الندم لا يصلح الأخطاء بل ينهش الأرواح حتى تعود نظيفة كما كانت.
______________________
(الفصل السادس)
بعد ما خلصنا كلام دخلت نمت و نور مجاتليش انهاردة واضح أني قربت فاضل كام خطوة بس
تاني يوم نزلت عشان اروح لمدام عبير لقيت الحاج محمود بواب العمارة بيتكلم مع واحد عايز يأجر شقة باين
بعد ما الراجل مشي
_أزيك يا حاج محمود
_نحمد ربنا يا أنسة مروى
_بقولك يا حاج أنت كنت موجود من 3 سنين في العمارة صح؟
_يوووة دة أنا شغال فيها بجالي سنييين
_طب تعرف عم عبدالله يعني كويس
_ااة طبعاً راجل محترم
_ممم طب كان فين يوم ما نور أتقتلت
_ااا والله يا أنسة أنا معرفش حاجة
_هو أنا من المباحث يا عم محمود أنا بسأل عشان نور بتظهرلي و بتقول إنها هتقتل كل واحد يعرف معلومة صغيرة و مخبيها فأنا عايزة أحمي كل الي في العمارة
_اااا أنا والله يا أنسة ما أعرف حاجة هى هتجتلني لية!!!
الحاج محمود راجل طيب فأضطريت أقولة كدة يمكن أطلع منه بمعلومة
_عشان تعرف حاجة و ساكت و أنا بسألك أهوة عم عبدالله كان فين
_هجولك عم عبدالله في اليوم دة مكنش موجود بس جية خمس دقايق و مشي
_طب مش فاكر الخمس دقايق دول كانوا أمتي
_لا يا ست هانم بس هو مشي بعد ما عرفت إن الانسة نور أتجتلت
_طب تعرف تقى
_خطيبة أستاذ خالد ااة طبعا دة في نفس اليوم أنا الي قولت لأستاذ خالد إنها فوج
_ممممم طب ينفع تقولي المرات الي شوفتها فيها
_هي كانت بتيجي للست نعمة ساعات و مرة شوفتها واقفة مع الاستاذ عبدالله و ساعات وا…..
_استني واقفة مع عم عبدالله
_ااة
_متعرفش كانوا بيقولوا أية
_أصراحة يا ست هانم هي كانت بتسأله عن الست نور
_و بعدين
_دة الي فهمتة والله و عم عبدالله قالها إنها محتاجة تتربي باين حاجة زيي كدة
_ماشي أخر حاجة يا حاج محمود ملاحظتش أي حاجة غريبة في عم عبدالله اليوم دة
_لا والله ياست هانم الراجل كان طبيعي و مكنش فية أي حاجة تخليني أشك فيه
_تسلم يا حاج ياريت الكلام دة يفضل بينا
_أنتِ تؤمري
خالها عايز ينتقم شكله ممكن يكون قتلها فعلاً !!!!
_أزيك يا أنسة مروى
_الحمدلله طنط موجودة
_ااة دية مستنياكي من بدري
أول ما دخلت لقيت مدام عبير قاعدة و عنيها مليانة دموع و مرهقة
_أنتِ كويسة يا طنط
_اة الحمدلله يا حبيبتي، هتسمعيني؟
_أنا جاية عشان أسمعك أصلاً
_على بركة الله يا بنتي، نور كانت زيي بنتي و من أول ما جت العمارة و هي علطول بتجيلي أو أنا أروحلها لغايت ما في يوم لقيتها بتخبط عليا و كانت بتعيط
فلاش باك
_نور مالك يا حبيبتي و وشك مورم كدة لية مااالك
_بيضربني يا طنط بيضربني
_عبدالله بيضربك!!!أزاي و سكتيله كنتي لمي علية العمارة
_دة خالي مهماً كان
_لا برضوة ميمدش أيدة عليكي و بعدين هو ضربك لية اصلاً
_هااة اااا أصل معملتلوش الاكل
_أكل !!نور أنتِ مخبية حاجة صح قولي يا نور لأن خالك طلاما ضربك مرة يبقة هيضربك مرة و أتنين و لازم أوقفة
_ااا انا …
_في اية
_ضربني عشان سألتة عن صورة لقيتها
_صورة !!!دية فيها مين دية
_فيها حبيبتة القديمة و مرات بابا التانية
_هو ابوكي كان متجوز !!!
_اة بس مكناش نعرف أنا عرفت بالصدفة و لغايت أنهاردة محدش يعرف أنه كان متجوز غيري أنا و خالي
_فهميني يا بنتي هو خالك بيحب مرات ابوكي يعني ولا هي الي خانتة أنا مش فاهمة
_خالي كان بيحب واحدة و خدها و قابل بابا عشان يعني يتوسطله عند جدو و تيتة عشان يوافقوا الست دية بقة لقت بابا معاة فلوس و أغني من خالي فسابتة و أتجوزت بابا
_و أبوكي وافق أزاي؟
_معرفش بس خالي من ساعتها و هو مش طايقنا حتي بعد ما ماتوا قلبة قسي عليا و بقة علطول يعاملني كأني خدامة و بيضربني
_وأنتِ أزاي ساكتة
_حاسة إن هو الي بوظ فرامل العربية بتاعت بابا فعايزة دليل يثبت دة بس مش عارفة
______________________
_كانت بتستحمل الضرب و الإهانة عشان تلاقي دليل يثبت أنه خالها لغايت ما جية خالد و لقيت نور أتغيرت بقة مبسوطة دايماً كأنها كانت في دنيا تانية مليانة حزن و هم و هو جابها أرض السعادة، خالد كان شاب محترم و كويس و أنا كنت ساكتة عشان قال أنه هيخطبها لغايت ما عرفت أنه خاطب و أتخانقوا و رجعوا يتصالحوا و فضلوا على الحال دة لغايت ما ماااتتتت مااتتت و سابتني
_أستهدي بالله يا طنط
_ونعمة بالله في اليوم دة نور جاتلي و قالتلي حاسة إن فية حاجة هتحصل كانت حاسة، كنت نايمة و لقيت بنتي بتصحيني بتقولي الحقي نور و إنها سمعت صوت واحدة بتتخانق مع نور و بعديها سمعت خالد بيزعق و طلع يجري قومت و معرفش أية الي خلاني أبص من عين الباب لقيت شاب خارج من الشقة و فية واحدة زقتة بأيديها خرجت بسرعة و أول ما دخلت لقيت نور واقعة على الأرض و أيديها متقطعة
_طب و تقى
_وقتها مكنتش أعرف أنها تقى خطيبة خالد بس لقيتها قاعدة و أول ما شافتني وقعت بضهرها أغم عليها يعني
_طب تعرفي توصفيلي الشاب يا طنط
_أنا شوفتة قبل كدة في العمارة بس معرفش هو أبن مين ولا بيعمل أية بس أنا شوفتة مرتين مرة كان نازل على السلم و مرة لما كان بيخرج من الشقة أنا يابنتي كبيرة في السن يعني مبقدرش أخرج بناتي الي شايلين البيت
_ربنا يخليهوملك طب طلاما تقى زقت الشاب دة بأيديها يعني متفقة معاة تقى قالتلي إن خالد هو اللي قتلها بس مجابتليش سيرة الشاب التاني
_خالد ميعملش كدة قبليها بيومين جالي و قال أنه هيسيب خطيبتة و يخطب نور كان بيحبها والله شوفت الحب في عينية و الي فهمتة أنه خطب تقى عشان مركزها مش أكتر إنها من عيلة محترمة و بس إنما مكنش بيحبها
_ماشي طب كملي الوصف كدة
_هو كان طويل و شعرة أسود و عينة كانت بتلمع كدة أنا نظري مش أوي بس دة الي لاحظتة
_شكراً جدا يا مدام عبير و لو عرفت حاجة هكلمك
_ربنا يكرمك يا بنتي
خرجت من عندها و أنا خايفة من الى جاى كل حاجة بتتلخبط قدامي كأن مفيش حد عايزني أعرف مين الى قتل نور
تقى ولا خالد ولا عم عبدالله ولا حد تاني عرف أزاى يمحي أى أثر لوجوده حد قريب و عارف كل خطوة أنا بعملها
