ودقّ قلبى لها
اسكريبت 6
……………
بسم الله والصلاة والسلام على رسول الله 
انت حلم حلمت به من سنوات طويلة ولكني أخشى أن أستفيق منه على كابوس .
فيارب الرحمة لقلبى 
&&&&&&&
ابتسمت تقى لشدة خجل والدتها ، فهى أكثر منها حيائا فى هذا الأمر وكأنها هى الأم وأنهار ابنتها.
ثم استفاقت أنهار من شرودها على صوت عالى يأتى من خارج المنزل .
فوضعت يدها على فمها خجلا عندما استمعت إلى من يقول بصوت جهورى عالى زلزل قلبها ( انا بحبك يا أنهار ، وفقى تجوزينى ، بحبك والله ).
فقفزت تقى من الفرحة مهللة….سيدى يا سيدى .
ده طلع رومانسى وحبوب اوى .
يا عينى عليك يا زيزو .
أنهار بخجل …وبعدين اختشى يا تقى .
تقى …اطلع منها يا قمر ..
عينيكى بتقول انك كمان بتحبيه ، بس اهو التقل صنعة زى ما بيقولوا .
أنهار بغيظ مصطنع …وبعدين .
تقى بضحك …مفيش بعدين يا قمر انت ، تعالى بس نطلع البلكونة نشوف روميو قبل ما ينتحر .
فضحكت انهار واسرعت معها للنافذة.
ففوجئت به فى الاسفل ، وقد زين سيارته بالورود والبالونات ،ومعه لافتة بحجم كبير مكتوب بها ( أنهار تتجوزينى ) .
فدمعت عينها من الفرحة بعد سنوات طويلة دمعت من الحزن .
فعوضها الله عن تلك السنوات بتلك الفرحة الكبيرة .
وسبحان القائل ( ان بعد العسر يسر) .
ثم وجدت كم هائل من الناس بجانب زين يهتفون . …اتجوزيه عشان خاطرنا ، ده خرم ودنا .
حرام عليكوا هههههه.
فشعرت أنهار بالخجل ودلفت للداخل مسرعة .
وتقى من خلفها ضاحكة .
ثم صعد عبد الرحمن وزين من خلفه إليهم .
ودلف عبد الرحمن هو فى بادىء الأمر متسائلا “”
عبد الرحمن …ها ايه الاخبار ؟
تقى …لا خلاص متقلقش واضح انها موافقة بس مكسوفة .
عبد الرحمن …طيب تمام .
ربنا يسعدهم وزين راجل ابن حلال .
وهى فين ؟
تقى …دخلت جوا تظبط طرحتها عشان عايزة تمشى ، مكسوفة اوى .
عبد الرحمن مناديا زين ….تعال يا روميو قصدى يا زين ، كله تمام .
فولج زين على حرج .
وتنهد بارتياح عندما سمع من تقى بموافقتها اخيرا على طلبه من الزواج منها .
وانتظر أن تخرج لهم بفارغ الصبر .
وعندما خرجت أنهار وجدته أمامها فأخفضت رأسها حيائا .
عبد الرحمن إلى تقى ، ليتيح لهم فرصة التحدث مع بعضهما البعض .
تعالى يا تقى عايز اقولك حاجة جوا .
فابتسمت تقى مرددة ..حاضر .
ولكنها ما أن همت أن تغادر حتى أمسكت انهار بيدها هامسة بخجل …هتروحى وتسبينى معاه لوحدى .
تقى بضحك ..متخفيش يا ماما ، مش هيعضك .
ده حونين اوى .
وانا هبص عليكى برده كل شوية .
ثم تركتها وغادرت وهى تقول …مش عارفه صراحة مين الام والبنت فينا على الحال ده !!
تصنمت أنهار مكانها وتصبب وجهها عرقا وزين ينظر إليها مبتسما على حالها هذا وكأنها تلميذة خائفة أمام معلمها.
حاول زين يخرج كلماته المتصلبه فى عنقه ، وود لو اكتفى بالنظر إليها فقط دون حديث ، ليشبع عينيه منها .
وهذا يكفيه ، فالنظرة إليها حياة .
وهى من إعادته من عالم الاموات الى الدنيا ونعيمها مرة أخرى وكأنها جنته على الأرض .
ثم حاول اخراج صوته المكتوم قائلا بخفوت …أنهار ، انا مش مصدق خلاص إنك وفقتى .
وكمان واقفة قدامى ، اه شكلك زى ما يكون بتقولى …يا ارض انشقى وابلعينى من الخجل .
بس زى القمر ووشك شبهه الطمطماية كده .
بس متقلقيش لانه بجد رغم سننا وان سبق لينا الجواز وعندنا عيال .
بس لسه قلبنا نقى من بتاع زمان ،مش قلوب شباب دلوقتى .
وانا فعلا شايفك بعينيه ولا بنت ١٦سنة ، لسه وردة مغمضة .
بس كل الحكاية انى بحبك يا أنهار .
وبتمنى اعيش باقى عمرى معاكى ولو حتى يوم واحد ، ده هيكون بعمرى كله .
ليظهر حب أنهار التى اخفته فى صدرها لمدة أشهر مرددة بخوف …بعد الشر عليك ، ربنا يبارك فى عمرك .
وتعيش لما اتجوز سالم وسليم وتفرح بولادهم .
فابتسم زين لطيبة القلب تلك التى أثرته بطيبة القلب فى بادىء الأمر ثم ذاب عشقا بها فى كل حالاتها.
زين بمكر ..مكنتش عارف انى غالى عندك كده .
بس أنتِ دوختينى معاكى اوى يا أنهار .
تعبت بجد وكل ما كنت أقرب ، أنتِ تبعدى .
لغاية ما حسيت باليأس دخل قلبى ، وحسيت انى هموت ولولا انى ساعتها قومت صليت لله ركعتين وطلبتك من الله عز وجل ، ساعتها حسيت بأمل تانى من جديد .
ورجعت للحياة تانى .
وكأن ربنا سبحانه وتعالى بيقولى ( أبشر )
وفعلا أنتِ اجمل بشرة فى حياتى .
أنهار متعجبة من كلماته …ياالله انا كل ده !
زين …واكتر صدقينى .
أنهار بندم …اسفة سامحنى ، كان غصب عنى .
موقفى كان صعب اوى قدام بنتى .
إزاى اخد منها عريسها ، خصوصا إنها فى الاول كانت مبسوطة .
فكان لازم اعمل ده ، رغم انى قلبى فعلا بعد سنين طويلة من الحرمان بدء يتحرك .
بس برده فضلت بنتى عليا ، واى أم فى مكانى كانت هتعمل كده برده .
لان لو معملتش كده هخون ثقة بنتى فيا .
وده كان مستحيل يحصل .
زين ….وانا فعلا قدرت ده ، واتمسكت بيكى اكتر .
وادى اهو ، الفضل لله ثم محمد جوز تقى ، اللى جميله فى رقبتى طول عمرى .
وجبلها الافضل والمناسب لست البنات تقى .
عشان تروق كده ست الستات أنهار وتهدى وتقبلنى كزوج .
أنهار ….بس برده كنت خايفة لغاية اخر وقت ، بس لما كلمتنى وشوفت فى عينيها الفرحة ليا ، ساعتها بس وفقت .
فصاح زين بحب …يا كريم يارب .
طيب يلا بينا على المأذون ،مش عايزين نضيع اى لحظة من عمرنا ، كفاية اللى ضاع من عمرى قبل ما اشوفك .
أنهار بضحك …مأذون كده على طول ،لا نصبر شوية .
زين …لا معنديش صبر ، انا صبرت كتير .
افترشت انهار بنظرها الأرض مرددة …بس يعنى انا مش جاهزة للجواز وكده ، انت فاهمنى .
ويعنى محتاجة اشترى شوية حجات .
فالموضوع محتاج كام شهر كده ،معلش .
أيقن زين ما ترمى إليه أنه ليس بوسعها تجهيز بعض احتياجاتها الآن وتحتاج فترة لتدبر أمرها .
فابتسم مرددا …تسمحيلى اخدك دلوقتى ، تشترى كل اللى نفسك فيه .
ثم أخرج من بنطاله كرت الفيزا ، ثم قدمها لها مرددا …وخلى كمان دى معاك ، عشان لو احتجتى تشترى حجات خاصة وتكسفى تشتريها معايا .
ثم غمزها بمكر وتابع …بس زودى فيها عشان تعوض شهور الصبر اللى عشتها .
شعرت أنهار بالحرج ورفضت أن تأخذها بقولها…لا لا .
انا هتصرف بس معلش سبلى فرصة اظبط نفسى .
زين مطمئنا لها ….يا حبيبتى ، انا من اليوم مسئول عنك فى كل حاجة .
ولو يعنى مكسوفة ، يبقا نكتب الكتاب عشان تكلمى معايا بأريحيه شوية وتحسى انك فعلا فى عصمة راجل بيحبك ولو يطول نجمة من السما يجبهالك .
وممكن كمان نأخر الدخلة اسبوع زى بعضه ، عقبال كمان متظبطى حالك وتيجى تشوفى الشقة ، هى طبعا جاهزة ، بس مقفولة من ساعة المرحومة .
لانى مدخلتهاش من ساعتها وقعدت عند ماما .
بس هى فى نفس البيت على فكرة .
انا فى الدور التانى وماما الاول .
فأكيد محتاجة تهوية ونضافة ، ولو تحبى تغيرى اى حاجة من العفش انا تحت امرك .
لم تدرى أنهار ما تقول بعد كلماته تلك التى أثلجت صدرها ، ورأت به عوض الله التى طالما انتظرته و لم تكن تدرى أنها سيكون فى زوج مثله حنون ومحب مثله .
فلم تكن تحلم أن يحدث لها هذا فى يوم من الايام.
واكتفت أنهار بالابتسامة وأومئت رأسها اى نعم .
لتخرج تقى إليها مطلقة الزغاريد ، ثم ضمتها إلى صدرها قائلة….الف مبروك يا ست الكل .
أنهار بضحك …يا بنتى اختشى .
تقى …فكيها بقا يا عروسة .
زين …معلش يا عرسان ، ممكن يعنى نغلس عليك حبتين .
وانزل اجيب المأذون ونكتب الكتاب عندكم .
عبد الرحمن بمكر …طيب مش تقعد نتفق الاول فى الأصول ولا ايه ؟
المهر والشبكة والمؤخر ، امال ايه ؟
بنتى انهار غالية عليا اوى .
فتعالت ضحكات الجميع .
زين …ماشى يا حمايا العزيز .
ثم اتصل بوالدته واخبرها بالأمر ، ففرحت ودعت له بالبركة والسعادة .
واخبرها أن تجهز نفسها لانه سيمر عليها ويأتى بها لتشهد بنفسها العقد .
وكذلك اتصل على محمد زوج أخته ، الذى كان فى هذا الوقت يركض وراء زينب فى الشقة يتسامران ويضحكان.
محمد …شوفى أنتِ لو روحتى فين هجيبك برده ، واعمل منك كفتة يا زوزو يا معذبانى .
زوزو بضحك … أهون عليك يا حمادة .
محمد …اعملك ايه ؟
ما أنتِ مش حاسه بنار حبى يا بت ، تعالى بس هحكيلك حدوتة .
زينب …لا انت بتضحك عليا وعايز تشربنى حاجة اصفرة تانى .
محمد بغيظ …يا مثبت الدين فى العقل يا رب .
هو يا بنتى قشطك من الشارع ، انا جوزك حبيبك يا زوزو .
تعالى بس يا سكر .
زوزو مشيرة له بيديها ….لا لا ، ولو شاطر امسكنى.
لتهرب منه مجددا ضاحكة ثم رن الهاتف من زين .
فزفر محمد بضيق ….هو انا ناقص ، مش كفاية اللى انا فيه من القردة اللى أنا مجوزها وعمالة تنطط هنا وهنا .
زوزو من بعيد ….مين اللى بيرن يا حمادة .
محمد …ده المحروس اخوكى .
زوزو …طيب رد يلا .
محمد …طيب تعالى بس نكلمه سوا .
زوزو …رد بس الاول ، ده بدال كلمك انت على موبايلك ، يبقا اكيد فى حاجة ضرورى .
محمد …ربنا يسترها .
ثم حاول محمد إلتقاط أنفاسه قائلا “”
الووووو ازيك يا ابو نسب .
سمع زين صوت أنفاسه المتعالية فقال بحرج …هو انا اتصلت فى وقت غير مناسب ولا ايه ؟
محمد بإنفعال …لا ده وقت مناسب ونص .
بص يا ابونسب انا خلاص عايز أرجع فى البيعة ، تعال يا عمنا خد اختك ، عشان انا خلاص معنديش صحة ولا نفس أجرى وراها اكتر من كده .
انا اصلا عارف حظى من أولها واختك كملت عليا .
فانفجر زين من الضحك قائلا …..للدرجاتى !
الله يهديكى يا زينب .
معلش بقا مش دى زينب اللى كنت بتموت فيها .
استحمل يا عم .
وخلى بالك احنا البضاعة المباعة عندنا لا ترد ولا تستبدل .
محمد بغيظ …يعنى ايه ؟
انا كده لبست فيها .
يا عينى عليك يا واد يا حمادة ، روحت اونطة .
زين …معلش كلنا لها ، وانا بنفسى دلوقتى وبكامل قوايا العقلية ، داخل القفص برجليا .
وكلمتك اهو عشان تيجى تشهد عليا .
أيقن محمد ما يرمى إليه فابتهج قائلا …ايه خلاص السنارة غمزت ، اه يا لئيم .
وكتب كتاب كده على طول ، ايه انت مش بتحب تضيع وقت .
يلا هنيالك يا هندسة ، بس على الله تطلع شبه اختك ، ساعتها هتمشى فى الشارع تكلم نفسك .
وقد أعذر من بعتر ههههه.
زين بضحك …دعواتك وانت كده على أخرك وربنا يستجيب .
محمد بغيظ ….كده يا هندسة وانا قولت أخليك محضر خير.
طيب بالله عليك لما نيجى كلم اختك ووصيها عليا .
ده انا غلباااااااان اووووى وربنا .
زين بضحك ….يا عينى ، ده انت حالتك صعبة اوى يا ضنايا .
متقلقش لما تشوفها بس هملصلها ودنها واخليها تسمع كلامك .
بس انت اتخوششن شوية مش كده واتقل يا ابنى .
محمد …اعمل ايه بحبها يا هندسة .
زين …ربنا يسعدكوا .
ويلا اسيبك بقا ومتتأخروش.
وما أن أغلق الخط قام محمد بالنداء على زينب قائلا ….يلا يا زوزو البسى عشان هنروح لأخوكى يملصلك ودانك ويربيكى من جديد .
………
وتجمع الأحباب فى عقد قران ست الستات (أنهار ) و( زين ) .
وعندما أتم المأذون العقد ، قام زين مسرعا ،ليتحضن حورية قلبه انهار على غفلة منها .
ليرتجف جسدها بين يديه وكأنها مازالت فى خضرها.
لتدمع عينيه هو فرحا أن أكرمه بتلك العفيفة بعد الصبر .
لترمق انهار ابنتها تقى ، وكأنها تستغيث بها .
لتضحك تقى مرددة ….خلاص بقا يا بنتى حبيبتى ، بقا جوزك ومن حقه وملزمة هههه.
لتبتعد عنه أنهار فى خجل ، بعد أن تلون وجهها بالحمرة..
فابتسم زين قائلا …مبروك عليا انتِ، يا أنهار الحب والهنا .
أنهار …الله يبارك فيك ، بس بلاش الحركات دى تانى قدام الولاد .
ثم تقدم منها سالم قائلا …حبيبتى يا ماما أنهار .
انا بحبك اوى ، وفرحان انك هتيجى تعيشى معانا فى البيت .
وهيكون ليا بابا وماما تانى انا وسليم .
فدمعت عين انهار وحملته بحب بيد وحملت سليم باليد الأخرى .
واحتضنتهم ورددت بحب …انا كمان بحبكم اوى يا حبايبى ، انت واخوك طريقى للجنة .
وهعوضكم وهكون أم بعد امكم .
نظر لها زين بشموخ وعزة ، بعد أن تأكد أنه احسن الاختيار .
ثم تبع ذلك خروج أنهار مع زين لشراء احتياجاتها وكانت تختار القليل وذو الثمن الزاهد حتى لا تثقل عليه .
ولكنه كان يعاندها ويختار الافضل والأغلى .
وكان كل ليلة يرسل لها رسائل الشوق على الواتس .
تعبيرا عن حبه واشتياقه لها وانتظار اللحظة الموعودة أن يكونا مع تحت سقفا واحد .
عيناك مرآة بالنسبة لي، أستطيع أن أرى روحي فيها، ويمكنني أن أجد فيهما الحب الذي لطالما بحثت عنه.
أنت مهمة في حياتي بأهمية نبض قلبي.
&&&&&
كما صممت أنهار رغم اعتراض زين أن تنظف شقته بنفسها وان لا يأتى بأحد للتنظيف .
واشترطت عليه أن لا أحد يدخل عليها أثناء التنظيف لكى تأخذ راحتها .
وبالفعل ذهبت واستقبلها زين بإشتياق وهم أن يضمها إليه ولكنها ابتعدت بخجل ..
فزفر زين …وبعدين بقا .
أنهار ..معلش نأجل شوية لغاية ما ادخل بيتك .
خلينى بس دلوقتى عشان أنا لسه بحاول استوعب انى بقيت زوجة من جديد .
وده محتاج تأهيل نفسى ، فمعلش سابنى شوية .
استشعر زين بقلقها ورهبتها فحدثها بإطمئنان …وانا عمرى ما هغصب عليكى حاجة أنتِ لسه معندكيش استعداد ليها .
وانا أهم شىء عندى انى اشوفك قدامى ومتغبيش عن عينى يا أنهار ، أما مصدقت لقيتك وبقيتى فى لحظة كل أحلامى .
فلمعت عين انهار وحاولت إخراج كلماتها ولكن غلبها الخجل واكتفت بابتسامة ، ثم ولجت داخل شقته .
ولكنها وجدته ورائها ، فوقفت أمامه معلنة الرفض مرددة ….انا قولت ايه يا زين !
انا عايزة أكون لوحدى لو سمحت واخد راحتى .
لكن كده وانت معايا ، مش هعرف أتحرك .
زين بمكر …متخافيش ، انا هقعد على جمب ومش هضايقك ولا هعمل اى صوت .
بس عشان لو احتجتينى ، أشيل حاجة تقيلة كده ولا كده .
ومش هتقدرى عليها لوحدك يا قمر أنتِ.
فصكت أنهار على أسنانها بغيظ …زين وبعدين معاك !
لو سمحت يلا انزل عند الحاجة ، عقبال ما اخلص شغلى.
ومتقلقش انا بعرف اظبط أمورى .
زين مرواغا لكى ينعم بصبحتها لبضعا من الوقت …متأكدة يعنى يا أنهارى .
فابتسمت أنهار بقولها …ايون ، وأتفضل يلا .
فهم زين أن يغادر وخطى خطواته بالفعل ، ولكنه تراجع وذهب مسرعا إليها ، ليخطف قبلة سريعا من إحدى وجنتيها ثم فر هاربا وهو يصيح ….انا مستنى فى اى لحظة تنادى عليا لو احتجتى حاجة ها .
ولكنه وجدها واقفة متخشبة تضع يدها مكان القبلة وقد اتسعت عيناها وفتحت فمها .
فى مشهد أصاب زين بالذهول فانفجر ضاحكا قائلا …لما امشى قبل ما تفوق ، الا تعمل فيا حاجة وانا غلبان .
وبالفعل غادر واغلق الباب ورائه .
لتستفيق انهار من شرودها ثم حدثت نفسها …لا وكتاب الله المجيد ، انا كده فى خطر .
كان مالى ومال الحب يا ناس .
ثم قبلت يدها ووضعتها على مكان قبلته ،واتنهدت بحرارة مرددة …ااااه من جمالك يا زين .
بجد انت دخلتنى فى عالم كنت نسيته من زمان .
ياه على فرحة قلبى .
حاسه انى بحلم .
ثم نظرت حولها ، لتجد الأتربة تعم جميع الأركان .
فقالت …يلا بسم الله .
نبتدى اول حلم ، انى أنصف بإيدى شقتى مع اغلى الرجال .
زين قلبى انا .
ثم أخذت تغنى وهى ترتب هنا وهنالك .
كان مالى ما كنت فى حالى متهنى بقلبى الخالى.
ثم أخذت تجول بعينيها يمينا ويسارا .
فوجدت غرفة مقفولة عن باقى الغرف مفتوحة .
فشدت انتباها ، فتقدمت منها بخطوات بطيئة وجسدها بدء فى الارتجاف.
ولسان حالها يردد …فيه ايه مالك ؟
مهى دى اكيد اوضة النوم ،وعادى تتقفل كده بعد المرحومة عن اى اوضة تانية .
ثم وصلت إلى مقبض الباب ، وظلت ممسكة به لعدة لحظات قبل أن تفتحه .
ثم فجأة شعرت بإنقباض فى روحها وتعالت نبضات قلبها .
فرددت …لا اله الا الله محمد رسول الله.
اعوذ بالله من الشيطان الرجيم.
ايه بس مالك يا أنهار ، ما أنتِ كان قلبك جامد .
ادخلى عادى فى ايه ؟
الست ميتة موتة طبيعية ، مفيش حاجة ، ربنا يرحمها هى وأبو تقى .
ثم إدارات المقبض ودلفت للداخل .
ومازال قلبها ينبض نبضات متسارعة .
واحدا تجوب بعينيها فى أنحاء الغرفة ورددت …حلوة ماشاءالله ، وذوقها عالى .
ولكنها تخشبت عندما وقع بصرها على تلك الصورة التى على الكمودينو بجانب الفراش .
صورة زين وزوجته منى مع طفلهم الاول سالم .
لتدمع عينيها قائلة بصراخ ….معقول .
انا كنت حاسه أنه فعلا حلم مش حقيقة .
مش معقول ألاقى فعلا حب فى سنى ده !
وفى الاخر أهو طلع مجرد وهم .
زين أتوهم أنه بيحبنى، عشان أن بس شكلها أو نسخة منها
هو حب مراته فى شكلى .
لكن أنهار ملهاش وجود فى حياته .
وده اللى عمرى مهرضاه لنفسى ،إنى أعيش عشان اكون صورة ليها وبس .
يستحيل اكون مجرد بديل ، انا غلطانة انى وفقت على المهزلة دى من الأول .
انا كنت عايشة مرتاحة لوحدى من زمان ،ونسيت يعنى ايه حب وجواز ، واكتفيت بنفسى وببنتى .
ثم حملت تلك الصورة بدون وعى ، واسرعت هاربة من تلك الشقة التى شعرت أن كل جزء بها يشعرها بالأختناق .
لتجده أمامه فى الدور الأول ، وكأنه كان ينتظر قدومها .
قابله هو بإبتسامة محب قائلا ….حبيبتى ، خلصتى .
انا كنت طالع أطمن عليكى .
لتهدر أنهار فى وجهه …انا مش حبيبتك .
انت كداب .
لتسقط عليه كلمتها كالصاعقة فردد….أنهار ، أنتِ بتقولى ايه ؟
وازاى اصلا تقولى كده !
حصل ايه ؟
فوضعت انهار صورته مع زوجته فى يده قائلة بحزن والدموع قد امتلئت وجهها …انا مش منى يا زين .
انا أنهار .
انت حبيت شكل منى فيا بس .
لكن محبتنيش انا.
وللأسف انا مش هقدر أتقبل ده .
فلو سمحت كل واحد يروح لحاله .
انا مش هقدر أكمل معاك .
طلقنى يا زين !!
زين ….؟؟؟؟؟
…….
إنها لحقاً فاجعة لتلك القلوب العاشقة .
فماذا سيحدث.
عايزة توقعاتكم يا قمرات
وان شاء الله الحلقة القادمة هتكون الأخيرة .
نختم بدعاء جميل.
اللهم يسر لنا كل عسير وفرج همي وكل مهموم واجبر خواطرنا وأسعد كل من دخل وحوقل
رواية جانا الهوى للكاتبة الشيماء محمد الفصل الثالث عشر
