الفضول بداخل كل واحد فينا بس لما يوصل الفضول لدرجه الموت ساعتها لازم نتراجع أنا مريم عندي 27 سنه دلوقتي .
بكلمكم من المصحه للامراض النفسيه والعقليه ….
اكيد اول حاجه جات في بالكم اني مجنونه …!
لكن لما تعرفوا حكايتي هتعرفوا اني صادقه ومش مجنونه ..
فلاش باك :
اول يوم ليا في كليه الطب
حضرت اول يوم وفهمت نظام الكليه واتعرفت على ناس جديده كتير ويوم ورا يوم والدنيا تمام
لحد مابدأنا ننزل عملي في المشرحه
اول مااقف قدام اي جثه بفقد الوعي على طول كل مره على كدا لحد اخر السنه معرفتش اعمل حاجه في الجثه
ولاقتني سقطت في الماده دي في النتيجه بسبب اني مش قادره اشرح جثه …..!
المهم أنا قررت اروح لحد اعرفه شغال في مشرحه مستشفى الجامعه اسمه عم حمدي
واديتله 200 جنيه عشان يدخلني المشرحه كل يوم من الساعه 12 ل الساعه 2 يكون الدنيا هاديه ومفيش حد في المستشفى غيره
دخلني الاوضه وطلعلي جثه قالي أنها جثه مجهوله ومحدش يعرف عنها أي معلومه أتعلمي فيها محدش هياخد باله وقالي الساعه 2 بالظبط تكوني خرجتي ومشي وسابني
طلعت ادواتي من الشنطه وحاولت اشرح الجثه ولكن ماقدرتش قعدت اهدي في نفسي لحد ماقدرت افتح بطنه وأشوف اللي فيها كان ريحته وحشه جدا ياتري مات ازاي ؟
لازم اعرف وانا بشرحه هو اي سبب موته ..
لاقيت بطنه فيها عمق 7 سم واضح انها كانت سكينه اخترقت أعضاءه ونزف لحد مااتوفى …
بصيت في الساعه لاقيتها 2ونص …
عدى الوقت بسرعه ومحستش كدا عم حمدي هيزعق معايا وانا اتأخرت بردوا لازم اروح السكن بسرعه …
نزلت وشكرته واديته ال200 جنيه اللي اتفقنا عليهم وقولتله هاجي كل يوم ومشيت
وصلت السكن ولاقيت البنات كلها نايمه ماعدا واحده صحبتي اسمها فرح …
فرح : انتي كنتي فين يامريم الساعه داخله على 3 الفجر ….؟
مريم مفيش كنت بشتري شوية حاجات واتأخرت
وانا فعلا اشتريت فستان جديد عشان كنت متوقعه أن هلاقي حد صاحي وانا مش عاوزه اعرف حد أن بروح مستشفى الجامعه لوحدي بليل لو حد عرف هتحبس فيها …..!
غيرت هدومي وقعدت افتكر شكل الراجل كان عامل ازاي ..
شئ مرعب جدا وريحة المشرحه ارعب ….
المهم نمت وصحيت الصبح لاقيتهم كلهم نزلوا وان الساعه بقت 10 الصبح ضاع عليا اول محاضره استغربت ازاي مصحونيش …!
جهزت بسرعه ونزلت اجري ….
وصلت الجامعه ودخلت اعتذرت من الدكتوره وحضرت العملي وقدرت اشرح جزء من جثه وقولت سبب موته استغربه كلهم ازاي قدرتي وانتي عايده السنه على الماده دي!
ضحكت في سري وقولت ماهو انتو متعرفوش اني قعدت ساعتين ونص امبارح بليل اشرح في الجثه هنا …
المهم خلصت وروحت عشان ازاكر شويه واعمل الغداء أنا والبنات وناكل مع بعض ….
فضلت ازاكر لحد مانمت ونسيت خالص أن هروح الساعه 12 المشرحه
نزلت بسرعه كانت الساعه 12ونص كدا وصلت المستشفي
لاقيت عم حمدي قاعد مستنيني ….
أتاخرتي لي يأنسه مريم …!
مريم معلش يعم مش هتأخر ساعه واحده وهخرج على طول …
بس الغريبه أنه سابني ادخل لوحدي المستشفي موصلنيش لحد الاوضه ومخترش الجثه زي امبارح بس كل دا مش مهم….
المهم أن اقدر اشرح جثه كامله عشان اعدي من الماده دي على خير مش كل سنه هسقط فيها
وانا في الطرقه قابلت واحده ست شكلها في أواخر التلاتينات كدا ….!
بس اتخضيت ازاي في حد في المستشفى لحد دلوقتي المفروض أن كل الدكاتره بتكون آخرها 10 بليل ..!
الدكتوره : اي اللي جابك هنا في وقت زي دا…!
مريم : بتوتر وخوف ….
حكيتلها اللي بعمله وان سقطت السنه اللي فاتت ولازم انجح السنه دي في الماده
الدكتوره هساعدك بس بشرط ….
مريم اي هو …؟
الدكتوره متعرفيش حد انك شوفتيني هنا هقابلك كل يوم الوقت دا وهشرحلك ازاي تشرحي مظبوط وتعرفي سبب الوفاه ومات من أمتي وهكذا….!
مريم اتفقنا معنديش مشكله المهم انجح واعدي من الماده ….
الدكتوره بدأت تفهمني وتشرحلي ازاي اشرح كل جزء في الميت ….
وطلعتلي جثه اشرحها لوحدي من غير ماتساعدني فيها لكن بردوا بغلط شويه وشويه بقول صح …
الدكتوره كفايا عليكي كدا النهارده احنا بكرا هنكمل ….
لميت حاجتي ونزلنا ولكن قالتلي روحي انتي أنا لسه عندي شغل ومشيت وسابتني …..
نزلت لعم حمدي اشوفوا وأعرفه اني خلصت واسأله ازاي الدكتوره قاعده لحد دلوقتي وازاي مقولتليش …؟
عم حمدي دكتوره مين …؟
قولتله معرفش اسمها خش شوفها ….
حمدي ماشي روحي انتي السكن وانا هروح اشوفها ….
ومشيت وانا مستغربه هي بتعمل اي لحد دلوقتي هناك …
وانا ف الطريق حسيت أن في حد ماشي ورايا كل ما
ابص اشوف مين ملاقيش حد ……
قولت يمكن عشان أنا كنت في المشرحه والجثث وكدا بيتهيألي حاجات وصلت السكن بأمان بس لاقيتهم كلهم نايمين قولت الحمدلله عشان محدش يسألني كنت فين ….
دخلت عشان انام سريري بيطل على شباك في الشارع لاقيت حد واقف وبيبص علي اوضتي ومركز معايا اوي …!
اي دا مين اللي هيقف في الوقت دا المفروض كل الطلاب نايمه دلوقتي..
بس واقف اكنه تمثال كدا مش بيعمل اي حاجه ولا بيتحرك هو بس واقف بيبص عليا ..
حاولت اشوف ملامح وشه معرفتش عشان الدنيا ليل وضلمه
وبعدين لاقيت الباب بيخبط …؟
اي دا مين هيخبط علينا دلوقتي كل البنات موجوده ونايمين ..!
قربت للباب عشان اقول مين قبل ماافتح ..؟
مفيش حد بيرد….
والباب مازال بيخبط …؟
اترعبت وقولت مين اللي بيخبط علينا في وقت زي دا…؟
روحت اصحي حد من البنات محدش بيرد كلهم نايمين زي مايكونوا مقتولين …!
فقررت افتح اشوف مين وازعق ليه ازاي يخبط علينا …
بس اي دا…؟
دا مفيش حد طلعت ابص فوق وتحت على السلم مفيش اثر لاي حد كان موجود…!
معقول كان بيتهيألي ولا اي …؟
الساعه دلوقتي بقت 3ونص الفجر يدوبك اروح انام حاجه بسيطه عشان اقدر اروح الكليه بكرا …..
بس في حاجه غريبه عدي ساعه والراجل اللي واقف دا متحركش من مكانه ..؟
غريبه ….!
الاحسن أن انام ومفكرش في اي حاجه ….
صحيت الصبح الساعه10 وروحت كليتي فطرت مع اصحابي….
وخلصت محاضراتي على خير وقعدت في المكتبه شويه اقرأ كتب عن ماده التشريح يمكن تفيدني بأي حاجه ….
خلصت وقابلت فرح اللي معايا في السكن
فرح: اي يبنتي محدش شافك امبارح يعني ..؟
مريم: يعني اي محدش شافني امبارح…؟
احنا مش كنا قاعدين مع بعض لحد بليل ..؟
وانا نزلت شويه وجيت تاني..؟
فرح :انتي خرجتي ومرجعتيش تاني لحد النهارده الصبح
واحنا منعرفش عنك حاجه ….!
مريم : نعم ..! أنا بقيت في ذهول اومال أنا كنت فين أما أنا مكنتش في السكن ….!
اكيد في حاجه غلط ….!
ياما انتي بتهزري معايا صح او بتعملي مقلب مفكراني هخاف بقي وكدا….!
فرح :يبنتي والله مرجعتيش وكلنا قلقنا عليكي طب حتى روحي اسألي باقي البنات …..
جريت زي المجنونه اسألهم على اللي فرح بتقولوا قالولي ايوه انتي مكنتيش موجوده ….
فقدت الوعي ولاقيتهم بيفوقوني من الصدمه اللي انا فيها ازاي يعني الكلام دا …!
دا لو طفل في حضانه مش هيصدق الكلام دا …
خدت نفسي ورجعت السكن اشوف اي الوضع هناك ….
لما وصلت لاقيت الدنيا هاديه عادي ومفيش حاجه وحاجتي موجوده دا معاناه اني رجعت امبارح ….
ماشي يافرح بتعملوا فيا مقلب ..!
هردهالكم بس اصبروا …
نزلت اشتري طلبات علشان اطبخ وكدا واقعد ازاكر شويه بم اني رجعت السكن مكسله اروح تاني للكليه …
واحضر نفسي للمشرحه بليل….
وانا راجعه ببص على الشارع اللي بيطلع عليه شباك اوضتي بس اي دا ….؟
الراجل اللي كان واقف بليل مش موجود ..؟
يعني مطلعش تمثال زي ماكنت مفكره ..!
اي يخلي شخص يقف لحد قبل مانام يمكن ساعه او اتنين بنفس الشكل والوضع اكنه تمثال…!
اطلع اشوف اللي ورايا احسن ..
طلعت لاقيت البنات كلها رجعت ….
في بالي دا انا هبهدلكم بس اصبروا …
ازيكم يابنات اتأخرتم يعني…؟
ردت سهيله أتأخرنا اي يبنتي ..!
احنا مروحناش في حته النهارده فرح كانت تعبانه وقعدنا كسلنا نروح ….
مريم :نعم ..؟
انتو عاوزين تجننوني ولا اي؟
ردت سهيله يبنتي والله منزلناش في حته انتي اللي بقالك يوم مجتيش وبنرن عليكي مش بتردي …
بقيت في ذهول تام ….
هو اي اللي بيحصل دا هو انا بتحرك وانا نايمه ولا بيتهيألي..؟
شكلي بحلم باين …
أنا هنام شويه يمكن افوق الاقي الدنيا زي ماهي عادي …
دخلت نمت وظبت المنبه على 12 بليل عشان اصحي اروح للمشرحه ….
صحيت ولبست ونزلت بس في حاجه غريبه …؟
الراجل واقف نفس الوقفه ..!
بتاعت امبارح …؟
قربت منه وشه مخيف مشوهه وريحته شبه ريحه الجثث…!
طلعت اجري على المشرحه بسرعه ….
وصلت لاقيت عم حمدي والدكتوره ازيك يعم حمدي…
رد قال الحمدلله يا انسه مفتاح الأوضه اهو في جثه جات امبارح اشتغلي فيها….
قولتله ماشي وسلمت على الدكتوره ازيك ..؟
ردت قالت تمام وانتي يمريم ..؟
قولتلها تمام وصلنا للمشرحه
وطلعت الجثه اللي قال عليها عم حمدي …..
اي دا …؟
دا نفس الراجل اللي شوفته واقف قدام السكن عندي …!
رجعت لورا وجسمي اترعش ومكنتش قادره اقف على رجلي.!
الدكتوره مالك يمريم ..؟
مكنتش قادره انطق ولا اتحرك …..
فضلت اكتر من نص ساعه بالوضع دا ….
وكأني بقيت في عالم تاني مش حاسه باي حاجه ….
فجأه عم حمدي فتح الباب وبدأت أفوق وقعد يهديني وجابلي كوباية عصير وهديت …
معلش تعابتك معايا …
رد قالي لا مفيش حاجه روحي احسن بم انك تعبانه مش لازم النهارده واعتقد انك اتحسنتي شويه يعني ….
طيب ماشي اعتذر للدكتوره جبتها على الفاضي وفى الاخر مش هقدر اشتغل النهارده ….
صمت ……
حمدي بذهول كدا…؟
اه طيب ماشي ….
ومشيت طول الطريق افكر ازاي الراجل جثه وفي المشرحه.؟
وواقف قدام السكن عندي عاوز مني اي …؟
واشمعنا مركز معايا أنا …؟
معقول بيتهيألي ….؟
طب دي روحه ولا اي ..!
اي حالة الرعب اللي الواحد فيها دي .؟
لازم بكرا ارجع المشرحه اشوف في اي
روحت السكن لاقيته مازال واقف ومش بيتحرك بردوا
قررت اطلع عشان انام ومركزش معاه
بس لاقيت البنات صاحيه …!
اي يبنتي بتروحي فين وبتيجي منين دا احنا كنا هنبلغ انك اتخطفي ولا حصلك حاجه …!
مريم هو في اي مالكم ..!
أنا معاكم كل يوم …؟
ماهو أنا اللي مجنونه يأنتم اللي اتجننتوا …!
دخلت اوضتي افكر واحاول افهم اي الي بيحصل …؟
الموضوع دا حصل من اول ماظهر الراجل دا …؟
أنا دماغي هتفرقع من التفكير ..
ياترى عاوز اي مني …؟
واي اللي بيحصل أنا مش فاهماه ….؟
ببص عليه من الشباك ملقتوش موجود اختفى …!
اي دا ازاي …!
نزلت اشوف الراجل دا راح فين والدنيا ساكته خالص ومفيش حد ماشي في الشارع كانت الساعه 1 بليل …
دورت عليه في كل مكان مش موجود …؟
ببص على شباك اوضتي فوق لاقيته واقف في اوضتي وبيبصلي ..!
اترعبت جدا ومكنتش قادره اقف على رجلي
اي اللي بيحصل دا غير منطقي ابدا
وقفت في مكاني مش قادره اتحرك بعد ماعدى حوالي عشر دقايق اتحركت وطلعت اجري على السكن عشان اشوف ازاي دخل اوضتي والبنات هناك ازاي مشوفهوش …..؟
فتحت ودخلت لاقيت البنات صاحيين بس اي داا؟
دول مش شايفني ولا سمعني
يا سهيله اسمعيني … طب انتي شايفاني في اي مالكوا..؟
وانتي كمان يافرح ورغد وساره هما الاربعه محدش سامعني ولا شايفني
جريت على اوضتى دخلت ملقتش الراجل ..!
بس اي دا الشباك شكله متغير وفين الشارع ..!
بقفل الشباك لاقيت ايدي بتدخل لجوا الشباك ازاي دا..!
دخلت في الشباك فجاه والسكن اختفى وبقيت في طريق مفهوش نور خالص طريق يخوف…
ريحته بشعه جدا وفي اصوات غير مفهومه
شوفت ظل لأشخاص على الحيطان بيتحركوا بس مش باينين
في عظام كتير اوي لجثث مرميه بطول الطريق وأصوات زي الشياطين بتصوت وبتخبط جامد
فضلت ماشيه لحد مالاقيت الراجل واقف بس مديني ضهره
قولتله أنت عاوز مني اي ..!
وانت ميت ولا حي
بصلي وقالي مالك خايفه مني ولا اي؟
قولتله أنا معرفكش عشان اخاف منك وانا من جوايا ميته من الرعب …
لف وشه وبصلي شكل وشه مشوهه زي مايكون حد قتله بسكينه في وشه ومخططله خريطه في وشه شكله مريب جدا وريحته لا تطاق ..
وقالي متشرحيش جثتي أنا اتعذبت وانا عايش مش ناقصك انتي كمان لو قربتيلي مش هتعيشي باقي حياتك
وبعدين فوقت على صوت المنبه الساعه 9 الصبح عشان انزل الكليه
معقول كنت بحلم ؟
يارب اكون فعلا كنت بحلم
طلعت لاقيت البنات مجهزه فطار وقعدنا فطرنا سوا والدنيا حلوه ولا حد سأل على اي حاجه ولا أنا كمان سألت
نزلت على الكليه قضيت يوم زي اي يوم
وبتقدم كويس في تدريب العملي بتاع ماده المشرحه والدكاتره مبسوطه مني وتقريبا بقيت اشطر واحده في كل الطلاب ….
خلصت وروحت لعم حمدي قولتله أنا هجيلك بليل بس نخليها علي 10 بلاش بعد نص الليل وجهزلي نفس الجثه بتاعت امبارح وقالي ماشي
وروحت للسكن واليوم كان ماشي كويس ومشوفتش الراجل والبنات معايا حاسين بوجودي وكلنا ولعبنا شويه والدنيا تمام لحد ماكل واحده دخلت اوضتها تزاكر واللي هتنام وهكذا..
دخلت اوضتي أنا كمان زاكرت شويه لحد ماجه الميعاد جهزت ونزلت وانا بتسحب عشان محدش منهم يسمع حاجه وبصيت قبل ماروح عشان اتأكد أنه مش واقف وامشي براحه واطمئنان …
وصلت المشرحه وسلمت على عم حمدي دخلت بس ملقتش الدكتوره في الطرقه مشيت عادي لحد ما وصلت للاوضه ودخلت ولاقيت الجثه اللي طلبتها جاهزه بس اي دا الدكتوره بتعمل اي هنا …!
ازيك يدكتوره عامله اي …!معرفش انك هنا عم حمدي مقاليش ..
ردت وقالتلي أنا كويسه ي مريم انتي عامله اي وهكذا ..
بدأت اطلع ادوأتي وكل مااجي احط المشرط في الجثه متدخلش ..!
حاولت كذا مره معرفتش
هديت وقولت يانا يانت ولازم هشرحك فجأه لاقيت النور أطفي في المشرحه قولت النور قطع طلعت من الأوضه لاقيت في نور رجعت تاني عشان اشوف في اي لاقيته رجع تاني قولت يمكن صدفه …
جربت تاني والمشرط دخل فعلا وبدأت أشرحه بس اي دا في صوت غليظ اوي بيطلع منه مش فاهماه وجثه بدأ يظهر عليها علامات كفوف ايد زرقه كتير وشكلها يخوف
الرعب بيزيد في قلبي جدا لدرجه حسيت أن هيجيلي سكته قلبيه بس فضلت مجمده قلبي ظاهريه لحد ماخلصت وقدرت اشرحه وافهم اي سبب الوفاه …
مقتول بعمق 9 سم في الجانب اليمين من البطن وبعمق 5 سم في الرقبه ووشه مشوه بالسكينه …
الدكتوره قالتلي برافوا بقينا في تحسن جامد هتكوني من اشطر دكاتره الجراحه …
حسيت بحراره جايه من ورايا ببص لاقيت الجثه قامت فاقت ومسكتني وقعد يتكلم بصوت غليظ اوي ومرعب أنا مش قولتلك متشرحنيش وحاول يخنقني وكنت خلاص بموت بس صوتي والحركه اللي حصلت لاقيت عم حمدي جه وقالي مالك اي الصويت دا ..؟
لسه هتكلم واقوله لاقيت الجثه في مكانها ولا اكنها اتحركت
بصتله ومردتش وقولتله أنا همشي ومش هاجي هنا تاني كفايا عليا لحد كدا اشكرلي الدكتوره جدا
واديته الفلوس وطلعت اجري على السكن وقررت انقل من السكن اروح اي مكان تاني بعيد عن الكليه والمشرحه …
وفعلا نقلت حاجتي وروحت مكان جديد مع ناس جديده ونزلت كليتي واجتهدت جامد
وبقي كلوا يسألني انتي بقيتي كدا أزاي ..؟
حكيتلهم اللي حصل وان دكتوره عفاف هي اللي كانت بتدربني…
في يوم قررت أروح اسال على الدكتوره في الجامعه
روحت للدكاتره بتوعي اسألهم ..؟
تعرفوا الاقي فين دكتوره عفاف الشيخ ..؟
محدش قدر يفدني بحاجه قررت اروح لدكتور كبير في السن شويه ويعتبر معيد الكليه ….
سألته قالي دكتوره عفاف الشيخ ..؟
قولتله ايوه حصل كذا كذا
قالي الدكتوره ميته من زمان ازاي الكلام دا؟
وهنا كانت الصدمه ..؟
محدش صدقني أن هي قابلتني في المشرحه وهي اللي دربتني طلعت جري على المشرحه ملقتهاش …!
دورت في كل مكان وسألت كل الدكاتره محدش يعرفها اصلا
افتكرت كل اللي حصل بينا من اول مره شكلها مخيف لابسه فستان عليه بقع دم وشعرها منكوش كدا ووشها ابيض جدا أكنه مفهوش اوعيه دمويه زي الجثث بالظبط …!
وكمان عم حمدي واحنا داخلين كان بيكلمني أنا مكنش بيلاحظ وجودها ولا قالها ازيك يا دكتوره ولا مره …!
وكانت بتظهر وتختفي فجأه أمرها كان مريب ومرعب ..! ازاي كنت مغفله ومخدتش بالي من الحاجات دي ..!
نسيت كمان الاتفاق اللي مابينا أنها هتشرحلي وتفهمني الدنيا في المقابل معرفش ولا اقول لأي حد اني بشوفها …!
اغم عليا وفضلت في المستشفي في غيبوبه لمده 8 ساعات فوقت ملقتش حد خالص كله مشي وروح بيته قومت امشي لاقيت الدكتوره في المشرحه قالتلي أنا مش قولتلك متعرفيش حد انك بتشوفيني ..!
بشر من عنيها خلفتي الوعد اللي مابينا ..
طلعت اجري لكن الباب مفتحش شكلي اتحبست هنا معاها .! حاولت أهرب بكل الطرق معرفتش وسمعت كل اصوات الجثث وهي بتخبط علي باب تلاجه المشرحه من جوا وصويت جامد كبار وأطفال والنور بيقطع ويجي
كل الجثث بقت بتتحرك وعاوزه تقتلني فضلت اصوت واصرخ ولكن محدش سامعني
فضلوا يخنقوا فيا ويخبطوا جامد بأيديهم الأتنين في كل حته في المشرحه وانا قلبي هيقف من الرعب والمنظر
اغم عليا ودخلت في غيبوبه تاني والحمدلله أن حصلي كدا ..
قعدت عشر ايام في الغيبوبه طول الغيوبه اشوف الجثث ومنظر المشرحه واتألم واما فوقت وجيت احكيلهم اللي حصل اتهموني بالجنون وان الدكتوره ماتت من اكتر من عشر سنين ومفيش حاجه في المشرحه وان كل دي أوهام وان مجنونه وحتى راجعنا الكاميرات ملقناش حاجه من اللي قولتي عليها.!
من صدمتي قومت من مكاني وروحت انتحر من الشباك لكنهم مسكوني ومنعوني ..
جه دكتوره نفسي وأمر بنقلي للخانكه يعني مستشفي المجانين ومحدش يعرف عن اي حاجه ولا معاناتي اليوميه ولا الحاجات اللي شوفتها ومازلت بشوفها
دلوقتي محبوسه في مكان محدش يعرف عني حاجه بقيت في عالم اخر….
اللي بيقرأ حكايتي أنا شايفاكم وسمعاكم من مكاني ياريت تصدقوني …
تمت.
