا هتصرف وهفهم امير ..وهكلم مامى ع تعشيمه بحاجه مش هتحصل اصلا
رامى: بجد ياريم مش هترجعى انتى ولوهان …انتى بتكونى احسن وانتى معاه وبتضحكى
ريم تمالكت نفسها وحضنت رامى: انا كويسه كويسه ……
فى المانيا مراد صاحب امير كان ف شغل هناك وراح يقابل فريد :
فريد: اهلا يا مراد
مراد: انا عارف انك مشغول بس ف موضوع مهم عاوز اقولك عليه يمكن تعمل حاجه وتلحقه
فريد: يخص مين الموضوع
مراد: امير يا فريد امير …
فريد: امير ماله ؟
مراد: امير انت عارف بيعمل شغل بره الشركه شغل خاص بيه يعنى وانا وهو شركا
فريد: اه عارفين كلنا كده ..فى ايه
مراد:قبل ما اجى المانيا ف مكتبى لاقيت بيقولولى ان ف اشخاص شكلهم غريب عاوزين امير ومكنش موجود ..خرجت قابلتهم واتكلمت معاهم ..فهمت منهم ان امير متفق معاهم انه يجبلهم سلاح وانا معرفش ان امير بيشتغل ف سلاح
فريد اتفاجئ: سلاح
مراد: دا بسبب واحده دخلته الصفقه دى مقابل خدمات عملوها ليهم
فريدد: مين دى
مراد: مش مهم مين ..الاهم ايه الخدمات ال قدموها ليه ..امير ماشى ف سكه غلط .. احساسه انه عاوز يمتلك اى حاجه عاوزها مهما كلف التمن بيخليه يجازف بنفسه ..
فريد: قول يا مراد ايه الخدمات وايه ال عاوزه امير
مراد سكت لحظات: امير السبب ف انفصال ريم ولوهان والسبب ف الحوادث ال حصلت ل لوهان لمعارض وانفجار عربيته هو اداهم الامر ينفذوا كده غير التهديدات ال كانت بتحصل والرصاصه ال ضربت لوهان كان من امر منه يموتوه …..
فريد مصدوم من ال سامعه اخوه يعمل كل دا : ليه كل دا
مراد: علشان ريم تبعد عن لوهان ويبقى هو ال قدامها … امير بيحب ريم لدرجه مجنونه ..الاول كان بيقربلها بهدف فلوسها والاسهم بتاعتها ولما انفصلت اول مره من لوهان كان امير السبب هو وواحده اسمها يومى اتفقوا مع بعض يفصلوا لوهان عن ريم وامير قال ان كده الافضل ليها ورجعت ريم وقرب منها امير و هى عملتله توكيل بكل حاجه انا افتكرت انه خلاص وصل لل هو عاوزه لكن هو قالى انه عاوز ريم نفسها وجوازها من لوهان صدمه فعمل الخطه دى علشان يرجعها تانى ….الحقه يا فريد قبل ما يجروه لحاجه اكبر ..امير مبيسمعليش خالص قلت اكيد هيسمعلك انت ..انت اخوه
فريد قاعد من الصدمه ال سامعه من مراد ع اخوه مش مستوعبه: امير يعمل كل دا …
مراد قام وقف: انا حذرت امير لو هيفضل يتعامل مع ال اسمها يومى ال داخلته معاهم او معاهم انا هخرج من الشراكه ..بس العشره والصداقه تحتم عليا انقذه باخر امل …انا هستأذن
مشى مراد وفريد ف حيره وصدمه من ال سامعه ..سلاح..وقتل.. وحريقه..وتخريب..وتوكيل ريم ال محدش يعرف عنه حاجه …حس ان ف حاجات كتيره حصلت … فااخد قرار يروح يقابل امير !!!
اتصل باامير مردش اتصل ب باباه وعرف من باباه ان امير ف لندن ,,, فى نفس يوم رجوع امير فريد سافر لندن راحله ع الشركه مش لاقاه كان لسه ماشى وعرف انه راح البيت .. راح فريد ع البيت من غير تفكير سئل ع امير وعرف انه ف المكتب وراحله … كانت ريم عرفت ان امير ف المكتب ونزلت علشان تتكلم معاه ف ال سمعته وتوضحله انه ميستناش حاجه مش هتحصل وهى نازله ع السلم شافت فريد داخل المكتب وملامح متغيره لدرجه انها ندهت عليه مسمعهاش قلقت ونزلت افتكرت ان ف حاجه حصلت ..قربت من المكتب ولسه هتفتح سمعت صوت حاجه وقعت وفريد بيقول :دى علشان ريم وال عملته فيها ..ريم وقفت اتصلبت لما سمعت اسمها ,,,
كان فريد اول ما فتح المكتب ودخل امير شافه وقام: فريدو
راح فريد ناحيه امير واداله بالبوكس ف وشه وقع ع الارض : دى علشان ريم وال عملته فيها
امير ماسك خده وبيقف: ايه يافريد .. وعملت ايه انا ف ريم
فريد: مش عارف ولا تحب اعرفك انك السبب ف انفصال ريم من لوهان اول مره بااشاعه سخيفه دمرت فيها مستقبله ووياريت أذيته لوحده ..انا كمان اتنقلت بسبب الاشاعه دى .. ماهو انت يهمك مصلحتك بس . و تروح تتفق انت وواحده غريبه مع عصابه مجرمه تهدد ريم ولوهان ووتدمروله شغله وعربيه وكمان تتفق ع قتله …. قتل يا امير ليه كل دا
امير عرف ان فريد عرف كل حاجه وبصوت عالى : علشان بحبها ..ريم ليا انا مش للوهان من الاول خالص .. من اول ما شفتها زمان وانا حاسس بحاجه بتشدنى ليها بتقولى ريم ليا لوحدى ومن وقتها وانا وعدت نفسى مسمحش لحد يقربلها ..تعبت ودخلت مستشفى استنيتها واتحملتها .سافرت ليك كوريا عملت علاقه مع واحد غريب عنها دين ودم وقلت مفيش مشاكل يومين وهتنسى لكن جواز دا مستحملتهوش … ريم يا فريد ليا انا ورجعت وانا مستعد اعمل اى حاجه علشان ترجعلى لو حتى ااقتل ….
لسه فريد هيتكلم دخلت ريم ف اللحظه دى وهى مش مصدقه ال سمعاه ريم: امير.. حقيقى ال سمعته دا ..انت ال قلت الكلام دا
امير اتفاجئ واتوتر .. : ريم .. انا
ريم بتقرب منه وفريد بيقرب منها: ريم هفهمك انا
ريم زقت ايد فريد وبصت ل امير وضحكت : المرادى فايق مش سكران زى اول مره سمعتك …. انت يا امير تعمل كده … انت تأذينى الاذى دا كله ..انا كنت بعتبرك اقرب واحد ليا ف البيت هنا وكنت بثق فيك وبصدق كل كلمه قلتها .. ريم ..تعالى كنت بروح..ريم لوهان ف خطر سبيه سيبته من غير تفكير .. ريم ..ريم .. ريم … انت عاوز ايه يا امير بالظبط ..فلوس سيبتهالك ومش عايزها ..عاوز تاخد حياتى موتنى يا امير موتنى …. لكن تأذى لوهان .. تأذى حياتى وروحى ودنيتى ال عايشاها .. تأذى الشخص الوحيد ال عرفنى يعنى ايه حياه ودنيا وحب واحساس ..الشخص ال مدلى ايده ساعدنى من غير ما يطلب ف المقابل حاجه ..الشخص ال لما بحتاجه بلاقيه قبل ما بطلبه … الشخص الوحيد والاخير ال قلبى دق ونطق بااسمه .. تدمرلى حياتى وتكسرلى قلبى يا امير …
امير : انا …
ريم قاطعته ودموعها نازله : دانت اكتر شخص عارف حالتى وظروفى وشوفتنى وانا بموت من الوجع والالم ووقفت تتفرج ويطلع انت ال عامل كل دا.. انا يا امير لا هكون ليك ولا لغيرك عارف ليه …
راحت ريم كسرت كوبايه ع المكتب واخدت حته ازازه وعورت ايدها ونزل دم كتير : علشان لوهان هنا فى دمى مستحيل يبعد عنى ..ومستحيل اكون ليك …مستحيل
فريد بسرعه راح لريم لان ايدها بتنزف دم وفاجاءه ريم اغمى عليها شالها فريد بسرعه وراح بيها المستشفى وعملوها الاجراءات الازمه وخيطوا الجرح وكان عاصم سمع كلام ريم ولما فريد رجع هو وريم فهم منه الحوار وراح ع اوضه امير ودخل وادى امير بالقلم : انا قلتلك ريم بنتى وال هيأذيها انا مش هسامحه وانت جرحتها ..ملكش مكان هنا معانا ولا ف الشركه ولما تصلح امورك ومشاكل ال بره وريم سامحتك هيبقى ف كلام تانى …انما دلواقتى انتى مطرود من البيت والشركه مش عاوز اشوفك …!!
خرج عاصم متعصب وبص ع اوضه ريم كانت غاده خارجه منها
عاصم: دكتور
غاده: ايوه
عاصم: ريم عامله ايه
غاده اخدت نفس: والله يا مستر عاصم احنا ندعى الفتره دى تعدى لان ريم اتعرضت لصدمه صعبه ..انا اديتها مهدى وهتكون كويسه الصبح وانا هتابعها هنا … مشيت غاده وراح عاصم ع اوضه ريم خبط ودخل لاقى ريم نايمه وجنبها حنان ورامى :
عاصم: هى عامله ايه
رامى: بتعيط يا بابا ومش بترد علينا
حنان بتعيط: مش عارفه انا ليه بيحصلها كده
عاصم: لان ال حواليها محسوش بيها ولا سألوها انتى عاوزه ايه ولا بتفكرى فى ايه..كله اعتمد ع انه فاهمها وبيقرر نيابه عنها وبيجرحها
حنان حست بتلقيح كلام: ال هى عاوزاه هنعملهولها بس متبقاش كده
عاصم باصص ع ريم وحسس ع شعرها وباس راسها: ان شاء الله هتكون كويسه
عاصم خارج من الاوضه رامى راح وراه :
رامى: بابى
عاصم: ايوه يارامى
رامى : انا زعلان ع ريم اوى
عاصم: متقلقش هتكون كويسه
رامى: ال هيخليها كويسه وتخف لوهان هو الوحيد ال بيقدر يعمل كده
عاصم اتنهد: ال فيه الخير ربنا يقدمه..ريم بنت كويسه وطيبه وربنا هيراضيها
تانى يوم طلع عاصم يطمن ع ريم لاقاها قاعده ع السرير ومش بتتكلم ودموعها نازله دخل يكلمها عاصم :
عاصم باابتسامه: القمر عامل ايه
ريم بصتله: اونكل عاصم
عاصم قعد جنبها: لا مينفعش كده يا ريم
ريم: الحمد الله
عاصم بص ل ريم لحظات: كلمى لوهان ياريم هو مستنى تكلميه
ريم بدموع نازله من عنيها: اكلمه اقوله ايه .. اقوله ان الخوف سيطر عليا لمره التانيه واخدت قرار بعدى عنك بسبب خوفى وانى جبانه .. انى وثقت ف اقرب شخص ليا وهو دمر حياتى .. ان الكلام ال قلته وجعنى اكتر ما وجعك لما قلتلك ننفصل وانت متمسك بيا ورفضت ارجعلك لما جيت كذا مره … اقوله ان انا مستهلش حبك …اقوله ايه يا اونكل وازاى وانا مش واثقه ان انا مش هعمل كده تانى وتانى
عاصم: انتى بتحبيه ياريم وطول ماانتم مع بعض كل حاجه بتهون
ريم: متاخر الكلام دا .. انا اتاكدت انا ولوهان مستحيل نكون لبعض
عاصم مش لاقى كلام راح خرج من الاوضه نزل عاصم دخل المكتب وقعد يفكر يحل موضوع ريم ازاى ….!!!
تانى يوم عاصم شاف ريم لاقاها قاعده سرحانه والسماعات ف ودنها ودموعها نازله ومش حاسه بحد … راح اتصل بفريد واتكلم معاه واخد قرار انه يروح للوهان يعرفه ويحاول يرجعهم لبعض … فعلا فى خلال يومين سافر عاصم نيويورك وراح مقر شركه لوهان وطلب يقابله ولوهان رحب بيه جدااا
لوهان: اهلا بيك مستر عاصم
عاصم: شكرا
لوهان: تشرب ايه
عاصم: قهوه
لوهان طلب قهوه ليه ول عاصم : مدام حنان ورامى عاملين ايه
عاصم: بخير
لوهان اتلجلج: وريم
عاصم بص للوهان: محتاجاك
لوهان اتفاجئ: مالها
عاصم: انت بعيد عن ريم هى مش عايشه وقرار بعدها عنك انتحار ليها
لوهان: حضرتك عارف انا حاولت كتير اكلمها واقابلها كانت بترفض ..انا حياتى بقت صعبه من غيرها حقيقى .. وانا اخدت عهد ع نفسى انى مضايقهاش واسيبها ع راحتها
عاصم: انت بتحب ريم بجد
لوهان: مش محتاج سؤال ريم كل حاجه ف حياتى …اول واحده احبها واخر واحده ..ريم عملت فيا حاجات كتير
عاصم: انت اكتر شخص محتجاله ريم ومش قادر تقول كده …
لوهان : انا اصلا مش عارف سبب بعدها عنى ايه
عاصم: لانها خافت عليك …. فديت نفسها بروحك علشان متتأذيش
لوهان متفاجئ: مش فاهم
ابتدا عاصم يحكى ل لوهان ع ال امير عمله واسم يومى جه ف الموضوع انهم اتفقوا مع بعض على انهم يبعدوهم عن بعض من اول مره ف كوريا وتانى مره لما اتجوزوا … وريم من خوفها ع لوهان ف المرتين اخدت قرار البعد للامان ليه …لوهان سامع ومصدوم من ال سمعه وان يومى اقرب واحده ليه تعمل كده فيه برغم انها كانت بتشوف بيتوجع من فراق ريم وهو مأذهاش ف حاجه ..خلص عاصم الكلام ومشى وساب للوهان القرار …..شويا وادوارد دخل ل لوهان :
ادوارد: لوهان
لوهان بصله: ايوه
ادوارد: الموضوع ال قلتلى دور وراه الارقام ال كانت بتجيلك منها الرسايل وبطلت مره واحده ..ف رقم وصلنا لصاحبه وعرفنا هو مين ومين ال خلااه يعمل كده ..
لوهان بص ل ادوارد: يومى
ادوارد اتفاجئ: عرفت ازاى ..بس هى مش لوحدها معاه واحد تانى …
لوهان : امير
ادوارد متفاجئ: لوهان انت عرفت منين
حكى لوهان ل ادوارد كل ال عرفه وادوارد اكد ع كلامه وبعدها بساعات كانت يومى اتصلت وقالت للوهان انها جاياله الشركه وهيخرجوا يتعشوا مع بعض .. راحتله الشركه وكان مستنيها :
يومى بسعاده داخله: اوووبا يلا بينا
لوهان كان قاعد ع الكرسى لف وبص ل يومى وساكت
يومى: اوووبا يلا بينا
لوهان باصص ليها وساكت .. يومى استغربت: اووبا مالك فى حاجه
لوهان فتح الدرج : عاوز اسمعك حاجه هتعجبك اعتقد
يومى فرحانه: معقوله عملتلى اغنيه
شغل لوهان مسجل تسجيل كان ادوارد ادهوله لانه سجل لشخص دا كل الكلام واعترافه واسم امير ويومى ..يومى سمعت اتصلبت مكانها ومش عارفه تقول ايه …لوهان: ايه رأيك
يومى : اووبا ..انا
لوهان قام من ع الكرسى ورايح ناحيتها: طول عمرى بعاملك اقرب واحده ليا ومفكرتش ازعلك ولا اضايقك ..ومعايا ع طول ف كل مكان والوحيده ال لما سبت كوريا كنت انتى ال رديت ليها وعرفتها انا فين …الوحيده ال كنت فاكراها بتخاف عليا ومركز ثقه …طلع كل دا وهم وكابوس عايش فيه
يومى: اووبا
لوهان بعصبيه : سبب واحد بس يبررلك ال عملتيه ف ريم وفيا ..سبب واحد يخليكى تساعدى ف تدمير حياتى والحاجه ال بحبها اسيبها وتكرهينى فيها … سبب واحد يفهمنى لييييه يا يومى عملتى كده
يوومى بتعيط: علشان بحبك .. انا محبتش عمرى كله حد قدك ولا زيك ..انا مشفتش غيرك احبه ومستنياه ف اى لحظه …انا مستعده اعمل اى حاجه علشان تكون ليا ..انا بحبك
لوهان باصص ليها بااستغراب: بتحبينى تروحى تأذينى وتدمريلى حياتى وتتفقى ع موتى ..هو دا الحب انك تموتينى
يومى: مكنتش اقصدك انت ..امير ال اتفق ع ضرب النار
لوهان: الحب مش تأذى ال بتحبه بالعكس تحميه من الاذى زى ماريم عملت .. يومى انا لا وعدتك ولا قولتلك بحبك ..انا قولتهالك من زمان وبوضوح لغايه اللحظه دى ولغايه ما اموت ..انا بحب ريم وريم الوحيده ..الوحيده ال حبيتها ومش هحب غيرها ..ومش معنى ريم انها بعيده عن عينى يبقى بعيده عنى
شاور لوهان ع قلبه : ريم موجوده هنا ..وريم بس
يومى دموعها نازله..لوهان: انهارده اخر يوم اشوفك فيه وانك تيجى الشركه هنا … انا مش هقدر اثق فيكى تانى واخليكى ف حياتى لحظه ..لانك انتى السبب فى أذيه اغلى انسان ف حياتى ..أذيتى روحى ..اتفضلى
يومى بتعيط: اووبا ..انا اسفه
لوهان: اتفضلى من هنا
خرجت يومى بتعيط ولوهان مصدوم ف يومى انها عملت كل دا وأذت ريم وهو كان واثق فيها … !!!
فى يوم رامى راح ل ريم اوضتها :
رامى: رووووما
ريم: ايوه
رامى: تعالى نخرج
ريم: مش قادره يا رامى
رامى: بليز تعالى معايا
ريم: فين
رامى: الجمعيه .. بيسألونى عليكى فى عيد ميلاد هناك تعالى نحضره شويا ونرجع بليز
ريم: اوكيه اوكيه
لبست ريم ونزلت وراحت مع رامى الجمعيه حضرت العيد الميلاد وكانوا الاطفال بيفرحوا وكده .. خرجت هى تتمشى بره ف الحديقه .. راحت وقفت ف نص الحديقه وبصت ع الحرف ال ف ايديها وغمضت عنيها واتنهدت وهى واقفه لاقت شخص حضنها من ضهرها اتاخدت بسرعه ف ودنها قالها: وحشتينى
ريم حست ان الصوت دا عارفاه راحت تبص مين لاقته لوهان
ريم: لوهان
لوهان باابتسامه: وحشتينى
ريم واقفه متجمده من المفاجاءه .. لوهان: وحشتينى يا ريم
ريم وهى باصاله دموع نزلت من عنيها وراحت تلف نفسها وتمشى راح حضنها من ضهرها تانى وضمها اوى : انا اسف يا ريم ..انا اسف انى مهتمتش اكتر باانى اعرف السبب ف قرارك المفاجئ … وطاوعت ونفذت كلامك … اسف انى مكنتش اعرف ان خوفك عليا كان اكبر من اى حاجه … انا عرفت انك عملت كده واخدتى القرار دا علشان تحمينى من خوفك عليا ..
ريم ودموعها نازله: انا جبانه يا لوهان .. ضعيف لدرجه ان خوفى بيخسرنى اهم حاجه وانا كنت فاكره انى حبى ليك اقوى
لوهان : انتى حبك ليا اقوى لدرجه انك خوفتى عليا يا ريم من الاذى واختارتى تأذى نفسك بدالى ….
ريم: مستحملتش اشوفك بتتأذى بسببى ف حياتك وشغلك مرتين ورا بعض ..قلت لما ابعد حياتك هتتحسن
لوهان قاطعها: انتى حياتى ياريم ..حياتى من غيرك ملهاش طعم ولا روح ..انتى اخدتى روحى معاكى ….انا بحبك ياريم ومش هقدر ابعد عنك
ريم بصتله ودموع نازله : لوهان انا اسفه ..خوفى مش بقدر اتغلب عليه
لوهان مسك ايدها الاتنين : هتتغلبى عليه وانتى معايا … احنا الاتنين مع بعض نتشارك ف كل حاجه فرح وحزن وخوف والالم ..احنا ياريم بنكمل بعض .. القدر بيجمعنا ومفيش حاجه هتفرقنا …
ريم: لوهان انا حمل تقيل عليك مبسببش ليك غير المشاكل والاذى ومش هقدر اشوفك بتتأذى تانى
لوهان شاورلها ع السماء: هو ال بيقرر يحصلنا ايه .. سبتينى علشان خايفه امووت..الموت والحيا باايد ربنا مش باايد بشر ميعاده هو لوحده يعرفه … ربنا بيجمعنا بعض لاننا لبعض مهما مين رفض علاقتنا ربنا هيجمعنا …
ريم: انا كنت اتاكدت ان نبقى مع بعض مستحيل
لوهان: المستحيل ال ربنا مش كاتبهولنا مش ال البشر مش عاوزينه لينا ..واحنا مع بض مفيش مستحيل . مع ربنا مفيش مستحيل يا ريم …ربنا جمعنا ببعض فى الاول وكل ال مر علينا احنا مع بعض وبحبك وحبك بيزيد جوايا ومحتاجلك اكتر ..لو دا مستحيل كان عند اول موقف ونسينا بعض ومتعلقناش ببعض كده … ربنا موجود واحنا معاه
ريم دموعها نازله : ونعم بالله
لوهان مسك ايديها وباسها : انتى حبيبتى الوحيده وصديقتى الوحيده ومراتى الوحيده
ريم: ها
لوهان: مراتى وان شاء الله ام اولادى وبناتى …انا مش هقدر اكمل دقيقه تانى من غيرك انا مسكت ايدك انتى امسكي ايدى ومتسيبهاش توعدينى متسيبهاش مهما حصل … حاجه عرفتيها او سمعتيها متاخديش قرارك لوحدك وتنفذيه احنا الاتنين مع بعض وهنلاقى حل ل اى مشكله مش الفراق دايما بيبقى الحل… اوعدينى انك مش هتسيبى ايدى مهما حصل
ريم باابتسامه ودموع نازله من عنيها: اوعدك
لوهان: بحــبك
ريم اترمت ف حضنه : بحبـــك ..بحبـــك 
ف الحظه دى رامى والاطفال كانوا واقفين واول ماريم اترمت ف حضن لوهان رامى صفر والاطفال هيصوا وكان مشهد جميل وكان مقابله لوهان بااتفاق مع رامى وريم عرفت حضنت رامى ورامى فرح بان ابتسامه ريم رجعت ….!!
خلص لوهان الاجراءات ومطولوش ورجعوا ع نيويورك ووصلت ريم عند العماره والمرادى غير المره الاوله مفيش توتر ولا خوف ..المرادى سعاده وفرحه وبهجه مسكت ايد لوهان وطلعت ووصلوا لدور ولوهان فتح باب الشقه وريم جت تدخل راح لوهان مسك ايديها: ريم: فى ايه
لوهان باابتسامه: انا قلتلك ال زيك متمشيش ع الارض ال زيك تتشال
ومره واحده شالها لوهان : غمضى عينك
ريم: ليه
لوهان: اسمعى الكلام وغمضى عينك الا مفيش دخول خالص وهنفضل كده
ريم بتضحك: انت ال هتتعب
لوهان: مش مهم ..تعب معاكى راحه ..يلا غمضى ومتفتحيش غير لما اقولك
ريم: اوكيه
غمضت ريم عنيها ولوهان انتهزها فرصه وباسها فتحت عنيها: لوهان احنا ع السلم
لوهان: مراتى حبيببتى محدش ليه علاقه ..غمضى عينك
ريم: تانى
لوهان: يلا
غمضت ريم عنيها ودخل بيها لوهان الشقه وهى لسه مغمضه قعدها ع كرسى
ريم: افتح
لوهان :لسه
ريم: اوكيه
شويا ولوهان قالها فتحى عينك وفتحت ريم عنيها واتفجئت من ال شايفاها بلالين وشموع واضاءات ..الشقه بقى مكان حفله خاص ..ريم متفاجئه: ايه كل دا
لوهان قرب ليها ومسك ايديها الاتنين وباسهم : ترحيب برجوعك لحياتى
ريم مبتسمه : شكرا يا حبيبى
لوهان باصص ع ريم وهى بتضحك قرب مسك ايديها : وحشنى شروق الشمس حياتى كانت غيوم وانتى بعيده …توعدينى ياريم متبعديش عنى مهما حصل
ريم باصاله ف عنيه : اووعدك
لوهان:مهما حصل هتشاركينى فيه
ريم: مهما حصل هشاركك فيه
لوهان: واى قرار هنتشارك مع بعض فيه
ريم: واى قرار هنتشارك مع بعض فيه
لوهان: فى الفرح والحزن والالم مع بعض
ريم : فى الفرح والحزن والالم مع بعض
لوهان: وهننسى ال فات ونبتدى من جديد حياتنا مع بعض
ريم:هننسى ال فات ونبتدى من جديد مع بعض
لوهان: بحبك
ريم: بحبــك
شغل لوهان الساوند وكانت اغنيه بصوته : دى كنت مجهزها لعيد ميلادك وانهارده يعتبر عيد ميلادى ..كل لحظه انتى معايا فيها وبشوفها بتكون عيد ميلاد ليا ..وكلماتها كتبتهالك وسجلتها ليكى ….
ريم : بجد
لوهان: تسمحيلى بالرقصه دى
قرب لوهان من ريم وحط ايده لفها ع وسط ريم وضمها ليه وشغل الاغنيه يرقصوا عليها …..والاغنيه شغاله وريم حاسه انها ف دنيا تانيه معزوله عن العالم هى ولوهان بس ..كلمات الاغنيه بتعبر عن حب لوهان وانه ممكن يعمل اى حاجه ليها مهما كان …وهما بيرقصوا فضلوا باصيين ف عيون بعض ومع انتهاء الاغنيه انتهت ببوسه بين ريم ولوهان ……!!!
بعد فتره قصيره ريم تعبت شويا وراحت تكشف والدكتور قالهم انها حامل وكانت ريم بطلت تاخد علاج شبه خفت نهائى وكانت بتعمل متابعه ع طول عند الدكتور وكان دايما لوهان معاها وحب ريم لفراوله زاد هى ولوهان فى يوم ريم قاعده بتتفرج ع التليفزيون لوهان كان ف المطبخ وجه معاه تشيز كيك بالفراوله وعصير فراوله وقعد جنب ريم :
ريم: شكرا يا حبيبى
لوهان راح مد خده : ببلاش مفيش
راحت ريم باسته وضحكت وشافت لوهان بيتمزج وهو بيشرب الفراوله:
ريم بتضحك: حبيبى انت بقيت بتشرب فراوله اكتر منى
لوهان بيضحك: انتى السبب خلتينى مدمن فراوله اول ماعرفتك
واول ما بطلت شرب كحول بقيت بشرب عصير فراوله ع طول .. ادمنتها
ريم : بس حلوه وتستاهل صح
لوهان بيبص ع الكوبايه: دى ..
لالالا فى فراوله تانيه تستاهل بكتير ولا فلوس الدنيا تعوضها
ريم استغربت: فين دى
لوهان بص ل ريم :قربى وانا اقولك
ريم قربت ومره واحده لوهان باسها من شفايفها : هى دى
ريم ضحكت : تصدق مااخدتش بالى
راح لوهان حط الكوبايه ع الترابيزه ومسك من ريم الكوبايه وحطها هى كمان: ولا انا كمان وعاوز اتاكد
راح شال ريم من ع الكنبه ..ريم : بتعمل ايه البيبيى
لوهان: متقلقيش ع البيبى هو هيكون مبسوط وانا محتاج اتاكد وااكدلك
ودخل لوهان وريم اوضتهم وسط ضحك من الاتنين …..استمر اهتمام لوهان بريم وكان ف البيت بيعمل معاها تمارين الحوامل ودايما لما بتنام ف الصاله بيشيلها يدخلها الاوضه ويغطيها وكانت بتنام ف حضنه ع طول وكان بيفضى نفسه علشان ميحسسهاش انها لوحدها وخصوصا لما عرف ان الحوامل نفسيتهم بتتغير مع الحمل واكتئاب الحمل …قرب ميعاد ولاده ريم وحضر عاصم ورامى وحنان ورنا وفريد وادمز ومريم وغاده المستشفى وريم بتولد …. ريم كانت بتتوجع وماسكه ايد لوهان وصلوا عند اوضه العمليات لوهان وقف الدكتور
لوهان بقلق: انا هدخل معاها مش هسيبها لوحدها
الدكتور: بتتكلم بجد
لوهان باصص لدكتور: انا وعدتها اننا مش هنسيب ايد بعض مهما حصل ف فرح ولا فى الالم وهى بتتألم وانا هكون معاها
ال واقفين استغربوا والدكتور : اتفضل معانا نجهزك علشان تكون معاها
رنا بتكلم ريم: لوهان بيحب ريم اوى
مريم: حبه ليها لو اتوصف مش هتلاقيله كلام
غاده: ريم صبرت وربنا عوضها خير عن كل سنين ال عاشتها من وجع والالم وفراق ..بسنين سعاده وفرح وامان وطمنئنينه مع لوهان والبيبى … ربنا كبير
حنان وعنيها بتدمع: ونعم بالله ..ونعم بالله يارب اشوفها دايما سعيده
ريم جوه بتتوجع من الالم ولوهان جنبها وماسك ايديها وريم باصاله ودموعها نازله وابتدت تحس بالطلق ولوهان يحاول يهديها ومش عارف يعملها ايه شويا صرخت مره واحده وللحظات سمع صوت البيبى بص الدكتور : مبرروك بنوته حلوه
لوهان قرب من ريم وهى مفرهده : مبرووك علينا يااحلى ماما
ريم باابتسامه وصوت تعبان : ويخليك لينا يااحلى بابا
راح الدكتور خلى ريم تلمس البيبى وحضنتها ولوهان معاها وكانت لحظه فى منتهى الروعه لدرجه ان الدكتور من اعجابه بالمشهد راح صورهم وهما التلاته …. شويا وخرجت ريم وكلهم اطمنوا ع البيبى وريم فى اوضتها جابوا البيبى ..
عاصم: ايه البنوته القمر دى يا ريم
رامى: شكلها غريب ياريم هتبقى مختلطه شرقى ع اسيوى بنتك هتبقى نوع خاص
فريد بيضحك: ماشاء الله ربنا يباركلكم فيها
حنان: تفرحى بيها وتشوفيها احلى عروسه
رنا: وبقيتى مامى ياريم وهتتظبطى
مريم: هو ع التظبيط هتتظبط اسئلى مجرب
غاده بتضحك: بتخوفوها ليه يابنات …
ان شاء الله هتكون احلى فتره ف حياتك
وهما فى الاوضه فى بوكهين ورد كانوا موجودين واحد من يومى وواحد من امير ..عرفت ريم لما قرا لوهان اسمهم :
ريم بصت ل عاصم: هو لسه مرجعش البيت امير
رامى: لا
ريم بصت ل عاصم: خليه يرجع البيت يا اونكل هو ملوش مكان تانى غيره ..خليه يكون ف وسطكم …الامان ال فى الاسره هيحميه من اى حاجه
عاصم: انتى سامحتيه ياريم
ريم مسكت ايد لوهان وابتسمت: حبى للوهان مخلاش ف مكان لكراهيه حد ..امير غلط واتعلم من غلطه ..ويومى كمان اه مفيش علاقه معاهم ولا اتصال ..بس بندعيلهم ربنا يهديلهم الحال
عاصم باس راس ريم: انتى قلبك طيب اوى يارب ..يابخت لوهان بيكى
ريم بتبتسم : يابختى انا ب لوهان
ادمز شايف دموع ريم حب يغير الجو : هتسموها ايه ياترى بقى
ريم بصت ل لوهان : جنه
رنا: جنه
ريم: جنه لوهان ع الارض
لوهان قرب باس ايد ريم وراسها: انتم الاتنين جنيتى فى الدنيا وان شاء الله نتجمع ف الجنه فى الاخره مع بعض بأذن الله
ريم: بأذن الله
خرجت ريم من المستشفى ورجعت ع البيت ولوهان كان معاها اغلب الوقت وفى يوم ريم بتنيم جنه ومغلباها اخدها لوهان ينايمها نامت حطوها ع سريرها وريم بصلها: معقول القمر دا بنتى
لوهان بص ل ريم: معقول القمر دا مراتى
ريم اتكسفت: من زمان وانت بتحب تعاكسنى
لوهان لف ومسك ايد ريم وحضنها: انتى ال زيك قلتلك مش لمعاكسه ..انتى للحب وللحياه
ريم :مكنتش اتخيل اننا هنكون مع بعض دى معجزه
لوهان: ربنا ال جمعنا برغم بدايه اختلافنا مش هيفرقنا و انا اتمنيت ودعيت بالحاح والمعجزه حصلت لانى بحبــك
ريم: بحبــك
ولسه لوهان وريم هيبوسوا بعض جنه صحيت وبتعيط شالتها ريم تسكتها ريم: سؤال رامى سألهولى
لوهان:ايه هو
ريم: قالى هى جنه هتتكلم ايه عربى ولا كورى ولا انجليش
قام لوهان حضن ريم وهى شايله جنه: هتتكلم حب ..لغه الحب ملهاش وطن ولا مكان ..الحب حياه
وباسوا الاتنين جنه بحب
تمــت بحمد الله
عاوزه اقول حاجه عن القصه
1_شخصيه ريم موجوده ف كذا بيت والظروف ال حصلتلها ف الاول حصلت لواحده اعرفها بشكل اسوء بكتير انا اخدت الفكره ..يعنى حاله ومرض ريم حقيقه من خيال
2_فى بنت تانيه اتجوزت فعلا واحد كورى بس القصه مختلفه هى كانت بتتعلم هناك دراسات عاليه فى كوريا وحبوا بعض وهو كان ديانه مختلفه ورجعت مصر وبعد 5 سنين نزل مصر يدور عليها وعرفها انه اسلم عن اقتناع واتجوزوا وسافروا لندن بيدرسوا ف جامعه ف لندن بقالهم 4 سنين ..
يعنى بيحصل مش خيال 
وانا اخدت الفكره من هنا ولانى بحب الكورى خيالى انطلق 
3_انا بكتب قصص مش بعيده عن الواقع علشان كده بعرف قصصى انها
خيال ممزوج بواقع وواقع ممزوج بخيال
_____________________________
يارب القصة تكون عجبتكم
